Хрватското Министерство за надворешни и европски прашања соопшти денеска дека од грчките затвори се пуштени на слобода уште 16 навивачи на фудбалскиот клуб Динамо Загреб, со што вкупната бројка ослободени хрватски државјани се искачи на 91.

Повеќе од 100 членови на навивачката група Бед Блу Бојс од август беа распоредени во 14 затвори ширум Грција поради физичка пресметка со навивачи на грчки АЕК во која загина навивачот на атинскиот клуб Михалис Кацурис.

На депортираните хрватски навивачи им е изречена забрана за влез во Грција и парична казна од по 1.000 евра.

Истрагата на грчките власти во меѓувреме дојде до докази кои упатуваат дека 29-годишниот Кацурис го усмртил навивач на АЕК во хаосот што вечерта на 7 август се случуваше на улиците во Атина.

The post Уште 16 хрватски навивачи пуштени од грчки затвори appeared first on Република.

На еден од ножевите што полицијата ги пронашла на местото каде што на средината на август беше убиен навивачот на АЕК Михалис Кацурис, била откриена ДНК на 35-годишен грчки навивач, пренесуваат медиумите во Грција, повикувајќи се на извори од полицијата, јави дописничката на МИА од Атина.

Според државната новинска агенција АНА-МПА, по направената анализа на генетскиот материјал бил идентификуван 35-годишен грчки државјанин, кој во петокот пред судија дал исказ за случајот и рекол дека за време на инцидентите со хрватските навивачи носел нож, но го загубил.

Уапсениот веќе е  во затвор, бидејќи било утврдено дека е веќе осуден на една година затвор и парична казна за вмешаност во друг случај, односно за инцидентите меѓу навивачи за време на финалето од купот на Грција во Волос, во 2017 година.

- Како што нагласуваат истите извори, 35-годишниот во наредните денови повторно ќе биде истражен од надлежните, за да се утврди дали бил вмешан во смртоносната повреда на 29-годишниот навивач на АЕК, пишува АНА-МПА.

Весникот „Катимерини“ коментира дека последните случувања одново го враќаат во прв план сценариото дека навивачот на АЕК бил повреден до смрт, ненамерно при судир со уапсениот 35-годишен.

Михалис Кацурис на 7 август, за време на сериозните инциденти во Атина меѓу навивачите на АЕК и Динамо Загреб беше прободен со нож во пределот на раката и им подлегна на повредите.

За инцидентите, беа уапсени над 100 лица, мнозинството од нив хрватски државјани на кои им беше одредена мерка притвор и се наоѓаат во грчките затвори.

The post Хрват не го убил навивачот на АЕК! appeared first on Република.

Навивачите на АЕК од Атина неодамна непријатно ги изненадија сите во Србија.На натпреварот против Ајакс, грчките навивачи покажаа транспарент на кој пишуваше „Косово е Албанија“.

По инцидентот, атинскиот клуб излезе со соопштение, а со дополнителна истрага е откриено кои биле учесниците во овој скандал!

Имено, навивачите беа снимени и идентификувани преку камерите на „ОПАП Арена“, а сега ги чека драконска казна, пишува „Газета“.

Клубот донесе одлука на двајца навивачи доживотно да им забрани влез на стадионот „ОПАП Арена“.

The post Ги чека висока казна: Откриени навивачите на АЕК кои вееја транспарент „Косово е Албанија“ appeared first on Република.

АЕК и Ајакс одиграа нерешено во второто коло од Лигата на Европа со резултат 1:1.Сепак, играта остана во сенка на скандалозниот транспарент кој го истакнаа навивачите на грчкиот тим.

„Косово е Албанија“, пишуваше на транспарентот кој стоеше на трибината на која беа жолто-црните навивачи.

АЕК е познат по „братството “ со навивачите на Партизан па се претпоставува дека е „дело“ на албанската заедница во Атина која е бројна.

The post Албанска дијаспора на стадион во Атина подметна транспарент „Косово е Албанија“ appeared first on Република.

Навивачите поставија фотографија од Михалис на стадионот,  а пак играчите на АЕК во негова чест го закачија дресот со број 21 во соблекувалната.

Навивачите на АЕК објавија фотографија од починатиот Михалис Кацурис на трибините на ОПАП Арената во Атина на натпреварот меѓу грчкиот шампион и Динамо во третото прелиминарно коло од Лигата на шампионите кој се игра во овие моменти.

The post Убиениот навивач на АЕК се „најде“ на трибините на мечот со Динамо appeared first on Република.

Полицијата во Агреб најави посебни мерки на претпазливост за утрешниот натпревар Динамо - АЕК на Максимир. Некои патишта ќе бидат затворени од 6 до полноќ. Натпреварот започнува во 20 часот, реваншот е в сабота.

Во градот народски кажано „пиле не смее да прелета“.

Meѓу играчите на Аек е и хрватскиот репрезентативец Домагој Вида.

The post Во Загреб пиле не смее да прелета, пристигнаа фудбалерите на АЕК appeared first on Република.

