Претседателот на Србија, Александар Вучиќ во Нови Сад се обрати на насобраните луѓе и порача дека ќе бидат уапсени сите што  го прекршиле законот!

Откри дека прво отишол на железничката станица каде пред четири дена се случила страшна трагедија во која животот го загубиле 14 лица кога се урна старата настрешница.

Пренесе три пораки, од кои првата е дека сите одговорни за трагедијата во Нови Сад ќе одговараат и дека државата ќе им помогне на семејствата.

Втората порака е до оние кои мислат дека со насилство можат да ги менуваат нештата. Прво дека со насилство ништо нема да постигнете во модерна и пристојна Србија, а второ во рамки на истото нешто е што ве молам никогаш да не им одговараме онака како што тие мислат дека можат да се однесуваат и дека никогаш нема пристојна Србија да ја победат“, кажа Вучиќ и додаде дека со Нови Сад никогаш повеќе нема да управуваат оние кои го мразат српскиот народ.

Најави дека од утре почнува најголемата акција против нарко-дилерите и дека Нови Сад ќе биде исчистен од оние кои помислиле дека можат да управуваат со државата.

The post Вучиќ: Почнува најголемата акција против нарко-дилерите во Нови Сад appeared first on Република.

Претседателот на Србија, Александар Вучиќ, денеска изјави дека во текот на минатата и оваа година, невладините организации (НВО) во Србија добиле огромни суми пари за неговото уривање, наведувајќи дека станува збор за десетици, па дури и стотици од милиони евра, јави дописникот на МИА од Белград.

-Оваа и минатата година ова се рекордни пари. Огромни пари. Погледнете ја само медиумската содржина и се останато, тоа не се стотици милиони евра, туку милијарди евра. Само пресметајте го тоа, нема да зборувам за сè друго. Во првите шест-седум месеци имате инвестирано 78 милиони евра преку овој невладин сектор, и тоа не во секој невладин сектор, туку во овој многу политички и антидржавно ориентиран, изјави Вучиќ.

Српскиот претседател кажа дека тоа треба да се евидентира како значајно учество во странските директни инвестиции „бидејќи се работи за десетици, а јас би се осмелил да кажам стотици милиони евра“.

Тој очекува во наредните денови јавноста да биде информирана за тоа како сето ова функционира.

Коментирајќи го тоа што Министерството за надворешни работи на Кина објави дека има докази дека американски служби стојат зад протестите минатата година во Србија, тој порача дека внимателно ќе го проучи и прочита извештајот што беше објавен, но дека сега може да каже дека многу чудни работи се случувале во минатото, како и оваа година.

-Кога прочитавме дел од ова, побарав целосниот извештај да го проучам детално, бидејќи има многу други интересни работи за некои други земји, за некои други субјекти, а јас сакам тоа да го прочитам. Ние внимателно ќе проучиме и прочитаме сè што објави Владата на Кина, како што секогаш читавме што објавува Стејт департментот и што објавува Руската влада. Единствено што можам да кажам е дека имаше многу чудни работи минатата и оваа година, рече Вучиќ.

Вчера Политика во текстот „Кина открива: Америка стои зад обидот на обоената револуција во Србија“ соопшти дека Министерството за надворешни работи на Народна Република Кина објавила детален извештај во кој се анализира работата на американската фондација наречена National Endowment for Democracy.

Извештајот на кинеското Министерство за надворешни работи открива дека под маската на Националната фондација за демократија (НЕД), се спроведува субверзивен пристап на надворешната политика на САД за да се поткопа системот на други земји, преку мешање во внатрешните работи, поттикнување поделба и конфронтација, дезинформирање на јавното мислење и спроведување идеолошка инфилтрација под изговор за промовирање на демократијата.

-Како дел од користењето на „академските“ активности како параван за мешање и инфилтрација во внатрешните работи на други земји, беше посочено дека од почетокот на руската воена интервенција во Украина, преку невладината организација „Белградски центар за безбедносна политика“ (БЦБП), која ја финансира, ги поддржа протестите на прозападните политички структури и организации во Белград и ги критикуваше надворешнополитичките позиции на Србија. Освен тоа, НЕД веќе подолго време подгрева тензии во односите меѓу Белград и Приштина, пишува Политика.

