Професорот Абдулменаф Беџети е најсериозен кандидат да биде технички премиер предложен од ДУИ, дознава „Република“ од партиски извори.

Неговото име подолго време фигурира меѓу раководството на ДУИ како прв избор за прв премиер Албанец како дел од договорот меѓу Али Ахмети и Зоран Заев.

Причина зошто би се одлучиле за Беџети е што за него има добро мислење меѓу Македонците кои не би имале против економски ексерт, но и од скоро академик да биде на чело на Владата.

Беџети има 63 години и е редовен професор на Универзитетот на Југоисточна Европа во Тетово.Покрај економијата и политиката, голема љубов на Беџети е и фудбалот па беше дел и од раководството на Шкендија од Тетово.

Ако стане премиер, Беџети ќе ја преземе функцијата на крајот на јануари и ќе остане до изборот на новата Влада после изборите во мај.

The post Абдулменаф Беџети ќе биде техничкиот премиер од ДУИ? appeared first on Република.

На Универзитетот на Југоисточна Европа поради техничко административна грешка биле издавани уверенија со погрешно наведување на називот односно звањето, а не дипломи, објаснуваше денеска на новинарско прашање ректорот Абдулменаф Беџети, за темата дали установата има издавано спорни документи за дипломирање. Според него, станува збор за околу 200 такви уверенија.

Тоа е полувистина. За периодот од 2008 до 2010 година немало регулирано со декрет во државата за квалификациите и за звањата во тој дел. Така што од 2010 ноември донесен е декретот, односно одлуката каде се идентификуваат називите на звањата и разликите во седми степен и шести степен. Меѓутоа, тоа не дека се издадени дипломи, да бидеме на јасно, издадени се во кои стои бројот на трансфер европски кредити ЕКТС, каде што пишува 180 ЕКТС кредити, тоа значи е рамно на тригодишни студии (бачелор). Меѓутоа, некој сака да ги толкува така, само за на некој начин да внесува забуна. Но, пак велам е полувистина, дел се во право, затоа што веќе во 2012 година, кога е регулирано, односно во 2011 година, почнала применате на декретот односно на одлуката. Кога е регулирано, меѓу 2011 и 2012 година, имало такви случаи каде уверенијата се издадени со погрешно наведување на називот односно звање VII-1 . Меѓутоа, од 2012 натаму, се е во ред. Во суштина нема грешка, има техничко административна грешка во нецелиот тој период и не е тој број на дипломи 437, туку е помал од 200. Но, колку и да е и две дипломи да се е, в ред. Не се дипломи туку се уверенија – изјави Абдулменаф Беџети.

The post Универзитетот на ЈИЕ издавал несоодветни уверенија по грешка, не над 400 туку 200, тврди ректорот appeared first on Република.

Академик Абдулменаф Беџети вечерва во емисијата „360 Степени“ на Алсат, рече дека мерките што синоќа ги презеде Владата и препораките дадени во однос на цените, временски се доста навремени и покрај тоа што можело да бидат воведени и пред една недела.

Тој рече и дека Владата треба да го следи протокот секој ден и со тоа секој ден да реагира флексибилно со мерките.

Владата или државните институции мора од ден на ден да ги следат тековите, трендовите, тенденциите и така натаму и евентуално да реагираат од ден на ден, флексибилно со мерките со кои може да реагира. Некои од институциите кои треба да бидат пример да ги повикаат граѓаните и да ги освестат граѓаните за воената состојба бидејќи всушност тоа се последиците од воена состојба и покрај тоа што кај нас нема војна, но економската војна понекогаш е болно како и другата“, рече Беџети.

The post Академик Беџети: Институциите треба да ги повикаат и освестат граѓаните за воената состојба appeared first on Република.