Претседателот на Србија, Александар Вучиќ, денеска најави дека ќе има промени „во доктрината и пристапите“ за продолжување на дијалогот со Приштина, што, како што рече, значи дека повеќе нема да биде можно Белград да биде ставен пред свршен чин, јави дописникот на МИА од Белград.

Вучиќ рече дека Белград останува отворен за дијалог, но дека разговорите ќе ги води на „поинаков начин“.

-Кога некој ќе ве изневери еднаш, тоа им се случува на добрите луѓе затоа што му верувале на некого на нивниот збор или потпис. Кога ќе ве изневери по втор пат, можеби премногу сте верувале или сте сакале да верувате. Ако тоа продолжи, тоа не говори за личноста што те изневерила, туку дека вие сте будала. Толку будали повеќе не сме, им рече Вучиќ на новинарите во Белград по приемот организиран за основците од Косово.

Тој рече дека можно е во одреден момент Белград да мора да прифати нешто на сила, но тогаш ќе биде јасно дека тоа е направено без договор.

-Насила можете да спроведете сè, но ќе треба да кажете дека тоа го спроведувате со сила, рече Вучиќ.

По повод 20-годишнината од „мартовскиот погром“ против Србите на Косово, тој рече дека прогонот и насилството врз нив „со иста сила и жестокост“ продолжува и денеска.

The post Вучиќ за ЕУ: Кога некој ќе ве изневери еднаш, тоа им се случува на добрите луѓе затоа што му верувале на некого на нивниот збор или потпис appeared first on Република.

Српскиот претседател Александар Вучиќ изјави дека имал краток и фер разговор со украинскиот претседател Володимир Зеленски.

Зошто да не му подадеме рака на човек кој не ја признава независноста на Косово .

Вучиќ додаде дека луксембуршкиот премиер Ксавиер Бетел се сретнал со нив во Молдавија на самитот на Европската политичка заедница, пишува Н1 Србија.

Украина не ја призна независноста на Косово и го почитува територијалниот интегритет на Србија, исто како што Србија го почитува територијалниот интегритет на Украина. Имавме краток и фер разговор, но одлуката за санкции ја носат граѓаните на Србија преку нивните лидери, изјави Вучиќ за новинарите по самитот на Европската политичка унија во Кишињев.

На прашањето дали разговарал со украинскиот претседател за воведување санкции против Москва, Вучиќ рече дека Србија ја донела својата одлука во март 2022 година и дека позицијата на земјата не може да се смени само со еден разговор.

The post Вучиќ разговараше со Зеленски: Не го признава Косово, зошто да не му подадам рака? appeared first on Република.