Инвестирањето во акции е најдобра можност за финансиски приход на долг период, велат експерти од оваа област. Тие советуваат, покрај во недвижен имот и банкарски депозити, да се вложува и во акции бидејќи вложувањето во акции на долг рок е поисплатливо.

Во земјава, главно се вложува во депозити и недвижен имот, а помалку во акции. Според Петар Андреевски, главен извршен директор во ВФП Фонд Менаџмент Скопје, Друштво за управување со инвестициски фондови, во инфлаторни периоди какви што има во моментот, ваквото вложување во депозити ги става инвеститорите во ситуација да ја губат вредноста на нивниот капитал.

Препорачува капиталот да се вложува во еквити, а доколку инвеститорите немаат искуство, тоа да го прават по диверзифицирани портфолија на обврзници или обврзнички фондови, да направат план на инвестирање, по кој ќе се држат, со континуирани дополнителни месечни вложувања во инвестициските фондови.

Прва генерална препорака на македонскиот пазар, посебно за релативно помладата популација, препорачуваме голема изложеност кон еквити, односно акции. Тоа дава најголема можност за принос на долг временски период. На тој начин, ја губиме конкурентната предност во однос на другите држави, кои имаат посериозна изложеност на еквити. Се разбира не со сите средства кои ги поседуваат инвеститорите, сигурно еден дел треба да остават и за обврзници, обврзнички портфолија и нормално за депозити и кеш, вели Андреевски.

Претседателката на Управниот одбор на Загребската берза, Ивана Гажиќ, која присуствуваше на 23.Годишна конференција на Македонската берза, советува дека е потребно инвеститорите да се едуцираат дека вложувањето на долг рок во акции е поисплатливо отколку во класичните облици како депозити или недвижности. Тоа, нагласува, им дава одредена флексибилност да можат да излезат од своето вложување кога сакаат.

Според сопственикот на Сензал капитал од Белград, Раде Ракочевиќ, инвеститорите треба да почнат да инвестираат на Берзата тргнувајќи на почеток со мал износ.

Да тргнат со мал износ од 1.000 до 2.000 евра, средства кои не им значат многу, да пробаат, да видат. Тоа е една добра инвестиција на долг рок, ако се инвестира за нивните деца. Треба само да почнат, да не се плашат, вели Ракочевиќ.

Традицијата причина за инвестирањето во недвижности, а не во акции

Немањето навика за вложување на Берзата е една од причините поради која инвеститорите од земјава, но и регионот, традиционално инвестираат во недвижности и депозити, а не во акции. Тоа е пред се поради немањето искуство и продолжувањето на традицијата за вложување во недвижности, а немањето знаење и искуство за тоа кои се можностите за вложување, забележуваат експертите.

Развојот на нашето општество е од комунизам или социјализам каде не постоел пазар на капитал и пазарна економија, а ние како двигатели на таа економија немаме наследено акции од нашите родители, или многу мал процент од населението има наследство во акции. Најголем дел од наследствата се недвижнини и знаеме дека вложувањето во недвижнини носи вредност на долг временски период, кирија, раст на вредноста на недвижнината. Тоа е проткаено во нашето традиционално знаење да продолжиме со вложување. Не сме како Германците или Американците да добиеме наследство акции од нашите родители, дедовци и баби, појаснува Андреевски.

Но, според него, не треба да останеме, како што вели, „робови на традицијата“.

Ние сме првата генерација, која живееме во капитализмот и треба да го зголемиме учеството на нашите заштеди во делот на акции или во делот на еквити и на долг временски период очекувано да оствариме поголеми приноси и тоа понатаму да го пренесеме на нашите наследници, посочува Андреевски.

Слично е и во Хрватска, каде, според Гажиќ, доминира подигањето сопствени бизниси и бирање приватни инвеститори во однос на вложувањето на Берзата.

Но, кога компанијата ќе дојде до одредена големина и развој неможе да ги одржува тие операции со сопствени средства и мора да излезе на пазарот на капитал, забележува Гажиќ.

И Ракочевиќ го дели истото мислење дека нашето општество нема традиција да инвестира на Берзата, а причина за тоа, според него, е што приватизациите не биле вистински синоним на пазарот на капитал, туку концентрација на капитал и многу луѓе се почуствувале измамени и не веруваат во Берзата.

