Канцеларијата на Европската унија во Косово реагираше на односот кон Уставниот суд на Косово од страна на премиерот Албин Курти, кој минатата недела изјави дека Судот со доцнењето во постапувањето со законите и нивното уривање „ги блокира позитивните и прогресивни реформи“ на неговата Влада, јави дописникот на МИА од Приштина.

Во изјава за телевизијата РТВ21, Мисијата на ЕУ во Приштина нагласува дека „Уставниот суд има фундаментална улога да обезбеди владеење на Уставот и да ги заштити основните права и принципи во него“ и дека „независноста на судството е камен-темелник на владеењето на правото и суштински критериум за секое демократско општество“.

„Уставниот суд служи како највисок орган во разгледувањето на законите поднесени на ревизија. Неговите одлуки мора да бидат почитувани од сите за да се обезбеди ефективно функционирање на поделбата на власта и да се зајакне системот на проверки и рамнотежи. Додека е признаено дека Уставниот Судот мора да биде независен и ослободен од политички притисок, исто така неопходно е да се нагласи дека судството не е имуно на толкувања или отворена дискусија, под услов да е конструктивно, избалансирано и добро засновано“, велат од Канцеларијата на ЕУ.

Курти минатата недела изјави дека Уставникот суд е под влијание на одредени опозициски субјекти и носи политички одлуки.

The post Канцеларијата на ЕУ во Косово бара од Курти да не врши политички притисок врз Уставниот суд appeared first on Република.

Арбен Таравари, министер за здравство во  Македонија, изјави дека косовскиот премиер Албин Курти не згрешил кога зборувал за улогата на албанскиот јазик во Македонија, додавајќи дека барањето е да се промени законот.

Според Таравари, во законот за јазици е прецизирано дека службен јазик се смета јазикот што го зборуваат повеќе од 20 отсто од населението, а според него, барањето е да се отстрани процентот.

Таравари, претседател на партијата Алијанса за Албанците, додаде дека проблемот е во три члена од Законот за јазиците.

„Премиерот Албин Курти беше коректен, тоа не е Законот за албански јазик. Во Уставот на Македонија, службен јазик е македонскиот јазик, и јазикот кој го зборуваат повеќе од 20 проценти од населението. Во законот е вклучен и албанскиот јазик. Стратешката грешка е што не инсистиравме во одредени моменти да се повлечат 20-те проценти“, рече Таравари во „Интерактив“ на КТВ.

Тој го обвини албанскиот политичар Али Ахмети дека не направил ништо во овој поглед, додавајќи дека тој бил на власт во изминатите години.

Лидерот на Демократската унија за интеграција, Али Ахмети, реагираше до премиерот на Косово, Албин Курти во врска со неговите коментари за Законот за јазиците.

Лидерот Ахмети истакна дека Охридскиот договор е постигнат со крвта на мачениците и е оживеан со најдобрите синови на ОВК кои го продолжија својот идеал во ДУИ, „додека ДУИ е жива, во опозиција или на позиција, нема да толерираме да биде погоден Охридскиот договор’.

The post Taравари го брани, Ахмети го напаѓа Курти за изјавата за Законот за јазици appeared first on Република.

Премиерот на Косово, Албин Курти по заедничката меѓувладина седница со македонската и косовската влада, зборуваше за загрозувањето на албанскиот јазик во Македонија, како што вели албанската опозиција, и побара од Косово и од Албанија да го заштити јазикот.

„Нема ниту имало во минатото употреба на албанскиот јазик во Македонија, туку за јазиците на националностите на 20% од жителите во земјата. Од друга страна верувам дека сите треба да чекаме една правична одлука на Уставниот суд во Македонија, кој нема да направи ниту исклучување, ниту дискриминација, и кој го почитува повеќејазичниот карактер во Македонија кој несомнено постои. Знаете вие во Косово дека Албанци се 93%, четири посто се Срби, а српскиот јазик е службен тука кај нас. Но, во Македонија не може да се каже дека албанскиот јазик е службен јазик, и сега е под закана. Ова не е вистина“, рече Курти.

The post Курти ги занеме ДУИ: Албанскиот јазик не е под закана во Македонија appeared first on Република.

Косовскиот премиер, Албин Курти, на заедничката прес конференција со македонскиот премиер, Христијан Мицкоски, меѓу другото зборуваше и за добрите односи меѓу Косово и Македонија кои, според него, се рефлектираат во „континуираниот раст на трговијата“.

