Поради топлотниот бран и високите температури Акропол во Атина денеска ќе биде пет часа затворен во периодот меѓу 12 и 17 часот, соопштија од Министерството за култура на Грција, јави дописничката на МИА од Атина.

Според прогнозите денеска и утре во земјата се очекува температурата да достигне до 42-43 степени Целзиусови, од вчера во сила се вонредни мерки за заштита на вработените во приватниот и државниот сектор, а меѓу другото за оние кои работат на отворено предвиден е прекин со работа во периодот од 12 до 17 часот.

Во текот на вчерашниот ден највисока температура, 41,5 степени, согласно податоците на Националната опсерваторија во Атина и порталот Метео, била регистрирана во западниот дел на Грција, а деветти ден по ред максималната температура биле над 40 степени.

Од 507 активни автоматски метеоролошки станици, 168 регистрирале температури над 37 степени.

The post Акропол затворен меѓу 12 и 17 часот поради високите температури appeared first on Република.

Археолошките локалитети во Атина, меѓу кои и Акропол во периодот од 12 до 17 часот, ќе бидат затворени поради високите температури, а во текот на денешниот ден, според метеоролозите, ќе кулминира топлотниот бран, јави дописничката на МИА од Атина.

Во повеќе делови на Грција, прогнозите се дека температурата ќе биде над 40 степени.

Од Министерството за култура утрово соопштија дека археолошките локалитети пет часа ќе бидат затворени и препорачаа при посета на археолошките локалитети, „посетителите да ги преземат неопходните мерки на заштита за да избегнат здравствени проблеми како топлотна исцрпеност и топлотен удар“.

Поради високите температури, Акропол и вчера беше затворен од 12 до 17 часот.

The post Грција зоврива, пет часа затворени археолошките локалитети во Атина appeared first on Република.

Британскиот премиер Риши Сунак одлучи да ја откаже средбата со својот грчки колега Киријакос Мицотакис бидејќи се налутил на својот грчки колега кој рекол дека Британците мора да ги вратат скулптурите од Партенон во Атина.

Мицотакис за време на појавувањето на британскиот јавен сервис рече дека Елгинските мермери, познати и како Партенон мермери, кои се наоѓаат во Британскиот музеј, мора да бидат вратени.

Мицотакис посочи дека официјален Лондон треба да ги врати скулптурите од Партенон, кои моментално се наоѓаат во Британскиот музеј. Овој спор меѓу двете земји е резултат на долгогодишното контроверзно прашање за враќање на оригиналните делови од Партенон на Грција.

Елгинските мермери, познати и како Партенон мермери, се збирка на класични грчки мермерни скулптури создадени под надзор на архитектот и скулптор Фидијас и неговите помошници. Овие оригинални делови од Партенон и други свети и церемонијални градби биле изградени на Акропол во Атина во 5 век п.н.е. Нивното присуство во Британскиот музеј предизвика поделени мислења и контроверзии кои траат со децении.

Станува збор за старогрчки богатства кои биле однесени во Лондон на почетокот на 19 век, откако биле купени од британскиот дипломат Лорд Елгин.

The post Британија не и ги враќа на Грција скулптурите од Акропол appeared first on Република.

Грција од денес воведе пробно ограничување за посетители на атински Акропол, едно од најпознатите знаменитости на земјата, објави Си-ен-ен.

Археолошкиот локалитет атински Акропол привлекува посетители од целиот свет кои сакаат да се восхитуваат на античкото културно место. Во иднина, посетителите ќе бидат ограничени на 20.000 на ден, со веб-локација за резервации што ќе ги следи резултатите и ќе спроведува систем за слот на час.

Грчката министерка за култура Лина Мендони минатиот месец рече дека Акропол моментално има до 23.000 посетители дневно, што според неа е огромен број.

Локацијата иако е отворена до 20 часот навечер, Мендони рече дека поголемиот дел од посетителите избираат да ја посетат во утринските часови, создавајќи тесни грла и непријатни услови за локацијата, посетителите и персоналот кој се обидува да го прими овој голем број луѓе.

Целта е новиот систем – кој моментално е во пробна фаза и најверојатно ќе биде официјално воведен од април следната година, ќе се справи со пренатрупаноста и ќе ја гарантира безбедноста и долговечноста на споменикот.

The post Грција од денес воведе пробно ограничување за посетители на Акропол appeared first on Република.

Посетите на Акрополот во Атина, најпопуларното археолошко наоѓалиште во Грција ќе бидат ограничени од следниот месец на максимум 20.000 дневно и ќе подлежат на различни ограничувања за влез на час, соопшти вчера грчката влада, јавува Екатимерини.

Министерката за култура Лина Мендони рече дека контролите се потребни за да се спречат тесните грла и пренатрупаноста на Акрополот кој е прогласен за светско наследство на УНЕСКО.

Околу 23.000 луѓе дневно го посетуваат споменикот, воглавно во поголеми групи кои го посетуваат пред пладне.

Тоа е огромна бројка. Очигледно туризмот е посакуван за земјата, за сите нас. Но, мора да најдеме начин како прекумерниот туризам да не му наштети на споменикот“, рече Мендони во интервју за радиото „Real FM“.

Новите ограничувања најпрво ќе се пробни и ќе започнат од 4 септември, а трајно ќе стапат на сила од 1 април 2024 година, рече министерката.

Нема да има ограничување за тоа колку долго може да траат посетите, иако Мендони рече дека луѓето кои доаѓаат со организирани тури или од бродови за крстарење, кои сочинуваат околу 50% од дневниот број на посетители, поминуваат во просек 45 минути на локацијата.

