Регионалниот центар за управување со кризи (РЦУК) на Град Скопје по добиено известување од ЕВН соопшти дека утре од 9 до 13 часот без електрична енергија ќе бидат корисниците од улиците „Влае“ и „Франце Прешерн“ во Општина Карпош.

Од 9 до 15 часот струја ќе немаат и корисниците од улиците „Ангел Димовски“ и „23 Октомври“ во Општина Аеродром.

Прекините во снабдувањето со електрична енергија ќе бидат поради технички зафати во електродистрибутивната мрежа.

The post Без струја утре дел од корисниците во Карпош и Аеродром appeared first on Република.

На 16.02.2024 во 18:40 часот на Граничен премин „Меѓународен аеродром Скопје“, полициски службеници ги лишиле од слобода Д.Ј.(41) и 28-годишната К.Ј., двајцата од Република Србија.

Приведени се затоа што по претходно недоразбирање го нарушиле јавниот ред и мир со меѓусебна физичка пресметка.

По документирање на случајот ќе следува соодветен поднесок.

The post Маж и жена од Србија направиле хаос на скопски аеродром appeared first on Република.

Лондонскиот аеродром „Гетвик“, вториот по големина аеродром во Велика Британија, е најстресниот аеродром во светот, според истражувањето на сајтот за информирање за визи VisaGuide.World.

Второто место го зазема аеродромот во Истанбул, кој е најпрометниот аеродром во Европа, со над 64 милиони патници во 2022 година, пренесува „Јуро викли њуз“ (Euro Weekly News) и додава дека овој најфреквентен европски аеродром, се простира на над 76 милиони квадратни метри.

На трето место е аеродромот во Минхен, кој опслужува половина од патничкиот сообраќај на аеродромот во Истанбул, но е значително помал по големина.

Меѓународниот аеродром Денвер во САД е на четврто место, а по него е аеродромот „Хитроу“, вториот најфреквентен аеродром во Европа.

Останатите аеродроми кои спаѓаат во првите 10 најстресни се: Меѓународниот аеродром во Лос Анџелес, аеродромот во Рим „Фјумичино“, аеродромите „Далас-Форт Ворт“, „Џон Ф. Кенеди“ во Њујорк и меѓународниот аеродром „О'Харе“ во Чикаго.

Истражувањето опфатило 1.642 патници од 53 земји, кои оствариле најмалку две меѓународни патувања во 2023 година, кои одговарале на прашања за аспектите на патувањата со авион кои предизвикуваат стрес, како што се големиот број патници, преполните аеродроми, честите доцнења и оддалеченоста на аеродромот од центарот на градот.

The post Лондонскиот „Гетвик“ е најстресниот аеродром во светот appeared first on Република.

Во врска со неодамнешното Соопштение на градоначалникот на општината Аеродром поврзано со собирањето и транспортот на комуналниот отпад во општината, од ЈП Комунална хигиена-Скопје реагираат дека „неспособноста на градоначалникот на општина Аеродром е само негова, без разлика колку се обидува да ја префрли на туѓа адреса“.

Контејнерите кои се надлежност на Комунална хигиена Скопје се целосно исчистени, редовно и без отстапки.

 

За жал, општинската служба поради неспособното раководство на општината Аеродром е нефункционална, се вели во реакцијата на претпријатието.

The post ЈП Комунална хигиена контра градоначалникот на Аеродром: Контејнерите во наша надлежност се редовно и целосно исчистени appeared first on Република.

Меѓународниот аеродром Скопје лани забележал близу 2,9 милиони патници, што го прави петти најпрометен во регионот. Од аеродромите во земјите од поранешна Југославија, најмногу патници во 2023 година имал белградскиот - 7,95 милиони, втор е Загреб со 3,72, на трето место е аеродромот во Приштина со 3,42 милиони, а четврти е Сплит со 3,59 милиони патници, објави специјализираниот сајт за авијација „Exyuaviation“.