Ако нешто не ви е познато не значи дека не треба да пробате. Незнаеме сите како летаат авионите, но сите летаме во нив. Берзата функционира децении и треба да се проба. Инвестирањето е култура и тоа е апсолутно потребно за луѓето да се финансиски слободни. Инвестирањето во берзата е сигурна инвестиција, порачува Ракочевиќ.

Едукацијата најдобар начин за привлекување инвеститори на берзата

Додека во светот технолошките сектори се најпривлечни за инвеститорите, во државава банкарството е убедливо најпосакуван сектор за инвестирање на Берзата. Потоа доаѓа фармацијата, па дистрибуцијата на нафтени деривати и градежништвото. Но, за да се привлечат инвеститорите да го вложат својот капитал на Берзата, експертите се децидни дека е потребна едукација, пред се на младата популација.

Неопходно е да се работи на финансиска писменост во сите возрасти. Најдобро е тоа да биде предмет во средно училиште, децата да можат од мали нозе да учат како да управуваат со својот имот, како да работат со личниот буџет, да водат сметка околу трошоците и приходите. Првиот чекор за инвеститорите да дојдат е тие да знаат што ќе им донесе инвестирањето. Кога луѓето малкку подобро ќе се запознаат со можностите кои ги дава пазарот, сметам дека се повеќе ќе инвестираат на домашни и странски берзи, вели Ракочевиќ.

И првиот човек на Македонска берза, Иван Штериев смета дека е потребно доближување на младите до можностите што ги нуди Берзата, односно нивна финансиска едукација.

Со објаснување на можностите, потенцирање дека ризиците постојат и кога инвестираат преку онлајн платформи на странски пазари. Тука има финансиски инструменти кои даваат добри можности и треба да им ги доближиме на младите за да почнат да инвестираат. Ќе работиме заедно со другите чинители на пазарот во наредниот период по интензивно на некоја по детална кампања, истакнува Штериев.

Статистичките податоци, вели тој, покажуваат дека младите не се многу присутни на Македонската берза. Забележува дека инвеститорите и учесниците на македонскиот пазар стареат.

Според податоците од ЦДХВ над 83 отсто од постојните 61.000 акционери, домашни физички лица, се со старост над 50 години, а над 67 проценти се над 60 години. Само 21 отсто од куповните трансакции на Берзата во периодот јануари лани до август оваа година се направени од домашни физички лица под 40 години, појаснува Штериев.

Директорот на ВФП Фонд менаџмент Андреевски пак посочува дека работат на едукација на потенцијалните инвеститори.

Секогаш почнуваме со подетална едукација, имајќи го предвид нивото на развој на пазарот од информирање што претставува вложувањето во акции, вложувањето во компании, во бизнис, можностите доколку се вложува во такви финансиски инструменти, како и ризиците и трошоците за инвеститорите. Го претставуваме и резултатот реализиран во минатиот период, со нагласување дека не е гаранција дека ќе се повтори во иднина, но може да се чувствува трендот на самото друштво за управување на кое би му ги довериле средствата, појаснува Андреевски.

Добрите менаџменти наоѓаат начини како да ги развиваат компаниите

Берзите треба да работат на развивање на пазарот за растечки компании, да бидат поактивно вклучени на пазарот на државни обврзници, но и да го решат предизвикот со кибернетичката сигурност.

Приоритет на Македонската берза, според Штериев, е да работи на развивање на т.н. пазар за растечки компании што ќе го овозможи новата европска регулатива, која ќе почне да се применува наредната година. Помали компании ќе можат полесно да издаваат акции и да се финансираат преку пазарот на капитал.

Берзата и брокерите да бидат поактивно инволвирани во сегментот на пазарот на државни обврзници и примарен и секундарен и да се продолжат т.н. интеграции, вертикални и хоризонтални. Вертикална е со Централниот депозитар за хартии од вредност, таму сме најголем поединечен акционер со 30 отсто, а хоризонтална е на ниво на берзи. Кај нас најголем акционер е Загребската берза и со нив заедно да пробаме да привлечеме хрватски инвеститори и да унапредиме некои практики на работење, истакнува Штериев.

Од сајбер нападите не се изолирани берзите поради што многу берзи во Европа веќе работат на зголемување на сигурноста. Претседателката на Загрепската берза вели дека кај нив во тек е имплементација на уредба за дигитална отпорност.