„Добрите односи меѓу нашите две земји се рефлектираат и во континуираниот пораст на трговската размена, која во 2023 година достигна над 432 милиони евра, што е извонреден пораст од 52 отсто во однос на 2019 година, каде што изнесуваше 284 милиони евра. Зголемена е и комерцијалната размена во смисла на извоз од Косово во Македонија, од 44 милиони во првата година пред пандемијата 2019 година на 121 милион во последната 2023 година, што е зголемување за 175 отсто“, рече Курти.

Курти нагласи дека меѓу двете земји досега се потпишани над 50 договори и меморандуми кои „ни понудија уште повеќе меѓусебно, но она што треба повеќе да го нагласиме е нивното целосно и прецизно спроведување.

Курти го спомена и автопатот Блаце – Скопје.

„Го поздравуваме конечното завршување на изградбата на автопатот од Блаца до Скопје, преостанатите 10 километри кои би ја поврзале автопатската мрежа во МВ со автопатот Арбен Џафери на Косово и заедно се обврзуваме на имплементација на тунелот што ги поврзува Призрен со Тетово, оваа заложба веќе ја добија и другите две земји“, рече Курти.

The post Курти: Го поздравуваме конечното завршување на изградбата на автопатот од Блаце до Скопје appeared first on Република.

Време е да ги решаваме економските прашања, истакна македонскиот премиер Христијан Мицкоски на денешната заедничка прес-конференција со неговиот косовски колега Албин Курти, по заедничката владина седница во Приштина.

Двајцата премиери и членовите на двете влади разговарале за широк спектар на прашања од заеднички интерес вклучувајќи ја економската соработка, зголемувањето на трговската размена, инфраструктурните проекти и заедничките напори за обезбедување на регионалната стабилност и безбедност, јави известувачот на МИА од Приштина.

Мицкоски оцени дека средбата била исклучително продуктивна, со искрен и отворен дијалог што е од клучно значење за зајакнување на односите меѓу двете земји.

-Убедени сме дека иднината на Западниот Балкан е во Европската Унија и во НАТО, рече Мицкоски, потенцирајќи дека граѓаните ги интересира поголем стандард.

Тој кажа дека се договорени конкретни чекори за подобрување на транспортните и енергетските врски што ќе има позитивно влијание на економскиот развој и напредокот на земјите во регионот. Исто така и за младите, образованието и младите.

Премиерот Христијан Мицкоски на денешната меѓувладина седница во Приштина истакнал дека очекува следната година економската соработка меѓу двете земји да достигне половина милијарда евра.

Косовскиот премиер Курти му се заблагодари на премиерот Мицкоски за волјата за продлабочување на соработката и зајакнување на партнерството меѓу двете држави во интерес на граѓаните и на регионот.

Владите на Македонија и на Косово денеска во Приштина одржаа заедничка седница по што беа потпишани билатерални договори и меморандуми за соработка во повеќе области. Со седницата претседаваа премиерите Христијан Мицкоски и Албин Курти.

По седницата беа потпишани три документи. Првиот е меморандум за соработка во областа на енергетиката, рударството и минералните суровини, со којшто се дефинираат иницијативи за соработка во полето на енергетиката, гас, јаглен, електрична енергија и на релевантни инфраструктурни проекти за интерконекција за гас и други проектни иницијативи, како и иницирање соработка за испитување на можноста за развој на нова директна врска за гас Република Косово-Република Македонија.

Вториот документ е Информација за склучување на протокол за спроведување на Договорот за заеднички гранични премини „Блаце – Елез Хан“ и „Јажинце-Глобочица“. Со овој протокол се регулира начинот на проверки и царинска контрола, инфраструктурата на заедничките гранични точки, меѓусебно поврзување на системите на гранично управување и начинот на одржување на објектите.

Потпишан е и Меморандум за разбирање и соработка меѓу Министерството за образование и наука на Македонија и Министерството за образование, наука, технологија и иновации на Косово.

По официјалниот пречек, се одржа тет-а-тет средба на двајцата премиери Мицкоски и Курти, а потоа и меѓувладината седница.

Членовите на македонската влада, предводена од премиерот Мицкоски во Приштина беа пречекани со највисоки почести.

The post Мицкоски – Курти: Време е за решавање на економските прашања appeared first on Република.

Проследете ги во живо изјавите на Христијан Мицкоски и Албин Курти по заедничката владина седница меѓу Македонија и Косово.

The post ВО ЖИВО: Мицкоски и Курти по заедничката владина седница appeared first on Република.

Лидерот на Демократската унија за интеграција Али Ахмети, ја повика Владата на Косово да разговара со премиерот Мицкоски, како што изјави за косовска телевизија, за проблемите на Албанците во државата. Ахмети изрази загриженост за непочитување на Охридскиот договор, по иницијативите за укинување на некои одредби од Законот за употреба на јазиците.

