Железничкиот сообраќај е во кома, ама месечно за плати на директорите и на нивните советници се двојат над 800.000 денари! Десет милиони денари годишно земаат директорите и нивните советници за работниците да немаат плата, а за линијата Битола – Скопје да се вози и да се чека воз над 10 часа, ако воопшто стигне возот, рече денеска на прес конференција Наум Стоилковски, портпаролот на ВМРО-ДПМНЕ, додавајќи дека Македонски железници, акционерско друштво во државна сопственост, е дел од колачот за делење менаџерски позиции и за високи директорски плати.

Тој вели дека во Македонски железници има седум директорски позиции со плати над 70.000 денари, без додатоци. И сите седуммина се членови на Управниот одбор на Железници.

– Саша Јовановски, директор на патнички сообраќај член на Управен одбор на МЖ транспорт АД – Скопје, со плата над 70.000 денари. Милчо Смилевски, директор на товарен сообраќај и член на Управниот одбор на МЖ, со плата над 72.000 денари. Брахим Ајваз, директор на маркетинг и продажба и член на Управен одбор на Железници, плата над 72.000 денари. Сашко Ангеловски, директор за влеча и одржување возни средства и член на Управен одбор на Железници, плата над 70.000 денари. Шенур Османи, директор за финансиски и економски работи и член на УО на Железници, плата над 70.000 денари. Местото директор за правни работи и човечки ресурси и секако член на УО, во моментов е испразнето, а е позиција, со плата над 70.000 денари. И секако на крај, Мајан Вејсели, генерален директор и претседател на Управниот одбор на Железници, со плата околу 75.000 денари – рече Стоилковски продолжувајќи ја со овие податоци аферата „Паразити“.

Тој вели дека во Македонски железници биле ангажирани и петмина платени советници со позиција со „коефициент 8“, односно со плати над 60.000 денари.

Македонската железница е во кома, Македонија е железнички изолирана држава, домашниот сообраќај до Кичево или до Кочани е укинат, а релацијата Скопје – Битола трае по 10 часа, ако  патниците воопшто ја имаат среќата да стигнат до дестинацијата или пак да го дочекаат возот, ама пак затоа пари мора да се има за директорите – рече Стоилковски.

Тој вели дека Македонски железници е еден од најголемите загубари во државата, со долг од над 67 милиони евра. Во пет години има сменето шестмина генерални директори.

The post Стоилковски: Железничкиот сообраќај е во кома, ама месечно за плати на директорите и на нивните советници се двојат над 800.000 денари appeared first on Република.

Железничкиот сообраќај е во кома, ама месечно за плати на директорите и на нивните советници се двојат над 800.000 денари! Десет милиони денари годишно земаат директорите и нивните советници за работниците да немаат плата, а за линијата Битола – Скопје да се вози и да се чека воз над 10 часа, ако воопшто стигне возот, рече денеска на прес конференција Наум Стоилковски, портпаролот на ВМРО-ДПМНЕ, додавајќи дека Македонски железници, акционерско друштво во државна сопственост, е дел од колачот за делење менаџерски позиции и за високи директорски плати.

Тој вели дека во Македонски железници има седум директорски позиции со плати над 70.000 денари, без додатоци. И сите седуммина се членови на Управниот одбор на Железници.

Саша Јовановски, директор на патнички сообраќај член на Управен одбор на МЖ транспорт АД – Скопје, со плата над 70.000 денари. Милчо Смилевски, директор на товарен сообраќај и член на Управниот одбор на МЖ, со плата над 72.000 денари. Брахим Ајваз, директор на маркетинг и продажба и член на Управен одбор на Железници, плата над 72.000 денари. Сашко Ангеловски, директор за влеча и одржување возни средства и член на Управен одбор на Железници, плата над 70.000 денари. Шенур Османи, директор за финансиски и економски работи и член на УО на Железници, плата над 70.000 денари. Местото директор за правни работи и човечки ресурси и секако член на УО, во моментов е испразнето, а е позиција, со плата над 70.000 денари. И секако на крај, Мајан Вејсели, генерален директор и претседател на Управниот одбор на Железници, со плата околу 75.000 денари, рече Стоилковски продолжувајќи ја со овие податоци аферата „Паразити“.

Тој вели дека во Македонски железници биле ангажирани и петмина платени советници со позиција со „коефициент 8“, односно со плати над 60.000 денари.

Македонската железница е во кома, Македонија е железнички изолирана држава, домашниот сообраќај до Кичево или до Кочани е укинат, а релацијата Скопје – Битола трае по 10 часа, ако  патниците воопшто ја имаат среќата да стигнат до дестинацијата или пак да го дочекаат возот, ама пак затоа пари мора да се има за директорите, рече Стоилковски.

Тој вели дека Македонски железници е еден од најголемите загубари во државата, со долг од над 67 милиони евра. Во пет години има сменето шестмина генерални директори.

https://youtu.be/BY2f7HgFjlE

The post Возовите стојат, а платите над 70.000 денари на 7 директори на Железници си врват appeared first on Република.

