Александар Бичиклиски од ВМРО-ДПМНЕ со отворено писмо до претседателот на ГРОМ Стевчо Јакимовски. Повод за обраќањето на Бичиклиски е „подадената рака“ од Јакимовски, кој по потпишувањето на франкускиот договор повика опозицијата да ги закопа секирите и обединета да му даде желба за живот на македонскиот народ. Но, понатамошните настапи на Јаким овски говорат спротивно.

Господине Јакимовски, ако сте киднапирани трепнете ...
Да бидам искрен, очекував поинаков одговор и наратив од господинот Стевчо Јакимовски. Очекував искрено дека ќе подаде рака, дека суетата ќе ја остави зад себе, дека ќе ја критикува власта, дека ќе даде иницијативи и предлози како тоа да се направи и слично.... Но за жал можам слободно да констатирам дека овој сегашниот Јакимовски е бледа сенка на оној Јакимовски, кој што го паметев како извонредно храбар и решителен човек, човек од акција, изграден карактер со свои ставови ....
Трансформацијата делува страшно и очајно. Денес сме сведоци на оркестрирани договорени тв настапи и интервјуа, на кои лидерот на ГРОМ очајно пласира невистини со кои пробува да го деградира ВМРО и Христијан Мицкоски. Се настапува на медиуми блиски до власта во ударни термини со предходно договорени прашања и одговори. Кога сме кај овие медиуми доволно е да влезете во нивните архиви и ќе приметите дека до пред неколку месеци беа најголемите антагонисти на ликот и делото на Стевчо Јакимовски.
Повеќе од јасно е дека дилемата, дали Стевчо одработува за власта притиснат од кривичен прогон или пак пробува да одкине дел од гласачкото тело на ВМРО со кое би си ја зголемил политичката моќ на македонскиот политички простор, за која пишував во предходната колумна е разјаснета. Очигледно некој е под силен притисок и личните интереси, тоест својата кожичка е побитна, отколку спротиставувањето на националното предавство кое го направи СДСМ и ДУИ.
Тука нема повеќе простор за размислувања од типот дека се работи за суета, лични релации со Христијан или дека се работи за чесни предлози кои се во полза на македонската кауза.
Ќе се задржам на две работи кажана на последното гостување на господинот Јакимовски на ТВ 24 .
“Прво за мене власта не прави фарса . Власта е јасна како денот. Таа е спремна да предаде. И власта си кажува , ние сме за прифаќање на договорот со Бугарија , ние сме за уставни промени, ние сме за внесување на Бугарите во уставот. Значи СДСМ ни е јасна како ден. Фарсата е кај опозицијата и
Христијан Мицкоски. Проблемот е што овој му асистира на СДСМ во правењето на предавство, а ваму пред народот изиграва дека е тој што ја брани Македонија . Еве пример.”

Господине Јакимовски , дури 94 % од Македонците и 72 % од целото население во Македонија е против овој договор , кој сам по себе е фарса и ако по нешто е препознатлив е токму по тоа што не е јасен, со многу скриени протоколи и замки. Очигледно само на вас , Таче и Бујар ви е јасно ко ден, а ние останатите слепци појма немаме што ни се случува бидејќи така ни кажува Мицкоски.
Кога сме кај став, се уште македонската јавност чека од вас како опозиционер, јавно јасно и гласно да ги осудите СДСМ и ДУИ за ова национално предавство а не да ни раскажувате колку СДСМ и власта е јасна како ден.

“Ќе одговори ли на прашањето Мицковски зошто месец и пол направи протест кој беше 10 дена пред објавувањето на бугарскиот предлог. За кулминацијата да се достигне 10 дена пред и после тие протести беа само фарса. Мојот предлог беше да се направи еден голем протест што ќе има најмалку 60 000 до 70 000 луѓе , најмалку 700 – 800 автобуси да донесеме, и замислете ја глетката од фонтана во парк до стоковна куќа Мост.”