Случувањата на Блискиот Исток не ги погоди Берзите 

Последните случувања на Блискиот Исток, Руско-украинската војна, енергетската криза, се дел од предизвиците со кои се соочуваат Македонската, но и светските берзи. Но, сепак, познавачите велат дека не бил почувствуван посериозен пад поради овие случувања.

И Руско-украинската криза и сега кризата на Блискиот Исток недоволно ги погоди светските берзи, бидејќи глобалните компании од вкупниот бизнис со кој управуваат, еден помал дел беше погоден во овие региони. Развојот на приходите и добивките на добрите компании во западните држави и во државите кои се развиени, одлично се развиваа, оценува Андреевски.

За тоа дека овие политички случувања не влијаеле во голема мера во работата на берзата и на прометот и на цените говори и претседателката на Управниот одбор на Хрватската берза.

И во Македонија и во Хрватска имаме рекордно ниво на промет и цена. Со оглед на случувањата на Блискиот Исток во овој момент не очекувам да имаат значајно влијание на берзата со оглед на далечината, посочува Гажиќ.

Годишниот промет на Македонската берза до средината на септември, според Штериев, е скоро 100 милиони евра и е 67 проценти повисок во однос на истиот период лани.

The post Вложувањето во акции е добра можност за приход на долг период appeared first on Република.

На европските берзи утринава пораснаа цените на акциите, што најмногу се должи на корекцијата по минатонеделниот остар пад.

Индексот STOXX 600 на водечките европски акции порасна за 0,3 отсто во 9:30 часот, откако минатата недела падна за повеќе од два отсто.

Утринава лондонскиот FTSE индекс зајакна 0,20 отсто, на 8.165 поени, додека франкфуртски DAX порасна за 0,56 отсто, на 18.106 поени, а париски CAC за 0,60 отсто, на 7.548 поени.

Растот на индексот главно се должи на корекцијата на цените на акциите, откако минатата недела тие нагло паднаа поради политичката неизвесност во Франција

The post Скокнаа акциите на европските берзи, што се случува? appeared first on Република.

Во акција на полициите на Италија, Австрија, Романија и Словачка денеска беа уапсени 22 лица во рамките на истрагата поради сомнеж дека „извлекле“ стотици милиони евра од фондовите за помош на Европската унија по пандемијата.

Како што пренесуваат светските агенции, 600 милиони евра (650 милиони долари) биле дел од италијанскиот фонд по пандемијата, соопшти Европското јавно обвинителство (ЕППО). ЕППО соопшти дека се сомнева дека криминалната организација меѓу 2021 и 2023 година ги пренасочила неповратните средства од италијанскиот национален план за закрепнување.

Италијанската програма е финансирана од Фондот за опоравување и отпорност на ЕУ од повеќе милијарди евра, кој е дизајниран да им помогне на земјите од ЕУ да им помогнат на нивните економии уништени од вирусот.

Според податоците на ЕУ, италијанскиот национален план за закрепнување и отпорност е најголемиот во блокот, вреден 194,4 милијарди евра грантови и заеми и претставува 10,8 отсто од бруто домашниот производ на земјата во 2019 година.

EППО објави дека финансиската полиција во Венеција, Италија, извршила наредба за замрзнување на имот во вредност од над 600 милиони евра, издадена од судија на претходна постапка. Финансиската полиција во Венеција соопшти дека се запленети и луксузни станови и вили, значителни количини криптовалути, часовници Ролекс, накит Картие, злато и луксузни автомобили.

„Со поддршка на агенциите за спроведување на законот од другите инволвирани земји-членки, 22 лица беа уапсени во Италија, Австрија, Романија и Словачка“, соопшти ЕППО, истакнувајќи дека на осум осомничени им е одреден притвор, додека 14 осомничени се во домашен притвор, a на еден сметководител му е забрането да ја извршува професијата.

The post Уапсени 22 лица во рамките на истрагата за злоупотреба на фондовите на ЕУ за помош во пандемијата appeared first on Република.

На Волстрит берзанските индекси паднаа бидејќи оптимизмот за намалување на каматните стапки ослабна.

„Dow Jones“ загуби 0,62 отсто, на 37.361 поен, додека „S&P 500“ се лизна за 0,37 отсто, на 4.765 поени, а индексот „Nasdaq“ 0,19 отсто, на 14.944 поени.

