Предлог закон за дополнување на Законот за јавното обвинителство ќе се објави на Електронски национален регистар на прописи на ЕНЕР, најави денеска Министерството за правда. Носењето на законското дополнување, според Министерството, произлегува од потребата за зајакнувањето на механизмите за електронска распределба на предметите во јавните обвинителства и со него се прецизира надлежноста на органите и телата утврдени со законот за вршење на надзорот.

Исто така, стои во соопштението, измената која се предлага е согласно основната намера на Владата за членство во Европската Унија и е во духот на реформите во областа правосудство и негово натамошно унапредување.

Министерството за правда потсетува дека согласно со Законот за судовите, врши редовен надзор врз функционалноста на Авторизираниот информациски систем за управување со предмети во судовите - АКМИС. По спроведените надзори во судовите, изготвува записници и ги објавува на својата веб страница и ги проследува до непосредно повисокиот суд и Судскиот совет.

Комисијата изготвува полугодишни извештаи кои се објавуваат на веб страницата на Министерството за правда во кои се содржани констатираните состојби во судовите во врска со примена на одредбите од Судскиот деловник и автоматската распределба и прераспределба на предметите во судовите што се врши преку АКМИС, наведува Министерството за правда.

The post АКМИС ќе се контролира преку Министерството за правда appeared first on Република.

Норвешка, заедно со други донатори е подготвена да инверстира 6,8 милиони евра за што побрзо, посоодветно и поцелосно искористување на информатичката технологија. Ова е истакнато на денешната средба на членовите на Судскиот совет на Република  Македонија со членовите на норвешкиот Судски совет.

Како што информираат од прес-службата на Судски совет, претседателката на Судскиот совет, Павлина Црвенковска, заменикот Селим Адеми и членовите Лорета Ѓорѓиева и Миљазим Мустафа, остварија работна средба со директорот на Судскиот совет на Норвешка Свен Мариус Урке, придружуван од Аудун Хогнес Берг, кој е дел од норвешкиот совет и Амра Јашаревиќ, задолжена за реформи во судствата од регионот. На средбата присуствувале и претседателот на Основниот суд, Лазар Нанев и професорката Гордана Лажетиќ, како дел од Советот за информатичко- комуникациска технологија.

На средбата, како што се наведува во соопштението, двете страни на состанокот се согласиле дека изборот на судии, нивното оценување и унапредување, кои се во надлежност на Судскиот совет, ќе бидат поцелосни и поквалитетни доколку се дигитализира целиот судски Директорот на Судскиот совет на Норвешка, Урке ја потенцираше неопходноста од целосно дигитализирање на македонскиот судски систем преку современа информатичка технологија со цел да се олесни пристапот на граѓаните до судството, но и да се создаде поефикасен, потранспарентен и понезависен судски систем. Нагласи дека целата независност на судството во Норвешка се потпира на информатичката технологија.

Од страна на претседателката на Судскиот совет, Црвенковска, норвешката делегација беше известена дека во моментот советот издвојува финансиски средства за процесот на дигитализација на судството и изрази подготвеност советот активно да учевствува во инсталирањето на нов АКМИС систем, во кој ќе бидат содржани и алатки кои до сега не ги користело македонското судство.

Членовите на Судскиот совет искажале уверување дека со целосната дигитализација и со инвестицијата во информатичка технологија ќе се обезбеди транспаретно и независно судство кое ќе го олесни давањето услуги кон граѓаните, а судските постапки ќе ги направи поотворени за јавноста, со што ќе се врати и довербата кај граѓаните.

The post Норвешка ќе донира 6,8 милиони евра за нов АКМИС систем, за понезависно и потранспаретно судство appeared first on Република.

Поранешниот претседател на Кривичниот суд, Владимир Панчевски, денеска сам се пријавил во истражниот затвор “Скопје” на издржување затворска казна од две и пол години, која му беше досудена за случајот “Акмис”.

Панчевски првично беше осуден на казна затвор од три и пол години, но Апелација му ја намали за една година. Беше огласен за виновен за злоупотреба на службената положба, поточно дека рачно местел предмети кај одредени судии, како претседател на судот, во периодот од 2013 до 2016 година.

Тој беше разрешен од судиската функција поради нестручно и несовесно работење во декември 2019 година, а Врховниот суд неговото разрешување го потврди во јуни 2020 година.

Пресудата, како и издржувањето на затворската казна доаѓа по обвинувњата дека Панчевски, во време кога тој „шефувал“ со скопскиот кривичен суд, односно од 23. јануари 2013 до 14. септември 2016 година, го прескокнувал АКМИС системот, односно електронското распоредување на предмети, така што со негов потпис предметите им ги делел на судии коишто тој ќе ги изберел.

Според Обвинителството тој рачно поделил 45 судски предмети, а ваквото тврдење беше поткрепено и со изјава на сега веќе разрешениот судија Стојанче Рибарев, кој, пак, извесно време ја извршуваше функцијата „вршител на должност“ – претседател на Основниот суд Скопје 1 – Скопје

The post Панчевски денеска сам се пријавил во затворот „Шутка” appeared first on Република.