Еден од најпознатите руски моќни парови, поп дивата Ала Пугачова и телевизискиот водител Максим Галкин, побегнале во Израел, јавуваат руските и израелските медиуми.

Пугачова (73) се смета за најуспешна изведувачка на Русија и на поранешниот Советски Сојуз во однос на рекордната продажба и популарноста. Таа е позната како „баба“ на руската поп по нејзините најголеми хитови „Милиони црвени рози“ и „Љубов како сон“.

Нејзиниот сопруг Галкин (46) – чија мајка е Еврејка – е комичар, импресионист и познат ТВ водител, домачин на руската верзија на „Кој сака да биде милионер?“ меѓу другите емисии.

На почетокот на март, руските медиуми објавија дека двајцата ја напуштиле Русија и заминале за Израел, заедно со нивните деветгодишни близначки – Лиза и Гари – родени од сурогат.

Два извори за весникот „Харец“ во четвртокот изјавија дека Пугачова и Галкин се во Израел. Вестите на Канал 12 објавија дека двојката можеби живее во луксузниот крајбрежен град Цезареја.

Веднаш не беше јасно дали парот бил на одмор во Израел или планирал трајно да се пресели во време на руската инвазија на Украина.

Галкин застана против војната во објава на Инстаграм на 24 февруари, велејќи: „Не можам да опишам што чувствувам во моментов. Како е можно сето ова! Нема оправдување за војна! Не на војната!“

Галкин не е единствената руска славна личност која јавно се изјасни против војната против Украина. Популарниот водител на ток-шоу во доцните часови, Иван Ургант, кој е наречен руска верзија на американскиот телевизиски водител Џими Кимел, наводно побегнал во Израел откако ја критикувал војната во Украина.

Пугачова во меѓувреме објави видео на Инстаграм на кое се гледа познатиот руски православен свештеник Андреј Ткачев, кој по потекло е од Украина, како ја напаѓа поради напуштањето на земјата.

Живееме во сатанистички кошмар“, вели тој во видеото според „Харец“. „Дали сте обрнале внимание на тоа како се чисти воздухот? Пугачова засекогаш ја напушти Русија! Боже, колку долго го чекав ова!“

Пугачова одговара во клипот: „Твојата радост доаѓа прерано“, рече таа. „Одморот и медицинската нега не се сметаат за емиграција. Ќе се вратам и ќе ги разјасниме работите. Ќе одам во твојата црква и ќе се молам за тебе, богохулник“.

The post Славната Ала Пугачова избега од Русија, замина во Израел appeared first on Република.