Во врска со обвинувањата од Србија и Русија, Американскиот Стејт департмент соопшти дека секое тврдење дека САД се мешаат во протестите во Србија или дека поддржуваат протестни движења насочени против српската влада е лажно, соопшти денеска Радио Слободна Европа (РСЕ).

-Не сме изненадени што Русија, од друга страна, ги инструментализираше протестите за да ја постигне својата агенда во Србија, како што тоа го прави во целиот свет, се вели во денешната реакција на Стејт департментот за РСЕ.

Реакцијата на САД уследи откако претставници на властите во Србија ги обвинија неименуваните западни земји дека ги поддржуваат еколошките протести против ископувањето на литиум, каде во последните недели се собраа десетици илјади граѓани

The post Вучиќ откри дека невладини организации зеле многу пари за негово рушење appeared first on Република.

Се повикуваат граѓаните кои сакаат да му постават прашања на претседателот на Србија за ископ на литиум, компанијата „Рио Тинто“ да му се јават на телефон.

По саботниот протест против отворањето на рудник за литиум, одржан во Белград, претседателот најави дека ќе разговара со народот и ќе ги посети Лозница, Крупањ, Мали Зворник, Чачак, Ваљево и други места каде јадаритот е топ тема.

The post Ало претседателе: Вучиќ на телефон одговара на прашања на граѓаните appeared first on Република.

Претседателот на Србија, Александар Вучиќ, најави можност кон крајот на следната година да се распише референдум за ископ на литиум.

Во изјава дадена во Париз каде е поради отворњето на Олимписките игри тој нагласи дека најпрвин сака да добие анализа на локални експерти во врска со заштитата на животната средина и дека, како што изјави, потоа ќе види што да прави понатаму.

„Ако се оди според планот, можеме да побараме изјаснување на граѓаните на крајот на следната година... и тие можат да изберат дали сакаат да биде во Лозница, дали сакаат да биде во Западна Србија или во цела Србија, изјави Вучиќ.

The post Во Србија е можно да има референдум за ископ на литиум appeared first on Република.

Претседателот на Србија Александар Вучиќ вети големи работи за српските граѓани во следните години зборуваше за плановите поврзани со Експо 2027

Веќе не можете да сфатите што правиме за да обезбедиме Експо 2027. Тоа се плати од 1400 евра, пензии од 650 евра. Ова е општиот напредок на Србија. Би сакал да бидам настрана, или во сенка. Нема да гарантирам ништо, но ако сакам, еве отворено кажувам да. Инфлацијата ни е 3,8 отсто. Јули ни беше нешто полош поради поскапувањето на нафтата, во август верувам дека нафтата ќе продолжи да се менува, а тоа дополнително ќе ја намали инфлацијата

The post Вучиќ најавува: Плати 1400 евра, пензии 650 евра appeared first on Република.

Германскиот канцелар Олаф Шолц синоќа пристигна во посета на Белград, а на аеродромот „Никола Тесла“ го пречека претседателот на Србија, Александар Вучиќ.

Вучиќ, по пречекот на Шолц на Инстаграм напича дека „утре е голем ден во кој ќе ја разгледаме иднината на Србија и отворањето нови можности за нашата земја и народ“.

Вучиќ претходно вчера се сретна со Шолц на отворањето на четвртиот Самит на Европската политичка заедница во Лондон. Тој најави дека денеска во Белград ќе има билатерална средба со Шолц и оти ќе разговараат и за европскиот пат на Србија, политичките односи, развојот на економијата, а со ЕУ ќе биде потпишан и меморандум за разбирање во врска со минерални суровини.

Вучиќ на новинарите во Лондон им рече дека ќе се разговара и за Агендата за раст и планот за реформи, како и за приклучување кон единствениот европски пазар.

Тој во средата за РТС изјави дека денеска во Белград ќе биде потпишан Меморандум за разбирање меѓу ЕУ и Србија за стратешко партнерство за одржливи суровини, како и Писмо за намери во Црбија да се формира цел синџир на вредности.

