Доколку Собранието на Србија во наредните денови го усвои Предлог-законот за изменување и дополнување на Законот за акцизите, од 1 октомври оваа давачка треба да се зголеми за осум проценти и тоа за нафтените деривати, тутунските производи, алкохолните пијалоци, кафето и течностите за полнење електронски цигари. Со новата регулатива, до крајот на 2023 година, државните приходи, пред се од гориво и цигари, би ги зголемиле за четири милијарди динари, пишува Блиц.

Тоа практично значи дека за нешто помалку од еден месец овие производи веројатно ќе поскапат, бидејќи одговорот на производителите на ваквите измени, дури и со значително помали корекции на овие давачки, е скок на цените. Според експертите, тоа веројатно ќе се случи и сега, а веќе има калкулации дека цената на горивата би можела да скокне за најмалку пет динари, додека за цигарите може да биде многу повеќе.

Во случајот со цигарите, каде според сегашниот календар двапати годишно, на почетокот на јануари и јули, акцизата се зголемуваше за 1,5 динари, поскапувањето отиде на 10 динари по пакување. Бидејќи по донесувањето на овој закон ќе се направи преседан, односно во 2023 година ќе се запише третата корекција на оваа давачка за 6,74 динари, се „шушка“ дека поради ова и тутунарите би можеле да направат свој преседан во месец.

Односно, поради вонредното и непланирано зголемување на специфичната акциза од осум отсто, која наместо досегашните 84,25 динари, ќе биде 90,99 динари по пакување во државната каса, и тие би можеле да додадат повеќе од 10 динари од вообичаеното поскапување на цигарите.

Ниту оние кои класичните цигари ги замениле со електронски нема да добијат ништо поевтино, бидејќи и течноста за нивно полнење ќе има корекција од осум проценти. Во оваа група спаѓаат и љубителите на тутунот што не гори, а од 1 јануари 2024 година и оние кои користат никотински кесички, кои ќе бидат воведени како нов акцизен производ.

Сите овие новини се воведуваат со цел Србија да се усогласи со стандардите на ЕУ, според кои до 2025 година, наместо сегашните нешто повеќе од 70, државата треба да заработува најмалку 90 евра за 1.000 цигари или 1,8 евра по кутија.

Литар гориво ќе поскапи за околу 5,6 динари, бидејќи производителите секако ќе го вклучат во нивните цени затоа што, на пример, од сегашните 61,50 динари за литар, износот што ѝ се доделува на државата за оловен бензин ќе оди на 66,42 динари. Кај безоловен бензин тој трошок од 57,84 динари ќе оди на 62,47 динари.

Небојша Атаначковиќ, почесен претседател на Сојузот на работодавачи на Србија, за „Блиц“ вели дека оваа корекција на акцизите секако ќе влијае на скокот на цената на горивата.

– Осум проценти зголемување на акцизата на нафтените деривати е сериозна работа и очекувам по 1 октомври цената на дизелот од 204 динари за литар да се искачи на 210, додека корекцијата за бензинот би можела да биде околу шест динари и од сегашните 189 да оди на 195 динари за литар. Морам да кажам дека од февруари 2021 година акцизите не беа усогласени со акцизниот календар, односно се зголемуваа, но повремено се намалуваа во различни износи и до околу 15 проценти. Сепак, ова сега е голем скок што може да влијае на други поскапувања, објаснува Атанацковиќ.

Алкохолот е вклучен во истиот пакет на акцизна политика, така што и таму се дефинирани корекции. Така, акцизата за категоријата силни алкохолни пијалоци, која се плаќаше во износ од 46.250 динари на еден хектолитар чист алкохол измерен на температура од 20 степени Целзиусови, сега ќе изнесува 49.950 динари.

Промени има и кај нискоалкохолните пијалоци, од сегашните 23,1 на 24,99 динари за литар.