Еееее друже Стевче , ВМРО направи партиски митинг со над 70 000 луѓе на кои беа скоро сите опозиционерски партии со чест на исклучоците како ГРОМ , Интегра и итн. Можеби немавте престава за бројноста бидејќи митингот се одржуваше во периодот кога бевте сликани со службено возило и капетанска капа како одмарате на плажа. Знам желбата на секој лидер на помала политичка партија е еден ден да збори пред 70 000 луѓе.
Кога сме кај фарсата, зар не е фарса да се појавите еднаш или два пати на протест и тоа не повеќе од 15 мин , а од друга страна уште незавршен истиот преку одредени медиуми кои директно или индиректно ги плаќате да ја напаѓате ВМРО, притоа кажувајќи приказни за тоа колку сте видовит и знаете се што се случува во власта?

Зар не е фарса ниту еднаш организирано да дојдете на протестите како политичка партија, како што направија Левица, Родина, Социјалиситичка партија, Демократската партија на Србите и итн.?

Зар не е фарса еден пакет со вода, барем симболично вие или ГРОМ да испратевте на оние луѓе кои секојдневно дехидрираа на плус 40 пред Влада?

Зарем не е фарса да од позиција на 1 према 10 000 во број на членство ГРОМ-ВМРО да нудите непристојни предлози предложени преку нарачани текстови на купени и заробени медимуми?

Господине Јакимовски, се уште не е доцна да се преиспитате и со полн капацитет да се придружите на здружената опозиција во борбата за иднината на овој народ и држава. Ставете го националниот пред личниот интерес. Нашите предци на кои не сме им ни до колена, за многу помали нешта гниеле по затвори и умирале за подобро утре на идните генерации.
ПС организатор на митингот беше ВМРО ДПМНЕ а на протестите на кои даде подршка ВМРО и се вклучи со својот капацитет ги органзираше граѓанската иницијатива " УЛТИМАТУМ НЕ БЛАГОДАРАМ "

The post Бичиклиски до Јакимовски: Сè уште не е доцна да се преиспитате и да го ставите националниот пред личниот интерес appeared first on Република.

Деновиве бев помалку активен на социјалните мрежи, бидејќи активно учествував на протестите против таканаречениот француски предлог, преку кој се оживуваат апетитите на големобугарската санстефанска елита етаблирана како водилка во нивната надворешна политика. Десетина дена на улиците на Скопје протестираа луѓе кои беа обединети против овој договор, достоинствени, горди и со крената глава.

Не имаше секакви, млади и стари, леви и десни, професори и земјоделци, Македонци, Турци, Роми, Срби, Албанци, пишува поранешниот портпарол на ВМРО-ДПМНЕ, Александар Бичиклиски.

Според него, владејачката банда, исплашена и испаничена ги употреби сите средства да го девалвира и деградира народниот револт преку уфрлање на професионални провокатори, масовни апсења, закани, создавање меѓуетнички конфликт, лажни вести и дефокус од настанот.

Но, знаете, кога си во паника тогаш се прават катастрофални грешки и оваа аматерско провидна кампања на СДСМ беше лесно прочитана и беше соодветно одговорено - вели Бичиклиски.

Нивниот безобразлук одеше толку ниско што на протестите се појавуваа на самиот почеток ќе се изнасликаа сите тројца па трк дома или во штаб, општина, сеедно каде и да е, ќе ги објавеа фотографиите и додека уште траеше настанот ќе почнеа оркестрирано преку платените медиуми и социјални мрежи да го напаѓаат ВМРО-ДПМНЕ и претседателот Христијан Мицкоски притоа не спомнувајќи го СДСМ, ДУИ, владата и итн.

Анализирајќи го ова ми се наметна сама по себе една дилема.

1. Тоа го прават бидејќи се уценети со разни кривични пријави и компромитирачки материјали и си ја спасуваат кожичката од прогон и затвор .
Или

2 Со оглег на тоа дека во не така дамнешни времиња истиве беа перјаници во СДСМ и ЛДП , па два пати ги превеслаа своите гласачи, (еднаш кога ја напуштаа СДСМ и втор пат кога гласаа за нивните нови партии) и немаат веќе кредит кај истите да побараат глас. Им остана единствениот простор , да пробаат да одземат некој глас на некој од било која причина незадоволен вмровец и така да си го продожат својот политички век.

Многу проѕирно и аматерски господа таканаречени опозиционери ...

