Голем пожар избувна денеска во фабриката за „ајфон“ на компанијата „Тата“ во индиската држава Тамил Наду, јавуваат индиските медиуми.

„Во моментот на пожарот на смена биле околу 1.500 работници“, пишува Индија тудеј.

Пожарот најпрвин започнал во фабриката за боење додатоци за мобилни телефони, а потоа се проширил.

Противпожарните екипи работат на гаснење на пожарот и евакуација на вработените. Според досегашните информации, во пожарот нема повредени.

Поради пожарот, производството во фабриката е прекинато, а компанијата „Тата електроникс“ соопшти дека ги истражува причините за пожарот.

The post Голем пожар во фабрика на „ајфон“ appeared first on Република.

Вкупно 21 мобилен телефон „Ајфон 15 Про“ со проценета вредност од еден милион денари се запленети на Меѓународниот Аеродром Скопје по детална контрола на стока декларирана за увозно царинење. Непријавените мобилни телефони биле откриени при детална физичка контрола на пратка од Дубаи која била наменета за фирма од Скопје.

Како што соопштија од Царинската управа, дополнително уште 11 мобилни телефони „Ајфон 15 Про“ во вредност од 799 илјади денари и еден таблет се запленети на патнички промет, откако патник кој патувал од Истанбул не ги пријавил на влез во државата. Истиот е селектиран за ренген контрола при што во дел од куферите помеѓу облеката се откриени мобилните телефони и таблетот.

На Меѓународен Аеродром Скопје на стоково царинење, декларирани за увоз, привремено се задржани 883 блутут слушалки и 1.048 задни капаци за мобилни телефони со лого на „Ејпл“ за коишто во моментов е отпочната постапка за повреда на право на интелектуална сопственост.

Исто како и во првиот случај, станува збор за пратка од Дубаи, за којашто е поднесена декларација за увозно царинење за обични блутут слушалки и задни капаци за мобилни телефони. Проценетата малопродажна цена за овие производи доколку се продаваат како оригинали е 220 илјади евра.

На Царинска испостава Гевгелија при контрола на стока за увозно царинење се откриени 1.920 полначи за мобилни телефони „Самсунг“ кои не биле опфатени со увозната декларација. Стоката е со потекло од Кина и била наменета за фирма од Скопје. Вкупната проценета вредност на непријавената стока е 374 илјади денари. Полначите се запленети, против увозникот е поведена прекршочна постапка, а се води и постапка за повреда на правото на интелектуална сопственост, наведуваат од Царинската управа.

The post На скопскиот аеродром запленети мобилни телефони „Ајфон“ во вредност од 1,8 милиони денари appeared first on Република.

Сопствениците на телефони „Ајфон“ (iPhone) во десетици земји низ светот се предупредени за потенцијални напади од шпионски софтвер.

Компанијата-производител „Епл“ (Apple) ги предупреди засегнатите корисници да не откриваат дополнително лични податоци, бидејќи тоа потенцијално може да им помогне на хакерите да избегнат откривање. Корпорацијата издаде предупредување до корисниците во 98 земји за потенцијалните закани. Се нагласува дека состојбата е сериозна и ги повикуваат корисниците да го имаат предвид ова предупредување. Не се дадени подробности за можните напади.

Ова е второ вакво предупредување годинава. Претходното беше објавено во април, за корисници во 92 земји.

„Епл“ тврди дека неговиот режим за заклучување може да го спречи шпионскиот софтвер, но може да влијае на нормалната функционалност на уредите.

На корисниците им се препорачува да внимаваат на знаците за можно присуство на шпионски софтвер, како што се бавна работа или непознати апликации на уредот.

За да се ублажи непосредното влијание, рестартирањето на уредот може привремено да го запре шпионскиот софтвер. Дополнително, на корисниците им се препорачува, ако го немаат најновиот потребен софтвер - рачно да ги преземаат и инсталираат надградбите.

The post Корисниците на „Ајфон“ низ цел свет предупредени за можни напади со шпионски софтвер appeared first on Република.

Најновата верзија на оперативниот систем за телефоните и таблетите на „Епл“, како и оној за паметните часовници, донесоа мала опција којашто за многумина може да биде доста корисна. Но, од друга страна, таа крие и одредени опасности – особено за децата. Така тврдат од полицијата во американската сојузна држава Охајо, од каде што ги предупредуваат сите корисници на уредите на „Епл“.

Станува збор за опцијата „Нејмдроп“ (NameDrop), што овозможува брзо споделување на податоците за контакт со други корисници, коишто вклучуваат телефонски број, е-пошта и слика – само со едноставно приближување на уредите еден до друг. Се нагласува оти така личните податоци се подостапни и за туѓинци, па така детето и неговите чувствителни податоци се поизложени на злоупотреба.

Американските власти ги предупредија родителите дека треба да ја исклучат оваа опција на телефоните на своите деца, заради поголема нивна безбедност, бидејќи таа автоматски се активира по надградбата на оперативниот систем.

Опцијата се исклучува со кликнување на „Поставки“, па „Генерално“ на „Ајфонот“ и избирање на опциите и „Ердроп“. Во случај на потреба од разменување контакти со некого на овој начин, опцијата може повторно да се вклучи.