„Суштината, сржта на Охридскиот мировен договор е засегната од измените за кои се тврди дека се прават на Законот и употребата на албанскиот јазик во Република Македонија, етничката припадност е отстранета, што е и дел, суштината на Охридскиот мировен договор. Без етничка припадност и декларирање на етничката припадност, може да има десетици причини зошто Албанците не се професионално подготвени и се оставени да бидат маргинализирани, всушност се инсталира доминација на мнозинството над втората албанска заедница во Македонија и овие случувања се загрижувачки за нас“, изјави Ахмети.

Денеска во Приштина заедничка седница ќе одржат владите на Македонија и на Косово. Претходно премиерите Мицкоски и Курти ќе одржат тет-а-тет средба, по која министрите ќе дискутираат за нови проекти и ќе потпишат билатерални договори и меморандуми за соработка.

The post Ахмети бара од Курти да разговара со Мицкоски за проблемите на Албанците во Македонија appeared first on Република.

Косовскиот премиер, Албин Курти го нарече „блокирање на позитивните реформи“ на неговата Влада испраќањето од страна на опозицијата на законите до Уставниот суд и одлуките на тој суд, јави дописникот на МИА од Приштина.

Говорејќи на денешната седница на Владата за Законот за суверен фонд, Курти напомена дека овој значаен закон веќе една година е во фиоките на Уставниот суд.

Курти рече дека секој изгубен ден е „исклучително вреден бидејќи државата е попречена во време на големи промени и можности во светската економија“, додека, според него, Косово го бележи „најголемиот економски раст проследен со највисокиот демократски напредок“.

Суверениот фонд е од витално значење за економскиот раст, зголемувањето на инвестициите и збогатувањето на инвестициската структура. Се надеваме дека тврдењата на опозицијата дека Уставниот ќе го отфрли нашиот Закон за суверениот фонд, според нивните внатрешни информации, нема да испаднат точни. Сакаме да ставиме крај на овој ќорсокак на блокирање на позитивните и прогресивни реформи, како што се случи... со законот за Независниот совет на обвинители и со законот за плафонски цени на основните производи, меѓу другото“, рече Курти на владината седница.

The post Курти бара од опозицијата и Уставниот суд да престанат со „блокирање на позитивните реформи“ appeared first on Република.

Генералната секретарка на опозициската Демократска партија на Косово, Влора Читаку, ги обвини премиерот Албин Курти и министерката за надворешни работи на Косово, Доника Грвала дека „ја камуфлираат партиската агенда како официјална и владина работа“, јави дописникот на МИА од Приштина.

Читаку на денешната прес-конференција рече дека Курти и Грвала отворено ја злоупотребуваат својата политичка моќ со парите на даночните обврзници за да спроведуваат партиска кампања во дијаспората.

„Последниве денови косовскиот премиер и министерката за надворешни работи отворено ја злоупотребуваат нивната политичка моќ, парите на даночните обврзници и нашите институции за да спроведуваат партиска кампања во дијаспората. Оваа влада – избрана да им служи на граѓаните, сега државата и нејзините ресурси ги претвора во алатки за партиски придобивки“, рече Читаку.

Повикувајќи ги премиерот и шефицата на дипломатијата да не ги користат дипломатските претставништва за партиски и изборни цели, поранешната амбасадорка на Косово во САД изјави дека нивното однесување е „неприфатливо и срамно“.

„И, пред сè, тоа е манипулација на нашата дијаспора, која заслужува почит и чесност, а не ниски политички шеми. Нашите сонародници во иселеништво покажаа непоколеблива посветеност на Косово во минатите децении. Тие заслужуваат почит, а не манипулација“, рече Читаку.

Таа напомена дека Курти и Грвала вршат притисок врз косовските дипломати во светот, принудувајќи ги да организираат предизборни собири под превезот на државна работа.

„Дипломатите, кои треба достоинствено и непристрасно да му служат на секој граѓанин, се принудени да организираат партиски собири, злоупотребувајќи ги службените должности и државните ресурси. Оваа манипулација со моќта е буквално злоупотреба. Затоа, денеска апелирам до секој дипломат што ја претставува Република Косово: Не подлегнувајте на оваа злоупотреба. Не дозволувајте да бидете искористени како инструмент во кампањата на оваа влада. Запомнете, вие сте претставници на Косово, а не претставници на една партиска агенда“, порача Читаку.

The post Читаку: Со пари на граѓаните Курти води партиска кампања во дијаспората, ги злоупотребува дипломатите appeared first on Република.