Низ комерцијалните аеродроми во земјите од регионот минатата година поминале повеќе од 35,5 милиони патници, што е за пет милиони повеќе отколку во 2022. Повеќе од половина од аеродромите лани забeлежале најпрометна година досега, а дел сè уште се под нивото на превезени патници во однос на периодот пред ковид пандемијата.

Во 2023 година, Скопје првпат го престигна традиционално попрометниот Дубровник, додека Подгорица го надмина Сараево, а Љубљана Задар.

Во однос на пред ковид периодот (2019 година), белградскиот аеродром бележи 1,8 милиони повеќе патници, приштинскиот еден милион, а скопскиот дополнителни 400 илјади патници.

Најмногу патници лани летале со авиокомпанијата „Визер“ (5,9 милиони), што е за 1,8 милиони повеќе во споредба со 2019 година. Втора е „Ер Србија“ со 5,2, а трет „Рајанер со 3,66 милиони превезени патници.

The post Аеродромот во Скопје бил петти најпрометен на Балканот во 2023 година appeared first on Република.

На 11.01.2024 во СВР Скопје А.И.(25) од Скопје пријавила дека околу 05.45 часот на „Меѓународен аеродром“ - Скопје, каде истата била вработена во делот на прифаќање на патници во ТАВ, била физички нападната од Е.Н.(47) од с.Дебрешта.

По целосно документирање на случајот ќе следува соодветен поднесок.

The post Жител од Дебрешта на аеродром нападнал вработена во ТАВ appeared first on Република.

Вчера околу 14.30 часот било пријавено дека во Скопје на крстосницата од бул.„Србија“ со бул.„Јане Сандански“ и бул.„Видое Смилевски-Бато“ се случила сообраќајна несреќа помеѓу патничко моторно возило „ауди“ со скопски регистарски ознаки, управувано од Д.А.(33) од Скопје, и патничко моторно возило „фолксваген голф“ со скопски регистарски ознаки, управувано од С.Х.(20) од Скопје.

Во несреќата со тешки телесни повреди се здобил возачот С.Х., а со телесни повреди се здобиле возачот Д.А. и неговиот сопатник Х.Ф.(28) од Скопје, констатирани во Комплексот клиники „Мајка Тереза“ и Градската општа болница „Св.Наум Охридски“.

Извршен бил увид од увидна екипа од СВР Скопје.

Фото: Плусинфо

The post Тешка сообраќајка во Аеродром appeared first on Република.

Центарот за управување со криза (ЦУК) соопшти дека утрово во 06:33 часот на единствениот број за итни случаи 112 е добиена пријава за пожар во стан во зграда на 6. кат на ул. „Пандил Шишков“ во Општина Аеродром.

Екипи на Бригадата за противпожарна заштита на Град Скопје веднаш излегле на терен и го изгаснале пожарот без да се прошири на соседните станови.

Во пожарот најверојатно настрадало повозрасно неподвижно лице.

Во гаснењето на пожарот интервенираат 15 пожарникари со шест ПП возила.

Фото: МИА

The post Неподвижно лице настрада во пожар во зграда на 6. кат во Аеродром appeared first on Република.

Вчера вечер во 23.40 часот во СВР Скопје било пријавено дека во напуштена куќа на подрачјето на општина Аеродром бил пронајден починат 49-годишниот Т.Ш. од село Кучевиште-скопско, извести МВР.

Од страна на лекар од Итната медицинска помош констатирана била смрт, додаваат од МВР.

Извршен бил увид од увидна екипа од СВР Скопје, а по насоки на Јавен обвинител телото на починатиот било предадено за обдукција.

The post Починат маж пронајден во напуштена куќа во Аеродром appeared first on Република.

Обвинителството почна истражна постапка против лицето кое предизвика сообраќајка во Аеродром и нападна жена.