По силниот раст на цените на акциите на крајот на минатата година, оптимизмот на најголемата светска берза во новата година се намали, бидејќи надежите за агресивно намалување на каматните стапки од страна на ФЕД се намалија. Инвеститорите се надеваа дека централната банка ќе започне со намалување на каматните стапки во март, но тоа станува се помалку веројатно бидејќи инфлацијата останува релативно висока и економијата постојано расте.

По серијата лидери на ФЕД, гувернерот на централната банка, Кристофер Валер, изјави дека нема потреба да се брза со намалување на каматните стапки, иако е се поуверен дека инфлацијата е на пат до целното ниво на ФЕД од 2 отсто.

„Епл“ меѓу губитниците

Од 11 најважни сектори на индексот „S&P 500“, цените на акциите паднаа во 10 од нив, а највисоко кај енергетиката, за 2,4 отсто. Меѓу најголемите губитници беше банкарскиот сектор бидејќи цената на акцијата на Морган Стенли падна за повеќе од 4 отсто.

Секторот веќе беше под притисок, бидејќи голем број банки објавија послаби од очекуваните квартални деловни резултати. Со сегашниот пад од 1,2 отсто, индексот „S&P 500“ на банкарскиот сектор се лизна на најниското ниво за повеќе од еден месец.

Меѓу загубарите вчера беше и акцијата на „Епл“, со пад на цената од 1,2 отсто, откако технолошкиот гигант понуди попусти, што ретко го прави, при купувањето на „Ајфон“ во Кина поради големата конкуренција на тамошниот пазар.

И на европските берзи паднаа цените на акциите. Лондонскиот „FTSE“ индекс ослабе за 0,48 отсто, на 7.558 поени, додека франкфуртски „DAX“ се лизна за 0,30 отсто, на 16.571 поен, а париски „CAC“ 0,18 отсто, на 7.398 поени.

The post Пад на акциите на Волстрит: „Епл“ меѓу најголемите губитници appeared first on Република.

Акциите на технолошкиот гигант Епл (Apple) паднаа за 3,58 отсто откако британската банка Барклис (Barclays) ги намали прогнозите за раст на акциите на компанијата од Купертино поради послабата побарувачка и побавната продажба на Ајфон (iPhone) 15 на Епл.

Барклис смета дека треба да се очекува и послаба продажба на Ајфон 16 на Епл и другите производи на оваа компанија.

На оваа вест реагираа и акциите на добавувачите на Епл од Азија, бидејќи акциите на ТСМК, која произведува напредни процесори за уредите на Епл, денеска паднаа за повеќе од два отсто, а акциите на Фокскон (Foxconn), која склопува уреди на Епл Ајфон, паднаа за 1,33 отсто.

Аналитичарот на Барклис, Тим Лонг, конкретно ги предупреди клиентите за послаба продажба на Ајфон 15 во Кина.

Продолжуваме да забележуваме слабости во продажбата на Ајфон, како и во продажбата на Мек компјутерите и Ајпад уредите на Епл, истакна Лонг.

Блумберг претходно објави дека кинеската влада издаде неформални упатства со кои ги советува кинеските владини претставници да не користат уреди на Епл.

The post Пад на акциите на Епл откако банката Берклис ја намали прогнозата за компанијата appeared first on Република.

До крајот на годинава ќе важи мерката за намалени цени на основните прехранбени производи и алкохолните и безалкохолните пијалоци што од 20 септември се продаваат со ознаката „гарантирана цена“, а укината е одлуката за забрана на акции и промоции од страна на производителите и дистрибутерите, одлучи денеска Владата.

По вчерашната конференција и дискусија со трговците на мало и на големо и производителите, како и со помош на Стопанската комора на  Македонија за да нема заблуда во делот на трговијата, денеска, на предлог на Министерството за економија, укината е Одлуката во делот на акциите имајќи во предвид дека одредени трговци на мало ја толкуваа претходната одлука како неможност за давање акции и промоции. Тоа значи дека сега и производителите и дистрибутерите ќе може да организираат такви акции со цел да ги намалат цените за потрошувачите - изјави министерот за економија Крешник Бектеши.

Мерката со која производите треба да имаат 10 отсто пониски цени отколку што се продавале на 1 август годинава наместо до 30 ноември како што одлучи претходно Владата ќе важи до крајот на годината, до кога се очекува да стапи во сила законското решение за нефер трговски практики.

