Бен Афлек ќе се враќа како Бетмен во претстојното продолжение на Аквамен – „Аквамен и изгубеното кралство“.

Неговото враќање го најави ѕвездата на филмот Џејсон Момоа преку објава на Инстаграм. Момоа објави селфи од двајцата актери, со описот: „Повторно се обединивме, Брус и Артур. Те сакам и ми недостигаш. Фатен на снимање, ќе има одлични работи во Aquaman 2“.

Џејсон Момоа се враќа како Артур Кари, поморскиот суперхерој познат како Аквамен, а појавата на Афлек е прилично изненадување. Имено, актерот претходно објави дека повеќе нема да ја игра улогата на Темниот витез, а неговото појавување во филмот Flash, кој ќе излезе следната година, требаше да биде неговата последна инкарнација на познатиот суперхерој. Своето заминување го најави по филмот Justice League.

„Имав навистина лошо искуство со Justice League од многу различни причини. Не обвинувам никого, се случија многу работи. Но, не бев навистина среќен. Не ми се допадна да бидам таму. Мислам дека беше интересно. А потоа се случија некои навистина луди, ужасни работи. Но, тогаш помислив дека нема да го повторам тоа“, рече Афлек.

Продолжението на Аквамен го режира Џејмс Ван по сценарио на Дејвид Лесли Џонсон-Мекголдрик и Џејсон Момоа, а на Момоа и Афлек им се придружуваат Амбер Херд, Вилем Дефо, Патрик Вилсон, Долф Лундгрен, Јахја Абдул-Матин II, Темуера Морисон и Никол Кидман.

The post Бен Афлек се враќа како Бетмен во новото продолжение на Аквамен appeared first on Република.

Петиција со која се бара Амбер Херд да биде отстранета од филмот „Аквамен 2“, собра два милиони потписи.

Џони Деп ја разоткри Амбер Херд како насилничка. Во неговата тужба вредна 50 милиони долари, Деп опишува многу инциденти на семејно малтретирање што ги претрпел од рацете на својата (тогашна) сопруга Амбер Херд, вклучително и еден инцидент кога таа го удрила двапати по лицето и друг кога му го скинала прстот со шише вотка. Прстот морало да го спојат со хируршки зафат. Од тоа ќе ја носи лузната до крајот на животот.

 

Од разводот со Деп, таа систематски водеше крстоносна војна за да ја уништи неговата кариера во Холивуд, повторувајќи приказни за лажни инциденти во кои таа всушност го малтретирала него, но лажела и создавала лажни наводи дека тој е насилникот - стои во описот на петицијата

Имајќи предвид дека Амбер Херд е позната и докажана насилничка во семејството, „Ворнер брадерс“ и „ДиСи-ентертејнмент“ треба и мора да ја отстранат Херд од нивниот филмски проект „Аквамен 2“ . Тие не смеат да го игнорираат страдањето на жртвите на Херд и не смеат да гламуризираат домашен насилник.

 

Мажите се жртви на семејно насилство, исто како и жените. Ова мора да се препознае и мора да се преземат мерки за да се спречи славење на позната насилничка во забавната индустрија.

 

Направете ја вистинската работа. Отстранете ја Амбер Херд од „Аквамен 2“! - се додава во петицијата.

Петицијата беше покрената уште во 2019 година, а сега повторно стана актуелна, поради судскиот спор меѓу Амбер и Џони Деп. Многумина веќе ја предлагаат Емилија Кларк како замена.

Амбер би требало да го игра ликот на Мера во филмот. Второто продолжение, под целосен наслов „Аквамаен и загубеното кралство“, треба да излезе во 2023 година.

The post Два милиони луѓе бараат Амбер Херд да биде отстранета од „Аквамен 2“ appeared first on Република.