Вучиќ изјави дека во име на Европската комисија потпретседателот на Европската комисија Марош Шевчовиќ ќе го потпише договорот со претставниците на српската влада, а најави дека денеска во Белград ќе пристигнат и претставници на Европската банка за обнова и развој, претставници на КФВ, претставници на италијанската банка за развој како и претставници на Мерцедес

– Францускиот претседател Емануел Макрон изјави дека „во следните недели или месеци“ има намера да ја посети Србија, каде што планира да ги финализира преговорите за воените договори, вклучително и договорот за продажба на авиони Рафал на Белград.

Како што пренесе Политика, Макрон рече дека имал „исклучително плоден“ разговор со српскиот претседател Александар Вучиќ за „економски, одбранбени и енергетски прашања“ на маргините на самитот на Европската политичка заедница во Велика Британија.

- Воените прашања се дел од нашата агенда. Во наредните недели или месеци ќе ја посетам Србија за да ги финализирам тие дискусии кои се предмет на технички, финансиски и политички преговори меѓу нашите земји, одговори Макрон на прес-конференција коментирајќи го статусот на договорот со Белград за набавка на француски борбени авиони Рафал.

The post Србија станува центар на Балканот: Шолц денеска во Белград, наскоро доаѓа и Макрон appeared first on Република.

Премиерот Мицкоски денеска во Лондон се сретна со претседателот на Србија Александар Вучиќ.На средбата беа истакнати добрите односи меѓу двете земји.

The post Мицкоски се сретна со Вучиќ appeared first on Република.

Шефот на криминалниот Кавачки клан, Радоје Звицер, се заканувал дека ќе „одере“ некој силен. доколку Вељко Беливук и Марко Миљковиќ бидат сместени во Србија што и се случи, се открива во новата „Скај“ преписка .

-Ако не наместат ќе убиеме некој силен. Не престануваат да пумпаат - му одговара потоа Звицер на што српските медиуми прашуваат дали може станува збор за претседателот Вучиќ.

The post Нова „Скај“ преписка: Звицер најавува дека ќе „одере“ некој јак, дали тоа е Вучиќ? appeared first on Република.

Претседателот на Србија Александар Вучиќ вели дека тоа што Косово нема да стане членка на Советот на Европа е резултат на паметната дипломатија на Србија како и на разумниот став на Франција и Германија.

https://republika.mk/vesti/balkan/vuchik-najmnogu-me-pogodi-shto-makedonija-glasashe-za-srebrenitsa-iako-znam-deka-ke-rechat-deka-toa-se-albantsite/

Тоа да зависеше од Македонија или од Црна Гора тоа ќе беше решено со телефонски повик, немаше да биде потребно некој да доаѓа да гласа.Не им помина така како што очекуваа-рече Вучиќ синоќа за ТВ Прва.

The post Вучиќ: Да зависеше членството на Косово во Советот на Европа од Македонија тоа ќе го решеа со еден телефонски повик appeared first on Република.

Претседателот на Србија Александар Вучиќ смета дека тоа што Косово нема да стане членка на Советот на Европа е резултат на паметната дипломатија на Србија како и на разумниот став на Франција и Германија.

Тоа да зависеше од Македонија или од Црна Гора тоа ќе беше решено со телефонски повик, немаше да биде потребно некој да доаѓа да гласа.Не им помина така како што очекуваа-рече Вучиќ синоќа за ТВ Прва.

The post Вучиќ: Да зависеше членството на Косово во Советот на Европа од Македонија тоа ќе беше решено со еден телефонски повик appeared first on Република.

Претседателот Александар Вучиќ вечерва во интервју за ТВ Прва се пожали дека најмногу го погодило тоа што Македонија гласаше за поддршка на Резолуцијата за геноцид. Вучиќ вели дека тоа што Црна Гора гласала за не го погодило бидејќи тоа го очекувал, но оти е разочаран од гласот од Македонија.

Ме погоди Македонија.Без разлика на приказната дека тоа е претходната влада, а од претходната влада ќе кажат не сме ние туку Албанците  и ќе има безброј оправдувања.Најмногу вложив во односите со нашите македонски браќа и тие за нас секогаш ќе бидат браќа, но односот не е фер.Се покажа дека Грција имаше поголема „кичма“ од Македонија. Тоа ме погоди а Црна Гора не бидејќи тоа го очекував-објасни Вучиќ.