Ковачевски и Муртeзани се паразитите во ЕСМ и МЕПСО, рече на денешната прес-конференција за аферата „Паразити“ Ивица Томовски од ЦК на ВМРО-ДПМНЕ, објаснувајќи дека директорите на ЕСМ и МЕПСО, Васко Ковачевски и Орхан Муртезани се наградени со 1.700 евра плата месечно, додека ЕСМ увезува и до 1/3 од дневните потреби за ЕВН.

ЕСМ на ден купува и над 3.000 мегават часа струја, по цени и над 250 евра, тоа се 750.000 евра на ден кои се одлеваат како девизи од државата, а тоа е така затоа што не работат РЕК Битола и РЕК Осломеј со полн капацитет. Но, тоа не е проблем Ковачевски да зема плата од 1.700 евра месечно, односно над 20.000 евра годишно. Ковачевски за еден мандат ќе ја чини државата над 80.000 евра, придонесот негов не е ниту нула, туку е далеку под нула.  Исто е и со Орхан Муртезани, кој како државен паразит зема 80.000 евра плата за еден мандат на чело на МЕПСО. На линија паразити во енергетскиот сектор од ЕСМ и МЕПСО Ковачевски и Муртезани е и Бајрам Реџепи, извршен директор на Национални Енергетски Ресурси, кој месечно зема 1.300 евра плата, и за една година од оваа државна компанија наплаќа 15.000 евра. 
Реџепи од НЕР, за еден мандат ќе ја чини државата 60.000 евра, а никој не знае кој е неговиот придонес, рече Томовски.

Тој прашува, кој е придонесот на сите директори во енергетските претпријатија кои ја чинат државата стотици илјади евра, а Македонија дневно одлева по 750.000 евра за купување на струја за регулираниот пазар?

Што сработиле Ковачевски, Муртезани и Реџепи за Македонија? И за граѓаните од чии даноци земаат плата од десетици илјади евра годишно? Затоа веднаш по смена на власта, ќе биде направена ревизија на платите. Не смее да има преплатени работни места и мора да има резултати. Функционерите на власта, паразити кои немаат никаков допринос за државата се луѓето кои сакаат оваа власт да остане, за да можат да продолжат со луксузниот живот. А народот е тој кој бара промена за да има подобра иднина. Затоа потребни се предвремени парламентарни избори, вели Томовски.

https://youtu.be/bM5VXqZqekk

The post Директорите на ЕСМ и МЕПСО со 1.700 евра плата месечно, додека ЕСМ увезува и до 1/3 од дневните потреби за ЕВН appeared first on Република.

„Народот доживува една огромна криза. Земјава е рекордер по инфлација и рекордер по индексот на мизерија. Како да се платат сметките, шоковите со цените по продавниците, маките со бизнисите, и тешките деловни односи се работите што го мачат нашето општество. На сметка на ова, Владата зборува за висока политика, симнува ѕвезди од небото, вергла како на расипана лента исти фрази, исти зборови за некаква иднина што не доаѓа. Најголемиот оцрнувач на евроинтегративните процеси е Владата и најголемиот непријател на имиџот на прозападните партнери е токму Владата која во состојба на отсуство на реформи за кои треба часови и часови работа, ги заменува со понизност и лесна рака за потпишување на сè и сешто што ќе побараат од неа, нема апетит на држава околу нас кој не го задоволија на штета на нашите национални интереси, додека потоа имаат полна уста за ЕУ правејќи криминал и криејќи белосветски пробисвети кои се на црните листи на западните земји. А, пак оние слуги притиснати до ѕид, зборувам за слугите на власта, кои мора нешто да одработат за да добијат од власта ќе фрлат по некоја димна бомба кон опозицијата колку да направат дефокус од овие вистински теми важни за народот. Многу е тешко кога гледам дека главната борба на младите во Македонија, главниот протест е за оброк кој Владата им го зема од уста додека младите во Берлин, Лондон, Париз протестираат за широки општествени теми, за повеќе права, повеќе слобода за своите врсници од Блискиот Исток или за повеќе технолошки развој, за повеќе иновации. Нашата влада им го одзема и така сиромашниот оброк кој видовме дека е сочинет од јајце и зденка, додека младите врсници од Берлин, Лондон, Париз се борат за технолошки развој и ќе повторам иновации“, нагласи претседателот на ВМРО-ДПМНЕ Христијан Мицкоски на годинешната конференција на УМС на ВМРО-ДПМНЕ.

Мицкоски додаде дека му е мачно кога гледа како функционери од власта се ухлебени паразити кои живеат од потта на чесниот народ и земаат илјадници евра плата, не работат ништо, а ги уживаат сите придобивки од државата.

