Во еден изненадувачки пресврт на настаните, политичкиот пејзаж на Македонија е соочен со потенцијален пресврт заради контроверзната и катастрофална стратегија на СДСМ што ја откри претседателот на ВМРО-ДПМНЕ, Христијан Мицкоски. Владејачкиот СДСМ се чини дека се потпира на ризичен коалициски план, што предизвика загриженост и шпекулации низ целата земја.

Наводниот план

На неодамнешниот митинг во Охрид, Христијан Мицкоски обелодени дека СДСМ која според анккетите околу 27 од 120 пратенички мандати, планира да коалицира со сите албански партии само за да остане на власт.

Овој потег, според тврдењето на Мицкоски, има за цел да ги измами македонските гласачи, особено оние кои се наклонети кон ВМРО-ДПМНЕ, со потенцијално оградување на нивните преференции.

Освен тоа, Ковачевски му гарантирал на Ахмети дека ќе му отстапи 70% од сите функционерски места, како и од новите вработувања. Во оваа смисла, во желбата да останат на власт, СДСМ истакнале дека се задоволуваат со 3 министерски места во идната влада со сите албански партии кои ги вклучуваат екологија, локална самоуправа, одбрана или европски интеграции.

Експертите загрижени

1. Историски контекст: Историјата на Македонија е обележана со етнички тензии и деликатни балансирачки акти во нејзината. Оттаму, овој потег на СДСМ, доколку е вистина, може да се сфати како радикално отстапување од воспоставените стандарди, што може да предизвика сериозни последици.

2. Ризик од реакција: Создавањето коалиција која првенствено ќе се потпира на албанските партии спротовно на волјата на Македонците може да отуѓи значителен дел од македонскиот електорат. Ова потенцијално би можело да влијае СДСМ да се соочи со т.н. 'Пасокизација', односно нејзино забрзано тонење кон нерелвантност.

3. Пресметан ризик на СДСМ: Од друга страна, некои аналитичари тврдат дека потегот на СДСМ може да биде пресметан потег со цел останувањето на власт спротивно на волјата на граѓаните.

Споредби со минати стратегии

Политичките маневри во Италија: Италија во својата историја има случаи кога партиите формираат неконвенционални сојузи за да обезбедат моќ, понекогаш во спротивност со традиционалните партиски линии. Потегот на СДСМ може да се види во слично светло, чија цел е длабоко коруптивна, а не идеолошка коалиција.

Каков крај! Потенцијално фијаско за СДСМ

Како што Македонија се приближува до изборите, откритијата за коалициониот план на СДСМ предизвикува дебати за импликациите. Иако тоа би можело да биде стратешки потег за да се обезбеди владеење, потенцијалното отуѓување на македонските гласачи и сеништето на непропорционално влијание на албанската партија се наѕира на големо.

Времето ќе покаже дали овој ризичен потег на СДСМ ќе доведе до политичко фијаско, преобликувајќи го политичкиот пејсаж на Македонија на непредвидени начини.

The post СДСМ соочен со фијаско презема ризична стратегија за коалиција со албанските партии само за да остане на власт appeared first on Република.

Четириесет и тригодишниот Едмонд Амзаи, познат фотограф од Гостивар и сопственик на фото-студиото „Акон“, денеска загинал во тешка сообраќајна несреќа во Велес, пренесоа медиумите на албански јазик.

Зад себе остави сопруга и син.

Албанските партии најавија дека ги прекинат активностите на претседателската кампања.

Почитувани медиуми, ве известуваме дека митингот на коалицијата „Вреди“ закажан за вечерва во Гостивар во 20:30 часот ќе биде одложен бидејќи во текот на денот во сообраќајна несреќа животот го загуби младиот гостиварец Е.А., а како знак на почит ги откажуваме сите активности за денес. До семејството, пријателите и сите жители на Гостивар, изразуваме искрено сочувство!, велат од „Вреди“.

 

Потресени од веста за несреќата во која животот го загуби младиот гостиварец, со длабока тага изразуваме искрено сочувство до семејството. Воедно, ве известуваме дека општинските штабови на ДУИ во Гостивар и на Европскиот фронт ги прекинуваат предизборните активности за денеска и утре, соопштија од огранокот на ДУИ во Гостивар.

 

Потресна и неверојатна вест за прераната смрт на младиот гостиварец Едмонд Амзаи. Во овие тешки моменти сме со семејството, сопругата и пријателите и изразуваме најискрено сочувство за оваа незаменлива загуба. Ве известуваме и дека седиштето на Алијансата за Албанците - Гостивар ги откажува сите предизборни активности до понатамошно известување. Тагата и болката се големи за оваа трагична загуба. Почивај во мир драг Едмонд, соопштуваат од АА и Зиадин Села.

