Вчеравечерво 20.50 часот на Граничен премин Табановце, на излез од државата, полициски службеници го лишиле од слобода В.А.(32) од Република Албанија.

При преглед и контрола на автобус со албански национални ознаки, со кој се превезувал на релација од Албанија до Италија, В.А. бил селектиран за дополнителна контрола, при што во неговиот багаж биле пронајдени три кеси со 3622 монети со археолошка вредност, различни по форма, вредност, големина и потекло, соопшти МВР.

Со лицето бил извршен службен разговор и за настанот бил запознаен јавен обвинител, по чија наредба монетите биле одземени за понатамошна постапка. В.А. бил предаден на полициски службеници од СВР Куманово и по целосно документирање на случајот, против него ќе биде поднесена соодветна пријава по член 265 од Кривичниот законик.

The post Aлбанец фатен со 3622 монети со археолошка вредност кои сакал да ги изнесе од Македонија appeared first on Република.

Триесетгодишен Албанец е уапсен под сомнение дека ја убил сопругата (24) пред очите на нивните малолетни деца во семејната куќа во Сан Феличе а Канчело, кај Казерта, Италија.

Убиството се случило утрово околу 5 часот, а полицијата во куќата затекнала грозоморна сцена.

Мртвата жена лежела на подот додека нивните деца, на возраст од четири и шест години, биле покрај неа. Според реконструкцијата на настанот, мажот за време на расправијата збеснал и со голи раце ја задавил жената пред очите на децата.

Причината за расправијата сè уште не е позната, а во тек е полициска истрага.

The post Албанец си ја задавил сопругата пред очите на децата appeared first on Република.

Албански државјанин е уапсен откако во раните утрински часови денеска се обидел да влезе во полициска станица во Германија, во градот Линц, со мачета во раката.

Повикувајќи се германските медиуми, А2 Си-Ен-Ен, наведува дека настанот се истражува како терористички напад, бидејќи Албанецот, за кој се наведува дека има 29 години, кога се обидел да влезе во станицата извикувал „Алаху Акбар“.

Генералниот обвинител на Кобленц, Харалд Крузе, е убеден во тоа и ги истражува „преостанатите обиди за убиства“, објавија албанските медиуми.

-Албанецот, кој живее во малото гратче Линц (област Нојед/6500 жители), во петокот околу 02:40 часот тргнал пеш до станицата „Ам Конвикт“. Таму постојано извикуваше „Алаху Екбар“ и велеше дека сака да ги убие полицајците, рекол Крузе, пренесува телевизијата.

Она што мажот со мачета очигледно не го очекувал е дека за да стигне до полиција ќе мора да помине низ втора врата што може да ја отвори само чуварот.

Полицаецот успеал да ја затвори надворешната врата, при што Албанецот го заробил меѓу двете врати. Со струен удар бил неутрализиран и уапсен.

Првичните истраги откриле докази дека тој бил мотивиран од исламски радикализам, затоа случајот го презеде Централната канцеларија на државата Рајнланд-Пфалц за борба против тероризам и екстремизам при Јавното обвинителство во Кобленц“, додал обвинителот Крузе.

Според него по проверките во станот на Албанецот, на ѕид е пронајдено знаме на терористичката организација „Исламска држава“.

The post Албанец со мачета и извици „Алаху Акбар“ се обидел да влезе во полициска станица во Германија appeared first on Република.

Албанец (22) е повреден во престрелка што се случила рано утринава во Перистери, Грција, кога непознати напаѓачи испукале најмалку осум куршуми во неговиот автомобил.

Според локалните медиуми, пукањето се случило околу 02:30 часот. Непознати напаѓачи пукале од „аудито“ во „смартот“ од кој штотуку излегол младиот Албанец.

Според медиумите, ранетиот Албанец ѝ е веќе познат на полицијата и е под истрага поради сомнение дека е дел од криминален клан.

Тој бил уапсен во 2021 година за шверц на дрога. Во таа прилика кај него и неговите пријатели биле пронајдени повеќе од 2 килограми кокаин и 5,4 килограми марихуана.

