- Кинење и сквернавење на македонското знаме беше забележано синоќа за време на прославувањето на Денот на албанското знаме во Скопје.

Јавното обвинителство денеска соопшти дека се преземаат дејствија за расчистување на настанот.

-Известен е јавен обвинител, се преземаат дејствија за расчистување на настанот, соопштуваат од ЈОРМ.

Од Министерството за внатрешни работи за МИА информираат дека најава за настан во СВР Скопје имало од страна на Општина Чаир дека на плоштад Скендербег во 18:30 часот ќе има собир за прослава по повод Денот на албанското знаме. Оттаму повеќе информации за постапувањето на полицијата, за тоа дали имало инциденти и дали се постапува за да се откријат сторителите на сквернавењето на македонското знаме најавуваат за подоцна.

Во 11 и 30 ќе се обрати министерот Тошковски.

Со автомобили со развеани знамиња на Албанија по улиците на Скопје и во други градови во земјата каде мнозинството граѓани се етнички Албанци, вчера и синоќа се одбележуваше Денот на албанското знаме. На видео снимки кои синоќа беа објавени од медиумите и граѓани се гледа како се кине македонското знаме и како врз него минува автомобил.

Политичките партии го осудуваат чинот на сквернавењето на македонското знаме и бараат да бидат откриени сторителите и да бидат казнети по закон.

  - Истовремено реагираме на навредливите скандирања и дивеења на неодговорни групи зад кои веруваме дека има и политичка позадина и кои преку етнички теми и поделби сакаат да се наметнат во јавниот дискурс во отсуство на реална политичка понуда.  Законот мора да се почитува од сите подеднакво и очекуваме надлежните институции да ги санкционираат оние кои го кршат законот, потенцираат од ВМРО-ДПМНЕ.

Оттаму ги повикуваат граѓаните, како и во минатото кога имало вакви обиди, да останат достоинствени и мудри бидејќи ова се само последни крици на еден криминален монструм кој ја понижи и ограби Македонија.

И опозициската СДСМ најостро ги осуди инцидентите и сквернавењето на македонското знаме, нарушувањето на јавниот ред и мир, како и употребата на огнено оружје што се случија за време на одбележувањето на Денот на албанското знаме.

-Инцидентите во Скопје и други градови низ државата се апсолутно неприфатливи, претставуваат директно загрозување на меѓуетничките односи, јавната безбедност и достоинството на Македонците. Почитувањето на симболите и идентитетот на секоја заедница е темел на нашето заедничко општество, и секое однесување кое има за цел да предизвика поделби или тензии е спротивно на овие вредности, се посочува во соопштението.

Претседателот на Движењето ЗНАМ и градоначалник на Куманово Максим Димитриевски го осуди, како што посочува непочитувањето на Законот за употреба на знамињата од страна на институции и органи и синоќешното уништување и сквернавење на државното и македонско знаме додека се славеше Денот на албанското знаме. Димитриевски потенцира дека тој е за реално мултиетничко општество во кое што сите взаемно ќе се почитуваат со еднакви права и обврски и сите еднакво да бидат одговорни пред закон.

-Да газиш и кинеш, уништуваш знаме на држава која те израснала, образовала платила и плаќа, вложувала во тебе е злосторство против истата и треба да се одговара, наведува кумановскиот градоначалник и претседател на ЗНАМ.

Потсетува дека го честитал Денот на албанското знаме, а воедно и во рамки на годишната програма за култура со едногласна одлука на советот на Куманово беше подржан настанот, како и многу други во Куманово кои ги негуваат правата на етничките заедници.

- За жал, тоа што денеска го видовме на многу места по државата, па и во мое Куманово особено вандалското однесување на поединци и групи, непочитување на Законот за употреба на знамиња од страна на институции и органи и уништување и сквернавење на нашето државно и Македонско знаме е за секаква осуда, истакнува Димитриевски во пишана изјава за медиумите.

Искажувајќи јавна осуда за ваквите настани, кумановскиот градоначалник бара од институциите на прогонот да ги открие ваквите поединци и групи и да ги изведе пред лицето на правдата и тие да бидат санкционирани според закон.

- Истото го очекувам и од моите колеги градоначалници на кои ова не им е прв пат да го кршат законот без да поднесат одговорност. Исто така очекувам јавна осуда на ваквите настани од сите парламентарни и вонпарламентарни партии во Македонија, како и сите претставници на меѓународната заедница, потенцира Максимовски.