И за кафето акцизата е зголемена за осум проценти. Во зависност од видот, на пример, државата ќе наплатува 100,43 динари за килограм за непечено кафе, наместо досегашните 92,99 за килограм, додека за печеното кафе, давачката ќе се зголеми за 9,30 динари, односно ќе изнесува 125,53 динари.

Инаку, процентуалното зголемување на акцизата од осум проценти важи и за природниот гас како гориво за моторни возила и за греење, но примената ќе започне од јануари 2025 година. Дополнително, се воведува и нов акцизен производ, никотински кесички, кои ќе се оданочуваат од јануари 2024 година, пишува Блиц.

The post Србија ги зголемува акцизите, поскапуваат горивото, кафето, цигарите, алкохолот… appeared first on Република.

Полициски и царински службеници запленија 120 килограми режан тутун и 19.000 парчиња цигари, за кои не била платена акциза во износ од 250.000 денари, информираат вечерва од Министерството за внатрешни работи.

Полициски службеници од Одделот за криминалистичка полиција - Сектор за економски криминал и корупција во координација со СВР - Скопје и Царинската управа, по претходно добиени оперативни сознанија за нелегална продажба на режан тутун и производи од тутун, односно избегнување на плаќање на акциза, денеска спроведоа координирана контрола во Тетовско. Притоа, од А.С., на возраст од 43 години од селото Горно Палчиште, општина Боговиње, запленија 120 килограми режан тутун и 19.000 парчиња цигари, за кои не била платена акциза во износ од 250.000 денари, се појаснува во соопштението на МВР.

Одземената акцизна стока била предадена на Царинската управа во Скопје за натамошна постапка.

The post Не била платена акциза: Запленети 120 килограми режан тутун и 19.000 парчиња цигари appeared first on Република.

СДСМ е против зголемување на платите и не сака да се откаже од акцизата, а секаде во светот се укинуваат даноците на горивата, реагираат од ВМРО-ДПМНЕ.

Оттаму посочуваат дека пратениците од СДСМ и ДУИ гласаа против предлогот на ССМ за линеарно зголемување на платите во јавниот сектор од 2.800 денари, што е всушност и порамнување по зголемување на минималната плата и обврска на власта.

Но, пратениците од СДСМ гласаа против, исто како што гласаа против намалување на акцизата на горивата за 50% и намалување на ДДВ од 18% на 5%. И тоа во време кога во Германија се намали данокот на горивата, а вчера и во САД претседателот Бајден побара од Конгресот суспензија на федералниот данок на горивата во период од 3 месеци.

 

Во Германија со намалувањето на даноците литар гориво е скоро иста цена како во Македонија, со 10 пати поголеми плати.

 

ти, а во САД горивото е далеку поевтино, но и таму се намалуваат даноците.

 

Само пратениците од СДСМ и ДУИ не сакаат да гласаат за повисоки плати и намалување на даноците и акцизата на горивата.

 

Само СДСМ и ДУИ работат против граѓаните. Затоа премногу е. Промени - се наведува во реакцијата на ВМРО-ДПМНЕ.

The post СДСМ не сака да се откаже од акцизата, а секаде во светот се укинуваат на даноците на горивата appeared first on Република.

Држава сме со највисока стапка на инфлација на Балканот, нема повисока од нас. Инфлацијата е стандардот на граѓаните.  Некој навреме не обезбедил за да ние сега имаме нафта и гас. Нафтата има начини како се купува и цената во малопродажба се определува врз основа на берзанската цена од Регулаторна комисија. Но, акцизата којашто се зголемуваше не е берзанска, тоа е одлука на влада, изјави вчера претседателот на ВМРО-ДПМНЕ, Христијан Мицкоски за „Само интервју“ на Канал 5 телевизија.

Мицкоски на оправдувањата на власта дека треба да се полни буџетот од нешто, потенцираше дека буџетот се полни со помалку крадење, а не на грбот на граѓаните.