Следната година бил уапсен бидејќи пукал во автомобилот на маж со кого се скарал.

Во утринската пресметка, младиот Албанец се здобил со прострелна рана во бутот и итно бил пренесен во болница, но не е во животна опасност.

На местото на кривичното дело полицијата пронашла шест чаури и два куршуми кои се подигнати на вештачење.

The post Во возило на Албанец во Грција испукале 8 пати, зад нападот е нарко мафијата appeared first on Република.

Мажот (50) од Волос, кој во јануари со пушка уби 33-годишен Албанец, брат на неговата сопруга затоа што со години ја силувал неговата 18-годишна ќерка, поднесе барање да биде пуштен на слобода. Тој моментално се наоѓа во специјалното крило на затворот во Лариса, каде што нема затвореници поради тешки прекршоци, а секојдневно има контакт со своите три деца.

Тој првично беше осуден на домашен притвор по неговото признание, но поради „недоразбирање меѓу обвинителот и истражителот“ е вратен во затвор.

Првпат била малтретирана на деветгодишна возраст

Девојчето му кажало на својот татко дека била сексуално злоставувана од својата деветта година, а силувањето се случило на возраст од 12 до 14 години. Кога имала 14 години, му рекла дека ако продолжи, ќе го разоткрие, но како што пренесуваат грчките медиуми, кога и да му требале пари, тој се враќал и ја уценувал со видео снимки.

По грозоморното сознание дека неговата ќерка со години била силувана, а потоа уценувана, мажот земал ловечка пушка и се сретнал со својот девер. Тие се сретнале во Волос, каде што 50-годишникот го убил, а подоцна на полицијата ѝ признал што и зошто направил.

Не можев да издржам. Сакав тој лично да ми каже зошто го направи тоа. Зедов пушка со мене бидејќи знаев што беше мојот шура во минатото. Ја натерав сопругата да му се јави и да му рече дека ѝ е потребна помош да ја смени гумата на автомобилот на влезот во Волос, рекол таткото.

Се насмеа кога го прашав зошто ја силувал ќерка ми

Викав и го прашав зошто ја силувал и ја уништи ќерка ми. Виде дека имам оружје со мене, но не сакаше ништо да ми објасни. Само почна да се смее, а потоа почна да трча. Постојано менуваше насоки, а потоа се обиде да ме нападне и да ми го земе оружјето. За да се одбранам го удрив со задниот дел од пушката во пределот на главата и тој падна. Меѓутоа стана и повторно ме нападна. Така дојде до тепачката, се обиде да ми го земе карабинот, па во целата турканица беше повлечен орозот и истрелот го погоди во градите, објаснил таткото.

Освен заканувачки пораки, мобилниот телефон на девојчето содржи и видео снимки и фотографии од сцени со силување, па уредот бил испратен во форензички лаборатории за да ги извадат сите досиеја. Како што пренесува „Тахидромос“, се стравува дека дека не е само неговата 18-годишна ќерка жртва на 33-годишниот Албанец.

The post Таткото кој го уби својот девер Албанец зашто со години ја силувал ќерка му, поднесе барање да биде ослободен appeared first on Република.

Дури 40 платени убијци Албанци делуваат на територијата на Балканот, според сознанијата на криминологот Менсут Адеми.

– Оние кои плаќаат за убиства имаат за цел да ги сокријат своите траги и да имаат чисти раце, бидејќи сметаат дека лицето што го врши чинот на убиство во нивно име е професионалец, и нема да остави траги на местото на злосторството.

Тој откри и по која цена се нарачуваат убиства.

– Дваесет до педесет илјади долари, значи 15 до 45 илјади евра, но ова во моментов не важи на Косово, бидејќи е гето, има големи економски проблеми, нема економски развој – рече Адеми.

Албанското Специјално обвинителство против организиран криминал и корупција, СПАК, што се однесува до шверцот со оружје, во последниот извештај наведува дека постои растечки тренд на криминални групи кои нарачуваат огнено оружје во странство, главно  од типот „пиштол“ и обезбедување експлозивни средства во Косово.