The post Вучиќ: Најмногу ме погоди што Македонија гласаше за Сребреница, иако знам дека ќе речат оти тоа се Албанците appeared first on Република.

Изјавата на српскиот претседател Александар Вучиќ дека „40 часа работа се малку“ и дека треба да се работи повеќе неделно, покажува дека претседателот на Србија ја презира работничката класа, а ставот што го искажа заслужува најостра осуда, сметаат соговорници  на весникот „Данас“.

При своето обраќање до јавноста во вторникот, на 29 април, претседателот Вучиќ, меѓу другите, одговори на новинарско прашање како го коментира воведувањето седумчасовно работно време во Црна Гора.

Претседателот на Србија рече дека тоа му се „ласка на народот“, а потоа продолжи.

- Кај мене дојде политичка партија и еден од условите за соработка со СНС беше да не се работи во недела, а работното време да се намали на седум часа. Уште малку, за да не се работи воопшто...Како е можно за 35 часа берење малини да се направи истото како за 40 часа. Патем, мислам дека 40 часа се кратко време за работа и не ме интересира што мислеа работниците во Чикаго. Мора да се работи повеќе – рече Вучиќ.

Таквиот став на Вучиќ предизвика револт во јавноста, а соговорниците на Данас нагласуваат дека најнавредлив дел од тоа што го кажа е омаловажувањето на работниците од Чикаго кои на демонстрациите одржани на 1 мај 1886 година го истакнаа барањето за осумчасовна работа.

Претседателот на Обединетите синдикати на Србија „Слога“ Жељко Веселиновиќ за Данас вели дека тоа е целосен скандал и пресметана изјава на претседателот Вучиќ, која не случајно била дадена два дена пред одбележувањето на Меѓународниот ден на трудот.

- Со таа изјава Вучиќ покажа дека ја презира работничката класа и воопшто не се грижи за интересите на нејзините членови. Претседателот на Србија често искажува силно антиработнички ставови, а своевремено зборуваше многу пофално за поранешната премиерка на Велика Британија, Маргарет Тачер, која за време на нејзиното владеење направи низа потези кои беа погубни за интересите на Британците, работничката класа и синдикалното движење во таа земја. Вучиќ не се грижи за работниците и не го интересира нивната позиција, а упорно се залага дека неделата мора да остане работен ден за трговците, одбивајќи да го скрати работното време, толерирајќи минимална плата помала од износот на минималната потрошувачка кошничка итн. дека единствено што го интересира е интересот на странските инвеститори - вели соговорникот на Данас.

Според него, Вучиќ на најгруб начин ги исмева традициите на работничкото движење и неговите членови кои ги загубија животите во борбата за социјална правда и подобри услови за работа.

-Изјавата што ја даде бара заедничка осуда на сите синдикалци во земјава. Но, имајќи предвид дека во Србија нема волја кај сите синдикати за заедничка реакција во вакви и слични ситуации, иако тоа би требало, за жал тоа нема да се случи - вели Веселиновиќ.

Економскиот аналитичар Бранко Павловиќ вели дека изјавата на претседателот Вучиќ е за осуда и покажува дека државниот врв на Србија е целосно исклучен од реалноста, односно фактот дека вработените во државата работат напорно и живеат многу тешко.

- Посебно е за осуда затоа што кажаното ја омаловажува борбата за работнички права во која луѓето ги загубија животите за да даде резултати. Генерации работнички активисти се залагаа за осумчасовна работна недела, осум часа одмор и осум часа слободно време. Остро е за осуда што ваквата изјава ги напаѓа тие достигнувања. Во Србија голем број работници работат повеќе од 40 часа неделно, наместо бројот на работни часови да се намалува со развојот на вештачката интелигенција и роботиката – нагласува тој.

The post Вучиќ праша: Како е можно за 35 часа да се наберат повеќе малини oтколку за 40 часа? appeared first on Република.

Претседателот Вучиќ го праша Западот праша зошто токму сега се обидуваат да ја усвојат Резолуцијата за Сребреница со што Србите би биле прогласени за геноциден народ. Тој е убеден дека следната година во многу земји ќе има нови влади и тоа ќе оди потешко.