Мачно е кога гледам како функционери од власта се ухлебени паразити кои живеат од потта на чесниот народ и земаат илјадници евра плата, не работат ништо, а ги уживаат сите придобивки од државата. Нивните имиња не се ни знаат, но тие ги држат паразитски функциите на десетиците институции од кои дебело се платени, додека тутунарите немаат откуп, додека оризарите протестираат, додека студентите се гладни. Функционери од власта криеле имоти, луѓе од власта земаат месечна плата за која народот работи по цела година. Затоа ви ветувам и на паразитите и на тајните имоти мора да дојде крај, и во првите месеци по преземањето на власта ќе ги испитаме сите овие скриени имоти и ќе бараме потекло за истите. А, оние тајни имоти нечесно стекнати во годините на криминал, истите ќе бидат одземени и парите ќе бидат вратени во буџетот, а од буџетот за народот. Тоа е она за кое што ВМРО-ДПМНЕ се залага и тоа е онаа политика за која што ВМРО-ДПМНЕ се бори“ нагласи Мицкоски.

The post Ухлебените паразити кои живеат на грбот на народот и тие со тајни имоти од власта да знаат дека ќе одговараат и ќе има одземање на имотите appeared first on Република.

Претседателот на ВМРО-ДПМНЕ Христијан Мицкоски, кој ја отвори Годишната конференција на УМС, пред младите во Македонската филхармнонија не изостави да зборува економската криза. Мицкоски потсети дека земјава е рекордер по инфлација и рекордер по индексот на мизерија.

Како да се платат сметките, шоковите со цените по продавниците, маките со бизнисите, и тешките деловни односи се работите што го мачат општеството. На сметка на ова, Владата зборува за висока политика, симнува ѕвезди од небото, вергла како на расипана лента исти фрази, исти зборови за некаква иднина што не доаѓа. Најголемиот оцрнувач на евроинтегративните процеси е Владата и најголемиот непријател на имиџот на прозападните партнери е токму Владата која во состојба на отсуство на реформи за кои треба часови и часови работа, ги супституира со понизност и лесна рака за потпишување на сè и сешто што ќе побараат од неа, нема апетит на држава околу нас кој не го задоволија на штета на нашите интереси, додека потоа имаат полна уста за ЕУ правејќи криминал и криејќи белосветски пробисвети кои се на црните листи на западните земји, рече Мицкоски.

Тој зборуваше за, како што ги нарече димните бомби кон опозицијата, кои се пуштаат да се одвлече вниманието од вистинските теми важни за народот. Тој рече дека поразувачки е што главниот протест на младите во во Македонија е за оброк кој владата им го зема од уста, додека младите во Берлин, Лондон, Париз протестираат за широки општествени теми, за повеќе права, повеќе слобода за своите врсници од Блискиот Исток или за повеќе развој и технологија.

Нашата влада им го одзема и онака сиромашниот оброк од јајце и зденка, додека младите врсници од Берлин, Лондон, Париз се борат за технолошки развој и иновации.

Зборуваше и за функционерите паразити кои  земаат илјадници евра плата, не работат ништо, а ги уживаат сите придобивки од државата и вети дека на паразитите и на тајните имоти мора да им дојде крајот.

Во првите месеци по преземањето на власта ќе донесеме нов закон за испитување на потеклото на имотите многу поригорозен од постојните решенија, како и усогласување на платите во зависност на сложеноста на работата, а не во зависност на позицијата на која се наоѓаат при водењето на институцијата. Плата по учинок. Тие што работат треба да бидат платени, а тие другите треба да знаат дека нема заработка без пот и заслуга. А оние тајни имоти нечесно стекнати во годините на криминал, истите ќе бидат одземени и вратени во буџетот, на народот.

The post Ригорозен закон за потекло на имот, плата по учинок, одземање на тајните имоти, најави претседателот на ВМРО-ДПМНЕ appeared first on Република.

Аферата „Паразити“ на виделина ја извади алчноста на оваа антидржавна и криминална власт, велат од ВМРО-ДПМНЕ.

Додека секојдневно луѓе остануваат без работа и не знаат како да го преживеат месецот, функционерите на СДС и ДУИ со нивните директорувања ги полнат своите џебови со народни пари, а нивниот резултат е чиста нула.

Еден од листата кој котира на врвот по богатење на грбот на граѓаните е Зоран Китанов, кои како претседател на одборот на директори во Телеком, а именуван ов Владата на СДС и ДУИ зема месечна плата од над 6.200 евра. Ако се пресмета, Китанов за еден мандат од 4 години, на негово конто ќе легнат скоро 300.000 евра.

 

Неговиот заменик во Телеком, кој исто така е назначен од владата, Садула Дураку од ДУИ месечната плата му изнесува 1.500 евра, или за 4 години ќе заработи над 80.000 евра. Додека пак неизвршниот член на одборот на директори Шкодране Дардишта, која на јавноста ја започна по нејзините изјави во кои се закануваше со војна, секој месец зима плата од над 1.000 евра, или 50.000 евра за еден мандат, реагираат од ВМРО-ДПМНЕ.

