Претседателот на Србија, Александар Вучиќ, вечерва изјави дека во Нови Сад има грозоморни, насилни протести против државата Србија и порача дека сите кои учествувале во тоа ќе бидат казнети и кривично гонети од државата.

Вучиќ истакна дека Србија ќе го брани своето знаме и ќе ги казни сите сторители на криминални дела.

„Она што е мојата порака до нив е дека полицијата вечерва е многу воздржана, надлежните државни органи вечерва се воздржани, не само поради нив, туку и поради почитта што ја покажуваме кон жртвите од оваа страшна трагедија. Но, зарем луѓето и граѓаните на Србија не мислат дека насилството е дозволено. Сите кои учествувале во ова ќе бидат казнети, ќе одговараат и ќе бидат гонети од државата Србија

Тој рече дека „некои други организирале протести, демонстрации или комеморативни собири, но организирале хистерични, ужасни физички напади врз своите неистомисленици, кои не им се придружиле во колоната, во просториите на оние кои мислат поинаку“, нагласи тој во видео обраќањето на Инстаграм профилот.

Демонстрантите во Нови Сад откако беше испуштена вода и фрлена црвена боја пред Градското собрание најавија дека ќе останат на тоа место и во наредните 48 часа - рок што им го даваат на надлежните да ги исполнат нивните барања.

Доколку не ги исполнат, демонстрантите планираат да одат во Белград, јавија локалните медиуѕми.

Поради смртта на 14 лица на железничката станица во Нови Сад во 18 часот започна голем граѓански протест каде организаторите бараат сите кои директно и индиректно се одговорни за трагедијата што се случи на 1 ноември кога врз луѓе падна бетонска настрешница да поднесат оставки и кривично да одговараат.

https://republika.mk/vesti/balkan/neredi-vo-novi-sad-politsijata-frli-solzavets/

The post Вучиќ го осуди насилството во Нови Сад appeared first on Република.

Вучиќ искрен пред Макрон: Никој жив во ЕУ не сака да слушне за проширување

Претседателот на Србија Александар Вучиќ на прес конференција со неговиот француски колега Емануел Макрон вели дека Србија останува на европскиот пат, нема друг,но оти не сака да ги лаже граѓаните дека тоа ќе се случи скоро, бидејќи како што напомена "никој жив во ЕУ не сака да слушне за проширување"

- Суштината е дека јас не сум преварант и лажго како сите други кои велат дека задутре ќе станеме членки на ЕУ. Тоа се глупости. Нема да станеме членки ни ова, ни следната ни таа потоа.. ЕУ не се воодушевени од нас, но и овде не скокаат од радост кога ќе слушнат за ЕУ како некогаш-искрен е Вучиќ.

За шансата за проширување на земјите од Западен Балкан Макрон е многу внимателен.

Секоја земја има своја агенда. Не сакам да кажен дека е една целина. Постои пат интегација и Франција тоа го почитува. Патот на интеграција има правила и тоа треба да се почитува.

The post Вучиќ искрен пред Макрон: Во ЕУ никој жив не сака да слушне за проширување appeared first on Република.

Претседателот на Србија, Александар Вучиќ денеска на социјалната мрежа „Х“ објави видео од напад од играта што српските кошаркари ја загубија од Американците синоќа на Олимписките игри.

Вчера веднаш по полуфиналниот натпревар во Париз зборуваше и претседателот Вучиќ, кој изјави дека е горд на кошаркарска репрезентација.

Во која земја тоа не се чекори“, прашува претседателот Вучиќ и додава: „П.С. Следниот пат кажете ни однапред кого не смееме да победиме“.

У којој земљи ово нису кораци?

П.С. Следећи пут нам унапред кажите кога не смемо да победимо. pic.twitter.com/7ssnZ34p6b

— Александар Вучић (@predsednikrs) August 9, 2024

The post Вучиќ за мечот против САД: Зарем ова не се чекори, следниот пат кажете кого не смееме да победиме appeared first on Република.

По којзнае кој пат се остварија зборовите на претседателот на Србија, Александар Вучиќ, а овој пат станува збор за приемот на Украина во ЕУ.

Европската комисија денеска ќе објави дека сака да започне официјални преговори за пристапување на Украина во ЕУ, пишува „Фајненшл тајмс“.Преговорите ќе почнат овој месец.