Косовскиот премиер, Албин Курти изјави дека Србија секогаш ќе биде опасност за земјите кои го попречуваат проектот наречен „српски свет“, при што, освен Косово, како земји кои, како што рече, „се задеваат“ од Србија, ги спомна уште Црна Гора и Босна и Херцеговина, јави дописникот на МИА од Приштина.

Според соопштениеto на службата за информирање на неговиот кабинет, овие изјави Курти ги дал за време на неговиот дводневен престој во Швајцарија, каде како главен говорник учествувал на дебата организирана од Швајцарското друштво за надворешна политика.

Косовскиот премиер оценил дека нема надеж оти Србија може да се реформира со оваа „авторитарна елита“ што ја води земјата.

Се додека нејзината авторитарна елита продолжува да шири дезинформации, да мобилизира војници долж нашата граница и да одбива да ги гони терористите кои го убија нашиот полициски наредник пред една година во Бањска кај Звечан, Србија секогаш ќе претставува голем безбедносен ризик не само за Косово, туку и за другите соседни земји кои го попречуваат проектот на „Голема Србија“, кој сега го нарекуваат „српски свет“, односно Црна Гора и Босна и Херцеговина, кои, освен Косово, се задеваат од неа“, се цитира Курти во соопштението од неговиот кабинет.

Тој се осврнал и на одбивањето на Србија да го потпише договорениот Рамковен договор и неговиот анекс и ги истакнал, според него, „постојаните прекршувања од страна на Србија кои кулминираа со писмото на поранешната српска премиерка Ана Брнабиќ до ЕУ“, во кое се вели дека Србија нема да го почитува територијалниот интегритет на Косово. Тоа, според Курти, „практично значи повлекување од Основниот договор и неговите основни принципи“.

Шефот на косовската влада во своето обраќање го споменал и влијанието на економската и политичката експанзија на Русија и Кина во Западен Балкан, при што истакнал дека е од суштинско значење „Косово и целиот Западен Балкан да останат закотвени во вредностите на ЕУ“.

Јас замислувам една Европа во која Западен Балкан е целосно интегриран, не само економски, туку и културно и социолошки. Европа доволно силна да се спротивстави на надворешните притисоци, во одбрана на сите нејзини граѓани. Европа во која нашите млади гледаат иднина во која можат да веруваат и каде што можат да ги остварат своите соништа“, изјавил Курти, оценувајќи дека „следните години ќе бидат одлучувачки за одредување на темпото на интеграција во ЕУ“.

The post Курти: Србија секогаш ќе биде опасност за земјите кои го попречуваат проектот „српски свет“ appeared first on Република.

Косовскиот премиер, Албин Курти, придружуван од шефот на неговиот кабинет, Луан Далипи, го примил денеска Владимир Длоухи, претседател на Асоцијацијата на европски стопански комори, Еурочамбрес (Eurochambres), јави дописникот на МИА од Приштина.

Во соопштението од службата за информирање на Владата на Косово, се наведува дека Длоухи е познат економист од Чешка, со долгогодишно искуство во политиката, вклучително и како поранешен министер за економија на Чешка.

Според соопштението, на средбата се разговарало за „важноста од создавање на најповолни услови за водење бизнис, за понудата (на Косово) за странските бизниси и за забрзувањето на економскиот развој на Косово преку заеднички инвестиции и иновации“.

„ Еурочамбрес, основан во 1958 година, претставува над 20 милиони бизниси преку 1.700 стопански комори, негови членки, низ Европа. Меѓу неговите членки е и Стопанската комора на Косово. На состанокот присуствуваа и Бен Батерс, секретар на Еурочамбрес, Љуљлзим Рафуна, претседател на Стопанската комора на Косово и Бесим Мустафа, директор на Одделот за меѓународна соработка при Стопанската комора на Косово“, соопшти кабинетот на Курти.

The post Курти се сретна со претседателот на Еурочамбрес, Владимир Длоухи appeared first on Република.

Верувам дека Република Косово и Република  Македонија имаат многу добри односи
како две земји кои се ориентирани кон демократскиот Запад, изјави вчера премиерот на Косово Албин Курти.

 Наш примарен интерес е патот Призрен – Тетово. Знаете како се вели – имало град на
небото, но кога паднал на земја, планините на Шара го поделиле на два дела, на Призрен иТетово. Ние сега сакаме да ги поврземе со тунел и за ова ја имаме целосната поддршка одВладата на  Македонија, рече Курти во интервјуто на Центарот „Струга“ од САД .

The post Поетот Курти: Имало град на небото, но кога паднал на земја, планините на Шара го поделиле на два дела-на Призрен и Тетово appeared first on Република.