Оттаму додаваат дека додека државата е во енергетска криза и граѓаните плаќаат повисока цена за потрошена електрична енергија, директорот на ЕЛЕМ, Васко Ковачевски месечно заработува над 1.700 евра.

1.700 евра за Ковачевски, додека секој ден ни се случуваат хаварии и дефекти во енергетскиот систем и додека нема пари за обновување и унапредување на енергетските капацитети.

 

Ковачевски за 4 години или еден мандат ќе заработи над 80.000 евра.

 

Листата на паразити на државна сметка е се поголема, а од овие паразити не гледаме никаква одговорност, напротив исмевање и навредување кон граѓаните.

 

Молкот од Димитар Ковачевски за навредите од Љупчо Зиков кон граѓаните, значи одобрување или пак овие навреди се по негова нарачка, се наведува во реакцијата на ВМРО-ДПМНЕ.

The post Листата на паразити станува се поголема: Наместо извинување и одговорност од функционерите на власта има навреди и исмејување кон граѓаните appeared first on Република.

При посета на општина Велес, потпретседателот на ВМРО-ДПМНЕ, Александар Николовски одговарајќи на новинарско прашање во однос на аферата „Паразити“ истакна дека висината на платите треба да соодветствува со тежината на работата.

Тој додаде дека граѓаните коишто вистински работат треба да имаат повисоки плати, а не оние „паразити“, коишто ништо не работат, а земаат плата.

Ние излегуваме со факти, најдобар доказ дека точно сме погодиле онаму каде што треба е тоа што никој од овие кои што до сега се споменати не демантираше дека не зема толку висока плата. Напротив сите потврдија со некои смешни образложенија, висината на платите треба да соодветствува со тежината на работата, а овде за жал каде што ние објавуваме висината на платите воопшто не соодветствува со тежината на работата.

Еве само еден пример, објавивме за високата плата на директорот на АЕК, а дали било кој граѓанин во државата знае што работи агенцијата за електронски комуникации и уште повеќе дали знае кој е директор. Така што во такви услови да се цица македонскиот буџет во услови кога граѓаните не можат да врзат крај со крај една расипничка политика не случајно буџетот за 2023 година има највисока стапка за дискрециони трошења од рекордни 924 милиони евра, скоро една милијарда евра владата дискреционо ќе троши на вакви така наречени трансфери, плати и така натаму што само покажува во која расипничка фаза се, овие трошења треба да се скратат, да се насочат кон продуктивни трошоци пред се тука мислам на развојни инфраструктурни проекти и секако кон поддршка на граѓаните, затоа што развојни проекти ќе ја подобрат економијата а тоа ќе го зголеми животниот стандард на граѓаните и треба граѓаните кои што вистински работат да имаат повисоки плати а не овие како што ги нарекуваме паразити, кои што ништо не работат а земаат плата“, нагласи Николоски.

The post Николоски: Граѓаните треба да земаат повисока плата, а не „паразитите“, висината на платите треба да соодветствува со тежината на работата appeared first on Република.

Еден од најкарактеристичните примери за паразитирање на грбот на граѓаните е Љубе Бошкоски кој зема 50.000 евра за мандат, а никој не знае ни што работи ни што придонесува за тие пари, обвинуваат од ВМРО-ДПМНЕ, продолжувајќи ја листата на функционери на власта како дел од аферата „Паразити“.

Аферата „Паразити“ секој нов ден покажува нов аздислак на власта на СДСМ и ДУИ во време на криза. Додека од народот бараат да стега ремен, да се тушира со поладна вода, да готви во мали тенџериња, тие немаат абер да ги скратат баснословните хонорари и плати на функционерите кои ги именуваат. Таков е примерот и со Љубе Бошкоски, кој зема 50.000 евра за мандат, а никој не знае што работи и што придонесува за тие пари. Фестим Халили, пак, од позиција директор на ФИТР зема 1.000 евра месечно и речиси 50.000 евра за мандат, за нешто за кое граѓаните немаат апсолутно никаква корист. Уште еден пример за неразумна плата е и Миѓен Селмани член на Управен одбор и директор во М-НАВ кој зема 3.000 евра месечно или 144.000 евра за мандат“, наведуваат од ВМРО-ДПМНЕ.

Од партијата додаваат дека власта на СДСМ и ДУИ во оваа криза има други приоритети, различни од тие на народот.

На власта приоритет и се непродуктивните трошења, криминалот и полнењето на функционерските џебови“, се вели во партиското соопштение на ВМРО-ДПМНЕ.

The post Љубе Бошковски добива хонорар од 50.000 евра, а никој не знае што работи appeared first on Република.

Владата бара од граѓаните да штедат, да готват во помали тенџериња, се правдат дека нема пари за стопанството, нема пари за здравството, земјоделството, студентите, ама затоа не им ги чепка баснословните хонорари и плати на своите функционери, велат од ВМРО-ДПМНЕ, потстувајќи дека вчера објавиле дека само тројца функционери ја чинат Македонија околу 500 илади евра за еден мандат.