– Трговијата со оружје е уште една криминална активност, која главно ги придружува групите вклучени во трговија со дрога и кои се карактеризираат со висока употреба на насилство, стои во извештајот, јави Ора њуз.

Се додава дека употребата на експлозиви продолжува да биде едно од средствата што се користат за нарачани убиства.

– Во последно време се забележува растечки тренд на криминални групи кои во странство нарачуваат огнено оружје од типот „пиштол“. Се забележува и тенденција на раст на купување експлозиви во Косово, се наведува во извештајот на СПАК.

The post За 40.000 евра можете да нарачате албански платен убиец appeared first on Република.

Вчера во 17 часот и 15 минути во СВР Тетово е пријавено дека на регионалниот пат Мавровска крстосница - Дебар, на влезот во гостиварското село Дуф, се случила сообраќајна несреќа во која учествувале товарно моторно возилo „ман“ со гостиварски регистарски ознаки, управувано од 26-годишниот И.О. од Дуф и
мотоцикл „сим 250“ со гостиварски ознаки што го управувал О.Ч.(26) од Република Албанија.

Во несреќата, мотоциклистот се здобил со тешки телесни повреди констатирани во гостиварската Општа болница „Ферид Мурад“. На местото на несреќата увид
извршила екипа од Одделението за внатрешни работи
Гостивар.

The post Албанец на мотор тешко повреден по судир со камион кај Гостивар appeared first on Република.

Полицијата на Закинтос уапси државјанин на Албанија (27) под сомнение дека ја дрогирал и претепал својата 19-годишна девојка, предизвикувајќи ѝ спонтан абортус.

Се сомнева дека тој во вторникот вечерта ја одвел од нејзиниот дом девојката која била во 2-от месец од бременоста во неговата куќа, каде што ја врзал, ја претепал и ја принудил да пие лекови за да предизвика абортус.

Следното утро со повредите ја однел во болница. Животот на девојката не е во опасност, но потврдено е дека го загубила бебето.

Полицијата го лоцирала и уапсила во средата, а се товари за семејно насилство, предизвикување смрт на плодот, нанесување тешка телесна повреда, но и кражба, бидејќи го одзел мобилниот телефон на девојката.

The post Албанец ја претепал и дрогирал бремената девојка за да ја натера да абортира appeared first on Република.

Грчката полиција трага по двајца државјани на Албанија, кои се осомничени дека синоќа во Атина ладнокрвно застрелале три млади момчиња.

Безбедносните камери го снимиле моментот кога еден од напаѓачите по вербална расправија извадил пиштол и ги застрелал момчињата во глава. Се се случувало пред клуб, пред бројни сведоци.

Осомничените излегле од луксузниот „ренџ ровер“ и се доближиле до групата која стоела на улицата и оттаму започнала тепачката. Во еден момент осомничените во придружба на тројца од групата се упатуваат кон нивното возило. Потоа избива тепачка, а неколку секунди подоцна, пред бројни сведоци, еден од осомничените вади пиштол и почнува да пука.

Прво нишани во главата на младиот човек кој го удрил неговиот другар, потоа пука во вториот млад човек кој почнува да бега, а на крајот го застрелува и третиот млад човек кој ја гледал тепачката.

На пукањето посведочиле најмалку седум лица, кои дале изјави во полиција.

Според медиумите, едно од младите е во критична состојба, додека другите двајца се стабилни.

https://www.youtube.com/watch?v=ySn5j7_pk1A

The post Албански државјанин ладнокрвно застрела тројца момци пред ноќен клуб во Атина appeared first on Република.

Кога за првпат функција премиер има еден Албанец, тоа позитивно одекнува кај Албанците. Албанците чувствуваат дека полека и сигурно ги остваруваат правата за кои мислеле дека треба да ги имаат за да се рамноправни. Тоа се остварува со демократски средства, па секако им значи на Албанците, а верувам дека и Македонците тоа го сфаќаат како нешто нормално. Секако има и такви кои мислат дека Албанец не може да врши такви функции, но со текот на годините бројот на таквите сè повеќе се намалува и табуата се надминуваат.