 Вучиќ пред само еден месец истакна дека никој нема да биде дел од ЕУ пред Украина.Веројатно ќе почекаме уште шест години, што исто така е во ред - истакна Вучиќ.

The post Како што предвиде Вучиќ: ЕУ денеска ќе објави дека започнува преговори со Украина appeared first on Република.

Вчера во Њујорк се одржа вонредната седница на Советот за безбедност на Обединетите нации за ситуацијата на Косово а Србија ја претставуваше претседателот Александар Вучиќ.

- Ги видовте нашите аргументи, нашите одговори - одговорни и сериозни.Кога не можеш да одговориш на аргументите, тогаш треба да прибегнуваш кон лични навреди и добро е што го покажаа тоа и немаа сериозна аргументација од тоа. Задоволен сум од она што го слушнавме во Советот за безбедност. На страната на Приштина најмногу беа Велика Британија и Швајцарија. Бев изненаден од правилниот пристап на Французите, Алжир, Кина, Русија, Еквадор, Кореја, Малта и така натаму. Тоа е мојата прва анализа – изјави  претседателот на Србија.

The post Вучиќ по седницата на Советот за безбедност на ОН: На страната на Курти најмногу се Велика Британија и Швајцарија appeared first on Република.

Претседателот на Владата, Димитар Ковачевски е домаќин на состанокот на лидерите од Западен Балкан, посветен на Планот за раст усвоен од Европската Комисија.

На состанокот присуствуваат српскиот претседател Александар Вучиќ, премиерите на Албанија Еди Рама, на Црна Гора, Милојко Спаиќ, на Косово, Албин Курти, актуелниот министер за финансии и трезор во Советот на министри на Босна и Херцеговина, Срѓан Амиџич, како и Герт Јан Копман, генерален директор за соседство и преговори за проширување во Европската комисија и Џејмс О’Брајaн, помошник државниот секретар за европски и евроазиски прашања на САД.

На средбата учествуваат и вицепремиерот за европски прашања Бојан Маричиќ и министерот за финансии Фатмир Бесими, како и нивните колеги од земјите од Западен Балкан. Дополнително, ќе присуствуваат и претставници од Регионалниот совет за соработка, ЦЕФТА и Коморскиот инвестициски форум на Западен Балкан, УСАИД, Фондацијата отворено општество, Центарот за Европа, Атлантскиот совет, како и повеќе меѓународни финансиски институции како што се Европската инвестициона банка, Европската банка за обнова и развој и Светската банка.

Согласно програмата, пред почетокот на состанокот, изјава за медиумите е најавена од премиерот Ковачевски, а се очекуваат изјави и од претседателот на Србија, премиерите на Албанија, на Црна Гора, на Косово, како и од Герт Јан Копман и американскиот помошник државен секретар О'Брајан.

По воведните изјави, следи состанокот на лидерите на Западен Балкан на кој видео обраќање ќе има и Борјана Кришто, претседавач со Советот на министри на Босна и Херцеговина. Во 12:15 часот предвидена е заедничка прес-конференција на лидерите.

Синоќа, премиерот Димитар Ковачевски ги пречека лидерите од регионот кои учествуваат на состанокот во Скопје.

Во пресрет на Лидерскиот состанок во Скопје, посветен на Планот за раст за Западен Балкан усвоен од Европската Комисија, вечерва во пријателска атмосфера со лидерите од Западен Балкан ги потврдивме нашите ставови за интеграција на регионот во ЕУ. Местото на сите држави од регионот е во ЕУ и го имаме потребниот лидерски потенцијал за носење на храбри одлуки за подобра иднина. На сите нас - и на Западен Балкан и на Европа, ни се потребни единство и стабилност, напиша Ковачевски на „Фејсбук“.

На 8 ноември, Европската комисија го усвои Планот за раст на Западен Балкан, со кој на земјите од регионот им се дава можност да користат дел од придобивките на ЕУ уште пред да станат нејзини членки, со цел да се поттикне економскиот раст и да се забрза социоекономската конвергенција.