The post Загина познат фотограф од Гостивар, албанските партии ги откажаа митинзите appeared first on Република.

Опозициските партии во албанскиот блок тргнуваат во обид за окрупнување. Гаши, Касами и Меџити денеска на заедничка маса ќе ги стават заедничките цели и ќе ги разгледуваат можностите за соработка, а ваквата информација за Телма ја потврди лидерот на Алтернатива.

Тој рече дека се уште не се договорени местото и терминот но нагласи дека средба денеска ќе има. Веќе неколку месеци на маса е ставена точката за окрупнување на албанскиот опозициски блок.

Целта е обединување против ДУИ оти сметаат дека тамошните функционери се грижат само за нив, но не и за граѓаните.

Касами мината недела упати повик до лидерот на Алијансата за Албанците Арбен Таравари  да ја напушти Владата и да се приклучи кон на „опозицискиот фронт“ за да ја победат ДУИ на претстојните парламентарни избори.

The post Гаши, Касами и Меџити денеска на заедничка маса, целта е обединување против ДУИ appeared first on Република.

Ковачевски рече-Таче одрече. До пред само некоја недела власта го посочуваше хрватскиот модел за преамбулата на Уставот како добра основа за уставните измени кои треба да се направат со цел Бугарите да влезат во Уставот.

И навистина Уставот на Хрватска е добар пример бидејќи носител на државноста е хрватскиот народ a на сите други малцинства, меѓу кои и на македонското им се гарантирани сите права. Клучен збор е „малцинства“ односно „nacionalna manjina“  како што се нарекуваат во хрватскиот Устав.

Ако се препише хрватскиот Устав, сите кои живеат во Македонија а не се Македонци, односно Албанци, Турци, Срби, Власи, Бошњаци, и по ново Бугари, Хрвати и Црногорци треба да бидат во променетиот македонски Устав, односно во неговата преамбула.

Ништо спорно, и никој би не би имал против. Затоа беше за поздравување што власта во Македонија го посочуваше хрватскиот модел.

Но, откако лидерот на ВМРО-ДПМНЕ Христијан Мицкоски се изјасни дека за него хрватскиот Устав е прифатлив и оти би би прифатил такви промени на Прембулата, да се пробудија духовите.

Први се јавија албанските партии со изговор дека минало времето кога една нација или народ надвадувала на друг и оти промената на Уставот требало да ја изразува реалноста, односно мултиетичноста на Македонија.

А што си мислеше власта и албанските партии? Дека Уставот е излог од кој ќе си земат само она што им одговара, во случајот набројувањата на сите помали заедници како што е во хрватскиот Устав, а она што не им одговара а тоа е истакнувањето на македонскиот народ како носител на државноста ќе го оставиме во витрината? Така тоа не бидува.

Ковачевски како по обичај се прави дека не е одовде или пак е свесен дека и онака никој ништо не го прашува.

Јас не кажав што е прифатливо, што не е прифатливо, кажав дека прво работи работна група во рамки на Министерството за правда во којашто членуваат експерти и во која веќе се поканети претставници на политичките партии застапени во Парламентот и којашто ќе треба врз основа на најдобрите искуства да изработат предлог којшто треба да биде ставен на расправа. И кажав дека има политички партии кои што зборуваат за еден модел, па има политички партии кои зборуваат за друг модел на амандмани, трети зборуваат за трети. Вие кажавте за хрватски, излезе друга политичка партија кажа за швајцарски модел, трета излезе за белгиски модел да зборува и затоа треба да се седне на експертско ниво и да се изработи предлог којшто одговара на македонското општество и којшто одговара на нашите закони и на она што ние го очекуваме од нашата иднина како идна земја членка на Европската унија. Јас не кажав ниту дека сум за нешто за, ниту дали сум за нешто против-рече Ковачевски денеска.

The post Сега и хрватскиот модел не бил добар: Албанските партии мислат дека Уставот е излог од кој ќе си земат само што она им одговара appeared first on Република.

Потпретседателот на ВМРО-ДПМНЕ, Александар Николоски во емисијата „Заспиј ако можеш“ ги прокоментира информациите дека владата во Македонија била создавана под влијание на албански и косовски политичари и истакна дека во нормални услови ова е мешање во внатрешните работи во државата.

За жал ова во овие услови тоа не може да се дефинира како класично мешање во внатрешните работи на Република Македонија, од проста причина што мешањето е на барање на премиерот. Интервенцијата и на Еди Рама и на семејството на Јашари, било на барања и на тогашниот и на барање на идниот премиер. Значи Зоран Заев и Димитар Ковачевски се јавувале кај Еди Рама да го молат да се јавува кај албанските политички партии во Македонија се со цел тие да ја поддржат владата на СДСМ и таа влада да не падне. Истото го правеле и во Косово, што значи дека толку ја понижија македонската држава и македонскиот народ, што самите бараат да има мешање во внатрешните работи на Македонија, посочи Николоски.