Кире Наумов како директор на македонската банка за обнова и развој зема 2.500 евра, или за еден мандат ќе инкасира 120.000 евра. Директорот на АЕК во услови кога граѓаните едвај врзуваат крај со крај има месечна плата од над 2000 евра или 30.000 евра годишно. Во Телеком пак, кај што Владата има свој удел Славко Пројковски како финансиски директор има плата од над 6000 евра, односно за еден мандат добива дури 288.000 евра. Ако на овие плати ги додадеме и надоместоците на функционерите кои претходно беа обелоденети во аферата Паразити, како што се тие на Жерновски, Љушев од Телеком, Станкоски од Тутунски комбинат, Хамиди и Крстевски од М-нав, Тунтев ид Цивилно воздухопловство, Ѓорѓиев од ПУИК, Зиков од МЕПСО, тогаш доаѓаме до фантастична бројка од над 2 милиони евра за еден мандат за 11 функционери. Колку семејства може да живеат со 2 милиони евра? Колку студенти може да се прехранат? Колку медицински апарати и лекови може да се набават?, прашуваат од ВМРО-ДПМНЕ.

Според нив, аферата „Паразити“ го откри лицемерието на оваа власт на СДСМ и ДУИ.

Оваа афера покажа дека за елитата на власт нема криза. Паразити покажа дека лажните социјалдемократи кркаат дебели хонорари додека народот гладува, велат од ВМРО-ДПМНЕ и најавуваат објавување на нови случаи на „аздисано трошење“ во аферата „Паразити“ и денес.

The post Додека од граѓаните се бара готвење во помали тенџериња, 11 функционери чинат над 2 милиони евра appeared first on Република.

Македонски Телеком денеска реагира на наводите изнесени од ВМРО-ДПМНЕ околу аферата „Паразити“ во која се изнесуваат плати на директори и ги отфрла како обид јавноста да се доведе во заблуда. Пред сѐ, затоа што Телеком не е државна институција, ниту директорите таму ги назначува Владата, туку е дел од Дојче телеком, соопштија од компанијата.

Ова е соопштението на Македонски Телеком:

Македонски Телеком не е јавно претпријатие, ниту државна институција, туку една од најуспешните компании со странски капитал во земјава, која уште од 2001 година е дел од интернационалната групација Дојче телеком. Компанијата, повеќе од 20 години функционира во конкурентно опкружување со други интернационални брендови.

Позициите главен извршен директор, на која е Никола Љушев и главен директор за финансии на која е Славко Пројкоски не се позиции на јавни службеници назначени од Владата, туку високи деловни функции кои носат одговорност за целокупното работење на компанијата. Овие позиции подразбираат поседување на соодветно искуство, докажана експертиза и преземање деловни активности за постигнување резултати согласно плановите и стандардите на Дојче телеком групацијата.

The post Телеком за аферата „Паразити“: Не сме државна институција, туку дел од Дојче телеком appeared first on Република.

The post Нови „паразити“: Кире Наумов од СДСМ за еден мандат зема 120.000 евра плата, а никој не знае што тој сработил за тие пари appeared first on Република.

Аферата Паразити го разоткри аздисаното и апсурдно трошење на парите на граѓаните за плати на функционери именувани од оваа власт на СДС и ДУИ.
Последниот пример за тоа се хонорарите на Андреј Жерновски и Кире Станкоски, напоменуваат од ВМРО-ДПМНЕ.

Андреј Жерновски добива месечен надоместок  од 1000 евра како координатор на проектната единица за изградба на клинички објект. Од министерството за здравство до сега има добиено 18.000 евра, а граѓаните не можат да видат ниту цигла од неговото координирање.

Вториот пример, пак, Кире Станковски добива 2.000 евра месечно како генерален директор на Тутунски комбинат Прилеп, а во исто време тутунарите од прилепско не можат да си го наплатат трудот и едвај врзуваат крај со крај. Во еден мандат Станковски ќе заработи речиси 100 илјади евра.

Додека лицемерната власт на СДС и ДУИ ги тера граѓаните да штедат, дури ги тера студентите да преживуваат, дури крати средства  за проекти во интерес на граѓаните под изговор дека нема пари, функционерите кои ги именува добиваат баснословни суми за плати и хонорари.
Од досегашните примери видовме дека само 8  функционери именувани од СДС и ДУИ ја чинат Македонија приближно 1,5 милиони евра. Аферата Паразити ќе открие и нови случаи на раскалашено трошење во време кога народот гладува.

The post Oсум функционери од Владата ја чинат Македонија 1,5 милиони евра, а пари за народот нема appeared first on Република.

Екс лидерот на Либералната партија во објава на социјалните мрежи упати жестока реакција кон Андреј Жерновски по разоткривањето на скандалот дека 18 месеци земал по 60.000 денари за работа што не ја вршел.

https://republika.mk/vesti/makedonija/andrej-zernovski-zema-plata-od-1-000-evra-mesechno-za-gradba-na-klinichki-koj-ne-se-gradi/

Како што вели Величковски, доколку Владата е посветена на борба со корупцијата, би издала две можни соопштенија:

1. „Поради неоткажување од надомест за работа што не ја извршувал по именувањето на новата должност, Премиерот очекува Жерновски да поднесе оставка до крајот на седмицата“.

