Судскиот совет е важно оружје кое што е потребно за вистинско трансформирање на правосудството во Македонија, во една институција која што им служи на своите граѓани, која што ги штити невините и ги казнува оние кои што сметаат дека се над законот, истакна денеска американската амбасадорка во земјава, Анџела Агелер, на Конференцијата за напредокот при спроведувањето на препораките од Оценската мисија на ЕУ од страна на Судскиот совет на Република Македонија.

Агелер во своето обраќање посочи дека Судскиот совет треба да ги следи препораките на Оценската мисија, бидејќи како што рече, довербата на јавноста во правосудството е шокантно ниска.

Ќе се согласите дека останува многу пред вас. Извештајот од Оценската мисија на ЕУ е еден вреден патоказ за реструктурирање на Судскиот совет и повторно поставување на неговата улога во рамките на правосудството. Судскиот совет е едно важно оружје во арсеналот оружје што ќе биде потребен за вистинско трансформирање на правосудството на Македонија, во една институција која што им служи на своите граѓани, која што ги штити невините и ги казнува оние кои што сметаат дека се над законот. Затоа што денес, како што амбасадорот Коп живописно го опиша, довербата на јавноста во правосудството е шокантно ниска, истакна Агелер.

Судскиот совет, вели Агелер, треба да го следи законот и даде отпор на политичките притисоци, затоа што, вели Македонија има добро изработени закони, како и искусни обвинители и судии.

Македонија има добро изработени закони, добро опремени институции и искусни обвинители и судии, а повеќето од нив и патувале и имале размени со САД. Па се поставува прашањето како да почнеме да го надополнуваме оној јаз или недостиг на доверба на оние на кои треба да им служиме. Пораката јасна и не се менува. Работете ја работата која што треба да ја работите. Следете го законот, работете за луѓето, дајте отпор на политичките притисоци, заштитете го својот интегритет и прифатете ја транспорентноста. Напорната работа веќе започна и гледаме напредок. Сега дозволете ни да ви помогнаме да стигнете уште понапред на својот пат, рече Агелер.

The post Агелер: Довербата на јавноста во правосудството е шокантно ниска, Судски совет треба да ги казнува оние кои што сметаат дека се над законот appeared first on Република.

Претседателот Стево Пендаровски денеска ја прими амбасадорката на Соединетите Американски Држави, Анџела Прајс Агелер.

На средбата се разговараше за политичките случувања во земјата по формирањето на преодната Влада и во пресрет на изборниот процес, како и за севкупниот развој на билатералните односи меѓу двете држави.

Претседателот Пендаровски на средбата истакна дека Македонија во континуитет посветува посебно внимание на развојот на пријателските односи и билатералната соработка со САД, при што беше истакнато дека тековниот Стратешки дијалог е можност за конкретизирање на нашата соработка во сите сфери од заемен интерес.

Претседателот Пендаровски ја истакна важноста на американската поддршка за продолжување и интензивирање на реформскиот процес во контекст на реализација на европските аспирации на државата.

The post Пендаровски на средба со американската амбасадорка Анџела Прајс Агелер appeared first on Република.

Гласачите мора да бараат од кандидатите детални планови за иднината и гласачите откако ќе се информираат, треба да гласаат. Мора да гласаат и да го изберат кандидатот што ги одразува нивните соништа за иднината, бидјеќи ништо не се случува случајно и ништо не се постигнува со останување дома, рече американската амбасадорка Ангела Агелер за ТВ24.

Таа додаде дека во земјава има доста гласачи кои се откажале кои не сакаат да гласаат, но според неа тоа не е вистинскиот одговор.

Постои руско влијание, го има низ целиот регион и свесни сме за тоа. Но, прашањето е што прават луѓето околу тоа, без разлика на влијанието, дали е преку медиумите, рекламите, социјалните мрежи, троловите? Единствениот начин за борба против дезинформациите е едукацијата, рече Агелер.

Амбасадорката додаде дека ваквите предизвици ги има и во САД и затоа е важно гласачите да бараат од кандидатите на изборите детални планови за иднината.

The post Агелер: Има доста гласачи кои се откажале и не сакаат да гласаат, но тоа не е вистинскиот одговор appeared first on Република.

