Потпретседателот и портпарол на Демократската унија за интеграција, Арбр Адеми на денешната прес-конференција, заблагодарувајќи им се на граѓаните, кои се потпишале на кандидатурата на Бујар Османи за претседател на државата, истакна дека барањето на ДУИ претседателот на државата да се бира во Собрание ќе остане и при составувањето на идната влада.

-Ова барање ќе биде и по првиот и вториот круг на претседателските избори, и по парламентарните избори, и при составување на владата. Така што, овие вакви и слични изјави сме ги слушнале и кога сме го промовирале концептот за прв премиер Албанец. Ама тоа се оствари. Ние мислиме дека ова е многу прогресивна идеја водејќи се од причини кои веќе ги наведов. И заштеда на буџетски средства, но и да се спречи заморот на граѓаните од учеството и во собирањето на потписи и во учеството на кампањата за функцијата претседател на држава. Имајќи предвид дека сме парламентарна демократија логично би било претседателот на државата да се избере во Собрание, рече тој.

Ова, посочи тој, ќе овозможи претседател со целосен легимитет, заштеда на над 20 милиони евра во државата, десетици илјади граѓани ќе бидат поштедени од процесот на собирање потписи, сите граѓани исто така ќе бидат поштедени од кампањата и учеството на изборите за протоколарна функција.

Адеми нагласи дека не е прогресивно ако се твреди дека една државна функција е резервирана само за една етничка заедница, а при тоа да не се води сметка за квалитетот.

-Не, не е прогресивно ако велиме дека една државна функција е резервирана само за една етничка заедница, а без да водиме сметка за квалитетот. Често пати има изјави до кога со етнички квоти, нели? Имало изјави кога ќе се фокусираме на квалитет? Ете, најквалитетен претседателски кандидат имаме сега, зошто не би била прогресивна оваа идеја и зошто не би била прогресивна ако претседателот на државата како и во другите парламентарни демократии биде избран во Собранието, а не на непосредни избори имајќи ги предвид и уставните норми, каде што за да имаме успешен претседателски изборен циклус навистина треба големи напори – цензусот на првиот круг и цензусот за успешни претседателски избори на вториот круг, истакна Адеми.

Додаде дека поради тоа уставните измени претходно биле во оваа насока особено за вториот изборен круг – од 50 проценти излезност на 40 проценти излезност. Смета дека доколку претседателот на државата се избира во Собранието ќе се обезбеди општествен консензус, бидејќи таму учествуваат партиите, кои ги избрале граѓаните, а со бадентеровото мнозинство ќе се обезбеди и меѓуетнички консензус.

-Легитимитетот на тој претседател, кој ќе се избира во Собранието со двојно мнозинство и со двотретинско и со бадентерово мнозинство ќе биде многу, многу поголем отколку легитимитетот добиен со 41, 42 отсто од вкупниот број на гласачи во избирачкиот список. Затоа тука ја гледаме прогресивноста на оваа идеја, рече тој.

Адеми потенцира дека Арбен Таравари е разрешен во својата матична партија и смета дека нема кредибилност да се  претставува како личност која е обединувачка во целото општество.

-Најпрвин, г. Таравари е разрешен во својата матична партија и затоа цениме дека нема кредибилитет да претставува личност која е обединувачка во целото општество. Во неговата партија е разрешен и од Централното собрание, но и на Конгрес. Секако тоа се внатрепартиски процеси и нам како друга политичка партија, ДУИ тоа не не засега, но личноста која што не може да обезбеди консензус во својата матична партија не може да обезбеди консензус и пошироко кај целата јавност, така што ние му посакуваме успешен процес на собирање на потписи, Сметаме дека  Бујар Османи е на сосема друго ниво, сосема друг профил на политичар, европски политичар кој достоинствено ја претставувал и ја претставува државата на меѓународно ниво, а за тоа говори и државниот секретар на САД Блинкен и Министерскиот совет на ОБСЕ, кој се организираше во Скопје. Од осамостојувањето до сега немало таков меѓународен настан кој се организираше под покровителството на Бујар Османи, рече Адеми.

На прашањето дали Османи ќе се откаже од министерската функција кога сега официјално влегува во трката за претседател, Адеми истакна дека нема никаква уставна или законска пречка во овој процес тој да биде во функцијата на министер за надворешни работи и да учествува на претседателските избори.

-Претседателските избори се совпаѓаат со парламентарните, така што нема никаква уставна или законска пречка во овој процес, тој да биде во функцијата на министер за надворешни работи, а во меѓувреме да учествува во трката за претседателски избори. Како да бараме сега и од сегашниот претседател Пендаровски да даде оставка за да учествува на претседателските избори, така што тоа нема логика, рече тој.

Адеми соопшти дека измената на Уставот и начинот за избор на претседател ќе бидат главните теми на кои ќе се фокусира ДУИ за време на претседателските и парламентарните избори.

-Нашето главно ветување е измена на Уставот и за начинот за избор на претседател, но и за задоволување или исполнување на обврската која ја имаме во евроинтегративниот процес, а секако дека со тек на времето, веќе е финализирана нашата програма за учество на парламентарните избори, така што пред јавноста како и секогаш, како и сега ги презентираме нашите програми, рече Адеми.

The post Адеми: Барањето за избор на претседател на државата во Собранието останува и при составувањето на идната влада appeared first on Република.