Барем еднаш годишно „Епл“ претставува нова верзија на својот оперативен систем за паметни уреди, најчесто со новитети и промени на сопствениците на „Ајфон“ мобилни телефони и „Ајпад“ таблети. Во текот на годината потоа, компанијата објавува помали надградби.

The post Нова опција на „Ајфон“ потенцијално опасна за децата appeared first on Република.

Руското Министерство за дигитален развој им забрани на вработените да користат iPhone и iPad уреди на Apple за деловни цели, објави во петокот новинската агенција Интерфакс, цитирајќи го министерот Максут Шадаев, објави Ројтерс.

„Воведена е забрана за користење на мобилни уреди (Епл) – паметни телефони и таблети – за пристап до работни апликации и размена на деловни е-пошта“, изјави тој за новинарите на дигитална конференција, соопшти агенцијата.

Дозволено е користење на iPhone за лични потреби“, рече Шадаев.

The post Руско министерство им забрани на вработените да користат ајфон и ајпед appeared first on Република.

Руската претседателска администрација им порача на функционерите да престанат да користат ајфони на Епл поради загриженоста дека уредите би можеле да бидат осетливи на западните разузнавачки агенции, објави денеска рускиот весник „Комерсант“.

На семинарот организиран од Кремљ за функционери вклучени во внатрешната политика, првиот заменик-шеф на кабинетот на рускиот претседател, Сергеј Кириенко, им рекол на службениците да ги сменат мобилните телефони до 1 април, пишува „Комерсант“, повикувајќи се на неименувани извори.

The post Стравуваат од прислушкување: Руските политичари нема да користат Ајфон appeared first on Република.

Руската претседателска администрација им порача на функционерите да престанат да користат ајфони на Епл поради загриженоста дека уредите би можеле да бидат осетливи на западните разузнавачки агенции, објави денеска рускиот весник „Комерсант“.

На семинарот организиран од Кремљ за функционери вклучени во внатрешната политика, првиот заменик-шеф на кабинетот на рускиот претседател, Сергеј Кириенко, им рекол на службениците да ги сменат мобилните телефони до 1 април, пишува „Комерсант“, повикувајќи се на неименувани извори.

„Готово е со ајфоните: фрлете ги или дајте им ги на децата“, цитира „Комерсант“ еден од учесниците на состанокот кој додава: „Сите мора да го направат тоа во март“.

Кремљ може да даде други уреди со различни оперативни системи да го заменат ајфонот, пишува „Комерсант“.

Портпаролот на Кремљ, Дмитриј Песков, рече дека не може да го потврди извештајот, но дека паметните телефони и онака не можат да се користат за официјални цели.

Претседателот Владимир Путин секогаш велеше дека нема паметен телефон, иако Песков рече дека Путин повремено користи Интернет

The post Кремљ им порача на функционерите да не користат ајфони appeared first on Република.

Проблемите на доставувачот на „Епл“ – „Фокскон“ (Foxconn) во кинескиот град Женгжоу, поврзани со ширење на корона вирусот меѓу вработените во фабриката, може да ја намалат испораката на „Ајфони“ во ноември и до 30 отсто, јавуваат американски медиуми.

Погонот „Фокскон“ ги склопува повеќето од памените телефони коишто се испорачуваат ширум светот, иако американскиот гигант има производни погони и во Шенжен во јужна Кина и во Индија. Фабриката во Женгжоу има околу 200.000 работници, а последниве денови таа е потресена од нивно незадоволство од строгите мерки против Ковид-19.

На 19 октомври, „Фокскон“ им забрани на работниците оброци во мензите и им наложи да јадат во собите за одмор. Притоа раководството негираше прекин во производството.

Од компанијата тврдат дека се воспоставува контрола врз состојбата и се координираат резервните производствени капацитети со други фабрики за да се минимизираат последиците.

The post „Епл“ има проблеми со погоните: Можно е намалување на испораките на „Ајфони“ и до 30 отсто appeared first on Република.

Првиот „Ајфон“ со преклопување на „Епл“ се очекува најрано во 2025 година, но тоа – по преклопливиот „Ајпад“ којшто засега е најавен за 2024 година.

Таблет со преклопување во мигов има повеќе смисла за „Епл“ отколку паметен телефон со преклоп, а има неколку причини за тоа. Како прво, таквиот „Ајфон“ би бил, најверојатно, премногу скап за да се потиснат другите модели. Истражувачката компанија „ЦЦС Инсајт“ проценува дека цената може да биде најмалку 2.500 долари.

Покрај тоа, постои веројатност првиот преклоплив уред на „Епл“ да има и технички проблеми, па компанијата не сака да ризикува со својот најважен производ – „Ајфонот“.

Покрај тоа, воведувањето механизам со преклопување треба „да вдахне нов живот“ во линијата на таблетите. Од друга страна, пак, таблет со преклоп би можел да биде и попривлечна понуда за купувачите бидејќи е нешто што другите компании сè уште не го нудат.

Сепак, „Ајпадите“ се и меѓу најдобрите таблети денес, но „Епл“ ќе мора да ја продолжи конкурентската борба за да го задржи своето водечко место на пазарот.

The post Телефоните на преклоп се враќаат во мода: Новит „Ајфон“ ќе чини 2500 долари appeared first on Република.