- Погледајте во ребалансот на буџетот колку пари предвиделе за стоки и  услуги, рекордно највисоко ниво. Никој жив не видел кај се скратени непродуктивните трошоци, а пораснале парите за стоки и услуги, рече Мицкоски.

Мицкоски посочи дека власта навреме да размислуваше горивата и енергијата ќе се обидеше да договори со некоја земја да се складира гас кој ќе го користиме во зима за греење.

- Ако некој денеска влезеше во аранжман со Австрија, Унгарија и да складира 400 милиони метри кубни гас летово, и истите да ги искористиме во зима за затоплување, ќе плаќавме три пати помала цена. Ама тие не го прават тоа, ниту има кој да ги прими да договорат таква работа, изјави Мицкоски.

Мицоски исто така нагласи дека наместо да трошат стотици милиони за проектот за централата во Грција, подобро да закупеа во Пакс 15% во нуклеарката, што е сериозен еквивалент, ќе имавме да надоместиме една РЕК Битола во секој момент по цена која ќе биде многу поевтина од ова што денеска се плаќа.

The post Мицкоски: Буџетот ќе се наполни ако власта не краде, а не со поголема акциза appeared first on Република.

The post ВМРО-ДПМНЕ бара итна седница за предлог законот за намалување на данокот за додадена вредност и за намалување на акцизите за горива appeared first on Република.

Потребно е со власта да ги усогласиме ставовите барем околу вакви прашања од кои што навистина зависи буквално животот на секој еден граѓанин во Република Македонија, и токму заради тоа оваа работилница ја посетивме пратеници од власта и од опозицијата. Веќе втор ден разговараме и во завршна фаза се дискусиите. Што би можела да кажам овој предлог, нов предлог на закон комплетен за буџети нели се однесува за законот на буџет и на постоечкиот кој што за жал функционира веќе од 2005-та година. Мислам дека доста доволно долг период измина и вистина реално овој закон навистина треба да претрпи измени или ново законско решение, истакна Дафина Стојаноска, пратеник и член на ИК на ВМРО-ДПМНЕ во „Утрински Брифинг“.

Стојаноска додаде дека има новитети околу креирање на законот за буџет.

Новитети, хронолошки би сакала да кажам дека овој закон, на самиот предлог закон стои датумот од Владата и предлог е на Фатмир Бесими, тогашниот заменик министер, а сега актуелен премиер и тоа од 21.01.2021 година. Во Собрание е подготвен со датумот 22.01.2021 година. Седницата на Комисија за финансирање и буџет, прво читање е одржана на 22.03.2021, на пленарна седница прво читање на овој предлог закон е поминат на 01.06.2021 година, 41 седница пленарна по ред. И дури замислете еве сега станува еве пак актуелна тема, одговорот за тоа зошто еден ваков закон се одолговлекува, а велиме е битен, не знам можеби сега бидејќи се најавува или се очекува да имаме ребаланс на буџетот, па власта се сети дека ние имаме веќе во Собрание ваков предлог закон, рече Стојаноска.

Стојаноска смета дека набрзо ќе има ребаланс на буџетот па поради тоа се сетила дека постои предлог закон за буџет.

Ајде да речеме имавме ребаланс на буџет во јули 2021 година, ајде да речеме август колективен одмор, да речеме септември и октомври беа месеци на предизборие, после нив Комисија за финансирање и буџет останува без претседател, но во периодот од први ноември до денес претседателот на Собрание кој што ја има таа деловничка можност има свикано дури 6 седници на Комисија за финансирање и буџет. Но, на ниту една од нив, не е ставен овој предлог на закон за буџет. И тоа доволно зборува за тоа колку е битен овој закон или станува битен само тогаш кога или ќе се изврши некоја интервенција од страна или еве предвидувам дека ќе следува скоро ребаланс на буџет, па да се обидеме да го имплементираме овој закон, појасни Стојаноска.