2. „По сознанијата за ова прекршување на етиката и праксата на доброто владеење, покрај истрага за случајот од МЗ, Премиерот побара и МНР да отпочне постапка за отповикување на Амбасадорот Жерновски“.

Величковски истакнува дека овој скандал ќе определи дали Ковачевски решил да води Влада/партија или се помирил со епизодна улога во нив.

Ковачевски да не купува време, порачува поранешниот лидер на ЛП.

The post Ивон Величковски со жесток напад кон Жерновски: Oставка е решението appeared first on Република.

Аферата „Паразити“ со години го јаде системот. Од владата именувани функционери, звучни имиња, земале илјадници евра, додека народот мизерува, рече на денешната прес-конференција, на која продолжи да открива детали за аферата „Паразити“, Ивица Томовски, член на Централниот комитет на ВМРО-ДПМНЕ.

Функционерите од аферата „Паразити“ не можат да ги оправдаат парите кои ги земаат со реална работа, придонесот кој тие треба да го даваат за тие пари не се гледа. Со еден таков пример ќе ја отвориме оваа прес конференција, се работи за Андреј Жерновски, кој повеќе од година ипол е дел од проектната единица за Клинички центар, и за тоа зема месечен надомест од 1.000 евра. Жерновски, до сега земал над 18.000 евра од Министерството за здравство. А, намената за која што ги зема тие средства не е оправдана. Клинички центар нема, ниту се гради тој во Штип, а тој во Скопје не е ниту во фаза да почне да се гради. Зошто се држи Жерновски на позицијата и зошто му се исплаќаат по 1.000 евра месечно, иако за тоа нема потреба, треба да ни одговорат од Владата. Сосема неоправдано се трошат парите од Министерството за здравство, а во исто време гледаме како секојдневно луѓе собираат пари за лекување преку донации, рече Томовски.

Посочи дека иста е ситуацијата и со Кире Станкоски, генерален директор на Тутунски комбинат Прилеп, кој зема месечна плата од над 2.000 евра.

И додека тутунарите се сѐ посиромашни, и едвај врзуваат крај со крај, генералниот директор на Тутунски комбинат за еден мандат ќе инкасира без малку 100.000 евра. Неоправдано трошење на средства на граѓаните гледаме и во М НАВ, таму како што веќе објавивме двајцата директори земаат скоро 500.000 евра плата за еден мандат од четири години. Фахрудин Хамиди зема плата од 6 илјади евра месечно, додека Владо Крстевски зема 4.5 илјади евра месечно. И за двајцата јавноста не знае што прават, ниту дали ги оправдуваат овие високи плати, или пак целиот товар на работата во М НАВ паѓа на вработените стручни лица, кои имаат далеку помали плати од директорите. Аферата „Паразити“, покажува како група функционери именувани од владата земаат огромни суми пари по основ на плата во време кога имаме економска криза, а притоа не гледаме со што тие ги оправдале овие примања. Нема нови инвестиции, нема позитивни биланси на компаниите, нема задоволни граѓани кои се корисници на овие услуги, рече тој.

https://youtu.be/SLNgL3XbHrY

The post Андреј Жерновски зема плата од 1.000 евра месечно за градба на Клинички кој не се гради appeared first on Република.

Аферата „Паразити„ покажува еден нефер третман на граѓаните во Македонија.Додека секој просечен човек едвај врзува крај од први до први, една мала група послушници на власта која на грбот на сите граѓани енормно се богати и има огромни примања,вели лидерот на ВМРО-ДПМНЕ Христијан Мицкоски во интервјуто за „Република“.

Тој објаснува дека од Владата слушаме како ќе ги намалувале платите, паушалите, хонорарите а од друга страна гледаме како овие послушници се богатат и стануваат милионери во еден мандат и заработуваат по неколку стотици илјади евра.

Тоа е еден лицемерен однос и двојни стандарди од страна на Владата кон граѓаните и го покажува вистинското лице. Ова Влада по сите параметри е најнеуспешна и најманипулативна. Има работи кои ги прават со намера а има и работи кои не знаат да ги прават и сето тоа кога ќе се обедини во еден мозаик доаѓаме до оваа афера „паразити“, дециден е Мицкоски.

https://www.youtube.com/watch?v=ih3feD3xlqM

The post Мицкоски за аферата „Паразити“: Додека секој просечен човек едвај врзува крај од први до први, една мала група послушници на власта енормно се богати appeared first on Република.

Аферата „Паразити“ открива голем број функционери именувани од оваа аздисана власт на СДС и ДУИ кои земаат баснословни плати во време на криза, велат од ВМРО-ДПМНЕ.

