Во извештајот на Обединетите нации се вели дека производството на афион на опиум во Авганистан е значително намалено откако талибанските власти го забранија одгледувањето на наркотикот минатата година.
Во претходните години, Авганистан беше најголемиот снабдувач на афион во светот, но оваа година одгледувањето падна на само 10.800 хектари, што е намалување за 95% од претходната година.

Канцеларијата на ОН за дрога и криминал (UNODC) објави дека падот на производството на афион извршил голем притисок врз земјоделците во Авганистан, кои во голема мера се зависни од ова производство. Во извештајот се наведува и дека вредноста на извозот на афион во минатото била поголема од вредноста на сите формално извезени стоки, што укажува на важноста на овој сектор во економијата на земјата.

Остриот пад на производството на афион може да има сериозни последици за авганистанската економија, со оглед на тоа што на мнозинството од населението во земјата му е потребна хуманитарна помош.

The post И дрогата не е тоа што беше: Падна производството на афион во Авганистан appeared first on Република.

Направете старински колач со афион кој ќе ве врати во детството.

4 јајца
100 гр шеќер
1 чаша од 200 грама брашно
1/2 прашок за пециво
3 супени лажици афион
1 лажица масло
1 лажица какао
1 лажичка цимет
50 гр суво грозје

https://www.youtube.com/watch?v=iY-n8cEJxxM

The post Старински колач со афион кој ќе ве врати во детството appeared first on Република.

Словачките медиуми објавија приказна за сосема необична заложничка криза. Имено, во близина на градот Комарно, стотици лебеди ги окупираа полињата со афион и не се движат. Напротив, тие се толку зашеметени што дури и да сакаат не можат да одлетаат.

Одгледувачите се збудалени, не можат да се справат со нив и, фигуративно кажано, можат само да им мавнат бидејќи лебедите во таа земја се заштитени со закон.

Swans in Slovakia found a poppy field and munched on the opium-producing plants to their hearts' content for months 🦢 pic.twitter.com/6uVXeis6g4

— DW News (@dwnews) June 14, 2023

The post Лебеди во Словачка изеле афион вреден десет илјади евра appeared first on Република.

Талибанците во Авганистан денеска забранија одгледување на афион и други растенија од кои се добиваат наркотици.

Согласно указот на врховниот водач на Исламскиот емират Авганистан, сите Авганистанци се информирани дека отсега одгледувањето афион е строго забрането во целата земја, се наведува во наредбата на врховниот лидер на талибанците Хаибатула Акунаџада.

За прекршителите предвидена е постапка во согласност со шеријатските закони, а родот ќе биде уништен.

Исто така се забранува и употреба или транспорт на други наркотици.

Контролата на наркотиците во Авганистан е едно од главните барања на меѓународната заедница.

Обединети нации соопштија дека во изминатите месеци е зголемено производството на опиум во Авганистан.

The post И дрогата ќе поскапи: Авганистан забрани одгледување афион appeared first on Република.

Во моментов во Авганистан има околу 3,5 милиони или девет отсто зависници од дрога, изјави заменик-министерот за здравство на талибанците, Абдул Бари Омар.

– Три ипол милиони луѓе во земјата се зависници. Секој од нив користи дрога вредна три американски долари дневно, изјави Омар гостувајќи на локална телевизија.

Според Обединетите нации, делот од земјоделското земјиште во Авганистан што се користи за нелегално одгледување опиум во 2020 година е зголемен за 37 отсто во споредба со 2019 година.

Производството на опиум сочинува од шест до 11 отсто од БДП на земјата.

За време на претходното владеење на талибанците од 1996 до 2001 година, производството и продажбата на дрога беа главниот извор на финансирање на нивната влада.

The post Три и пол милиони милиони Авганистанци се зависници од дрога appeared first on Република.