Амбасадорка на САД Ангела Агелер, во интервју за емисијата „Стадион“ на Канал 77 зборува за повеќе актуелни прашања, како „епидемијата на корупција“, очекувањата од нови имиња на „црната листа“, интегритетот на судиите и обвинителите и нивната улога во реформирањето на државата и општеството, очекувањата на граѓаните….

Агелер зборува и за трагичниот крај на животот на 14-годишната Вања Ѓорчевска и при тоа очекува луѓето од институциите, кои ги оставија криминалците што го убија детето слободно да шетаат, да се погледнат во огледало и да се прашаат, што можеа да сторат за да ја спасат оваа млада девојка и сите други деца во земјава.

Дозволете да ви кажам искрено, како што и претходно денес бев, системот не успеа да ѝ помогне на таа млада девојка. Се работи за криминалци, за кои се знаело дека се криминалци, дека се насилни, и не се во затвор. Не биле претходно апсени и затворани. Не биле апсени и целосно гонети за нивните претходни злосторства. Не морале да ја платат таа цена, и цената ја плати една млада девојка. Вања ја плати цената. Срцепарателно е, апсолутно е срцепарателно, и сега не е време за политизација. Време е за институциите да фрлат еден безмилосен поглед на себе. И да се прашаат, што можевме да сториме за да ја спасиме оваа млада девојка и сите други деца во земјава? Зошто дозволуваме криминалците слободно да се движат и да вршат злодела врз кого било во државава? Ова е трагедија и се надевам, се молам, дека оваа држава, граѓаните, институциите и државните претставници ќе се погледнат во огледало и ќе прашаат што правевме, што треба да направиме сега за да обезбедиме дека вакво нешто никогаш повеќе нема да се случи, вели Агелер во разговорот.

Целото интервју овде.

The post Агелер: Институциите да се прашаат како дозволија убиство на дете appeared first on Република.

Мандатот на Судскиот совет е да обезбеди правилно и транспарентно функционирање на судството во оваа земја, со жалење можам да кажам дека видовме малку докази за исполнувањето на овие свети обврски, вели амбасадорката на САД во Скопје, Ангела Агелер, за случувањата во Судскиот совет.

За случувањата во Судскиот совет и постапувањето на ова тело во однос на политичките притисоци врз Врховниот суд, Агелер во изјава за Алсат, вели дека граѓаните заслужуваат подобро.

Мандатот на Советот е да обезбеди правилно и транспарентно функционирање на судството во оваа земја. Со жалење можам да кажам дека видовме малку докази за исполнувањето на овие свети обврски. Луѓето во оваа земја заслужуваат подобро. Сè уште не сум ја видела одлуката на Апелациониот суд да ги отфрли обвиненијата во случајот „ТНТ“, но внимателно ќе ја испитаме со надеж дека одлуката ќе биде транспарентна и во согласност со законот, рече Агелер во изјава за Алсат.

The post Агелер: Видовме малку докази дека Судскиот совет ги исполни своите законски обврски appeared first on Република.

Мандат на Судскиот совет е да обезбеди правилно и транспарентно функционирање на судството во оваа земја, со жалење можам да кажам дека видовме малку докази за исполнувањето на овие свети обврски, вели амбасадорката на САД во Скопје, Ангела Агелер, за случувањата во Судскиот совет.

За случувањата во Судскиот совет и постапувањето на ова тело во однос на политичките притисоци врз Врховниот суд, Агелер во изјава за Алсат, вели дека граѓаните заслужуваат подобро.

-  Мандат на Советот е да обезбеди правилно и транспарентно функционирање на судството во оваа земја. Со жалење можам да кажам дека видовме малку докази за исполнувањето на овие свети обврски. Луѓето во оваа земја заслужуваат подобро. Сè уште не сум ја видела одлуката на Апелациониот суд да ги отфрли обвиненијата во случајот „ТНТ“, но внимателно ќе ја испитаме со надеж дека одлуката ќе биде транспарентна и во согласност со законот, рече Агелер во изјава за Алсат.

The post Агелер: Судскиот совет треба да обезбеди правилно и транспарентно функционирање на судството, но видовме малку докази за исполнувањето на овие свети обврски appeared first on Република.

The post Николовски и Агелер во Горна Матка и Ржаничино посетија успешни жени земјоделки appeared first on Република.