Според него, по ова денеска на тест е нашиот мултиетнички капацитет, дали е тоа искрена желба или пак само фарса.

ВМРО-ДПМНЕ остро реагираше и го осудува сквернавењето на македонското знаме кое се случи во текот на вчерашниот ден.

СДСМ бара од министерот за внатрешни работи, Панче Тошковски, итно да постапи и МВР да ги преземе сите потребни мерки за санкционирање на сторителите на овие непромислени и штетни дејствија. Од партијата повикуваат на смиреност и воздржаност од дополнителни провокации.

Демократската унија за интеграција (ДУИ), како што се наведува во нивното соопштение, остро ја осудува „полициската интервенција без преседан за време на прославата на Денот на албанското знаме“.

- Оваа интервенција, наместо да го зачува јавниот ред, предизвика непотребни тензии и создаде клима на конфронтација, нарушувајќи го правото на граѓаните слободно да ја одбележат оваа значајна празнична традиција, наведуваат од партијата.

Истовремено, тие го осудуваат „индивидуалниот чин на палење на државното знаме како реакција на несоодветната интервенција на полицијата“.  - Таквите дела не ги одразуваат вредностите на Албанците ниту пак стремежите за стабилна соживотност и взаемна почит, се наведува во соопштението.

Ги повикуваат институциите да дејствуваат со зрелост, професионалност и непристрасност, без разлика, и обезбедувајќи ги правата на граѓаните слободно да го изразуваат својот идентитет и култура.

Воедно, ги повикуваме албанските граѓани, како и сите граѓани на Македонија, да ја задржат смиреноста, достоинството и единството, и да не подлегнуваат на провокации и манипулации на оние кои имаат цел да создадат поделби и дестабилизација, се наведува во соопштението.

Во реакција на соопштението на ДУИ, ВМРО-ДПМНЕ,  наведе дека „ДУИ се лицемери, од една страна организираат со СДС црни сценарија за етнички конфликти од друга глумат загрижени и подбуцнуваат групи да дивеат и внесуваат раздор“.

- Така владееја над 20 години. ДУИ треба да знае дека СДС не е на власт, а ДУИ е опозиција. И сите нивни инструменти и потрчковци кои ќе посегнат по рушење на редот и поредокот ќе одговараат. Ниту ДУИ ниту Ахмети не се над законот. Наместо протести, бидејќи ДУИ нема сила за протести добивме кукавичко сценарио за етнички поделби и конфликти. Ќе загубите и овој пат, стои во реакцијата.

The post Партиски осуди за кинењето и сквернавењето на македонското знаме, се чека на реакцијата на министерот Тошковски appeared first on Република.

Денот на албанското знаме се славеше низ Македонија, но и низ Скопје. Но додека тоа се славеше, на две места е снимено и сквернавење на македонското - објави Скопје1. Едната локација, според порталот, е Скопје односно Бит Пазар, каде македонското знаме било палено, а потоа искинато и фрлено. Во другиот случај, автомобил „дрифта“ над македонското знаме.

На неколку локации во Скопје се слушаа и рафални пукања, но не се знае од што доаѓаа.

 

View this post on Instagram

 

A post shared by Скопје1 / Skopje1.mk (@skopje1mk)

https://republika.mk/vesti/makedonija/so-rafali-sireni-i-blokiran-soobrakaj-niz-skopje-se-slavi-denot-na-albanskoto-zname/

The post Македонското знаме палено и уништено на Бит Пазар, но и „дрифтано“ над него додека се славеше албанското appeared first on Република.

Големите скандали во Влен, заедно со секојдневните понижувања од страна на поразените на претседателските и парламентарните избори, вклучително и неможноста да се заштити албанското национално знаме, ги тера вазалите да го изгубат разумот и ги поттикува да клеветат и измислуваат непријатели само за да се оправдаат од големиот срам, реагира ДУИ.

Омаловажени и игнорирани од ЗНАМ и ВМРО, без државното знаме во канцеларијата, без албанскиот јазик во институциите, без Албанците во балансер, со апсења на војниците на ОВК, ви остануваат само учества на свадби и детски клевети.

Астрит Исени и сите други министри се неспособни да ги заштитат Албанците, јазикот, знамето, правичната застапеност, Охридскиот договор, но и децата Албанци од злоупотреби, затоа треба да си поднесат оставки.

Ниту една работа не сте завршиле, ниту едно ветување не сте исполниле, вие сте најголемите губитници во историјата на нацијата.