Косовскиот премиер, Албин Курти вели дека неговата Влада има „целосна поддршка од Владата на Македонија“, предводена од ВМРО-ДПМНЕ, за проектот на тунел што ќе ги поврзе Призрен во Косово со Тетово во Македонија, јави дописникот на МИА од Приштина.

Во интервју за Албанско-американскиот културен центар „Струга“ од Ривердејл, Њу Џерси, реализирано за време на неговиот престој во САД, Курти, на прашањето за „обидот на македонската Влада да промени некои закони кои ги засегаат Албанците“ рече дека Косово и Македонија, како две земји „кои се ориентирани кон демократскиот Запад, имаат многу добри односи“.

Верувам дека Република Косово и Република Македонија имаат многу добри односи како две земји кои се ориентирани кон демократскиот Запад. И Македонија е членка на НАТО и во исто време соработуваме на многу полиња, како резултат на договорите што сме ги склучиле. Наш примарен интерес е патот Призрен - Тетово. Знаете како се вели - имало град на небото, но кога паднал на земја, планините на Шара го поделиле на два дела, на Призрен и Тетово. Ние сега сакаме да ги поврземе со тунел и за ова ја имаме целосната поддршка од Владата на Македонија, рече Курти во интервјуто на Центарот „Струга“ од САД кое денеска го пренесуваат медиумите во Косово.

Новинарот посочува дека актуелната Влада во РСМ ја сочинуваат ВМРО-ДПМНЕ на премиерот Христијан Мицкоски и коалицијата на албанските партии ВРЕДИ, која партијата на Курти, Движење Самоопределување (ВВ) ја поддржа на парламентарните избори. Во однос на претходната Влада, чиј дел беше Демократската унија за интеграција на Али Ахмети, Курти рече дека „на почетокот беше многу добронамерна“, но потоа „не одеше“, откако „Македонија стана активна во (иницијативата) Отворен Балкан“.

Претходната влада на РСМ на почетокот беше многу добронамерна. Одржавме заедничка седница во септември 2021 година, но потоа не одеше и Македонија стана активна во Отворен Балкан. Затоа, имаме голем интерес Македонија да не биде дел од Отворени Балкан, од една страна, а од друга страна да биде што поактивна за што поскоро спроведување на заедничкиот договор за изградбата на патот Призрен-Тетово, рече Курти.

Според него, на албанскиот партнер во новата македонска владина коалиција треба да му се даде „малку време да се консолидира во владата“.

Косовскиот премиер застана во одбрана на ВРЕДИ, кој е критикуван од албанските партии во опозицијата, оценувајќи дека не верува оти се загрозуваат достигнувањата на Албанците.

Сега (ВМРО-ДПМНЕ) се во коалиција со албанските партии, со албанска коалиција. Меѓу нив, еден пратеник е од ВВ, Беким Ќоку од Струга. Мора да им дадеме малку време да се консолидираат во владата. Јас не верувам дека се загрозени достигнувањата на Албанците, но верувам дека има обид едно не толку добро наследство што го затекнаа овие кои се сега на власт, да им се припише на тие што го затекнаа, а не на оние што го создадоа, вели Курти во интервјуто за Албанско-американскиот културен центар „Струга“.

The post Курти: Имаме многу добра соработка со новата македонска влада, претходната беше добронамерна, но се промени appeared first on Република.

Косовскиот премиер Албин Курти побара враќање на копнената безбедносна зона на периметар од пет километри долж границата на Косово со Србија, поради, според него, заканите со војска и артилерија што Србија ги упатува кон Косово во последните две години.

При обраќањето на Генералното собрание на Движењето самоопределување (ВВ), партија која тој ја води, Курти исто така побара на Србија да ѝ се прекинат бенифициите што ги добива од ЕУ, САД и Обединетото Кралство и Западот да ги санкционира сите оние кои ги штитат и соработуваат со терористите, како и лицата вклучени на црната листа.

Барањето за враќање на мерката за безбедносна зона, отстранета пред 23 години, тој го оправда со активностите на Србија за приближување на војската и артилерија до границата со Косово во последните две години.

Откако во рок од две години Србија четири пати ја донесе својата војска на нашата граница, мора да се врати копнената безбедносна зона која НАТО ја нарекува ‘ground safety zone’, во ширина од 5 километри околу границата на Косово со Србија. Таа беше отстранета во август 2001 година, кога премиер беше Зоран Ѓинѓиќ, кој беше убиен, а тоа се злоупотребува од режимот на Александар Вучиќ“, рече Курти.

Косовскиот премиер нагласи дека сегашното раководство во Србија останало агресивно, исто како и за време на војната.