Согласно сите анализи и разговори со Државниот пазарен инспекторат и Секторот економија во Министерство за економија, а имајќи во предвид дека веќе е подготвен текстот на законот за нефер трговски практики кој треба за кратко време да биде пратен во собраниска процедура, анашите очекувања се до крајот на годината да биде усвоен, одлучивме мерката за намалување на цените и ознаката „гарантирана цена“ да продолжи до крајот на годината, односно наместо до 30 ноември да важи до крајот на годината. Дотогаш најверојатно ќе го имаме новото законско решение со нема да може да се прават злоупотреби во делот на намалување на цените - рече Бектеши.

Сите прехрабнети прозводи, како и алкохолни и безалкохолни пијалоци од Одлуката за гарантирана цена, посочи Бектеши, мора да ги имаат највисоките цени од 1 август годинава до крајот на годинава намалени со дополнителни 10 отсто согласно со донесената одлука.

The post Власта се изјасни, трговците се на потег: Може да се прават акции и промоции appeared first on Република.

Одлуката дека ќе бидат забранети акциите во маркетите со кои одредени производи се нудат по значително пониски цени, сепак, ќе претрпи модификација и трговците ќе можат и на ваков начин да привлекуваат потрошувачи. Како што најави денеска министерот за економија, Крешник Бектеши, одлуката која што утре треба да биде усвоена на владина седница „ќе има мала корекција“.

Утре ќе има мала корекција на таа одлука. Ми беше важно граѓаните да не бидат измамувани односно да се ставаат во заблуда, откако ќе бидат објавени одредени акции, кога ќе одат дома да видат дека рокот на траење е два дена и да имаат дополнителни трошоци бидејќи повеќе од 50 отсто од производите треба да ги фрлат. Такви акции нема да бидат дозволени. Но, акции за дополнително намалување од ова од ова што ние го утврдуваме ќе бидат дозволени - рече денес Бектеши на прес конференција одговарајќи на прашање на новинарите.

Тој додаде дека оние што имаат можност тоа да го направат, можат и да се промовираат себеси.

Тоа не е проблем, нам ни е важно да има намалување на цените и граѓаните да не бидат ставени во заблуда - рече Бектеши, појаснувајќи дека супермаркетите нема да можат да ставаат ознака „Акција“ за производите кои ги имаат заради истек на рокот.

„Тоа мора да се наведе, дека намалување на цената на одреден производ е поради истек на рокот. А, потоа потрошувачот сам ќе одлучи дали би го купил производот или дали има време во тој рок да ги потроши тие производи“, рече Бектеши.

The post Бектеши се премисли: Акции во маркетите, сепак ќе има appeared first on Република.

Министерството за економија предложи да се забрани да се нуди акциска и промотивна продажба од страна на сите синџири на трговци во државата до 30 ноември, а од следната недела ќе предложи и замрзнување на цените на производите во прехранбената индустрија. Тоа според министерот за економија Крешник Бектеши ќе доведе до линеарно намалување на цените за минимум 10 отсто.

Трговците, како што кажа Бектеши, нема да знаат со кој датум ќе бидат замрзнати цените и на тој начин нема да можат да ги поскапат.

Сите анализи покажуваат дека нема основ за зголемување на цените на основните прехранбени производи и од страна на трговците, но и од страна на производителите, имајќи го предвид намалувањето на цените на светските берзи - рече Бектеши по работниот состанок со раководителите на подрачните одделенија на Државниот пазарен инспекторат.

Нагласи дека иако има намалување на инфлацијата согласно согледувањата на Министерството за економија има уште простор за да се намалат цените и додаде дека сите завршни сметки на големите синџири на маркети покажуваат дека тие немаат намалување на нивните приходи, туку напротив имаат зголемување за претходната година.

The post И тоа сака да ни го земе: Бектеши ги забранува акциите по маркетите appeared first on Република.

Во наредните пет дена ќе бидат ставени на аукција акциите запленети од предметот „Империја“ кои се во сопственост на поранешниот шеф на Управата за контраразузнавање Сашо Мијалков, објави РСЕ.

Акциите денеска ќе бидат ставени за тргување на Македонската берза за хартии од вредност по принципот „се или ништо“.