Целата албанска нација, навивачите, фудбалскиот клуб, медиумите ја знаат вистината, затоа сте патетични и неуки во обидите да го оправдате фијаското што го предизвикавте.

https://republika.mk/sport/fudbal/balistite-od-tetovo-se-pofalija-so-albansko-zname-srede-strumitsa/

The post ДУИ за албанското знаме во Струмица: Целата албанска нација ja знае вистината appeared first on Република.

Навивачите на Шкендија на социјалните мрежи јавно се пофалија дека го истакнале знамето на Република Албанија на мечот против Брера АП во Струмица. „Балистите“ беа на стадионот „Благој Истатов“ откако претходно беше објавено дека едно знаме им било одземено.

Веењето на знамето на Албанија предзвика незадоволство кај гледачите бидејќи мечот одеше во живо на „Спорт Клуб“.

Реагираше и албанската опозиција од „Вреди“ кои сметаат дека ова е дело на првиот човек на ФФМ Сејдини и  Груби од ДУИ кого нарекоа Артан Беливук.

 Дали Мухамед Сејдини, претседател на ФФМ и уапсен во предизборната кампања за купување гласови за ДУИ, свесно и со умисла избрал подобен делегат за овој натпревар, за да побара од полицијата отстранување на навивачи затоа што истакнале Албанско знаме? Дали ДУИ со шемите на Вучиќ во наредниот период планира да предизвика судир меѓу различни навивачки групи и тензии меѓу средношколци и студенти? На што се’ е подготвен Артан “Беливук”?“, прашуваат од ВРЕДИ.

https://republika.mk/vesti/makedonija/vredi-dali-po-nalog-na-grubi-i-bunaku-na-natprevarot-vo-strumitsa-e-testirana-shemata-na-dui-za-sozdavane-tenzii/

The post „Балистите“ од Тетово се пофалија со албанско знаме среде Струмица appeared first on Република.

Стуга трим лум вчера играше против Слован Братислава во квалификациите за Лигата на шампионите. гостите беа надмоќни на теренот и победија со 1-2.

На стадионот „Билјанини извори“ во Охрид не можеа да се видат македонски знамиња па на трибините доминираше само знамето на Република Албанија.

The post Струга поразот го прослави со албанско знаме appeared first on Република.

Група албански планинари пред два дена го отстранија македонското знаме од Голем Кораб, врвот на планината Кораб, и го закачија албанското.

Видеото е споделено на „Фејсбук“ од страна на Изет Шулку, инаку готвач и сопственик на ресторан во Албанија.

Кораб е на Албанија и таму нема место за македонското знаме, напиша Шулку.

The post „Кораб е на Албанија“: Албански планинари го тргнаа македонското и го закачија албанското знаме appeared first on Република.

На куполата на црквата „Свети Атанасиј“ лоцирана на тетовското кале, непознати лица, поставиле албанско знаме.

Црковниот одбор, кој го надгледува овој храм во Тетово, ги известил локалните власти, за сквернавење на верскиот локалитет.

Ицидентот, се случил вчера, доцна попладнето. Според извештаите, дополнително, забележано е, и знаме на „УЧК“, кое било поставено на бандера во близина на влезот на Калето. Портпаролот на СВР Тетово Марјан Јосифоски, потврди дека по добиената пријава веднаш била испратена екипа за увид.

На крајот на ноември се случи сличен инцидент кога од јарболот беше симнато знамето на македонската православна црква-Охридска архиепископија, во дворот на манастирот „Свети Наум охридски-чудотворец“, на Попова Шапка.

Знамето тогаш беше фрлено, а на негово место беше ставено знамето на Албанија. Тетовската полиција за само неколку часови го приведе сторителот.

https://republika.mk/vesti/makedonija/sveshtenik-prijavil-nepoznati-litsa-vo-politsija-deka-go-simnale-tsrkovnoto-zname-od-jarbol-na-tsrkovniot-imot-na-popova-shapka/

The post Знамиња на УЧК и Албанија поставени на црквата Свети Атанасиј и Калето во Тетово appeared first on Република.

Ученик истакнал албанско знаме во дворот на економското училиште во Велес.

Во СВР Велес денеска во 10 часот директорот на Општинското средно училиште „Јовче Тесличков“, Васко Трајковски пријавил дека ученик истакнал знаме на Република Албанија во училишниот двор.

Во присуство на социјален работник со малолетникот бил извршен службен разговор, а знамето е одземено“, информира портпаролот на СВР Велес Билјана Ѓаковска.

По целосно документирање на случајот ќе следува соодветен поднесок.