The post Посетите на Акропол ќе бидат ограничени од следниот месец на максимум 20.000 дневно appeared first on Република.

Во пладневните часови, односно во периодот од 12 до 17 часот, Акрополот во Атина ќе биде затворен за посетители, поради високите температури најавени за денеска, јави дописничката на МИА од Атина.

Од Министерството за култура на Грција соопштија дека последните посетители ќе влезат на Акропол во 12 часот, кога и ќе затвори за повторно да ги отвори портите во 17 часот.

Останатите археолошки локалитетите во Атина ќе работат нормално.

Во Грција денеска се очекуваат температури над 40 степени.

The post Поради високите температури Акропол затворен од 12 до 17 часот appeared first on Република.

Ограничувањата и правилата за патување во изминатите две години и првото целосно „слободно“ лето по почетокот на пандемијата веројатно се главните причини, да бидат полни со туристи, не само популарните летни дестинации во Грција, туку грчката метропола.

Дописничката на МИА од Атина го посети Акропол каде што секојдневно има над 16-17.000 туристи, речиси од целиот свет.

Редиците како за купување билет, така и за влез на Акропол се секојдневие во изминатиот период.

Високите температури, се чини дека не ги спречуваат туристите, нивниот одмор, наместо на некој од островите, да го поминат токму во Атина.

Семејство од Франција, за МИА вели дека во Грција пристигнале за да поминат една седмица во Атина, а утре можеби ќе посетат и некоја од плажите што се во близина.

Голем е бројот на туристи кои на Акропол доаѓаат организирано, со автобуси во рамките на крстарењата на грчките острови, а во програмата е предвидена и посета на Атина.

Други пак, пред или по посетата на некој од грчките острови, одбираат да поминат неколку дена во грчката метропола.

Во Атина сме три дена, денеска сме на Акропол и ќе прошетаме во историскиот центар, задутре заминуваме за Санторини - велат за МИА туристи од Италија.

На почетокот на месецов, министерката за култура Лина Мендони и министерот за туризам Василис Кикиљас, го посетија Акропол, од каде што соопштија дека над 16.000 лица дневно го посетуваат Акропол.

И, речиси две седмици подоцна бројките се непроменети, напротив, како што велат вработените, бројките се над 16.000-17.000 посетители дневно.

Ништо поразлична не е ситуацијата и на останатите грчки летни туристички дестинации, а на одредени места, за текот на месец август исполнетоста на хотелите во повеќе делови на земјата достигнува и до 100 проценти.

Во 2021 година, Грција ја посетиле 14,7 милиони турист, а оваа година, очекувањата се дека оваа бројка лесно ќе се надмине, но споредбите се прават со 2019 година, односно последното „нормално“ лето пред пандемијата, кога земјата ја посетија 31,3 милиони туристи.

Надеж и очекување дека туристичката сезона оваа година ќе биде подобра од 2019 година, неодамна изразија како грчкиот премиер Кирјакос Мицотакис, така и министерот за туризам Василис Кикиљас.

Кикиљас вчера порача дека очекуваат над еден милион туристи од странство секоја седмица, додавајќи дека август ќе биде неповторлив, како во однос на пристигнувањата, така и во однос на приходите.

Одморот во Грција оваа година е поскап во споредба со лани, со оглед на тоа дека според официјалните податоци од грчката служба за статистика, во јули годинава се регистрирани низа поскапувања, не само на основните продукти, туку и на услугите поврзани со туризмот.

Поконкретно, најголемо поскапување има во патувањето со авион, за 62,3 отсто, патувањето со брод е за 25,4 проценти поскапо во јули 2022 година, споредбено со истиот месец лани.

Цените на хотелите се за 20 отсто повисоки, а пакет аранжманите се зголемиле за 11,4 отсто.

И покрај инфлацијата и повисоките цени, сепак Грците масовно ја напуштаат Атина, особено овие денови со оглед на продолжениот викенд за пред утрешниот голем православен празник Богородица , кога граѓаните традиционално заминуваат или на годишен одмор или на неколку дена.

The post Туристите нагрнаа во Атина: На Акропол дневно има над 16.000 туристи appeared first on Република.

Откако група мажи организирале групен секс во мал храм во комплексот Акропол во Атина, а потоа се снимале за време на чинот, грчките власти одлучија да постават камери за надзор на Партенон, пишува „Тајмс“.

Тоа беше развратен, ужасно развратен чин. Тоа е најсрамниот напад на светоста на местото - вели за весникот Јоанис Маврикопулос, шеф на обезбедувањето на Акропол.

Грчката министерка за култура, Лина Мендони, вели дека на терен ќе биде поставен безбедносен систем составен од 150 камери и контролна соба.

Одлуката за поставување безбедносен систем е донесена во екот на туристичката сезона, додека десетици илјади луѓе секојдневно го посетуваат Акропол, чувани од 100 обезбедувачи.

Претставници на Министерството за култура одбиваат да дадат детали за безбедносниот систем, но велат дека тој е финансиран од фондацијата формирана од Аристотел Оназис, покојниот поморски тајкун.

Тоа е важен чекор во вистинската насока. Мора прво да инвестираме во заштитата на нашето културно наследство. Вистинската заштита на наследството е знак на цивилизација - додава Маврикопулос за „Тајмс“, повикувајќи ги властите „да преземат слична заштита низ целата земја“.

The post Видео од групен секс на Акропол ја згрози Грција: Ова е нечуено, таков разврат немало 2.500 години appeared first on Република.