Маријана Димова, мајка на Александар (14) од Сенокос, Прилеп, кој беше свирепо убиен со десет убоди од нож на 29-ти февруари годинава, веќе четири дена е хоспитализирана во прилепската болница, откако по траумата која ја доживеа, здравјето нагло и се влошило. За „Фокус” вели дека не може да се помири со загубата на син ѝ и психички сосема паднала.

https://republika.mk/vesti/crna-hronika/go-zhalev-ubietsot-na-sin-mi-oti-beshe-bez-tatko-toj-site-ne-zatsrni-veli-majkata-na-14-godishniot-aleksandar-ubien-vo-prilep/

Животот на сите дома ни се уништи од корен. Немав повеќе сили да издржам, потклекнав и завршив во болница во саботата. Дома остана сопругот со трите малолетни деца, не знаеме како ќе продолжиме напред. Јас бев единствената од семејството која оди на работа, вработена сум во фабрика во близина на Прилеп, и немам сили да се вратам на работа по она кое ни се случи. Се задолживме за да го погребаме Александар, дојдовме до ситуација да молиме за донации за да ги вратиме долговите, но и за да му подигнеме надгробна плоча каква што заслужува. Сето ова е како еден лош сон од кој не можеме да се разбудиме, вели Маријана.

Хуманите граѓани кои сакаат да помогнат за да ги вратат долговите, но и да му подигнат надгробен споменик на убиениот син, можат да донираат на следната сметка:

Маријана Димова, 240 287107700235, Уни Банка.

The post Хоспитализирана мајката на убиениот тинејџер од Прилеп, семејството влезе во долг за да го плати погребот appeared first on Република.

Не можеме да се совземеме од трагедијата која ни се случи. Нашиот син Александар повеќе го нема, и постојано се прашуваме дали ова можеше да се спречи. Нели знаела мајката на убиецот дека тој има ножеви, дека е проблематичен, нели знаеле нешто од Центарот за социјална работа од Прилеп, кога и на училиште се однесувал проблематично? прашува Маријана Димова од Сенокос, Прилеп, мајка на убиениот 14-годишен Александар, избоден од другар во зграда во Прилеп.

https://republika.mk/vesti/crna-hronika/momcheto-bilo-izbodeno-vo-zgradata-uspealo-da-izbega-samo-100-metri/

Животот на нејзиниот син згасна на 29-ти февруари, околу 19.30 часот. Беше усмртен со десет убоди од нож, а осомничениот 16-годишник, веќе е во 30-дневен притвор, определен од судија за деца, а по барање на прилепското обвинителство.

Маријана вели дека момчето осомничено за убиството на Александар го знаела од видување, бидејќи живеат во исто место, а во минатото повремено се дружел и со нејзиниот син. Раскажува дека таткото на осомничениот починал пред околу 12 години, бил убиен од човек од селото, и таа дури кога го гледала како мало момче, го сожалувала.

Целата сторија на „Фокус“

https://www.youtube.com/watch?v=cJVpmurCZRk

The post „Го жалев убиецот на син ми, оти беше без татко, тој сите нè зацрни!“ вели мајката на 14-годишниот Александар убиен во Прилеп appeared first on Република.