Од Обвинителството информираа дека осомничениот е 65-годишник. Тој на 27 декември, на булеварот „Јане Сандански“ во Скопје предизвикал значителна опасност за двајца оштетени – мајка и син, а извршил и грубо насилство кон оштетената жена, нанесувајќи и тешки телесни повреди.

„Додека оштетените со своето возило се движеле по булеварот кон својот дом, осомничениот ги удрил со неговиот автомобил, непрописно поминувајќи преку пешачки премин на црвен семафор. Оштетениот кој управувал со возилото тргнал по осомничениот и на следната крстосница излегол за да го праша зошто ги удрил. Осомничениот тогаш излегол од автомобилот со нож во раката и почнал да му се заканува.

Исплашен, оштетениот се вратил во возилото во кое била и неговата мајка, но осомничениот повторно влегол во неговиот автомобил и тргнал во рикверц, повторно удирајќи во возилото на оштетените. Расправијата продолжила, а кога од автомобилот излегла и мајката, осомничениот ја фатил за коса и започнал да ја влече, насилно ја турнал во неговиот автомобил и започнал да вози во правец кон Лисиче. По околу 600 метри застанал, ја извадил жената од колата и физички ја нападнал, удирајќи ја со клоци и тупаници и заканувајќи и се дека ќе ја фрли во Вардар. На тој начин на оштетената и нанел тешки телесни повреди – три скршеници и потрес на мозок, а кај сведоци на настанот предизвикал чувство на загрозување и страв“, објави Обвинителството.

Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, бидејќи постои опасност од бегство и можност тој да ги повтори кривичните дела.

The post 65-годишник предизвикал сообраќајка во Аеродром, па тешко натепал жена: „Ќе те фрлам во Вардар“ appeared first on Република.

ЈП Водовод и Kанализација-Скопје соопшти дека денеска поради уличен дефект ф 200 мм на бул. „3-та Македонска Бригада“ бр.67, ќе има прекин во водоснабдувањето.

Без вода од 08:20 часот до завршување, ќе бидат корисниците од бул. „3-та Македонска Бригада“ крак 2 и школото „Димитар Влахов“.

The post Без вода во дел од Аеродром appeared first on Република.

Од 1 јануари поскапува паркингот на Меѓународниот аеродром Скопје.

Како што информира концесионерот „ТАВ Македонија“, остануваат истите цени од 100 денари за еден час, 150 денари за два часа и 200 денари за три часа. Затоа, пак, за 50 денари поскапува паркирање на аеродромот за три до четири часа, односно наместо 250 ќе чини 300 денари, 400 денари ќе биде паркирање од 4-6 часа, 500 денари од 6-8 часа, а 1.000 наместо 850 денари од 8-24 часа.

За 1.000 денари поскапува паркирањето на неколку дена, па така од три до пет дена паркирањето ќе чини 3.500 денари, од пет до седум дена 4.500 денари, а за секој нареден ден ќе се плаќа по 400 денари.

И понатаму останува бесплатно паркирање од 10 минути пред терминалната зграда, каде е овозможено кратко застанување за испраќање и пречекување патници. Доколку возилото се задржи повеќе од 10 минути се плаќа билет од 500 денари.

На Меѓународниот аеродром Скопје има 1.200 обележани места за паркирање автомобили и 6 обележани места за автобуси. Плаќањето за паркинг услугите се врши преку автоматски машини.

The post Од денеска поскап паркингот на скопскиот аеродром appeared first on Република.

Денеска (09.12.2023) во 04.35 часот во СВР Скопје А.С.(41) од Скопје пријавил дека на подрачјето на Аеродром било опожарено неговото патничко возило „форд фиеста“ со скопски регистарски ознаки.

Од пожарот биле зафатени и уште две возила со скопски регистарски ознаки, и тоа „форд“ сопственост на Г.М.(42) и „ауди“ сопственост на Т.К.(49), двајцата од Скопје.

Пожарот бил изгаснат од Бригадата за противпожарна заштита, а повредени лица нема.

Извршен бил увид од увидна екипа од СВР Скопје и се преземаат мерки за расчистување на настанот.