На 28 Ноември – Денот на албанското знаме, лице од тетовско го симна знамето на МПЦ пред црквата на Попова Шапка и постави албанско знаме.

The post Веел албанско знаме во училиште во Велес, па реагирала полицијата appeared first on Република.

На 30 ноември во 10 часот директорот на Општинското средно училиште „Јовче Тесличков“, Васко Трајковски, во СВР Велес пријавил дека ученик истакнал знаме на Република Албанија во училишниот двор.

Во присуство на социјален работник со малолетникот бил извршен службен разговор, а знамето е одземено, информира портпаролот на СВР Велес Билјана Ѓаковска.

По целосно документирање на случајот ќе следува соодветен поднесок, најави Ѓаковска.

Во истото училиште лани беше откриен сериозен инцидент кога беше објавено видео на кое ученик напаѓа професорка:

https://republika.mk/vesti/makedonija/skandal-vo-veles-profesorka-napadnata-od-uchenik-vo-osu-jovche-teslichkov/

The post Ученик веел албанско знаме во дворот на економското училиште во Велес appeared first on Република.

Денеска во СВР Тетово е извршен службен разговор со 23-годишниот Б.Л. од тетовска Мала Речица, кој е второто лице осомничено за симнувањето на знамето на Македонската православна црква - Охридска архиепископија од јарболот на манастирот „Свети Наум Охридски Чудотворец“ на Попова Шапка и поставување на
знамето на Република Албанија.

Од СВР Тетово додаваат дека по документирање на случајот и против него ќе биде изготвен соодветен поднесок.

The post Фатен и вториот малоречанец што го постави албанското знаме на Попова Шапка appeared first on Република.

Вечерва е уапсено едно лице кое попладнево од црквата Свети Наум Охридски Чудотворец лоцирана на Попова Шапка прво го симнал знамето на МПЦ – Охридска Архиепискоција а потоа поставил знаме на Албанија, објави 24 инфо.

Извршителот на делото е пронајден и во моментов е во Полициска станица Тетово.

Настанот претходно, околу 18.00 часот денеска во СВР Тетово го пријавил свештеник од црквата на Попова Шапка.

The post Приведено лицето кое го симна знамето на МПЦ и постави знаме на Албанија во црквата на Попова Шапка?! appeared first on Република.

Има ли држава и институции! Повторно сме сведоци на провокации кои доаѓаат од центри кои имаат намера да испровоцираат меѓуетнички тензии, ова на Фејсбук го напиша пратеникот од редовите не ВМРО-ДПМНЕ, Александар Велјановски.

-Најостро го осудувам симнувањето на црковното знаме и подигањето на знаме на друга држава во црквата свети Наум Охридски на Попова Шапка.
Истите институции и политички партии кои беа гласни за тоа што се постави Крст во двор на црква на Попова Шапка што е легитимно право на една верска заедница да постави верски симбол очекувам да бидат поактивни и погласни кога спротивно на закон се спушта црковно знаме и на негово место се подига знаме на друга држава, истакна Велјановски.

Ќе реагираат ли веднаш институциите или уште ќе политизираат за политички поени? -прашува Велјановски.

The post Велјановски: Кој сака да предизвика нови меѓуетнички тензии?! appeared first on Република.

Две маскирани лица го симнале знамето на Македонската Православна Црква-Охридска Архиепископија од јарбол пред храмот Свети Наум Охридски, по што е поставено знаме на Албанија. Претседателот на црковниот одбор го пријавил случајот во СВР Тетово. Настанот е евидентитан преку камери за видео надзор.

-Во 18.05 часот во СВР Тетово, свештеникот од црквата „Св.Наум Охридски Чудотворец“ лоцирана на Попова Шапка, пријавил дека од страна на НН лице од јарболот на црквата е симнато црковното знаме и е поставено знаме на Албанија, информира Марјан Јосифоски, портпарол на СВР Тетово.

Сега полицијата презема мерки за расчистување на случајот.

https://republika.mk/vesti/makedonija/balistite-go-vejat-dvoglaviot-orel-na-popova-shapka/

The post Свештеник пријавил непознати лица во полиција дека го симнале црковното знаме од јарбол на црковниот имот на Попова Шапка appeared first on Република.

Ова, како многупати претходно, е намерна провокација и подгревање на меѓуетничката нетрпеливост, напиша Стојанче Ангелов, директор на Центарот за управување со кризи, откако навивачи на Шкендија го кренаа албанското знаме спроти крстот на Попова Шапка, до македонското знаме.