Четирите основни столба на кој ќе се базира Планот за раст се подобрување на економската интеграција на земјите од регионот со единствениот пазар на ЕУ, зајакнување на економската интеграција на државите од регионот во заеднички регионален пазар, забрзување на фундаменталните реформи и зголемување на финансиската помош за поддршка на реформите преку Фондот за реформи и раст за Западниот Балкан, како нов инструмент во вредност од 6 милијарди евра неповратна поддршка за спроведување на основните и социо-економските реформи.

Како дел од овој План за раст, Еврокомисијата идентификуваше седум првични приоритетни области, кои ЕУ може да им ги понуди на земјите од Западен Балкан и кои ќе донесат значителни економски придобивки за регионот. Тие седум првични приоритетни области се слободното движење на стоки, слободно движење на услуги и работници, пристап до Единствената зона за плаќања во евра, интегрирање на превозот на патници, интегрирање на енергетските пазари, вклучување во дигиталниот единствен пазар и интеграција во индустриски синџири на снабдување.

За таа цел со Планот се предвидува финансиска поддршка од шест милијарди евра за периодот 2024-2027 година, од кои две милијарди евра во форма на неповратни грантови и четири милијарди евра концесиски заеми обезбедени од ЕУ.

Поддршката ќе биде обезбедена преку позајмици директно исплатени во националните буџети на партнерите од Западен Балкан. Од нив три милијарди евра ќе бидат ставени на располагање како директна поддршка за корисниците за да се забрза растот врз основа на клучните социо-економски реформи, а две милијарди евра грантови и една милијарда евра кредити ќе бидат наменети за поддршка на инфраструктурни инвестиции преку Инвестициската рамка за Западен Балкан. Овие инвестиции ќе бидат наменети за транспортот, енергијата, дигиталната транзиција, образованието и развојот на вештини. Најмалку, 37 отсто од неповратната финансиска поддршка канализирана преку Инвестициската рамка треба да се однесува на проекти што ќе придонесат за остварување на климатските цели.

Според ЕК, овој План не е во спротивност со тековните процеси на пристапување и специфичните услови предвидени во тој процес, туку само ќе поттикне забрзување на усвојувањето и спроведувањето на европското законодавство

The post Синот на Џорџ Сорос ги построи лидерите од Западен Балкан appeared first on Република.

Претседателот на Србија, Александар Вучиќ, зборувајќи за изградбата на патишта рече дека од 2012 година досега се изградени 468 километри патишта, а планот е до 2027 година да се изградат вкупно 955 километри.

- А од 1945 до 2012 година се изградија речиси двојно повеќе. Ни останува уште делницата од Кошево до Прељина, која ќе биде завршена до 2025 година. Следува Паковраќе-Пожега, ни остануваат уште 19,5 километри, а ќе заврши до октомври годинава. Делницата Сремска Рача-Кузмин во должина од 19 километри, со мостот во Сремска Рача, ќе биде завршена до крајот на 2025 година. Коридорот Фрушкогорска, вкупно 47,5 километри, ќе биде завршен до јуни 2026 година-набројуваше вечерва Вучиќ.

https://republika.mk/vesti/balkan/srbija-za-nas-stanuva-eu-vuchik-najavi-deka-prosechnata-plata-ke-bide-1-400-evra-penzijata-650/

The post Во Србија под Вучиќ се изградиле повеќе автопати отколку во времето на СФРЈ appeared first on Република.

Родителскиот додаток за првороденото дете во Србија ќе се зголеми од 378.000 на 500.000 динари (4.300 евра), во согласност со политиката на државата за зголемување на бројот на раѓања.

„Кога ќе се роди првото дете ќе добиваат од државата - и не зборувам за дополнителни бенефиции од локалните самоуправи - 500.000 динари, а за второто нема да добијат веќе 460.000 динари, туку 600.000 динари. За третото и четврто дете, тие мерки ќе бидат посериозни и ќе добијат повеќе пари“, рече српскиот претседател Александар Вучиќ вечерва во Белград на презентацијата на проектот „Скок во иднината 2027“.

Тој посочи дека мајките со уште повеќе деца ќе добијат дополнителни, посебни награди „да знаат дека се гордост на општеството и да не бидат предмет на потсмев и критика“.

„Ја подигнавме вкупната стапка на фертилитет, од 1,46, што е на работ да исчезне Србија, на 1,63, што е лошо, но најмалку лошо во целиот регион. Нашата цел е таа стапка на фертилитет да се подигне на 1,75 до крајот на 2027 година“, рече претседателот на Србија.