Тоа значи акциите во „ТТК“ банка, Тутунски Комбинат „Прилеп“, „Акцелор Митал“, Стопанска Банка Битола, „Попова Кула“, „Халк Банка“, Југотур и РЖ Услуги ќе се продаваат во пакет. Нив сегашен сопственик е Агенцијата за конфискуван имот.

The post Запленетите акции на Мијалков на аукција на берза appeared first on Република.

На Македонската берза помина блок трансакција со акциите на Фудбалскиот клуб Академија Пандев од Струмица, во сопственост на поранешниот капитен на фудбалската репрезентација, Горан Пандев, објави „Фактор.мк“.

Податоците од Берзата велат дека се продадени 2.250 акции на ФК Академија Пандев, по цена по акција од 16.480 денари, или во вкупен износ од нешто над 37 милиони денари, околу  603.000 илјади евра.

Доколку се погледнат податоците на Берзата за овој фудбалски клуб, Академија Пандев има вкупно издание 2.500 акции, што значи дека преку берзанската блок трансакција е продаден најголемиот дел од акциите, односно 2.250, а останати се само 250 акции.

Изразено во проценти, продадени се 90 отсто од ФК Академија Пандев за сума од 603.000 илјади евра.

Нема официјална информација за тоа кој го купи доминантниот и мнозински дел од акциите на прволигашкиот фудбалски клуб.

The post Горан Пандев продаде 90% од акциите на ФК Академија Пандев appeared first on Република.

Ноќва (19.03.2023) во периодот од 00.00 до 04.00 часот, од страна на сите сектори за внатрешни работи спроведена е акциска контрола за присуство на малолетници во угостителски објекти, како и точење и продавање на алкохол на малолетници во 267 угостителски објекти на 26 локации, соопштија од МВР.

Во рамки на контролата на подрачјето на СВР Тетово откриено е едно кривично дело казниво по чл. 215 од Кривичниот законик, при што кај едно лице е пронајдена и одземена ќеса со бела прашкаста материја. Лицето е лишено од слобода и против него ќе следува соодветен поднесок.

На подрачјето на СВР Скопје приведени се 61 лице, од кои 60 малолетници, кои по полноќ се затекнати во ноќен клуб и тие се предадени на родителите, а едно лице поради напад на службено лице при вршење работи на безбедноста, по чл.383 од Кривичниот законик.

За време на контролата откриени се вкупно четири прекршоци, по Закон за угостителска дејност на подрачјето на СВР Струмица, по Закон за пушење, Закон за лична карта и Закон за безбедност на сообраќајот на патиштата, сите на подрачјето на СВР Скопје, за кои се издадени соодветни платни налози.

The post Акции по ноќните клубови низ Македонија, приведени 62 лица, пронајдена дрога appeared first on Република.

Акциите на компанијата „Тесла“ доживеаја дополнителен пад на берзите поради тоа што продолжуваат проблемите поврзани со производството во Кина.

Ова поттикна уште еден аналитичар да ја намали 12-месечната целна цена за акциите на овој производител на електрични автомобили.

Со производство од околу 13.000 автомобили неделно и маржи повисоки од просечните, секоја загуба во Шангај сигурно ќе има значително влијание врз маржите и заработката - вели аналитичарот Џајрам Нејтан, кој ја намали својата целна цена на акцијата од 1.150 на 800 долари.

До неодамна, акциите на „Тесла“ важеа за акции со висок раст. Тие се зголемија за повеќе од 50 отсто минатата година, а на 4 април, кога Маск објави дека поседува 9,2 отсто од акциите на „Твитер“, достигнаа цена од 1.145 долари по акција. Оттогаш, акциите се најдоа во слободен пад, за сега да се тргуваат по 620,57 долари.

Откако Маск го откри својот удел во „Твитер“, акциите на „Тесла“ паднаа за 42 отсто во споредба со падот од 13 отсто на индексот СиП 500 и падот од 26 отсто во дискрециониот потрошувачки сектор СиП 500. Акциите на „Тесла“ се седми најлоши резултати во СиП 500.

The post Акциите на „Тесла“ губат вредност, цената падна под 700 долари appeared first on Република.

Една од жешките теми во денешните изданија на американските медиуми е прашањето - дали Илон Маск повторно го прекршил американскиот закон за хартии од вредност?