Се појави ново видео од тепачката меѓу навивачите на АЕК и Динамо Загреб. Грчките медиуми тврдат дека се приклучил и еден  Албанец. Кај Хрватот и Албанецот биле најдени ножеви на склопување на кои биле најдени траги од крв.

07.08.2023, AEK Athens🇬🇷 vs BBB (Dinamo Zagreb🇭🇷), video from front of AEK stadium https://t.co/Fjy3xrlEmQ pic.twitter.com/cFjQt96uJw

— Hooligans.cz Official (@hooliganscz1999) August 11, 2023

The post Ново видео: Aлбанец вклучен во тепачка во Атина appeared first on Република.

Цела Европа беше шокирана од немирите на хулиганите oд Хрватска. Грчкиот портал „eleftherostypos.com“ наведува дека Михалис од рано попладне бил во близина на стадионот, каде дошол да купи билет за натпреварот и да се сретне со своите пријатели.

„Другите навивачи беа околу стадионот од 19 часот, а тоа беше откако челниците на навивачите ги повикаа да го чуваат стадионот, бидејќи биле информирани за пристигнувањето на навивачите на Динамо. Несреќниот дечко седел во кафуле во близина на стадионот околу 11. попладне, кога се појавија околу 150 неонацистички хулигани, Bad Blue Boys. Тој се обиде да побегне, кога налета на „глутница“ убијци“.

Навивачот наводно бил избоден со истиот нож како и Алкис Кампанос, навивачот на Арис кој беше убиен во Солун на 1 февруари 2022 година, откако тој и пријателите беа нападнати од навивачите на ПАОК.

„Потоа се здобил со смртоносна рана на раката, која удрила во артерија, што резултирало со неконтролирано крварење, а подоцна било констатирано дека има и модринки на лицето и главата. Во сведочењето е наведено дека бил ранет со нож од типот карамбит.-заоблен нож сличен на оној со кој беше убиен и Алкис Кампанос“, стои во текстот на грчкиот портал

The post Прободениот навивач си седел во кафуле кога одненадеж дошла „глутница“ убијци appeared first on Република.

Георгиос Мазиас, новинар и директор на грчки дневен спортски весник ги предупредува хрватските граѓани кои се наоѓаат во Грција да бидат внимателни, укажувајќи на расположението што владее во земјата по убиството на грчкиот навивач на АЕК во Атина.

Доколку сте Хрват и моментално сте на одмор во Грција, добро камуфлирајте го тоа, не се истакнувајте и не кажувајте од каде сте, особено ако сте на одмор со семејството, порачува новинарот добронамерно.

The post „Ако сте Хрват на одмор во Грција, добро кријте го тоа“, порачува Мазиас appeared first on Република.

Грчката олиција едвај успеала да го контролира хаосот во Атина, а  уапсени се 96 хулигани. Покрај 87 хрватски државјани, уапсени се и пет Грци, еден Австриец, еден Албанец и еден Германец, како и еден навивач со документи од БиХ.

Јавноста во Грција се прашува како е можно толку голем број навивачи на Динамо да успеат да стигнат до Атина без да бидат запрени на пат од полициски сили кои знаеле дека УЕФА го забранила нивното присуство.

A eве како влегле. „Бед блу бојсите“ свесно ја заобиколиле Србија и Македонија бидејќи знаеле дека нивниот влез ќе ја алармира грчката полиција.Преку Босна, Црна Гора и Албанија преку граничниот премин Кавала влегле во Грција, дознава „Курир.рс“.

По веста за трагичната смрт на навивач на АЕК, реагираше и УЕФА која го одложи овој натпревар, а новите термини се 15 и 18 август.

The post Хрватските навивачи намерно ја заобиколиле Македонија на пат кон Атина бидејќи знаеле дека македонската полиција веднаш ќе ја алармира грчката appeared first on Република.

Во однос на преминувањето на грчката граница на навивачите на Динамо Загреб, нивното патување во Грција и нивното пристигнување на местото на инцидентите, нема да штедам зборови, недозволиво и неприфатливо е, бидејќи е под можностите и докажаните способности на грчката полиција, која иако брзо уапси 98 лица, потфрли во делот на превенција и спречување, рече министерот за заштита на граѓаните на Грција, надлежен за полицијата Јанис Иконому, јави дописничката на МИА од Атина.

Токму затоа, објасни Иконому, дал наредба до началникот на грчката полиција да бидат сменети одговорните на седум сектори во полицијата, односно надлежниот за справување со насилство во спортот и одговорните во шест сектори на сообраќајната полиција на потегот од градот Јанина до Коринт.

Навивачите на Динамо Загреб во Атина пристигнале по копнен пат, а во Грција влегле преку Албанија.

Од опозициските партии СИРИЗА и ПАСОК преку соопштенија реагираа за изјават и одлуката на Иконому и побараа да си поднесе оставка од позицијата министер за заштита на граѓаните.

Во синоќешните инциденти меѓу навивачите на АЕК и Динамо Загреб убиено беше едно лице, осум се повредени, а уапсени се 98 лица.