Тој го обвини Белград дека не сака напредок во нормализацијата на односите со Косово, при што го спомена неспроведувањето на Бриселскиот договор и минатогодишниот терористички напад во Бањска, за кој рече дека главната цел му била да започне широк и долготраен конфликт.

Затоа, демократскиот Запад, особено Европската Унија, Соединетите Американски Држави, Обединетото Кралство, ги повикуваме на Србија да ѝ ги условат сегашните бенифиции, не само идните од ЕУ, САД и Обединетото Кралство. Оние кои соработуваат со лица на црната листа на Балканот треба да бидат санкционирани од САД, ЕУ и Обединетото Кралство. Оние кои се членови на организациите „Цивилна одбрана“ и „Cеверна бригада“, криминалците што шетаат на слобода. Инаку црните листи не се ефективни“, рече Курти.

Организациите на косовскте Срби во северно Косово, „Цивилна одбрана“ и „Северна бригада“ беа прогласени за терористички организации од Владата на Косово во јуни минатата година.

The post Курти бара НАТО да ја врати копнената безбедносна зона на границата меѓу Косово и Србија appeared first on Република.

Косовскиот премиер Албин Курти побара од Србија предавање на поранешниот потпретседател на најголемата партија на косовските Срби, Милан Радоичиќ, кој ја презеде одговорноста за терористичкиот напад од минатата година во Бањска во северно Косово, како услов за негово враќање на дијалогот со Белград, јави дописникот на МИА од Приштина.

Курти во интервју за медиумот БНН Блумберг (bnnbloomberg.ca), што го пренесуваат косовските медиуми, исто така, побара од ЕУ да изврши поголем притисок врз Белград за да помогне во намалувањето на тензиите со договор за нормализирање на односите.

„Тоа требаше да се случи вчера. Верувам дека е можно“, изјави Курти.

Косовскиот премиер вели дека меѓународните критики за односот на неговата влада кон српското малцинство во земјата се претерани.

„Тие се премногу загрижени. Секогаш кога преземаме дејствија, има алармантни гласови за можна ескалација, но еве сме – Косово е подобро од кога било досега“, вели Курти

Потезите на Приштина да ги затвори институциите поддржани од Србија и да ја забрани употребата на српскиот динар во обласите во северно Косово населени со мнозинско српско население поттикнаа предупредувања од Соединетите Американски Држави и Европската унија дека акциите може да претставуваат закана за кревкиот мир на Балканот.

Дејствијата на Приштина, која вклучува затворање на филијали на српски банки во областа, уследија по престрелката од минатата година во близина на православниот манастир (Бањска) на северот, во која загинаа еден косовски полицаец и тројца српски милитанти. Тоа беше најкрвавиот судир во регионот во речиси две децении, пишува БНН Блумберг.

Курти, според меѓународниот медиум, ги бранеше своите постапки како неопходни за да се врати законот и редот на долго поделениот север. Тој, исто така, инсистираше на тоа дека чекорите се неопходни кон воспоставување контрола врз областите со српско мнозинство и нивна целосна интеграција во правните и финансиските системи на Косово.

„Мојот впечаток е дека токму поради тоа што ние сме успешни, Белград е се понервозен и, следствено, поагресивен“, изјави Курти.

МИА

The post Курти бара предавање на Радоичиќ како услов за продолжување на дијалогот со Србија appeared first on Република.

Косовскиот премиер Албин Курти побара од Србија предавање на поранешниот потпретседател на најголемата партија на косовските Срби, Милан Радоичиќ, кој ја презеде одговорноста за терористичкиот напад од минатата година во Бањска во северно Косово, како услов за негово враќање на дијалогот со Белград, јави дописникот на МИА од Приштина.

Курти во интервју за медиумот БНН Блумберг (bnnbloomberg.ca), што го пренесуваат косовските медиуми, исто така, побара од ЕУ да изврши поголем притисок врз Белград за да помогне во намалувањето на тензиите со договор за нормализирање на односите.

Тоа требаше да се случи вчера. Верувам дека е можно, изјави Курти.

Косовскиот премиер вели дека меѓународните критики за односот на неговата влада кон српското малцинство во земјата се претерани.

Тие се премногу загрижени. Секогаш кога преземаме дејствија, има алармантни гласови за можна ескалација, но еве сме - Косово е подобро од кога било досега, вели Курти.

Потезите на Приштина да ги затвори институциите поддржани од Србија и да ја забрани употребата на српскиот динар во обласите во северно Косово населени со мнозинско српско население поттикнаа предупредувања од Соединетите Американски Држави и Европската унија дека акциите може да претставуваат закана за кревкиот мир на Балканот.