The post Запалено возило во Аеродром, од пожарот зафатени други две возила! appeared first on Република.

На 4 декември во 15.00 часот во Полициската станица Аеродром, Н.Р.(42) од Скопје пријавила дека околу 07.30 часот на подрачје на Аеродром била физички нападната од нејзиниот сосед Д.С.(53) од Скопје, кој се обидел да ја нападне и со остар предмет.

Од МВР велат дека се преземаат мерки за расчистување на случајот.

Исто така од сосед во Аеродром неодамна беше нападната и постара скопјанка.

https://republika.mk/vesti/crna-hronika/36-godishen-skopjanets-napadnal-sosetka-penzionerka/

The post Уште една сосетка нападната во Аеродром, сега со остар предмет appeared first on Република.

Поради замрзнат дожд кој ја зафати областа, аеродромот во Минхен денеска повторно суспендира летови.

Портпаролот на аеродромот потврди за ДПА дека сите писти се замрзнати поради замрзнат дожд. Нема да има полетувања или слетувања најмалку до пладне.

На онлајн распоредот на пристигнувања и полетувања на летовите на аеродромoт, сите наведени летови се откажани или одложени.

- Аеродромските писти и паркингот ќе бидат одмрзнати во првата половина на денот. Планот е да се овозможи воздушниот сообраќај да продолжи од пладне, соопшти аеродромот на својата веб-страница.

Сепак, се претпоставува дека повеќето летови во остатокот од денот исто така ќе мора да бидат откажани поради безбедносни причини.

Новиот прекин доаѓа само 48 часа откако аеродромот продолжи со работа по дводневното затворање поради обилните снежни врнежи.

The post Кој е во Минхен тешко ќе се врати со авион appeared first on Република.

Поради замрзнат дожд кој ја зафати областа, аеродромот во Минхен денеска повторно суспендира летови.

Портпаролот на аеродромот потврди за ДПА дека сите писти се замрзнати поради замрзнат дожд. Нема да има полетувања или слетувања најмалку до пладне.

На онлајн распоредот на пристигнувања и полетувања на летовите на аеродромoт, сите наведени летови се откажани или одложени.

- Аеродромските писти и паркингот ќе бидат одмрзнати во првата половина на денот. Планот е да се овозможи воздушниот сообраќај да продолжи од пладне, соопшти аеродромот на својата веб-страница.

Сепак, се претпоставува дека повеќето летови во остатокот од денот исто така ќе мора да бидат откажани поради безбедносни причини.

Новиот прекин доаѓа само 48 часа откако аеродромот продолжи со работа по дводневното затворање поради обилните снежни врнежи.

The post Аеродромот во Минхен откажа летови поради замрзнат дожд appeared first on Република.

Јужна Германија и натаму е делумно парлаизирана од големиот снежен бран што ја зафати викендов. Аеродромот во Минхен кој вчера беше во застој, денеска е отворен иако со одредени ограничувања, а железничкиот оператор Дојче Бан успеа да активира неколку клучни рути надвор од минхенската централна станица, пренесува ДПА.

Аеродромот во Минхен продолжи со работа откако беше затворен поради обилните снежни врнежи. Сепак, ќе има ограничувања во воздушниот сообраќај, соопштија аеродромските власти. Од патниците се бара да го проверат статусот на нивниот лет пред да дојдат на аеродромот.

Приврмениот прекин на авиосообраќајот во Минхен влијаеше на полетувањата и пристигнувањата на други аеродроми. Дел од летовите беа преземени од аеродромите во Франкфурт и Нирнберг.

Обилните снежни врнежи во Баварија го парализираа и железничкиот сообраќај. Дојче Бан ги предупреди патниците да очекуваат огромни ограничувања на железничкиот сообраќај во јужна Германија до понеделник. На патниците им се советува, утре да ги одложат сите патувања, освен неопходните, бидејќи состојбата предизвикана од снежниот бран, се уште не е нормализирана.