Тој истакна дека на следните парламентарни избори потребна е масовна, референдумска поддршка на ВМРО-ДПМНЕ, за да нема уцени од никого.

Кога ќе се промени власта Еди Рама ќе може да сонува да се меша во Македонија и да составува влада. Тој филм после промената на власта, ни Рама, ни некој од Косово, ни било кој од соседството, нема да го гледа. Не планираме ни ние да им се мешаме на нив, но исто така нема да дозволиме да ни се мешаат во внатрешните работи, заклучи Николоски.

The post „Се јавувале да го молат“: Мешањето на Еди Рама и на семејството на Јашари било на барање на Заев и Ковачевски appeared first on Република.

Претседателот на ВМРО-ДПМНЕ, Христијан Мицкоски оддржа координативна средба со пратеничката група на ВМРО-ДПМНЕ и Коалицијата за Обнова на Македонија, соопштија од партијата, додавајќи дека на средбата за разговарало за реконструкцијата на владата која е предложена во Собранието на Република Македонија.

Беше заклучено дека кадровските решенија за владиниот состав се резултат на „Пазар 3” коалицијата каде примарен интерес не е напредокот на државата, туку бизнис интересите и личните кадровски амбиции. Самите решенија кои се предложени укажуваат на тоа дека со владата управува ДУИ и Ахмети, а Ковачевски е слуга на неговите интереси. Додека Ахмети и ДУИ ја топи и обезвреднува албанската опозиција, Ковачевски и СДС го плаќаат ваквиот план на Ахмети. Овој владин состав нема да донесе ниту реформи, ниту напредок, туку криминал, матни тендери и продлабочување на кризата. СДС и Ковачевски стануваат малцински партнер во својата влада, само за да им продолжи криминалот тие гласаат се што Ахмети ќе им предложи. Доколку помине оваа реконструкција, Алијанса многу бргу ќе ја дочека судбината на Алтернатива, а Таравари за неколку месеци ќе сфати дека бил злоупотребен и дека трампал тендери за крај на неговата партија и кариера, велат од ВМРО-ДПМНЕ.

The post СДСМ и Ковачевски стануваат малцински партнер во својата влада appeared first on Република.

Не сум сигурен дека брзата промена на министри претставува најдоброто решение, меѓутоа дефинитивно се не зависи од Министерството за правда. Многу работи зависат од фактори коишто не се директно поврзани, за жал или за среќа, можеби со Министерството за правда, вели министерот за правда Никола Тупанчески.

https://republika.mk/vesti/makedonija/ako-alijansa-vleze-alternativa-izleguva-od-vladata-partijata-na-gashi-vecherva-ke-odluchi/

Прашан за можната владина реконструкција со влез на Алијанса за Албанците во Владата, Тупанчески рече дека апсолутно не постои никаква оптовареност каков ќе биде развојот на настаните и дека дефинитивно се подготвени да одговорат на сите предизвици.

Јас реков дека до последниот ден додека сме во Министерството за правда ќе го дадеме својот максимум. Не би сакал да го коментирам политичкиот или партискиот контекст, меѓутоа дефинитивно сме Министерство коешто и досега можеме да се пофалиме со остварените резултати. Меѓутоа, имаме и одредена замисла како да ги заокружиме претходните наши замисли во однос на реализација, подобрување на состојбите во нашата држава, изјави Тупанчески, одговарајќи на новинарски прашања по денешната посета на Апелациониот суд во Штип.

The post Тупанчески за гласините дека ќе го променат: Не сум сигурен колку е најдобро решение appeared first on Република.

Колку треба да НЕ ТЕ БИВА за преговарање (од нула до Таче) за со 44 пратеника да „избоксуваш“ да имаш едвај 11 членови на Влада (од вкупно 21) - а партиите на албанското малцинство, со 28 пратеника, да имаат 10 членови на Влада!?, реагира пратеникот и лидер на Левица Димитар Апасиев, коментирајќи го влезот на Алијанса за Албанците во владата.

https://republika.mk/vesti/makedonija/alijansa-vleguva-alternativa-ne-izleguva-na-sdsm-odgovara-da-dade-se-za-da-nema-predvremeni-izvori/

Е овие истиве, во наше име, преговараат со Бугарија и со ЕУ!, алармира Апасиев, нарекувајќи ги СДСМ лузери.

The post Апасиев: Колку треба да не те бива за преговарање за со 44 пратеника да имаш едвај 11 членови на Влада? appeared first on Република.

