Погребот на Алекс Салмонд ќе се одржи во вторник на 29 октомври.

Поранешниот прв министер почина од срцев удар додека присуствуваше на конференција во Македонија претходно овој месец. Приватна богослужба на која ќе присуствуваат блиските пријатели и семејството ќе се одржи во близина на неговиот дом во парохиската црква Стричен, по што ќе следи погреб на гробиштата Стричен. Јавен спомен треба да се одржи подоцна. Телото на Алекс Салмонд пристигна на аеродромот во Абердин во петокот. Летот за репатријација од Македонија го плати шкотскиот бизнисмен Том Хантер.

Неговиот ковчег го пречекаа членовите на неговото семејство, вршителот на должноста лидер на партијата Алба, Кени Мекаскил, и еден осамен бајпер. Група моторџии кои ја поддржуваат независноста на Шкотска потоа го водеа кортежот до погребната куќа во Фрејзербург. Мала толпа добронамерници се собраа во градот за да го видат пристигнувањето на ковчегот. Салмонд бил на конференција одржана од Академијата за културна дипломатија кога имал срцев удар за време на ручекот со други делегати. Беа направени обиди да се оживее со помош на доктори, но тој почина.

Неговата сопруга Моира, неговите сестри Маргарет и Гејл, неговиот брат Боб и неговите внуки и внуци објавија изјава во која го пофалија како „посветен и полн со љубов сопруг, жестоко верен брат, горд и внимателен вујко и верен и доверлив пријател“.

The post Закажан погребот на Алекс Салмонд, кој почина на конференција во Македонија appeared first on Република.

Срцев удар е причината за смртта на поранешниот шкотски премиер Алекс Салмонд кој почина во саботата во хотелот „Инекс Олгица“ во Охрид каде учествуваше на второто издание на Форумот за културна дипломатија. За време на ручекот, Салмонд добил удар при што паднал наназад со столицата, а обидите за негова реанимација биле неуспешни, информираат од неговото семејство.

Во соопштението, тие рекоа дека на „застрашувачкиот политичар“ му се восхитувале ширум светот, но дека бил и „вљубен“ семеен човек чие присуство ги водело во нивните „најтемни моменти“.

Во салата на шкотскиот парламент е отворена книга на жалост.

Салмонд во петокот имаше излагање на второто издание на Форумот за културна дипломатија во коорганизација на кабинетот на поранешниот претседател Ѓорѓе Иванов, Меѓународниот центар „Алијанса на цивилизациите“ и Институтот за културна дипломатија од Берлин, а по неговата смрт остатокот од настанот бил откажан.

The post Поранешниот шкотски премиер Алекс Салмонд починал од срцев удар во Охрид appeared first on Република.

Алекс Салмонд поранешен прв министер на Шкотска почина во Охрид, каде учествуваше како панелист на вториот Форум за културна дипломатија, информираат од Канцеларијата на поранешниот претседател Ѓорге Иванов.

За жал, Алекс Салмонд, поранешниот прв министер на Шкотска кој беше еден од панелистите на вчерашниот форум за културна дипломатија што се одржа во Охрид, ненадејно почина, информираат од Канцеларијата на Иванов.

Претседателот Иванов изразува длабоко и искрено совчуство до семејството. Во негова чест, како што информираат за МИА од Кабинетот на Иванов, вечерва ќе се одржи комеморација на која ќе се обрати поранешниот претседател Иванов, заменикот генерален секретар на ОН Моратинос како и дел од учесниците на форумот. На комеморацијата ќе присуствува и претседателката Сиљановска Давкова.

Салмонд вчера имаше излагање на второто издание на Форумот за културна дипломатија во коорганизација на кабинетот на поранешниот претседател Ѓорге Иванов, Меѓународниот центар „Алијанса на цивилизациите“ и Институтот за културна дипломатија од Берлин.

Салмонд од 2007 до 2014 година беше прв министер на Шкотска.

The post Поранешниот прв министер на Шкотска, Алекс Салмонд почина ненадејно во Охрид appeared first on Република.