 Дали оваа резолуција дополнително ќе ги подели народите и земјите во светот или ќе биде едногласна како и секогаш кога е усвоена? Само сакав да ве известам. Резолуцијата за геноцид или холокауст беше донесена за да се ограничи само на Евреите, бидејќи Германците не беа прогласени за геноциден народ поради тоа што го направија во Крагуевац, Краљево или Јајинци, туку само поради тоа што им го направија на Евреите. Затоа, тие секогаш беа усвоени едногласно.

Тој прша дали навистина мислат дека ова ќе биде едногласно усвоено?

Република Српска не е дел од Обединетите нации. Република Српска не ја слушаат ниту во Босна и Херцеговина кога има поинаков став и не го почитуваат. А Србија со политички средства ќе се спротивстави на сите земји од НАТО, од Турција до Германија, со тоа што знаеме дека шансите ни се минимални, но ќе се бориме до последен момент. Претседателот Додик побара Србија да се бори, ние ќе се бориме до последен момент и за секој глас. И после оправдуваш како си ја донел одлуката, која ќе биде 65, брои сите овие земји, европски, што контролираат во Океанија, што контролираат на северноамериканскиот континент и дел од исламските земји. Е дел од. Затоа што еден дел сигурно нема да оди со оние кои се колонијалисти и со оние кои мислат дека можат да доминираат во светот со нивните диктати. А што ќе правите кога ќе добиете само 10, 15 или 20 гласа повеќе од оние кои се против. Единствен противник ви е малата Србија. Русија имаше само седум гласа во Генералното собрание. Сега ти велам, ќе имаме многу, многу пати повеќе. Моето трето прашање е што правите во регионот? Кое е значењето? – изјави денеска Вучиќ.

The post Вучиќ за намерата на Западот да ги прогласи Србите за геноциден народ: Германците не беа прогласени за геноциден народ поради тоа што го направија во Крагуевац appeared first on Република.

Францускиот претседател Емануел Макрон вечерва изјави дека Србија не смее да се сомнева дека нејзината иднина е во Европската унија и ги поздрави „многу јасните избори“ направени од Србија во последните месеци и денови во геополитичката рамка.

„Србија не смее да се сомнева дека нејзината иднина е во ЕУ. Тоа е стратешки избор кој мора да се потврди, знаете колку ни е важен. Интеграцијата во ЕУ доаѓа од заедничкото минато и заедничките вредности. Мораме да одиме напред заедно, да ги исполниме нашите ветувања и да не го пропуштиме овој важен момент“, рече Макрон за време на заедничкото обраќање со српскиот претседател Александар Вучиќ во Елисејската палата во Париз.

Тој изјави дека Србија мора да продолжи конкретно да го демонстрира својот избор, со поблиску усогласување на својата надворешна политика со онаа на Европската унија.

„Во оваа смисла, би сакал да го поздравам вашето неодамнешно учество на состанокот во Тирана организиран од албанскиот премиер Еди Рама за претседателот на Украина Володимир Зеленски. Тој избор треба да биде потврден, продолжувајќи и забрзувајќи ги реформите за зајакнување на владеењето на правото, независноста на судството, медиумскиот плурализам и интегритетот на изборниот процес, како и на други области“, рече Макрон.

Тој посочи дека неодамна усвоениот европски план за раст за Западен Балкан служи да им помогне на земјите од регионот да ги „надминат конфликтите од минатото“, да продолжат со внатрешните реформи и да ја зголемат конкурентноста на нивните економии.

„Србија може да смета и на поддршката на Француската агенција за развој, која минатата година инвестираше 570 милиони евра во Србија и која ќе продолжи да биде партнер на вашата земја во согласност со европските стандарди“, рече Макрон.

Тој посочи дека од неговата прва посета на Белград во 2019 година, соработката меѓу двете земји е интензивирана и оцени дека економските односи меѓу Франција и Србија се во „реален раст“.

„Француските компании се повеќе присутни во Србија, тие инвестираат таму, бидејќи имаат доверба во иднината, но верувам дека можеме да одиме уште подалеку во секторите како што се животната средина, сообраќајот и транспортот, одбраната, вештачката интелигенција, цивилниот сектор, како и нуклеарната енергија“, рече Макрон, додавајќи дека е среќен што гледа дека Србија потпишала меморандум за разбирање со францускиот ЕДФ.