Дејствијата на Приштина, која вклучува затворање на филијали на српски банки во областа, уследија по престрелката од минатата година во близина на православниот манастир (Бањска) на северот, во која загинаа еден косовски полицаец и тројца српски милитанти. Тоа беше најкрвавиот судир во регионот во речиси две децении, пишува БНН Блумберг.

Курти, според меѓународниот медиум, ги бранеше своите постапки како неопходни за да се врати законот и редот на долго поделениот север. Тој, исто така, инсистираше на тоа дека чекорите се неопходни кон воспоставување контрола врз областите со српско мнозинство и нивна целосна интеграција во правните и финансиските системи на Косово.

Мојот впечаток е дека токму поради тоа што ние сме успешни, Белград е се понервозен и, следствено, поагресивен, изјави Курти

The post Курти бара предавање на Радоичиќ како услов за продолжување на дијалогот со Србија appeared first on Република.

Косовскиот премиер Албин Курти изјави дека мерките што ги најави кон Косово српскиот претседател, Александaр Вучиќ, во неговото обраќање на јавноста, „се направени во негов очај и воопшто не се мирољубиви“.

Курти во изјава за РТВ21 рече дека условите што тој ги поставил за продолжување на дијалогот со Белград, за разлика од најавените мерки на Вучиќ, кои ги нарече „агресивни“, биле „мирољубиви и рационални“.

Прво, треба да зборувате за трите услови што ги поставив, а тоа се мирољубиви, но и рационални услови, односно предавањето на косовските власти (на водачот на групата што го изврши нападот во Бањска во септември 2023 година) Милан Радоичиќ, потпишувањето на договорот (од Брисел) и повлекувањето на писмото на поранешната премиерка Брнабиќ, која рече дека не ја прифаќа ниту независноста на Косово, ниту местата во ООН за Косово, ниту пак го почитува територијалниот интегритет. Значи, овие три услови се мирољубиви и рационални, а во меѓувреме оние негови барања, мерки кои се направени од очај и претставуваат ирационалност, воопшто не се мирољубиви, туку напротив, се дел од агресивната кампања за нови конфликти на кои несомнено не им е местото ниту во Косово ниту во регионот“, вели Курти.

The post Курти: „Мерките“ на Вучиќ се агресивна кампања за нови конфликти, јас нудам три мирољубиви предлози appeared first on Република.

Косовскиот премиер Албин Курти изјави дека српскиот претседател, Александар Вучиќ во координација со Русија, подготвува нови закани и ултиматуми за Косово, но дека тие не го плашат, јави дописникот на МИА од Приштина.

Во објава на неговата страница на Фејсбук, непосредно пред најавеното обраќање на Вучиќ на српската јавност во врска со состојбата на Србите во Косово, Курти рече дека „ужасните злосторства што Србија ги изврши во Косово пред 25 години, денес Русија ги повторува во Украина и имаат за цел да се вратат во регионот на Балканот“.

„Пристапот на Владата во Србија кон Косово е многу депресивен. Првично, неказнивоста и пропагандните кампањи беа нормализирани. Сега тие имаат за цел да ги нормализираат паравоените и терористичките напади (Бањска, 24 септември 2023 година), заканите и ултиматумите, кои се оправдуваат со лажни вести и кампањи за дезинформации, пред очите на демократскиот свет“, напиша Курти.

Косовскиот премиер порача дека „Косово е посилно од кога било досега“ и дека не се плаши од заканите.

„Ние ги штитиме сите наши граѓани и нивните слободи и права, територијалниот интегритет и државниот суверенитет на нашата земја, демократскиот и социо-економскиот напредок на нашиот народ и институции“, напиша Курти.

Тој ги наброја и злосторствата што, како што вели, Србија ги изврши во Косово, велејќи дека Белград се координира со Москва „за масовни гробници на илјадници луѓе“.

„Србија спие на масовните гробници од геноцидот извршен на Косово, 950 невооружени цивили беа масакрирани, нивните тела беа земени и ставени во масовни гробници во Србија, вклучително и камиони-ладилници што излегоа од дното на тамошните езера. Доказите за геноцидот се свежи насекаде во Косово и Србија, но тоа не го спречува претседателот на Србија повторно да се заканува“, напиша Курти.

Според косовскиот премиер, „наместо Србија да се кае за злосторствата, да се извини за нив и да не ги негира; да ги отвори воените архиви на југословенската полиција и војска, особено на моторизираната бригада 37; да плати репарации; да соработува за да се донесе правда за жртвите на геноцидот, да се заложи за помирување и мир …, таа ја одбра спротината страна, повторувајќи ги заканите и ултиматумите, кон Косово и неговите граѓани, во тесна соработка и координација со Русија“.