Се прават напори за оспособување на пругата на линиите Минхен-Нирнберг и Минхен-Штутгарт.

Поради обилните снежни врнежи, возовите покриени со снег не можеа да тргнат, а дел од пругите беа блокирани од дрвјата кои се урнаа под тежината на снегот.

Од неверемот не беше погодена само Баварија. Снегот и мразот предизвикаа проблеми и во некои области во северна Германија.

Синоптичарите соопштија дека не се очекува нов снег во Баварија, но ќе го има во источните ниски планински масиви и на Алпите. Во понеделник и вторниќ ќе се задржат и ниските температури кои ќе се спуштат до -15 степени.

The post Аеродромот во Минхен ги обновува летовите, железничкиот сообраќај во Баварија се уште во прекин поради снегот appeared first on Република.

Ученик од второ одделение во основно училиште во скопската населба Аеродром агресивно се однесува, па дури и физички ги повредува соучениците, а пред некое време ѝ ги соблекол панталоните и долната облека на соученичка додека миела раце во тоалетот. Родителите со кои зборуваше МКД.мк и чиј идентитет ѝ е познат на редакцијата велат дека децата ги праќаат во училиште, а не на фронт. Тие бараат да се реши ситуацијата, која трае повеќе од една година, но состојбата не се менува.

Деновиве, како што тврдат родителите, проблематичниот ученик не оди на училиште, но никој не им кажува дали е можеби префрлен во друго училиште или која е причината за неговото отсуство.

Училиштето знае за ова однесување на второодделенецот бидејќи родителите испраќале писмени дописи до директорката за преместување на нивните деца во друго одделение или за испишување на агресивниот ученик. До сега од овој клас и училиште самоиницијативно се отпишале дури седум ученици.

Стручни служби од училиштето присуствувале на час и седеле за да го набљудуваат однесувањето на детето, но додека било со придружба однесувањето на детето било во ред.

Што се случува, зошто детето отсуствува подолго и дали повторно ќе се врати во училишните клупи, никој во одделението не знае.

Целата сторија на МКД.мк

The post Второодделенец соблекува и повредува соученици во училиште во Аеродром, најмалку седум деца се отпишани appeared first on Република.

На 11.11.2023 во 09.00 часот во Полициска станица Аеродром К.Б.(83) од Скопје пријавил дека на кејот на река Вардар, на подрачје на Аеродром, бил каснат од куче скитник.

На 11.11.2023 во 11.20 часот во Полициска станица Аеродром А.М.Р.Ј.(46) од Скопје пријавила дека на ул.„Владимир Комаров“ била нападната од куче скитник.

The post Маж и жена искасани од улични кучиња во Аеродром appeared first on Република.

Заложничката криза на аеродромот во Хамбург заврши по 18 часа, откако беше уапсен мажот кој ја држеше својата четиригодишна ќерка како заложник.

Полицијата во Хамбург на социјалната мрежа Х објави дека „заложничката криза е завршена. Осомничениот излезе од автомобилот со својата ќерка. Детето изгледа дека не е повредено“.

Полицијата додаде дека мажот бил уапсен без отпор.

Аеродромот во Хамбург е затворен за патници, а летовите се откажани од саботата вечерта кога вооружен маж ја проби капијата на аеродромот со своето возило и испука два истрела во воздух, пренесе ДПА.

Мажот потоа го возел возилото пред зградата на терминалот и го паркирал под авион.

Властите соопштија дека сопругата на мажот претходно ги контактирала за киднапирањето на детето. Психолог преговарал со мажот повеќе од 18 часа.mЗа време на инцидентот нема повредени. Полицијата соопшти дека мажот ја држел својата четиригодишна ќерка во автомобилот, која наводно ја зел од нејзината мајка поради битка за старателство.

The post Заврши заложничката криза на аеродромот во Хамбург, уапсен мажот кој ја држеше ќерка си како заложник appeared first on Република.