Во однос на антикризните мерки на владата, Стојаноска смета дека со намалување на акцизата од 18 на 10 проценти всушност значи повторно повеќе пари за владата, потенцирајќи дека владата води грижа единствено за сопствените интереси и џебови.

Лицемерно е да велат дека се грижат за граѓаните затоа што реалноста е дека не се грижат, затоа што сега и со намалување на акцизата на 10 проценти од 18 проценти поголем процент на пари ќе собира повторно владата. Еве нека пресметаат економистите, или Фатмир Бесими денеска нека каже колку се грижи за граѓаните, единствено се грижат за своите џебови, истакна таа.

The post Стојаноска: Со намалување на акцизата од 18 на 10 проценти, влада покажа дека не се грижи за граѓаните, туку за сопствените џебови appeared first on Република.

Во крајната цена 89,5 ден/литар на БС95 се содржани:
⁃ 53 денари/литар (во оваа цена се вклучени цената на горивото, маржата и дистрибуцијата)
⁃ 22 денари/литар (во оваа цена е вклучена акцизата)
⁃ 1 денар/литар (во оваа цена се вклучени надомест за животна средина и надомест за резерви на нафта)
⁃ 13,5 денари/литар (ДДВ).
Доколку се намали на 50% акцизата на горивата како што предлага ВМРО-ДПМНЕ и наместо 22 денари/литар биде 11 денари/литар, тогаш вкупната цена ќе биде околу 13 денари/литар поевтина.
Во крајната цена 85,5 ден/литар на дизелот се содржани:
⁃ 56,5 денари/литар (во оваа цена се вклучени цената на горивото, маржата и дистрибуцијата)
⁃ 15,5 денари/литар (во оваа цена е вклучена акцизата)
⁃ 0,5 денар/литар (во оваа цена се вклучени надомест за животна средина и надомест за резерви на нафта)
⁃ 13 денари/литар (ДДВ).
Доколку, како што предлага ВМРО-ДПМНЕ, се намали на 50% акцизата на горивата и наместо 15,5 денари/литар биде 7,75 денари/литар, тогаш вкупната цена ќе биде околу 9 денари/литар поевтина, напиша на Фејсбук, лидерот на ВМРО ДПМНЕ, Христијан Мицкоски.

The post Мицкоски: Со предлогот на ВМРО ДПМНЕ за намалување на акцизата, горивата ќе поевтинат од 9 до 13 денари по литар appeared first on Република.

ВМРО-ДПМНЕ на владата и предлага сет мерки кои директно ќе го заштитат стандардот на граѓаните во услови на вртоглавиот раст на цените.

ВМРО-ДПМНЕ ќе бара преку Собранието на Република Македонија наместо 5% повластена даночна стапка за промет и увоз на производи за човечка исхрана, да биде 0% односно да не се плаќа данок, понатаму ќе бараме за топлинската енергија за греење наместо 5% данок да нема данок. Овие барања да бидат со важност од денот на носење на законските измени заклучно со 31.12.2022 година. Исто така ќе бараме продолжување на важноста на даночната стапка од 5% за електрична енергија и после 1-ви јули, како и ќе бараме намалување на акцизата за нафта и нафтени деривати за 50%, се наведува во соопштението на партијата.

Ортталу посочуваат дека дополнително се бара Владата да го разгледа предлогот да бидат намалени царинските тарифи за производите во прехранбената индустрија, мерка со која се очекува да се намали конечната цена на чинење на прехранбената производи.

Граѓаните за краток период се соочија со зголемување на трошоците за живот, цените на горивата пораснаа за околу 70%, електричната енергија за 30%, а основните намирници, масло, леб и млеко во просек се поскапени за 30-тина проценти. Инфлацијата го јаде стандардот и платите веќе не стигаат, стои во соопштението.

The post ВМРО-ДПМНЕ ќе поднесе предлог за намалување на акцизата на бензините appeared first on Република.