„Денес Косово е посилно од кога било досега, не се плаши од закани. Ги штитиме сите наши граѓани и нивните слободи и права, територијалниот интегритет и државниот суверенитет на нашата земја, демократскиот и социо-економскиот напредок на нашите луѓе и институции. Меѓутоа, она што во моментов се случува покажува колку Србија е далеку од демократските и хуманите вредности и колку останува со геноцидот извршен во 90-тите“, порача Курти.

The post Курти: Денес Косово е посилно од кога било досега appeared first on Република.

Косовскиот премиер Албин Курти во денешното обраќање пред новинарите за време на посетата на северот на Косово, населен со мнозинство Срби, рече дека не почувствувал оти „луѓето не сакаат некој да ги посети од Приштина, па макар тоа бил и премиерот на Република Косово“, јави дописникот на МИА од Приштина.

Откако денеска постави камен-темелник на полициска станица во Лепосавиќ, а потоа ја посети Северна Митровица, Курти рече дека престојува во северниот дел „за доброто на граѓаните“, без оглед на нивната припадност.

- Мислам дека граѓаните се мирни. Сакаат слобода и безбедност. Јас сум тука за нивната благосостојба. Мојата функција не е да ги делам работите според етничка припадност, религија или што и да е, туку да бидам тука за сите, без дискриминации и привилегии, рече Курти.

Косовскиот премиер изјави дека мостот на реката Ибар, кој ја дели Митровица на јужен дел, населен со албанско мнозинство, и северен, со српско мнозинство, треба да се отвори „не против некого, туку за доброто на сите“.

Отворањето на Ибарскиот мост за сообраќај и на возила, освен за пешаци, како што е моментно, Владата на Косово го најавува веќе неколку месеци. Меѓународната заедница се спротивстави на идејата, велејќи дека тоа прашање треба да се реши во дијалогот меѓу Приштина и Белград со посредство на Европска Унија.

Според косовскиот премиер, отворањето на мостот е важно и за економскиот имиџ на државата.

- Мора да се почитува слободата на движење. Од 2016 година има договор во Брисел мостот да биде отворен најдоцна до 2017 година, но не против некого, туку за доброто на сите нас. За економскиот имиџ на државата е важно тој да се отвори, за протокот на капитал и стоки, рече Курти.

Тој порача дека отворањето на мостот е во интерес на сите заедници во Косово.

- Не сакаме да го отвориме мостот против Србите, напротив! Сакаме Србите, Бошњаците и Албанците да можат слободно да се движат по тој мост, додаде Курти

The post Kурти меѓу Србите на северот на Косово: Мислам дека граѓаните се мирни appeared first on Република.

Лидерот на партијата на косовските Срби, Српска демократија, Александар Арсенијевиќ, заедно со потпретседателот на партијата Илија Орловиќ, беше уапсен попладнево во Северна Митровица поради нарушување на јавниот ред и мир, јави дописникот на МИА од Приштина.

Медиумите објавивја дека Арсенијевиќ и Орловиќ биле уапсени поради исвиркување на косовскиот премиер, Албин Курти, кој, придружуван од министри во неговата Влада денеска престојува на северот на Косово, населен со мнозинско српско население.

Запрашан во врска со апсењето, заменик-началникот на косовската полиција за северниот регион, Ветон Ељшани за медиумите изјави дека е точно оти уапсените исвиркувале, но не кажа кон кого.

Во изјава за порталот на српски јазик „КоССев“, Ељшани рече дека уапсените ќе бидат ослободени, а ќе им биде изречена парична казна заради нарушување на јавниот ред и мир.

Во моментот на инцидентот Курти бил во неодамна отворен ресторан за брза храна на шеталиштето во Митровица. Со него се и шефот на косовскиот МУП, Џељаљ Свечља, како и косовскиот министер за локална самоуправа, Ељберт Красниќи.

Тие претходно поставија камен-темелник за изградба на станица на косовската полиција во селото Лешак, во општина Лепосавиќ.

Во центарот на Северна Митровица, како што информира КоССев, има зголемени сили на косовската полиција, вклучително и специјални единици со оклопни возила.

Курти и министрите по престојот во ресторанот се упатија кон неодамна затворената зграда каде што функционираа паралелните српски институции во Северна Митровица.

Курти го најави проектот за изградба на парк до оваа зграда, а потоа отиде на средба со градоначалникот од редовите на неговата партија, Ерден Атиќ во зградата на општина Северна Митровица

The post На Косово се апсат Срби и за свиркање на Курти appeared first on Република.