The post Вучиќ за првородено дете ќе дава 4300 евра appeared first on Република.

Претседателот на Србија зборуваше од зградата на Претседателството, каде што беше и синоќа за време на насилните протести.

-Јас сум тој што бев на тераса, кој бев во Претседателството, на моето работно место и воопшто не се плашев од тебе и нема да дозволам да ја уништиш Србија! – напиша претседателот Вучиќ.

The post Вучиќ: Нема да ви дадам да ја уништите Србија appeared first on Република.

Претседателот на Србија Александар Вучиќ синоќа  покажа фотографии кои докажуваат дека членовите на  косовската полиција користат пушки М70 произведени во Крагуевац.

– Официјално не сме им го продале. Никој не прашува од каде добиле 20 пати повеќе пиштоли отколку што „најдоа“ таму – рече тој

Тој истакнува дека е глупаво прашање да се постави од каде некој пиштол. Се поставува прашањето кој имал интерес и каква била намерата на тие луѓе.

The post Вучиќ прашува: Косовската полиција користи српски пушки, дали можеби ние сме им ги продале? appeared first on Република.

Српскиот претседател Александар Вучиќ денеска во Скопје се сретна со македонскиот кошаркар Перо Антиќ и порача дека и двајцата се горди на српските кошаркари кои го освоија сребрениот медал на Светското првенство и обезбедија пласман на Олимписките игри во Париз во 2024 година.

 

View this post on Instagram

 

A post shared by Aleksandar Vučić (@buducnostsrbijeav)

Вучиќ на својот Инстаграм профил „buducnostsrbijeav“ изјави дека Антиќ му подарил патики „Srbija1“ и објави видео од нивната средба

The post Перо Антиќ му подари патики на Вучиќ appeared first on Република.

Претседателот Вучиќ во Скопје изјави дека лично ќе купи од саламата „Паризер“ која е намалена, ќе прави сендвичи и ќе ги јаде.

На овој начин ќе покаже дека тој и Владата на Србија не се срамат и дека преземаат мерки затоа што мислат и се грижат за народот.

https://republika.mk/vesti/balkan/mleko-sirene-peleni-kafe-pileshko-meso-vuchik-vadeshe-od-korpa-koi-proizvodi-ke-bidat-namaleni/

„Само ќе го земам јогуртот што го претставивме и „паризер“, ќе си го купам сам во среда. ЌЕ направиме сендвичи. Знаете како правевме четвртини леб. Како деца. Ќе земеме мајонез и ќе ставиме париски и тоа ќе ни биде појадокот“.

https://republika.mk/vesti/makedonija/vuchik-za-republika-srbija-go-priznava-makedonskiot-jazik-i-teritorija-kako-i-tsrkvata-nemame-takvi-problemi/

The post Вучиќ вети дека во живо ќе јаде салама за појадок appeared first on Република.

 Претседателот Стево Пендаровски, утре во Скопје ќе биде домаќин на состанокот на лидерите на земјите учеснички од Процесот Брдо-Бриони.

На состанокот, како што е најавено, ќе учествуваат претседателот на Република Хрватска, Зоран Милановиќ и претседателката на Република Словенија, Наташа Пирц Мусар, во улога на ко-домаќини, како и претседателот на Република Србија, Александар Вучиќ, претседателката на Република Косово, Вјоса Османи Садриу, претседателот на Република Албанија, Бајрам Бегај, претседателот на Црна Гора, Јаков Милатовиќ и членовите на претседателството на Босна и Херцеговина: Жељко Комшиќ, Денис Беќировиќ и Жељка Цвијановиќ.

Во фокусот на годинешниот состанок на лидерите на земјите учеснички од Процесот Брдо-Бриони во Скопје се европските интеграции, климатските промени и иселувањето на младите.

Процесот Брдо-Бриони прв пат се одржа во 2013 година на заедничка иницијатива на претседателите на Република Словенија и Република Хрватска, во Брдо кај Крањ.

Главната цел на процесот е целосна интеграција на земјите од регионот во Европската Унија, стабилизирање на состојбите во Западен Балкан преку јакнење на регионалната соработка и решавање на отворените прашања.