Пратеникот и координатор на пратеничката група на ДУИ, Арбр Адеми, денеска изјави дека формално тие уште имаат 15 пратеници бидејќи Иџет Меџити и Мерита Коџаџику се уште не најавиле дека заминуваат од оваа пратеничка група.

Нашата пратеничка група броеше 15 пратеници, но формално се уште брои, од причина што како координатор на пратеничката група сè уште немам формална одлука за отцепување од пратеничката група. До овие моменти немам никакво известување дека пратеничката група се намалила или пораснала, рече Адеми за летното издание на Клик плус на ТВ 21.

За заминувањето на Иџет Меџити од партијата и најавата за формирање на ново политичко движење, Адеми тврди дека тие разбрале од медиумите. Адеми, како што кажа, жали за оваа одлука, но според него, тој бил добро третиран од ДУИ и Ахмети.

Од медиумите сме информирани за новата политичка определба, во овој случај сакам да нагласам дека се работи за значајни личности кои имале високи политички и партиски функции, биле третирани многу добро во ДУИ, изјави координаторот на пратеничките групи на ДУИ.

Како политички субјект ДУИ, како што кажа, не се плаши од политичкото движење на Изет Меџити.

Да ви кажам право, не, бидејќи тоа е добро организирана, етаблирана политичка организација, која не еднаш, туку повеќе пати поминала низ слични процеси, рече Адеми.

Според него, Демократската унија за интеграција е на највисоко ниво по кредибилитет во јавното мислење, а тоа е благодарение на визијата на Али Ахмети, која 22 години прави ДУИ да биде стабилна партија.

Адеми тврди дека апсењето на Исмет Гури нема врска со политичките случувања и дека Али Ахмети не се занимава со „стапици“.

За промената на Уставот вели дека не разговарале поединечно со пратениците од опозоцијата, но дека не е добро да се условува.

The post Адеми: Не сум добил формално известување дека Меџити и Коџаџику ја напуштаат пратеничката група на ДУИ appeared first on Република.

Пратеникот Никола Мицевски, координатор на пратениците од ВМРО-ДПМНЕ, кажа дека Арбер Адеми, претседател на комисијата за Европски прашања го крши Деловникот, каде на дневен ред се законите кои треба да се менуваат измените за автопатиштата. Посочи повеќе работи меѓу времето во кое е закажана седницата, а тоа според него, е 23 минути по пленарната седница. Мицевски ги праша пратениците од ДУИ зошто не побараат превод на амандманите на албански јазик, како што вообичаено прават, пред да се продолжи со дискусија.

„Ќе ги барате ли на албански или брзаме сите, брзаме, брзаме, за да го истераме сето ова? Не застанувате за да ги погледнеме овие работи. Вие само продолжете да се смеете. Значи брзаме да ги фрлиме тие три милијарди евра“, кажа Мицевски.

Тој додаде:

„Ова не само на вас што ќе ви се удри од глава, туку и на нас. Зошто знаете брзата кокошка што раѓа“.

Мицевски му посочи на Адеми дека ги прекршува процедурите.

„Планирате ли дека амандмани треба да поднесеме, дека треба да се спремаме, истите луѓе треба да поднесат амандмани, рече Мицевски“

Аеми му посочи:

„Благодарам“.

Мицевски:
„Само за ова го погодивте точно на време, да ме скратите во секунда“.

The post Мицевски до Адеми: Знаете брзата кокошка што раѓа appeared first on Република.

Потпретседателот на ВМРО-ДПМНЕ, Александар Николоски вечерва во дебатниот магазин „Click Plus“ на ТВ21 посочи дека инцидентот со пратеникот Арбер Адеми е преголем за да помине со извинување.

Во продолжение целата изјава:

https://www.youtube.com/watch?v=3H0HO-SbeRw

The post Николоски: Инцидентот со Адеми во Собранието е преголем за да помине само со извинување appeared first on Република.

Адеми, на 25 години докторирал на шкљ факултети во Тетово, на тие години станал и професор на истиот шкљ факултет кој е 20000-то место на свет.

Сите да се помочаме и на нашите дипломи и на професии и на кариери, и на сметката у банка. Пу јазик. Проклетија од држава, пишува на својот профил на Фејсбук актерот Сашо Тасевски.

Порано не можеше да помислиш да докторираш пред 35 година, а професор се стануваше после 40 та.
Ама Адеми е изгледа гение.
Ама тоа не е се.
На 25 години ги извршувал инајвисоките функции во државата, додека предавал на шкљ факултетот и додека го пишуел докторатот.
И држава водел дечкото од село Опае.
Тоа се во 25 година од животот.
После велат во наредните пет станал милионер.
Кај го има ова бе?
Знаете ли колку е ова погубно што некој го дозволил.
Шиљокурани со два грама мозок да воспитуваат образуваат млади да доктприраат и да водат држава само зашто се од ДУИ.
Па после нема да дивее во Собрание.
Некој му дозволил да дивее.
Некој го штити.
Резил бе, резил.
Сите да се помочаме и на нашите дипломи и на професии и на кариери
И на сметката у банка.
Пу јазик. Проклетија од држава, пишува Тасевски.

The post Сашо Тасевски: Сите да се помочаме на нашите дипломи и на професии и на кариери, Адеми на 25 години докторирал на шкљ факултети во Тетово appeared first on Република.