Не сфаќам како Владата и премиерот си немаат повеќе никаков проблем јавно да не информираат за секоја најнова средба со американската амбасадорка, секоја недела.
Буквално жената живее во Влада, заедно стискаат копчиња, на сите настани се гледаат, дајте да баталиме Седница на Влада и Парламент, пошто и онака немаат никаква реална функција повеќе, пишува Ивор Мицковски.

Доволна е една слика еднаш неделно, Ковачевски, Груби/Али и Агелер, заедно во пријатна атмосфера и само нека споделат кратко соопштение за одлуките.
Па јебо вас бог вас јебо и пред вас функционери се гледале со амбасадори, ама вие од протекторат не напраивте тотална карикатура, па почнавте амбасадори да носите и на партиски настани.
Малку осет се треба за држава, ама лоповите на државата се знае, отсекогаш најблиску стоеле до странците и моќните.

The post Мицковски: Малку осет се треба за држава, ама лоповите на државата се знае, отсекогаш најблиску стоеле до странците и моќните appeared first on Република.

Претстојните активности кои ги очекуваат двете земји, во насока на зацврстување на партнерството и реализирање на заедничките приоритети, со акцент на неколку конкретни области, биле разгледани на состанокот на премиерот Димитар Ковачевски со амбасадорката на САД во земјава, Анџела Агелер.

Ковачевски и Агелер, како што соопшти владината прес-служба, потенцираа дека стратешкото партнерство помеѓу Македонија и САД е во фаза на унапредување, преку зајакнување на соработката во рамки на Стратешкиот дијалог и дека оваа динамика е поврзана со прогресивните политички определби на државата.

-Во тој контекст, реафирмирана е силната поддршка од САД во процесот што треба да овозможи севкупен напредок на земјата, а посебно на планот на евроинтеграциите, за што заеднички беше оценето дека е неопходно да се одржи европскиот правец и дека претстојниот чекор во Собранието на Република Македонија е од клучна важност за тоа, се наведува во соопштението.

Ковачевски и Агелер го споделиле ставот дека проевропските политички субјекти мора да го препознаат својот дел од одговорноста во овој момент, за да се осигура европската иднина на македонските граѓани

The post Ковачевски – Агелер: Се зацврстува партнерството со САД, треба да се задржи европскиот правец appeared first on Република.

Претседателот на Владата на Република Македонија, Димитар Ковачевски, се сретна со амбасадорката на САД во земјава, Анџела Агелер.

На состанокот беа разгледани претстојните активности кои ги очекуваат двете земји, во насока на зацврстување на партнерството и реализирање на заедничките приоритети, со акцент на неколку конкретни области.

Ковачевски и Агелер потенцираа дека стратешкото партнерство помеѓу Македонија и САД е во фаза на унапредување, преку зајакнување на соработката во рамки на Стратешкиот дијалог и дека оваа динамика е поврзана со прогресивните политички определби на државата.

Во тој контекст, реафирмирана е силната поддршка од САД во процесот што треба да овозможи севкупен напредок на земјата, а посебно на планот на евроинтеграциите, за што заеднички беше оценето дека е неопходно да се одржи европскиот правец и дека претстојниот чекор во Собранието на Република Македонија е од клучна важност за тоа.

Споделен е ставот дека проевропските политички субјекти мора да го препознаат својот дел од одговорноста во овој момент, за да се осигура европската иднина на македонските граѓани.

The post Ковачевски-Агелер: Силна поддршка од САД во процесот што треба да овозможи севкупен напредок на земјата appeared first on Република.

Американската амбасадорка Анџела Агелер во врска со предложенииот закон за амнестија денеска изјави дека за САД и Американската амбасада е важно ваквите процеси да се одвиваат транспарентно и да бидат легални.

Таа одговарајќи на новинарско прашање при посетата на селото Радово по повод пуштање во употреба на предучилишен едукативен центар во Босилево, преку програма на УСАИД, нагласи дека е запознаена оти законот е влезен во собраниска процедура, но дека не е ја знае неговата содржина и додаде дека е важно политичките лидери да ја запознаат јавноста со потребата од негово носење.

Граѓаните во земјата треба да разберат што се случува и зошто тоа се случува и нивните избрани лидери да комуницираат со нив зошто тоа е важно. Ова не е прв закон за амнестија, секако нема да биде последен и ние одблизу го следиме процесот за да го видиме крајниот резултат, рече Агелер.

