Новата македонска амбасадорка во Бугарија, Агнеса Руси Поповска не е добредојдена на конститутивната седница на новото бугарско собрание, закажана за 19 октомври, дознава „Стандард“.

Според информациите на бугарскиот медиум, покрај руската амбасадорка во Бугарија, Елеонора Митрофанова, која беше прогласена за непожелна на седницата, пратениците под знак прашалник го ставиле и присуството на македонската амбасадорка и дали таа треба да влезе во тамошното Народно собрание, откако бугарската национална химна беше исвиркана на фудбалскиот натпревар во Скопје.

Ова доведе до жестока дискусија за време на прелиминарниот состанок за деталите од почетната седница, распределбата на местата во салата од парламентот. Згора на тоа, Скопје има нов амбасадор и вака пречекот ќе ги наруши односите меѓу двете земји, пишува бугарскиот медиум.

Се додава дека денеска на иницијатива на партијата Демократска Бугарија ќе има нова средба на која ќе се допрецизира ставот за Митрофанова и Руси Поповска.

The post Македонската амбасадорка Поповска непожелна на конститутивната седница на новото бугарско собрание? appeared first on Република.

Секогаш кога ќе се преговара позади завесата и надвор од очите на јавноста Македонија губи. Секогаш, буквално секогаш тоа се случува, така и овој пат, изјави претседателот на ВМРО-ДПМНЕ Христијан Мицкоски.

Според информациите на Мицкоски двајца блиски соработници на Бујар Османи Агнеса Руси и Методија Белевски изминатите денови биле во Софија, дополнително ја повика јавноста и медиумите да постават прашање до министерот и неговите соработници за нивното присуство и преговарање во Софија. Ниту едниот ниту другиот имаат стратегија пред себе, ниту едниот ниту другиот имаат приоритет да го заштитат македонскиот национален интерес, да го заштитат интересот на македонските граѓани и пред се на македонците, бидејќи во случајот овие тајни разговори се водат за идентитетот на македонците и тоа е многу важно и треба да се спомене затоа што тука се зборува за македонски јазик, за македонско културно наследство, за македонска историја, за значајни личности од македонската историја тоа е во всушност идентитетот на македонецот, истакна Мицкоски.

Еве поставете го ова прашање дали овие две лица во изминатиот период повторно беа присутни во Софија, без притоа да им даде никој мандат и преговараа за таканаречениот протокол да биде дел од преговарачката рамка, рече тој.

The post Мицкоски: Блиски соработници на Османи тајно преговараат за македонскиот идентитет во Софија appeared first on Република.

Дипломатката Агнеса Руси, ќе биде предложена за амбасадорка на РС Македонија во Бугарија. Според извори на ТВ 24 одлуката е донесена на затворен дел од денешната владина седница.

Агнеса Руси беше амбасадорка во ЕУ мисијата во Брисел. Македонија веќе подолго време нема амбасадор во Софија.

The post Агнеса Руси нов амбасадор во Бугарија appeared first on Република.