Навивачите на Динамо Загреб и покрај забраната од УЕФА стигнаа во Атина, а денешниот натпревар од третото квалификациско коло во Лигата на шампиони е одложен.

The post Одговорност уште денес: Сменети седуммина одговорни во грчката полиција appeared first on Република.

„Оригинал 21“ (грчки: Ορίτζιναλ 21) е името на здружението кое се состои од многу групи поддржувачи на грчкиот  клуб АЕК . Официјално основан во 1982 година, Original 21 е најголемиот синдикат на поддржувачи на АЕК.

Original 21 има членови од цела Грција и со текот на годините стана дел од клубот со тоа што влијае на клупските одлуки и следејќи го клубот во сите можни прилики.

Едно од нив беше првото организирано здружение на навивачите на АЕК со името Гејт 21, основано во 1975 година. Името дојде од соодветниот влез на стадионот Никос Гоумас каде се собираа најстраствените поддржувачи на тимот.

Оригинал 21 беше првата навивачка организација која во 1982 година ги подигна черепот и вкрстените коски како свое знаме, симбол кој и денес може да се види на речиси сите стадиони во Грција. Ја симболизираше „борбената смрт“ на нивните противници и „пиратскиот“ карактер на неговите членови.

Познати се по антимакедонските ставови и мразењето на се што е македонско.

https://republika.mk/sport/fudbal/koi-se-bed-blu-bojsi-od-niv-pochna-raspadot-na-jugoslavija-vazhat-za-golemi-natsionalisti/

The post И навивачите на АЕК не се цвеќиња за мирисање: Познати се по антимакедонските ставови appeared first on Република.

Објавена е фотографијата на 22-годишникот кој вчера настрада во немирите предизвикани од навивачите на Динамо Загреб во Атина.

Станува збор за Михалис Кацурис, навивач на АЕК, кој случајно се нашол во областа „повторно полнејќи ги со крв грчките трибини во уште една трагедија за грчките навивачи“, пишуваат утрово грчките медиуми.

И покрај забраната за присуство на навивачи на гостинскиот тим на натпреварот, тие сепак со автомобили и автобуси дошле во Атина и кусо пред полноќ стигнале до стадионот на АЕК, кој бил затворен и предизвикале сериозни инциденти.

Од грчката полиција преку соопштение појаснија дека групата од околу 100-120 навивачи на хрватскиот клуб, заедно со грчки навивачи-соработници стигнале во близина на стадионот на атинскиот тим, каде што биле поддржувачите на АЕК, јави дописничката на МИА од Атина.

Следеле инциденти меѓу навивачите на двата тима, со фрлање на пиротехнички материјали, импровизирани експлозивни механизми, предмети, камења, а биле користени и импровизирани палки.

Веднаш пристигнала полиција која интервенирала за да се прекинат инцидентите и биле уапсени вкупно 98 лица.

Од полицијата соопштија дека во тек е прелиминарна истрага, а интензивно продолжува истрагата за откривање на дополнителни сторители.

Инцидентите започнале час и половина откако гостинскиот тим го завршил тренингот и го напуштил стадионот

Натпреварот АЕК- Динамо Загреб е закажан за вечерва во рамките на квалификациите за Лигата на шампиони, а навивачите на хрватскиот тим пристигнале со автомобили во Атина и покрај забраната од УЕФА за присуство на поддржувачи на гостинскиот клуб.

Грчките медиуми пишуваат дека по синоќешните инциденти 12-годишно девојче се бори за живот по удари со камен.

Неофицијално, мнозинството од уапсените се хрватски државјани.

The post Ова е убиениот навивач на АЕК, 12-годишно девојче се бори за живот appeared first on Република.

Едно лице, веројатно навивач на АЕК, беше убиено во инцидентите во Атина што доцна синоќа ги предизвикаа навивачите на Динамо Загреб во пресрет на денешниот натпревар на грчкиот и хрватскиот фудбалски тим, а повредени се осум и уапсени над 90 лица, јави дописничката на МИА од Атина.

Според неофицијалните информации, група од околу 150-200 навивачи на Динамо Загреб и покрај забраната за присуство на навивачи на гостинскиот тим на натпреварот, сепак со автомобили и автобуси дошле во Атина и кусо пред полноќ стигнале до стадионот на АЕК, кој бил затворен и предизвикале сериозни инциденти.

Грчките медиуми пишуваат дека навивачите на хрватскиот тим ги нападнале навивачите на АЕК, но и обични граѓани кои биле во кафулињата во близина на стадионот во атинската населба Неа Филаделфија, при што 22-годишно момче, било избодено со нож од хрватските хулигани и им подлегнал на повредите.

Полицијата, неофицијално уапсила 96 лица, меѓу кои осум, петмина Хрвати и тројца Грци се повредени и пренесени во болница.

Од уапсените, според истите информации, 82 се Хрвати.

Засега во Грција не постои официјално соопштение за инцидентите.

The post Еден убиен и осум повредени во крвави инциденти меѓу навивачи на Динамо Загреб и АЕК во Атина appeared first on Република.