Ова беше една од поентите на политичкиот аналитичар Исмет Рамадани во неговото гостување во емисијата „Студио 10“ на ТВ 24. Тој додаде дека европскиот фронт може да биде ветер во грбот оти мнозинството од граѓаните се за влегување во ЕУ.

Мора да одиме напред и да отвориме нови поглавја во политиката кон ЕУ, а не да ја враќаме државата во минатото – апострофираше Рамадани.

Според него, кај албанскиот блок е проблем што сега има осум партии кои е тешко ќе се изменаџираат во таков европски фронт, особено во ситуација кога и опозицијата е европски сојуз и е бесмислено да се става во кошот на антиевропска коалиција. Сепак, тој укажува на заедничкиот именител што би требало да го имаат сите што се проевропски ориентирани.

Ако на маса не се стават уставните измени, тогаш нема што би можело друго да се понуди оти уставните измени водат кон европскиот прогрес на државата – нагласи Рамадани.

Тој смета дека ако ВМРО-ДПМНЕ ја бојкотира техничката влада, предводена од премиер Албанец, ќе се појасни нивната вистинска слика за албанофобија.

Тоа нема да им донесе никакви позитивни промени туку, напротив, ќе ја потврдат својата стигма за националистичка и албанофобна – истакна аналитичарот.
Доколку ВМРО-ДПМНЕ продолжи да ја напаѓа ДУИ како партија, тоа само ќе оди во корист на ДУИ и само ќе придонесе оваа владејачка партија да има поголем број на гласачи, заклучи Рамадани.

The post Исмет Рамадани: Со текот на времето и за Македонците ќе стане нормално премиер да биде Албанец appeared first on Република.

Портпаролот на ДУИ, Бујар Османи, во изјава за медиумите рече дека изборот на Џафери за технички премиер е историски оти за првпат се скршени етничките табуа и монополи, каде ниту една етничка група не е пофаворизирана од друга.

Според Османи, во наредните години ќе го имаме и првиот претседател Албанец.

Одлуката за избор на Талат Џафери за албански премиер беше едногласна, освен еден член кој предложи првиот премиер да биде женски. Она што е историско е рушењето на етничките монополи. Кога Талат Џафери беше избран за претседател на Собранието, се направи вистински пуч. Но, кога беше избран по втор пат, тоа веќе не беше новост бидејќи беше скршен монополот на Албанец да биде претседател на Собранието. Идејата е да се разбијат етничките монополи. Вториот премиер повеќе нема да биде тема. Вториот монопол е на претседателот на државата, но тоа е следната мисија на ДУИ - вели Османи.

The post Растат апетитите за власт: Следна мисија на ДУИ е Албанец претседател на Македонија appeared first on Република.

Албанскиот државјанин Бесник Николи, инаку познат како „Нико“ или „Ел Гордо“ е уапсен во Санта Марта, обвинет за поврзаност со колумбиските шверцери со дрога.

Бил баран во повеќе од 180 земји и се смета за цел со висока вредност од француските власти, Европол и Интерпол.

Обвинителството и полицијата во Санта Марта (Магдалена) го уапсија албанскиот државјанин Бесник Николи, познат како алијас „Нико“ или „Ел Гордо“, кој од октомври 2021 година француските власти го бараат преку црвен картон на Интерпол за стореното дело меѓународна трговија со дрога, јави Топ чанел.

Уапсеното лице, исто така, било вмешано во кривични дела за перење пари и се барало во повеќе од 180 земји.

Од информациите со кои располага истражниот орган, утврдено е дека „Нико“ бил во служба на структури за шверц на дрога кои вршат кривични дела во Франција, Албанија, Холандија и Германија, наведува телевизијата.

Очигледно, неговото присуство во Колумбија имало за цел да воспостави контакти со мрежи за шверц на дрога.

The post Албанецот Нико баран од 180 земји фатен во Колумбија appeared first on Република.

Основното јавно обвинителство Скопје поведе постапка против 44-годишен државјанин на Република Албанија, осомничен за кривично дело „напад врз службено лице при вршење работи на безбедноста“, а Основниот кривичен суд Скопје му определен притвор во траење од осум дена.