Додека народот гладува Томислав Тунтев, кадарот на СДС како именуван директор во Агенцијата за цивилно воздухопловство зема месечна плата од 203.000 денати, односно за еден мандат  ќе бидат исплатени 9.744.000 денари.

Директорот на ПУИК, Зоран Ѓорѓиев добива месечна плата од 105.000 денари, а во текот на еден мандат ќе инкасира 5.040.000 денари.

На јавноста познатиот провладин аналитичар Љупчо Зиков е функционер во МЕПСО за месечна плата од 80.000 денари, што значи дека за еден мандат ќе добие 3.840.000 денари.

Членот на УО во Телеком Никола Љушев добива месечен надоместок од 713.000 денари, што за еден мандат достигнуваат 34.224.000 денари.

Само овие 4 функционери именувани од владата за еден мандат добиваат баснословни 858.000 евра, колку што сите вработени во една просечно голема конфекција заедно нема да ги добијат во време од 4 години.

Да потсетиме дека други двајца владини функционери  за еден мандат добиле 473.000 евра, односно Фахрудин Хамиди и Владо Крстевски како директори во М-НАВ добиваат месечна плата од 345.000 денари, односно 266.000 денари.

Власта на СДС и ДУИ бесрамно бара од народот на штеди а тие аздисуваат со исплати на неверојатни плати на своите функционери. Крати пари за студенти и земјоделци, а има за милионски хонорари. Додека државата се задолжува, мала група се богати на сметка на народот.

Аферата „Паразити“ ја покажа целата забеганост и хипокризија на власта. Денес ќе следи ново продолжение.

The post Aфера „Паразити“: Четири функционери именувани од владата заработуваат 858 000 евра за еден мандат appeared first on Република.

Денес продолжуваме со нови детали од аферата Паразити, голем број владини функционери земаат месечни плати неколкукратно поголеми од минималната, додека народот тоне во сиромаштија. А на индексот на мизерија сме втори во Европа. Дел од аферата Паразити е Томислав Тунтев, директор на Агенцијата за Цивилно воздухопловство, кој зема плата од 203.000 денари месечно. Односно 3.300 евра месечно. Тоа се 40.000 евра за една година. Додека народот има просечна плата од 470 евра, за Тунтев од СДС тоа се 3300 евра, истакна Ивица Томовски, член на Централниот комитет на ВМРО-ДПМНЕ, на денешната прес-конференција.

-Јавноста ниту го видела Тунтев по заминувањето од функцијата пратеник, ниту слушнала за неговата работа.

Тунтев не е директор во Германија или некоја друга развиена земја, тој е именуван функционер од владата во Македонија. Во Македонија во која што народот не може да се прехрани, а тој зема годишна плата од 40.000 евра. И за еден мандат ќе инкасира цели 160.000 евра.

Аферата Паразити покажува дека низ институциите лежат скриени поголем број именувани функционери кои во услови на криза додека најголемиот број од работниците работат за плата под просечната земаат плати кои на годишно ниво изнесуваат неколку десетици илјади евра, вели Томовски и додава:

„Дел од аферата Паразити е и директорот на ПУИК, Зоран Ѓорѓиев, со месечна плата од 105.000 денари. Истиот за една година наплаќа 1.260.000 денари, односно 21.000 евра.

Никола Љушев како дел од УО на Телеком зема месечна плата од 713.000 денари, односно 11.500 евра. За година дена тоа се 139.000 евра, а за еден мандат од 4 години 560.000 евра.

Љупчо Зиков, дежурен аналитичар на власта, а во принцип именуван функционер месечно од МЕПСО зема 80.000 денари, што за една година е 960.000 денари или 16.000 евра. Во текот на еден мандат тој од оваа енергетска компанија ќе инкасира 54.000 евра.

Ова се дел од функционерите од аферата Паразити, утре продолжуваме со нови детали, на нова прес конференција“.

The post Афера „Паразити“: Тунтев од СДС како директор на Цивилно воздухопловство за еден мандат како плата ќе земе 160.000 евра appeared first on Република.

Фахрудин Хамиди, претседател на Управниот одбор и Извршен директор во СВН во М НАВ, именуван од страна на владата месечно зема плата од 6 илјади евра. За една година истиот само како плата зема над 70 илјади евра. За мандат од 4 години тоа се над 280.000 евра, велат од ВМРО-ДПМНЕ.

Од партијата велат ништо поразлично не е ниту за членот на УО и Извршен директор во СВТ на М НАВ, Владо Крстевски, кој зема 4.5 илјади евра плата месечно.

-За една година тоа се над 50.000 евра, а за еден мандат од четири години Крстевски од државата ќе земе над 200.000 евра како плата. Овие двајца директори во М НАВ земаат скоро половина милион евра само како плата од М НАВ за еден мандат. И додека директорите на М НАВ земаат стотици илјади евра за еден мандат на име плата, народот страда. Нити две минимални плати не ја покриваат потрошувачката кошница. Тоа што до пред една година можело да се купи за 500 денари како намирници во продавница, сега не може ниту со 1.000 денари, велат од ВМРО-ДПМНЕ.