Кабинетот на претседателот на Парламентот вчера информира дека законот веќе е доставен до пратениците и е предложен да се носи по скратена постапка.

Премиерот Димитар Ковачевски вчера дециден дека законот не е правен за личности, туку за дела од помал обем со намера за релаксирање на пренатрупаните капацитети, а од опозицијата остануваат на ставот дека со законот се опфатени „озлогласени криминалци“.

The post Агелер за законот за амнестија: Важно е ваквите процеси да бидат транспарентни и легални appeared first on Република.

 Сметам дека просперитетот и безбедноста на оваа држава е во нејзиното пристапување и интеграција во Европската унија и навистина се надевам дека политичарите од сите политички партии во земјава ќе работат кон остварување на тоа, изјави амбасадорката на Соединетите Американски Држави, Анџела Агелер.

Прашана за нејзин став во однос на процесот за уставни измени, Агелер по денешната посета на Граничниот премин „Богородица”, заедно со министерот за внатрешни работи Оливер Спасовски, посочи дека не е нејзино да зборува за тоа, но дека граѓаните треба да им дадат до знаење на политичарите дека тие сакаат да бидат дел од ЕУ.

Навистина сметам дека не е мое да зборувам за тоа како тече процесот на уставните измени. Јас сум амбасадор на САД. Ние не сме дел од Европската Унија, но кога ја гледам границата и големиот број возила кои влегуваат и излегуваат, сметам дека просперитетот и безбедноста на оваа држава е во нејзиното пристапување и интеграција во Европа и навистина се надевам дека политичарите од сите политички партии во земјава ќе работат кон остварување на тоа. Границата со Грција не потсетува на тешките одлуки што оваа земја веќе ги направи, и знам дека и ова е тешко, но ги охрабрувам граѓаните да им дадат до знаење на нивните политичари дека тие сакаат да бидат дел од ЕУ, изјави Агелер

The post Агелер: Просперитетот и безбедноста на државата се во ЕУ, се надевам дека сите политичари од земјава ќе работат кон тоа appeared first on Република.

Откако бизнисменот Орце Камчев заврши на црната листа на САД, со прака на Твитер се огласи Амбасадорката на САД, Анџела Агелер. Корупцијата има последици, порача Агелер откако американското Министерство за финансии соопшти дека бизнисменот Орце Камчев го става на црна листа за корупција, поткуп, перење пари и други кривични дела.

„Овие санкции не влијаат само врз поседувањата и имотот на г-дин Камчев, туку и врз оние кои имаат бизнис со него. САД ќе продолжат да таргетираат корумпирани поединци кои што го поткопуваат владеењето на правото и стабилноста на Македонија. Корупцијата има последици“, твитна Агелер.

#Accountability #FightCorruption pic.twitter.com/DVnwmXcu2Y

— Ambassador Angela Aggeler (@USAmbNMacedonia) July 19, 2023

The post Агелер: Oвие санкции не влијаат само врз имотот на Камчев, туку и врз оние кои имаат бизнис со него appeared first on Република.

Откако Стејт департментот го прогласи градоначалникот на Струга Рамиз Мерко за непожелна личност за влез во САД, поради негова вмешаност во тешка корупција, на официјалната фејсбук страница на американската амбасада со свој став излезе Aмбасадорката Ангела Агелер.

„Народот на Македонија заслужува интегритет од своите јавни функционери.САД ќе продолжат да повикуваат секој – без оглед на позицијата или политичката партија – кој го поткопува владеењето на правото, загрозувајќи го напредокот и стабилноста на Македонија, напиша Агелeр.

The post Агелер по прогласувањето на Мерко за непожелна личност: Ќе се бориме против секој кој го поткопува владеењето на правото appeared first on Република.

Денес одбележуваме една година од Стратешкиот дијалог меѓу Македонија и САД, што беше одржан на 2-ри јуни 2022 година, во Вашингтон. Дијалогот беше лансиран од страна на министерот за надворешни работи, Бујар Османи и државниот секретар на САД, Антони Блинкен, со што беше отворено ново поглавје во билатералните односи и меѓу двете земји.

Министерот за надворешни работи, Бујар Османи и амбасадорката на САД, Анџела Агелер  со заедничко видео, ја честитаат годишнината од Стратешкиот дијалог, реафирмирајќи ги заедничките заложби за понатамошното зајакнување на соработката и значајната поддршка за нашиот евроинтегративен процес.