Како што информира ОЈО, на граничниот премин „Долно Блаце“, осомничениот физички нападнал полициски службеници кои вршеле проверка на патните исправи при влез во државава.

Проверката на личните податоци во патната исправа на осомничениот покажала дека по лицето е распишана меѓународна потерница од Интерпол – Грција за сторени кривични дела „убиство, грабеж и кражби“. При спроведување, тој започнал да дава активен отпор и да се обидува да избега, удирајќи ги двајцата полициски службеници и нанесувајќи им телесни повреди. Двајцата полицајци го совладале и го привеле, соопшти ОЈО.

Јавниот обвинител до судијата на претходна постапка достави предлог за определување мерка притвор за осомниченото лице, имајќи предвид дека постои опасност тој да се даде во бегство, како и да го повтори делото. Предлогот беше прифатен и со решение на Основниот кривичен суд Скопје на осомничениот му е определен притвор во траење од осум дена за делото кое се гони во скратена постапка.

The post Ги нападнал полицајците на „Блаце“: Уапсен албански државјанин appeared first on Република.

Грчката полиција започна интензивна потрага за лоцирање и апсење на сторителот кој во четвртокот попладне застрела и смртно рани 50-годишен маж со албанско потекло во областа Аналипси во источен Солун.

Крвавиот инцидент се случил вчера во 12:35 часот пред бензинската пумпа на улицата Солонос бр. 51 пред очите на случајни минувачи.

Според очевидците, сторителот и жртвата наводно се познавале и кратко време пред убиството заедно седеле во ресторан во околината.

Како што може да се види на видеото, 50-годишниот маж се расправа со возачот од автомобил паркиран на пумпата, а потоа се обидува да го удри возачот преку совозачкиот прозорец, по што возачот пука во него со огнено оружје.

pic.twitter.com/YPEuI9lEP6

— Pluton (@Pluton45873221) July 14, 2023

Жртвата добила најмалку три куршуми во пределот на рамото и градниот кош, а малку подоцна му подлегнал на повредите

Полицијата интензивно работи на откривање на сторителот на делото, пренесуваат грчките медиуми.

The post Албанска пресметка заврши со убиство на бензинска во Солун appeared first on Република.

- Италијанската полиција уапсила албански државјанин и запленила над 72 килограми кокаин и 50 илјади евра.

Според албанските медиуми, се започнало со рутинска контрола на патот на автомобил "Пежо 208" кој се движел кон Кавриаго од областа на стадионот Мапеи.

Мажот кој го управувал автомобилот не ги послушал полициските наредби да застане, што резултирало со потера од полицајците.По неколкуминутна потера, 29-годишниот Албанец веднаш бил уапсен од полицијата. При контрола на возилото биле пронајдени  30.000 евра.

Потоа проверките продолжиле во неговата куќа, во зоната на стадионот Мапеи, каде во друг автомобил во негова сопственост биле пронајдени над 72 килограми кокаин со логото „Бос“ и уште 20.000 евра во готовина

The post Aлбанец фатен во Италија со 72 килогрми кокаин appeared first on Република.

Вчера во 16.00 часот на Граничен премин Деве Баир, полициски службеници го лишиле од слобода Х.Е.(28) од Република Албанија, затоа што при пасошка контрола се однесувал агресивно и попречувал полициски службеник во вршење на службени дејствија.

За настанот бил известен Јавен обвинител, а по целосно документирање на случајот ќе биде поднесен соодветен поднесок.

Лицето било предадено на полициски службеници од Полициска станица Крива Паланка за понатамошна постапка.

The post Приведен Албанец што дивеел на Деве Баир appeared first on Република.

Жител на Врање пријавил во полиција дека ноќта меѓу среда и четврток непознато лице го малтретирало пред градска кафеана, удирајќи го неколку пати во главата без никаква причина, а во другата рака држел пиштол. дека тој покажа кон него.

Полицијата по пријавата излегла на местото на настанот и затекнала група луѓе, меѓу кои и едно лице со пиштол. Кога ја видел полицијата, набрзина се упатил кон своето возило кое било паркирано во близина, но полицијата го запрела и тој го фрлил оружјето до него, пренесува Новости.