The post Вучиќ примен во Елисејската палата кај Макрон на највисоко ниво appeared first on Република.

Францускиот претседател Емануел Макрон во пресрет на тет-а-тет средбата со српскиот претседател Александар Вуќиќ во Париз изјави дека „прашањето за Косово е ветување и залог за иднината на регионот“ и дека сето тоа е содржано во договорот што беше склучен пред една година, на кој се обврзаа двете страни, а Вучиќ посочи дека „Приштина не направила ништо и дека не исполнила ниту една точка ни од Охридскиот, ниту од Бриселски договор“, јави дописникот на МИА од Белград.

- Секоја страна мора да придонесе за патот и во таа смисла сакам да го поздравам гестот направен од двете страни, но сега треба да одиме уште подалеку. Знам дека сте подготвени и вие тоа го повторивте за време на нашиот заеднички разговор во Брисел. За мене тој пат е неопходен. Потребно е, од една страна, одговорните за нападот во Бањска минатата есен да бидат изведени пред судовите за да одговараат за своите постапки. Треба се да направите се за да не се повтори таква драма, рече Макрон.

Тој додаде дека е неопходно да се надминат непотребните претензии произлезени од неодамнешните одлуки на Приштина во финансиските трансфери и дека ќе се обиде наскоро да се организираат избори на северот на Косово и да се изберат нови легитимни градоначалници.

Вучиќ рече дека мора да реагира на изјавата на претседателот Макрон дека двете страни направиле нешто, мислејќи на Белград и Приштина, укажувајќи на се она што Приштина не исполнила, а на што се обврзала.

- Велите дека двете страни направиле нешто, и да не го спомнавте, никогаш немаше да зборувам. Двете страни не направија исто, едната не направи ништо. Едната страна не исполни ниту една точка, ниту од Охридскиот, ниту од првиот и вториот Бриселски договор, одржа избори со излезност од 3,4 отсто. Потоа вие ни кажавте и јас послушав потпишете ја петицијата, доволно е за да се распишат изборите. Тие и после тоа не ни даваат избори, вршат експропријација на северот на Косово и тука ги носат своите полицајци и војници, иако немаат право, истакна Вучиќ.

Тој додаде дека „во однос на Охридскиот договор, Србија веќе исполнила три работи, иако не мораше да направи ниту една. Имаше договор и сите разговаравме дека пред сè мора да се исполни Заедницата на српски општини, која не е поместена од мртва точка, а Србија исполни од лични карти, таблички, т.н царински печати … сето тоа го исполни.

На заедничката прес-конференција Макрон рече дека Србија мора да знае дека нејзината иднина е во ЕУ.

- Иднината на Европа се гради во моменти кои се многу предизвикувачки за човечкиот род, не треба да се сомневате во намерата на Европа да ве земе под своја закрила, рече Макрон, додавајќи дека е „сигурен дека Србија може да игра стратешка улога

The post Вучиќ му посочи на Макрон дека Косово не го исполнува Охридскиот договор appeared first on Република.

Тешко болни и длабоко вознемирени луѓе кои го прават ова и мислат дека тоа е политика, ќе го добијат одговорот на народот на изборите во Белград на 2 јуни, реагираше претседателката на Собранието на Србија, Ана Брнабиќ откако, според неа, опозицијата испечати некролог за претседателот на Србија, Александар Вучиќ.

„Надлежните органи да си ја вршат работата согласно законот, бидејќи ова не е ниту шега, ниту забава, туку за секој нормален човек е длабоко вознемирувачки и претставува јасна и недвосмислена закана за животот на претседателот на Србија„, Александар Вучиќ.

Ова, и ништо друго, е резултат на политиката на Ѓилас „Србија против насилство“ и против тоа ќе се бориме секоја минута, секој час, секој ден, засекогаш.

Секогаш со претседателот на Србија, Александар Вучиќ и неговото семејство“, напиша Брнабиќ на мрежата Икс.

The post Навистина морбидно: Српската опозиција објави некролог од „починатиот“ Вучиќ appeared first on Република.