Аферата Паразити покажува зошто власта не се грижи за економијата и зошто нема слух за проблемите и високата инфлација. За функционерите на власта инфлацијата не значи ништо, таа удира по народот. Затоа се потребни промени.

Денеска во 12 часот ќе бидат објавени нови детали за аферата.

The post Во живо: Нови детали за аферата „Паразити“ appeared first on Република.

Фахрудин Хамиди, претседател на Управниот одбор и Извршен директор во СВН во М НАВ, именуван од страна на владата месечно зема плата од 6 илјади евра. За една година истиот само како плата зема над 70 илјади евра. За мандат од 4 години тоа се над 280.000 евра, велат од ВМРО-ДПМНЕ.

Од партијата велат ништо поразлично не е ниту за членот на УО и Извршен директор во СВТ на М НАВ, Владо Крстевски, кој зема 4.5 илјади евра плата месечно.

-За една година тоа се над 50.000 евра, а за еден мандат од четири години Крстевски од државата ќе земе над 200.000 евра како плата. Овие двајца директори во М НАВ земаат скоро половина милион евра само како плата од М НАВ за еден мандат. И додека директорите на М НАВ земаат стотици илјади евра за еден мандат на име плата, народот страда. Нити две минимални плати не ја покриваат потрошувачката кошница. Тоа што до пред една година можело да се купи за 500 денари како намирници во продавница, сега не може ниту со 1.000 денари, велат од ВМРО-ДПМНЕ.

Аферата Паразити покажува зошто власта не се грижи за економијата и зошто нема слух за проблемите и високата инфлација. За функционерите на власта инфлацијата не значи ништо, таа удира по народот. Затоа се потребни промени.

Денеска во 12 часот ќе бидат објавени нови детали за аферата.

The post Денеска во 12 часот нови детали за аферата „паразити“ appeared first on Република.

Додека народот гладува, а минималната плата е 18.000 денари инфлацијата за една година е 20%, а цените на храната се зголемени и за 30%. Функционери именувани од владата за еден месец заработуваат колку што поголем број од граѓаните можат да заработат за нецели две години. Да, добро слушате. Во Македонија со СДС, каде за лечење во странство се собираат донации по СМС, затоа што власта нема пари да ги покрие трошоците, функционери именувани од истата таа власт за само еден месец заработуваат колку што поголемиот број на граѓани заработуваат за нецели две години, изјави на денешната прес конференција, Ивица Томовски, член на Централниот комитет на ВМРО-ДПМНЕ.

Тој посочи дека од денес почнуваат со изнесување во јавноста на факти од аферата Паразити, преку кои ќе објаснат како одредени функционери именувани од владата живеат во луксуз додека народот страда.

– Да одиме со ред. Фахрудин Хамиди, претседател на Управниот одбор и извршен директор во СВН во М НАВ, именуван од страна на владата месечно зема 345.000 денари на име плата. За една година тоа се 4.140.000 денари, а за мандат од 4 години 16.560.000 денари. Ако оваа сума се подели со 18.000 денари колку што е просечната плата, се добива 920, тоа е бројот на месеци, што е еднакво на 76 години, кои што се потребни за да се заработи таа сума на пари со минимална плата. За еден мандат Хамиди, од челното место на М-НАВ ќе замине со пари за кои што поголемиот број на граѓани ќе треба да работат 76 години. Односно најголемиот број од народот во Македонија, во својот живот нема да може да ги заработи парите кои првиот човек на М НАВ именуван од владата ќе ги земе за 4 годишен мандат. Ништо поразлично не е ниту членот на УО и Извршен директор во СВТ на М НАВ, Владо Крстевски, кој зема 266.000 денари месечно. За четири години Крстевски од државата ќе земе 12.768.000 денари на име плата. Овие двајца функционери именувани од владата за еден свој мандат во М НАВ заедно ќе наплатат половина милион евра само за плата. Двајцата директори во М НАВ ја чинат државата еден голем булевар, или само со парите за нивни плати за 4 години може да се купат 8 амбулантни возила или 3 противпожарни возила. Сега е многу појасно зошто власта нема слух за растечката инфлација, за секојдневната мизерија во која тоне народот. За овие функционери од власта нема криза, се додека е СДС на власт, и се додека истото тоа СДС зема кредити и се задолжува буџетот, ќе може да им се исплаќаат плати и пари кои што поголемиот дел од народот нема никогаш во живот да ги заработи, појасни Томовски.

Тој додаде дека ова се луѓето на кои им е сосема логично СДС да остане на власт, за тие непречено да се луксузираат додека народот мизерува.

– Ете затоа се потребни предвремени парламентарни избори час поскоро, дециден е Томовски.

The post Афера „Паразити“: Директорот на М-НАВ со плата од 345.000 денари за еден мандат заработува колку граѓанин со минимална плата за 76 години appeared first on Република.