"Како стратешки партнери, ни претстојат бројни активности со цел адресирање на предизвиците на земјава како што е натамошно зајакнување на нашиот автентичен модел на функционална мултиетничка демократија, борбата против корупцијата, инвестициите во инфраструктурата, но и интеграцијата на земјава кон ЕУ, што е наш заеднички стратешки интерес." - истакна Османи на годишнината од одржувањето на дијалогот.

Амбасадорката Агелер реафирмирајќи ја силната поддршка за нашиот евроинтегративен процес, порача "Соединетите Американски Држави отсекогаш биле и секогаш ќе бидат, ваш постојан поддржувач и најголем пријател. Ќе бидеме со вас рамо до рамо додека ги постигнувате вашите цели за безбедност, просперитет и можност во рамки на европската заедница."

Во рамки на Стратешкиот дијалог, Министерството за надворешни работи како координатор на целокупниот процес, во соработка со надлежните институции подготви Акциски план за реализација на проекти во различни области. Со неговото усвојување на владина седница, сите активности во рамки на дијалогот станаа дел од владината програма за работа. Со цел успешна практична имплементација на донесениот Акциски план, сите министерства, институции  и агенции од земјава кои имаат надлежности во неговото спроведување номинираа лица кои ја следат реализацијата на активностите од нивна надлежност и квартално доставуваат информација за нивниот статус и динамика на реализација до Министерството за надворешни работи.

The post Eдна година од Стратешкиот дијалог меѓу Македонија и САД appeared first on Република.

Министерката за култура Бисера Костадиновска Стојчевска и амбасадорката на САД во нашата држава, Анџела Агелер денеска остварија средба во Хераклеја во Битола, каде беше претставен проектот за конзервација и презентација на мозаиците и архитектурата на локалитетот.

За овој проект, како што соопшти министерката Костадиновска Стојчевска на Фејсбук, беше обезбеден грант од Амбасадорскиот фонд за заштита на културното наследство на САД.

Костадиновска Стојчевска на средбата упатила благодарност до амбасадорката Агелер за стратегиското пријателство меѓу Соединетите Американски Држави и нашата држава, за грижата и солидарноста на американскиот народ, кој преку Амбасадорскот фонд во континуитет учествува во заштитата на македонските културни богатства за идните генерации што доаѓаат.

Културата и културното наследство зборуваат за нашиот национален идентитет, тие се првиот, највидлив репрезент на државава пред секој намерник во нашата земја. Имаме уникатно богатство на чија заштита посветено работиме, пишува министерката на Фејсбук.

The post Костадиновска – Стојчевска и Агелер во Хераклеја: Имаме уникатно богатство на чија заштита посветено работиме appeared first on Република.

Заменичката на претседателот на Владата на Република Македонија задолжена за политики за добро владеење, Славица Грковска, денеска се сретна со новоименуваната амбасадорка на САД, Анџела Прајс Агелер.

Вицепремиерката Грковска и посака топло добредојде на амбасадорката Агелер и изрази уверување дека таа со оглед на нејзиното искуство и одлучност, ќе придонесе кон понатамошно продлабочување на билатералните односи меѓу двете земји, зајакнување на соработката, но и поефикасен пристап во борбата против корупцијата. Двете соговорнички разговараа за потребата за промена на пристапот во однос на антикорупциските политики, со цел да се постигнат подобри резултати.

Амбасадорката Агелер ги поздрави напорите што вицепремиерката Грковска и нејзиниот кабинет ги преземаат во делот на зајакнување на транспарентноста на институциите, како клучна алатка во борбата против корупцијата.

Вицепремиерката Грковска се заблагодари за континуираната американска помош, како во однос на нашиот евроинтеграциски пат, така и во однос на јакнење на капацитетите во сите области, што е предуслов за силно демократско општество.

На состанокот се разговараше и за поддршката што САД ја обезбедува на Македонија во делот на процесот за дигитална трансформација на општеството, што беше оценето како клучен процес за зајакнување на капацитетите, одговорноста и професионалноста на инстиутуциите.

The post Грковска – Агелер: Партнерството со САД продолжува, заеднички ќе обезбедиме поефикасен пристап во однос на антикорупциските политики appeared first on Република.