Утврдено е дека станува збор за Албанец од Прешево кој бил во видно алкохолизирана состојба. При претрес на неговиот автомобил бил пронајден нож со траги од крв, како и мобилен телефон. На автомобилот биле пронајдени и траги од крв.

The post Албанец во Врање вртел пиштол во центарот на градот, во возилото му пронашле нож со траги од крв appeared first on Република.

Семејство во Албанија преживувало хорор. Маж од Тирана цели шест години ги држел сопругата и синовите затворени во куќа без вода и струја. Ролетните секогаш биле спуштени на прозорците за да не влезе ниту светлина.

Ѓерѓ Лачи (52) е уапсен вчера под сомнение дека сопругата и синовите со години ги држел затворени во куќата и им забранувал да имаат контакт со надворешниот свет. Човекот со години живеел во Италија, а потоа се вратил во родната Албанија, каде заедно со семејството живееле сиромашно. Тој повеќе од една година не ги пуштал своите синови, кои имаат 15 и 17 години, да ја напуштат куќата, а неговата сопруга шест години не смеела да излезе од дома. На сопругата и децата им велел дека „ќе се заразат ако излезат надвор“. Тој, според медиумите самиот не излегувал од дома во изминатите шест месеци, а храната ја обезбедувало неговото семејство, а понекогаш и неговиот брат.

Соседите раскажале дека го гледале само во петок како излегува од дома за да оди на молитва.

Властите, според написите, биле однапред предупредени дека Лачи има „радикални ставови“, а загрижените соседи повикале полиција кога забележале дека момчињата подолго време не излегуваат од дома.

Момчињата завршиле само основно училиште, а татко им под закана ги држел затворени во куќата. При претресот кај Лачи се пронајдени поголем број ножеви, поголема количина муниција и полни рамки за автоматско оружје. Лачи негирал дека ги малтретирал момчињата и дека ја силувал сопругата Елена.

Се водев од моите религиозни убедувања. Не ги пуштав сопругата и децата надвор за да ги заштитам од злото. Не сакав да почнат да се дрогираат или да се заразат, кажал Лачи на сослушувањето.

Сепак, во присуство на психолог, сопругата и децата докажале дека тој систематски ги малтретирал.

The post Албанец со години ги држел сопругата и синовите затворени во куќа да не се заразат или да не почнат да се дрогираат appeared first on Република.

Првпат во средното економско училиште „Арсени Јовков“ во Скопје за директор ќе биде именуван Албанец, ексклузивно објави Алсат-М.

Телевизијата неофицијално дознава дека именувањето на Назми Рамани за директор на училиштето доаѓа како резултат на постигнат договор меѓу ДУИ и градоначалничката на Град Скопје, Данела Арсовска.

Назми Рахмани досега ја извршуваше функцијата помошник директор во ова училиште.

The post Средното училиште „Арсени Јовков“ првпат добива директорт Албанец: Арсовска се договори со ДУИ appeared first on Република.

Италијанската полиција уапсила албански државјанин откако биле пронајдени и запленети повеќе од 40 килограми чист кокаин, чија вредност на пазарот достигнува 10 милиони евра, јави Топ чанел.

Полицијата при рутинска контрола го запрела автомобилот марка „голф” управуван од 30-годишниот Албанец, чиј идентитет не се наведува. При претресот на автомобилот била пронајдена кеса со еден килограм кокаин, а потоа бил извршен претрес и неговата куќа каде биле пронајдени уште 40 килограми кокаин и пиштол со сета потребна муниција, наведува телевизијата.

Во куќата, што се користела како лабораторија и магацин, полиција пронашла поголема сума пари за кои основано се сомнева дека се од продажба на кокаин.

Од првичната истрага се покажало дека притворениот албански државјанин бил баран од Гуардија ди финанца од градот Бреша.

Уапсениот бил притворен во затворот Монтакуто, а дрогата, парите, оружјето и другата муниција пронајдени при претресот биле запленети.

The post Aлбанец при рутинска контрола фатен со кокаин вреден 10 милиони евра во Италија appeared first on Република.