Алијанса на Албанците (АА) најверојатно ќе добие три министерства во владата на Димитар Ковачевски, брифираат за „Плусинфо“ извори од оваа партија. Ресорите правда и здравство наводно веќе се капарисани, а од рокадата на министерствата меѓу СДСМ и ДУИ зависи дали третиот ресор ќе биде образование, екологија или земјоделство.

Поделбата на пленот ќе биде позната по денешната средба во Владата помеѓу премиерот Димитар Ковачевски и лидерот на Алијанса, Арбен Таравари. Добро упатени извори, сепак, велат дека програмските разлики, доколку воопшто ги има, лесно ќе се испеглаат и дека во ваквите преговори секогаш доминира поделбата на министерствата, на заменичките и на директорските места и на другите привилегии.

Лидерот на алтернативците засега молчи, но затоа други брифираат и отворено зборуваат дека оваа партија сѐ уште не ги добиле сите раководни позиции кои им биле ветени кога влегле во владата, а сега наводно треба да се откажат и од други позиции заради влезот на АА.

Сепак, извесно е дека ДУИ нема да ги жртвува своите силни позиции во владата на Ковачевски. Извор на „Плусинфо“ близок до СДСМ проценува дека и тоа нема да биде пречка да дојде до окрупнување на владејачкото мнозинство.

The post Алијанса влегува, Алтернатива не излегува: На СДСМ ѝ одговара да даде сè за да нема предвремени извори appeared first on Република.

Премиерот на Албанија Еди Рама во вторник на 10 јануари во Тирана ќе ги собере на состанок лидерите од албанските политички партии во Македонија.

Како што пишува Zyrtare.net, покана за средба добиле претседателот на ДУИ, Али Ахмети, претседателот на Алијанса за Албанците, Арбен Таравари, Движењето Беса, Билал Касами и првиот човек на Алтернатива, Африм Гаши.

Не се знае која е причината за свикување на оваа средба од страна на премиерот Рама, но таа доаѓа во клучен момент кога во Собранието мора да се изгласаат уставни измени.

The post Каква платформа се крчкa сега?: Еди Рама во Тирана ќе ги собере лидерите на албанските партии од Македонија appeared first on Република.

По неколкуте средби на пратениците од ВМРО-ДПМНЕ со помалите партии од власта од кои добија поддршка за измените на Изборниот законик, Беса е првата од албанската опозиција која се изјасни против промена на изборниот модел. Пратеникот Фадил Зендели по средбата со ВМРО-ДПМНЕ кажа дека тие се залагаат за три изборни единици, а за сите измени што ќе се прават според нив мора да има консензус од сите партии. Подготвени се да зборуваат за отворени изборни листи.

Според пратеникот на ВМРО-ДПМНЕ Антонио Милошоски и покрај разликите со БЕСА околу бројот на изборните единици, важно е што побрзо да почне собраниската расправа за законот за промена на изборниот модел кој помалите партии го поднесоа уште лани во март, а останува да се дефинира изборниот праг.

Во обид да добијат поддршка за измените во Изборниот законик, Милошоски за утре најави средба и со Алијанса за Албанците кои исто така се против и наместо една бараат осум изборни единици, а не ја исклучува можноста пратениците од ВМРО-ДПМНЕ следниве денови да се сретнат и со ДУИ, кои досега немаат јасен став, но претходно се залагаа да остане сегашниот изборен модел.

Недостатоци во моделот со една изборна единица гледа и белгискиот експерт Питер Ванхојте, кој беше ангажиран во преговори за Пржинскиот договор и добро ја познава работата на македонскиот парламент. Тој во изјава за „Независен“ вели дека е против идејата за промена на изборниот модел, бидејќи со една единствена изборна единица мнозинството од граѓаните повеќе нема да бидат претставени во парламентот и на таков начин ќе се создаде мнозинство пратеници од Скопје. Според Ванхојте важно е пратениците да ја претставуваат изборната единица и областа каде што се избрани.

Алијанса на Албанците се залага за 8 изборни единици колку што има економски зони, додека ДУИ и Беса сметаат дека доколку се променат изборните правила, тогаш најприфатливо решение би било три изборни единици.

Малите партии потписнички на измените бараат да се отвори комисиска расправа во наредните 15 дена. За висината на изборниот праг ќе се земат предвид компаративните искуства од земјите членки на ЕУ и ќе се утврди кој модел е најсоодветен за нашата држава.

СДСМ се сомнева во вистинските намери на ВМРО ДПМНЕ и останува на тврдењето дека за промена на изборните правила потребен е консензус на четирите најголеми политички партии што во моментов го нема.

И од Владата се на став дека за ова прашање треба да се формираат работни групи кои ќе го дадат конечниот збор и дефинираат изборниот модел.

Разговорите ќе продолжат и утре.

The post Албанските партии не поддржуваат модел со една изборна едница: Беса е за три, АА за осум appeared first on Република.