Ангелов апелираше до граѓаните да не наседнуваат на ваквите провокации, а МВР веднаш да ги идентификува сторителите и да поднесе соодветни пријави.

https://republika.mk/vesti/makedonija/balistite-go-vejat-dvoglaviot-orel-na-popova-shapka/

The post Ангелов за албанското знаме на Шапка: Ова е намерна провокација appeared first on Република.

Адвокатот Тони Менкиновски во интервјуто за „Република“ бара да не се прави споредба меѓу знамето со сонцето од Кутлеш и знамето на Албанија.

Македонското сонце од Кутлеш не е симбол на ниту една држава и тоа е симбол на нас Македонците , а знамето на Голема Албанија и албанското знаме кое се виори во Македонија е знаме на Албанија.Тоа е строго забрането со меѓународни договори да биде развиорено на туѓа држава.Кога ќе го развиорите на туѓа држава според меѓународно право дека ја поседувате таа територија и сте ја освоиле.Таа територија не е освоена и треба да се поведат постапки против сите оние кои веат албанско знаме, не знаме на малциннствата и знаме кое содржи елементи на шовинизам, и  експанзионизам кон нас Македонците.

https://republika.mk/vesti/makedonija/menkinoski-pokraj-za-mene-vlasta-podnese-novi-obvinenija-za-gragani-za-istaknuvane-na-makedonskoto-zname/

The post Mенкиноски: Нема споредба меѓу знамето од Кутлеш и албанското, едното е симбол на Македонците, а другото на Албанија appeared first on Република.

На мечот Лајпциг - Црвена звезда од симпатизерите на домашниот клуб на стадионот го развеаја знамето на Албанија.

Многу брзо дошло до тепачка, но обезбедувањето реагираше и го избрка провокаторот од стадионот. Ситуацијата подоцна се смири, па атмосферата на „Ред Бул Арена“ беше феноменална.

The post Албанско знаме се вееше на мечот Лајпциг – Црвена звезда appeared first on Република.

Еден од најпопуларните луксузни брендови „Луј Витон” пуштил во продажба чанти на кои стои албанското национално знаме. Информацијата на „Фејсбук“ ја сподели албанскиот премиер Еди Рама.

Нова чанта на „Луј Вуитон” со најубавото знаме во светот, напиша Рама.

Чантата која има типичен дизајн на „Луј Витон”, со албанското знаме чини 9.900 долари.

Рама синоќа на социјалните мрежи објави дека еден од најпознатите производители на часовници во светот „Франк Мулер” од Швајцарија пуштил во продажба специјален модел на луксузен часовник изработен од челик и црн титаниум, со ликот националниот херој на Албанците Ѓерѓ Кастриот Скендербег.

The post „Луј Витон“ создаде чанта со албанското знаме, чини 9.900 долари appeared first on Република.

Лидерот на ДУИ се сретна со амбасадорката Анџела Агелер во седиштето во Мала Речица.

Забележително е што на масичката пред нив беше како што е редот македонското и американското знаме. Во позадината, пак, беше париското знаме.

Ова се случува нависина ретко бидејќи на сите средби на Ахмети со амбасадори има и знаме на Република Албанија.

Овој пат тоа знаме го немаше.

The post Ахмети не го извади албанското знаме пред американската амбасадорка appeared first on Република.

Излегуваат детали за инцидентот на синоќешниот навивач на мечот од Лигата на шампионите меѓу Реал Мадрид и Манчестер Сити. Тој се открадна од обезбедувањето и излезе на теренот веејќи го знаме на Република Албанија.

Според „Инфоспорт“, станува збор за навивач  со потекло од Македонија и Скопје кој живее во Германија.

Тој очигледно е навивач на Реал и се обиде да го прегрне Бензема пред да биде одвлечен.

https://republika.mk/sport/fudbal/albansko-zname-se-razviori-na-mechot-real-siti/

The post Албанец од Македонија го виореше албанското знаме на „Бернабеу“ appeared first on Република.

На вчерашниот меч од Лигата на шампионите се случи инциедент. Пред крајот на натпреварот еден гледач влезе на теренот и го развиори албанското знаме.

Овој гледач влета на теренот откако избега на обезбедувањето и почна да трча но брзо беше совладан.

Во ваква ситуација камерманите имаат наредба од УЕФА да не го прикажуваат тој момент и да биде прикажан општ кадар за да му се даде публицитет што беше и направено.

The post Албанско знаме се развиори на мечот Реал-Сити appeared first on Република.