Поранешни членови на американската комисија за хартии од вредност (SEC) и разни професори велат дека извршниот директор на „Тесла“ го пропуштил рокот за објавување на информацијата дека купил девет отсто од акциите на социјалната мрежа Твитер и дека доставил погрешна документација.

На 4 април, Маск откри дека купил 9,2 отсто од акциите на Твитер, што го прави најголемиот акционер во мрежата за микро-блогирање, што предизвика скок на акциите на компанијата за повеќе од 27 отсто. Во поднесок објавен на Њујоршката берза, тој навел дека купувањето е извршено на 14 март 2022 година, пренесува „Ројтерс“.

Американскиот закон за хартии од вредност бара информациите за стекнување на пет отсто од акциите во една компанија да бидат обелоденети во рок од 10 дена, а во случајот на Маск, тој рок беше 24 март.

Доцнењето на објавувањето на стекнување имот може да доведе до наметнување граѓанска казна во висина до 207.183 американски долари - вели Урска Великоња, професор по право на Правниот центар на Универзитетот Џорџтаун.

Тоа не е голем финансиски удар за Маск, најбогатиот човек на светот со нето имот од 302 милијарди долари, но експертите велат дека КХВ би можела да истражи и да обвини пазарна манипулација околу купувањето акции на Твитер и да бара построги санкции во тековната истрага во врска со продажбата на акции на Тесла.

Ова не е навистина сива зона. Тој ја направи аквизицијата, но не поднесе документ во рок од 10 дена. Тоа е прекршување. Ова е јасно случај - цели Адам К. Причард, професор по право на ДИК, Правниот факултет на Универзитетот во Мичиген.

Дополнително, Маск објави податоци за купувањето на формуларот „13Г“ кој е наменет за инвеститорите кои планираат пасивно да поседуваат акции, а во вторникот протече информација дека ќе добие место во одборот на Твитер за да поттикне промени во компанијата.

Тоа значи дека требало да го достави образецот „13Д“ што го користат инвеститори-активисти, извршни директори и директори кои имаат можност да влијаат на управувањето и политиката на издавачот на акции, посочуваат повеќе правници.

Елизар Клајн, копретседател на глобалната акционерска група за активизам во „Шолт Рот и Забел“, вели дека Маск користел несоодветна форма „13Г“ и затоа регулаторите имаат причина да го преиспитаат ова прашање и да одредат построга казна.

The post Дилема во американската јавност: Дали Илон Маск го прекрши законот по купувањето акции на Твитер и колкава е казната appeared first on Република.

Акциите на компанијата „Рио Тинто“ денеска забележаа пад, откако Србија вчера донесе долука за укинување на нејзините лиценци за истражување на литиум во земјата поради еколошката загриженост, што им наштети на амбициите на оваа англо-австралиска компанија да стане најголемиот европски снабдувач на металот што се користи во електричните возила.

Одлуката на Србија доаѓа во момент кога се наближуваат општите избори во април и во време кога односите меѓу Белград и Канбера се влошија по депортацијата на тениската ѕвезда Новак Ѓоковиќ од Австралија.

Акциите на Рио Тинта паднаа за 4,1 отсто, откако на австралиската берза паднаа за цели 5,1 отсто, што е нејзин најголем пад во еден ден од април 2021 година. Референтниот индекс заврши со пад од 2,3 отсто.

Српската премиерка, Ана Брнабиќ, на прес-конференција во Белград изјави дека одлуката за повлекување на лиценците за „Рио Тинто“ е донесена по барањето на различни еколошки групи за суспендирање на литиумскиот проект „Јадар“, вреден 2,4 милијарди долари, а кој требаше да започне со производство во 2027 година, пренесуваат британските медиуми.

Илјадници лица на крајот на минатата година протестираа ширум цела Србија во знак на протест против владината поддршка за проектот, барајќи „Рио Тинто“ да ја напушти земјата и принудувајќи ја локалната општина Шабац да се откаже од планот за распределба на земјиштето за објектот.

„Рио Тинто“ веќе потроши 450 милиони долари во претходните студии за изводливост и за другите истражувања за „Јадар“ за да можеше да ја разбере природата на наоѓалиштето, соопшти компанијата во својот јулски извештај за проектот.

The post Пад на акциите на „Рио Тинто“ по одлуката на српската Влада за одземање на лиценцата appeared first on Република.