Професорот Владимир Вулетиќ на ТВ Прва, ја коментираше изјавата на невладината активистка Аида Ќоровиќ, која неодамна рече дека „Вучиќ ќе биде мртов кога ќе падне од власт, а дека ќе го убијат мафијашите со кои соработувал“:

- Ми се чини дека има многу посериозен проблем. За мене суштинскиот проблем е што се шири некаков наратив и идеја, некаква нормализација и априори оправдување за одредени активности. Знаете, многу се зборуваше кој и како го подготвил „медиумското убиство“ на Зоран Ѓинѓиќ. Многу сериозни новинари  тоа го оправдуваа со зборовите „па, сепак, со кој и да се дружел со тие не можел да заврши поинаку“-коментира професорот.

The post Проф. Вулетиќ: Вучиќ ќе биде убиен исто како Ѓинѓиќ appeared first on Република.

 Српскиот претседател Александар Вучиќ денеска изјави дека позицијата на Белград во однос на Москва ќе биде потешка по смртта на рускиот опозициски лидер Алексеј Навални и дека ситуацијата треба да се гледа во контекст на рускиот напредок во Украина и претседателските избори во САД, но ја отфрли можноста за воведување санкции кон Русија, јави дописникот на МИА од Белград.

-Смртта на Навални е „уште една искра“, а во Минхен видовме навивачки пристап, броење и сумирање како да се победи непријателот, а не долгорочен поглед на иднината, изјави Вучиќ за ТВ Прва по враќањето од Минхенска безбедносна конференција.

Вучиќ нагласи дека бил „ужасен“ кога ја слушнал веста за смртта на Навални, оценувајќи дека Србите сакаат да имаат „навивачки став“ и да прифаќаат се што им се допаѓа, а се друго да отфрлаат.

-Јас не сум истражен орган и не сум толку паметен како сите во светот кои секогаш знаат сè, кажа тој и додаде да „сега не се работи за притисок за воведување санкции кон Русија, луѓето знаат дека тоа не е можно“.

Вучиќ, коментирајќи го тоа што на Безбедносната конференција во Минхен со аплауз не ја поздравил сопругата на починатиот руски опозиционер Алексеј Навални, рече дека пред тоа Јулија Навални седела до него, но дека не знал која била таа.

-Да знаев за кого станува збор, ќе изразев сочувство, но можеби згрешив бидејќи таа веднаш рече дека не сака да и се изрази сочувство, додаде тој.

https://republika.mk/vesti/svet/premnogu-sluchajnosti-ne-se-sluchajni-kako-soprugata-na-navalni-se-najde-na-minhenskata-konferentsija-bash-vo-momentot-koga-soprugot-pochina/

Европската унија по усвојувањето на резолуцијата за Србија, наведе Вучиќ, загуби 10 отсто од својата популарност во јавното мислење, и сега има 24 отсто од оние кои се за членство, а 26 отсто се против.

-Што направивте (ЕУ) слушајќи ги оние кои се малцинство (опозицијата) и кои не ја сакаат својата земја, а јас ќе се борам да ви ја подигнам популарноста, изјави тој.

Коментирајќи ја српската опозиција во контекст на усвојувањето на европската резолуција, рече дека поради нивната хајка, на Србија и е нанесена голема штета.

The post Вучиќ не и изразил сочуство на сопругата на Навални во Минхен оти не ја познал appeared first on Република.

Новинарот Такер Карлсон кој стана познат по интервјуто со Владимир Путин доаѓа во Србија. Ова го објави српската премиерка Ана Брнабиќ која неодамна се сретна со американскиот новинар.

Тој и ветил дека на средината на година доаѓа во Србија и оти голема желба му е да направи интервју со српскиот претседател Вучиќ кој многу го почитува.

The post Такер Карлсон доаѓа во Србија на интервју со Вучиќ appeared first on Република.

Нашиот најголем проблем е што не можете да приватизирате клубови бидејќи никој нема да инвестира пари таму каде што главниот збор го имаат навивачите и раководството на клубот.

Сите ние што сме нивни спонзори (Телеком…), тоа е рекет што е украден од државата, вели претседателот Вучиќ за состојбата во фудбалот во Србија.

Навивам само за Србија, но и за Македонија-вели Вучиќ.

The post Вучиќ: Во фудбал навивам за Србија и за Македонија appeared first on Република.