Десет дена не го спомнавте СДСМ и ДУИ, десет дена плукате по ВМРО ДПМНЕ со изјави кои ако ги читате хронолошки ќе сватите дека една со друга сами по себе се побиваат со својата содржина и форма. Од типот дека ВМРО е меко па се протестира ради реда и веднаш по тоа истите тие да осудуваат во друга изјава дека ВМРО подгрева меѓуетничка тензија и ги радикализира протестите, до приказни од типот не за референдум (како највисок акт на демократски избор на граѓаните) да за меѓупартиски документ кој нема никаква ниту правна ниту политичка основа за негова имплементација.

Можам до утре да ви пишувам овде за уште еден куп вакви небулози и тези кои беа презентирани од овие таканаречени опозиционери, но во интерес на вашето внимание денес ќе се задржам на изјавите дадени од господинот Стевчо Јакимовски во периодот од 13.07.2022 до 18.07.2022 година

13.07.2022 Портал Скопје 1 - Стевчо Јакимовски - Ќе им кажете на Македоците дека се договоривте со Села дека место вас Алијанса ќе го гласа францускиот предлог, а вие демек ќе протестирате пред собранието и владата !!!

14.07.2022 портал - Локално - Земате по 70 иљади денари плата и денес дојде денот да ја одбраните татковината од ова зло што се надвиснало над нас. Од вас зависи! За Македонија се гине! Ве повикувам со жив штит да ја ОДБРАНИМЕ татковината. Покажете дека меѓу вас има мажи.

Па се прашувам, ако сме се договориле со Села да протестираме пред влада и собрание, кои пратеници ги повикуваш со жив штит да ја бранат татковината. Патем каде беше ти со личен пример тој ден да ја одбраниш татковината???

Одиме понатаму

17.07.2022 портал - Опсервер - Ајде комито не се плаши ГРОМ е зад тебе... Христијан не го измачувај членството и народот, прифати го нашиот проглас и ајде да потпишеме договор со кој ќе му гарантираме на народот ако ни даде подршка на изборите ќе го поништиме овој договор. Не ти треба потписи,ниту референдум само ПОТПИС на заеднички договор во кој сите им гаранираме на Македонците дека предавството ќе го стопираме????!!!!!

Чекај сега Јакимовски, Повикуваш на храброст, а велиш големите мажи ќе стојат ЗАД ВМРО??? Многу машки и храбро е да стоиш ПРЕД некого, а не да се криеш ЗАД некого нели?

Самиот велиш го измачува членството и народот со што признаваш дека народот е зад ВМРО и нормално е кога би се направил таков проглас тогаш истиот би требало да го напише и предложи ВМРО или се лажам?

Патем не ти требаат потписи, а од друга страна велиш дојди да го потпишеш нашиот проглас!!!

Кога сме кај потписи и договори што мислиш кој има поголем кредибилитет, оној што сменил неколку политички партии и опции и кој во буквално пет до дванаесет смени страна и партија за градоначалничка функција или оној кој нема никаква политичка дамка и се држи до својата партија и идеологија?

Господине Јакимовски без оглед на тоа што сме пријатели и взаемно се почитуваме дозволете ми како помал во години но активно вклучен во сите политички процеси последниве 32 години како активен член на ВМРО ДПМНЕ да ви предложам неколку работи.

Прво напишете јасен став против францускиот предлог и директно посочете ги СДСМ и ДУИ како креатори на ова предавство, доста се бавите со Христијан и ВМРО.

Второ, суетата оставете ја на страна и ако имате искрени намери побарајте средба со Христијан Мицковски и предложете му што мислите па излезете заедно со предлогот.

И трето и најважно, важевте за Човек од акција и човек што ги решава проблемите. Затоа како лидер на политичка партија покажете политичка активност на терен меѓу луѓето, зошто тие се тие кои утре ќе ве заокружуваат.

Водењето политика преку медимуми кои често менуваат газди е опасна патека по која се движите, зашто тие истите ќе бидат првите кои ќе ве нападнат кога ќе си го сменат стопанот.

The post Бичиклиски: Многу проѕирно и аматерски господа, таканаречени опозиционери appeared first on Република.