Лидерите на земјите од Процесот Брдо-Бриони се состануваат најмалку еднаш годишно.

На состанокот на лидерите на земјите учеснички од Процесот Брдо-Бриони, кој ќе се одржи во хотелот „Хилтон“ во Скопје, се акредитирани 125 претставници на медиумите, 72 од нашата држава и 53 од странство

The post Утре доаѓа Вучиќ appeared first on Република.

Службата за односи со медиумите на српскиот претседател најави за утре јавно обраќања на Александар Вучиќ, како што се наведува „за сите важни прашања“, јави дописникот на МИА од Белград.

Вучиќ ќе им се обрати на граѓаните в петок на 8 септември во 13 часот од зградата на Претседателството на Андриќев венц во Белград.

Според податоците на Црта, претседателот на Србија за осум месеци годинава директно се обратил, преку телевизиите со национална фреквенција повеќе од 190 пати.

Инаку, претставниците на опозицијата во вторникот упатија барање да се распишат вонредни парламентарни и белградски избори до крајот на годинава. На нивното барање претседателот на Србија, Александар Вучиќ, се уште не одговорил, кој во неколку наврати ги повика само да кажат кога сакаат избори и дека тие ќе бидат распишани.

Наместо Вучиќ, на опозицијата и одговорија претседателот на Собранието Владимир Орлиќ, премиерката Ана Брнабиќ и шефот на пратеничката група на СНС во Собранието Миленко Јованов, кои порачаа дека се подготвени за изборна трка со опозицијата

The post Вучиќ пред доаѓањето во Македонија ќе објави распишување избори? appeared first on Република.

Претседателот на Србија, Александар Вучиќ, говорејќи за кризата на Косово, оцени дека на клучните актери на Запад им е јасно дека Курти е виновен и оти не се согласува со тоа дека е достигнат врвот на ескалацијата, и дека Курти не сака ЗСО, туку сака војна, јави дописникот на МИА од Белград.

-Некои не ја разбираат реалноста, мислат дека е доволно секогаш да ја обвинуваат српската држава за недоволно силен пристап. Курти нема да запре. Нема да има ЗСО, оваква или онаква. Никаква не сака. А тој знае дека ЗСО мора да биде во согласност со принципите што ги парафиравме Иса Мустафа и јас. Несакаат да прифатат никаков принцип, рече Вучиќ на ТВ Пинк.

Тој истакна дека Курти сака војна „затоа што сака да биде воен лидер“, се она што тој би сакал да го избегне.

-И сега сака да не вовлече во конфликт и со НАТО, рече Вучиќ.

Зборувајќи за уапсените косовски полицајци, тој рече дека не верува оти е можно тие да поминат без обвинение, но дека определувањето на притвор секако е работа на надлежните органи.

Тој кажа дека овој случај се користи за жестока кампања против Белград и повтори дека припадниците на косовската полиција биле уапсени на територијата на централна Србија.

Вучиќ посочи дека српската војска е многу посилна од КБС, но дека тие се повеќе се опремуваат и вооружуваат, и дека Турција ги вооружува.

-Одбивме да купиме Барјактар (турски беспилотни летала), бидејќи ги дадоа на Приштина. Нема да соработуваме со нив на тој начин. Неодамна пристигнаа кинески беспилотни летала, CH-90 и нив ги набавуваме и понатаму. За пет месеци ќе добиеме 1.000 беспилотни летала камикази што ги нарачавме на Блискиот исток, за да го одвратиме потенцијален агресор, рече тој.

Српскиот претседател рече и дека не е точно дека Американците мислат за Србија на ист начин како во деведесеттите, туку наведе дека тие имаат многу подобар став. Сепак, тој додаде дека тие сметаат дека ставот за Косово е одвоен од тоа, но дека Србија го мисли спротивното.

The post Вучиќ: Курти сака војна по секоја цена appeared first on Република.

Претседателот на Србија Александар Вучиќ предупреди дека на Србија може да и се случи македонско сценарио доколку почна да исполнува се што ќе побара ЕУ, па дури и да печатат учебници на бугарски јазик

„Да воведевме санкции кон Русија, следниот ден ќе побараа од нас да го предадеме Косово. Ако ги направевме и двете, ќе ни речеа дека мора да раскинеме со минатото и да уапсиме уште 500 луѓе во Србија за да „поминете низ катарзата и станете дел од нашата обединета Европа“. Ако го исполнивме сето тоа, тогаш ќе ни речеа дека не печатевме доволно учебници на бугарски јазик и дека би било добро да воведеме посебен дијалект на југ.Ако го направивме тоа, тогаш ќе речеа дека кирилицата не треба да се користи-предупреди Вучиќ.

The post Вучиќ предупредува на македонско сценарио: Aко воведевме санкции кон Русија, следното барање ќе беше учебници на бугарски јазик appeared first on Република.

Претседателот на Србија, Александар Вучиќ, откако најави зголемување на пензиите вети и зголемување на платите:

- . Во 2012 година беше 331 евро, а во 2014 година 329 евра. Таму секогаш се зема истиот месец или просек. Во декември 2022 година 718 евра. Проверете што правевме во меѓувреме. Никогаш побрз и никогаш посилен напредок. Во 2023 година одиме на 837-840 евра. Во 2024 година ќе биде 930. Во 2025 година проекцијата е 1.025, а во 2026 година ќе биде 1.124 евра.

Просечнат плата во Белград ќе биде над 1400 евра

- На крајот на 2025 година, на почетокот на 2026 година, Белград ќе има 1.455 евра, Војводина 1.071, а централна Србија 930 евра. Затоа сега треба да инвестираме таму, во се. Ова е друга земја, а јавниот долг не смее да биде поголем од 60 отсто, нема да оди над 55 отсто – објасни Вучиќ.

The post Србија за нас стана ЕУ: Просечната плата во Белград ќе биде 1.400 евра appeared first on Република.

Претседателот на Србија Александар Вучиќ денеска во Белград се сретна со потпретседателот на Советот на министри и министерот за надворешни работи на Италија Антонио Тајани и ги повтори црвените линии во преговорите со Косово.

- Не се зборува за членство во ОН и за меѓусебно признавање. Подготвени сме да спроведеме се што е поврзано со нормализација на односите, добри односи и соработка меѓу Србите и Албанците.

The post Вучиќ ги повтори црвените линии за Косово: Нема признавање и членство во ОН appeared first on Република.

Претседателот на Србија, Александар Вучиќ, денеска изјави дека имал „отворен и фер“ разговор со специјалниот пратеник на САД за Западен Балкан Габриел Ескобар и дека верува во подобрување на односите со САД.

„Отворен и фер разговор со американскиот претставник. Верувам во натамошно подобрување на односите меѓу Србија и САД“, напиша Вучиќ на Инстаграм по средбата во Белград со Ескобар, заменик-помошникот државен секретар на САД.

Од кабинетот на Вучиќ по средбата соопштија дека разговарале за процесот на нормализирање на односите со Приштина, формирањето на Заедницата на српските општини и можностите за изнаоѓање компромисни и одржливи решенија во дијалогот што се води со посредство на Европската унија.

  Вучиќ ја „повторил непроменетата позиција“ на Србија во однос на зачувувањето на мирот и стабилноста во регионот и решавањето на отворените прашања меѓу Белград и Приштина, со акцент на целосно спроведување на досега потпишаните договори и зачувување на државните и националните интереси

The post Вучиќ имал отворен и фер разговор со Ескобар appeared first on Република.

Високиот претставник на ЕУ за надворешна политика и безбедност, Жозеп Борел на 27 февруари во Брисел ќе свика состанок на високо ниво за дијалогот меѓу Белград и Приштина, соопшти Европската служба за надворешни работи.

Како што се наведува во соопштението, учеството го потврдиле претседателот на Србија, Александар Вучиќ и премиерот на Приштина, Албин Курти.

Борел со поддршка на специјалниот претставник на ЕУ, Мирослав Лајчак ќе одржи одвоени средби со лидерите, по што ќе следи заеднички состанок. На состанокот ќе се разговара за предлогот на ЕУ за нормализација на односите меѓу Белград и Приштина, соопшти Европската служба за надворешни работи

The post Ќе дојде ли Вучиќ: Борел на 27 февруари ќе свика состанок на високо ниво за дијалогот меѓу Белград и Приштина appeared first on Република.