Со нов формат и зголемен број екипи, утре официјално стартува новата сезона во регионалната кошаркарска АБА 2 во која ќе настапат три македонски екипи, МЗТ Скопје Аеродром, Работнички и Пелистер.
Според новите пропозиции, по четири екипи се поделени во четири групи и во првата фаза секоја од 16. екипи ќе одигра по шест натпревари, три на домашен и исто толку на гостински терен. По шест одиграни кола, првопласираните две екипи од секоја група обезбедуваат пласман во следната фаза од натпреварувањето во која ќе бидат формирани нови две групи.

Во Топ 8 фазата ќе се одиграат уште шест кола по кои двете најдобри екипи од двете групи, ќе се пласираат во полуфиналето на плеј-офот.
Четирите најдобри екипи ќе се борат за место во финалето во серија „подобар од три натпревари“ (1-1-1), а според истиот систем ќе се игра и финалната серија.

Актуелниот македонски шампион, МЗТ Скопје, е дел од групата „А“, во која за противници ги има екипите на Хелиос од Домжале, загрепска Цедевита Јуниор односно Теодо од Тиват.
Пелистер кој и лани беше дел до оваа конкуренција е сместен во групата „Ц“ во која се и екипите на Подгорица, Широки и Вршац.

Скопски Работнички ќе ја почне сезоната од групата „Б“ во која за ривали ги има Војводина од Нови Сад, Сутјеска од Никшиќ, и сараевска Босна.

Македонскиот шампион ќе ја има и честа да го отвори новото издание на АБА 2 лигата, утревечер, од 18. часот во СЦ „Јане Сандански“ против црногорски Теодо.
Два дена подоцна, на 26. септември, во СРЦ „Кале“, исто така од 18. часот, Работнички е домаќин на уште еден црногорски претставник, Сутјеска, додека својот натпревар од премиерното коло од новата сезона Пелистер ќе го одиграна 1. Октомври на домашен терен против Широки

The post Стартува АБА 2 со три македонски екипи appeared first on Република.

Со натпреварот меѓу Цибона и Задар вечерва од 21 часот почнува новата сезона во кошаркарската АБА лига.
Во останатите натпревари од првото коло ќе играат Партизан – Борац, Дубаи – Црвена Звезда, Крка – Мега, ФМП – Цедевита Олимпија.

Во новата сезона ќе играат 16 екипи, две повеќе од лани (Суботица Спартак и Дубаи).
Титулата ја брани Црвена ѕвезда, која заедно со Партизан го држи рекордот со освоени седум шампионски трофеи.

The post Започна новата сезона во АБА лигата appeared first on Република.

На експресен начин, со чисти 3:0 во победи во финалната серија со Партизан, екипата на Црвена ѕвезда дојде до трофејот во регионалната кошаркарска АБА лига.

Во третиот натпревар одигран синоќа, „црвено-белите“ како гости славеа победа над градскиот ривал со 82:76.

Најефикасни во победничкиот тим беа Лука Митровиќ и Рокас Гиедраитис со по 12 поени, кај Партизан се истакна Алекса Аврамовиќ со 17 поени.

За МВП на плејофот е прогласен Јаго Дос Сантос. Тој во текот на плејофот имаше просек од 11,7 поени, 4,43 асистенции и 3,14 скока по натпревар

The post Црвена звезда убедливо ја освои АБА лигата appeared first on Република.

МЗТ Скопје доживеа убедлив пораз до 34 поени разлика на реваншот против Спартак Суботица и остана без пласман во финалето од плеј-офот во АБА2 лигата. Нашиот шампион денеска повторно беше надигран од српскиот тим, сега на гостински паркет и со тоа заврши сонот за кам-бек во елитното регионално натпреварување.

По поразот од пет поени разлика минатата сабота во Скопје, МЗТ се надеваше дека може да направи сензација во Суботица на реваншот. Тоа не се случи, бидејќи Спартак доминираше од почеток до крај за убедлива победа од 98-64. „Металците“ во ниту еден момент од средбата не се заканија по водството на домашната екипа. Филип Барна со 19 поени беше најдобар кај Спартак, додека Ејасу Ворку беше единствениот со двоцифрен ефект во нападот кај МЗТ со 10 постигнати поени.

Тимот од Суботица ќе игра финале против Војводина во АБА2 лигата, додека МЗТ сега ќе се фокусира на домашниот плеј-оф каде во полуфиналето води со 1-0 против ТФТ Скопје.

The post АБА-лига: МЗТ поразен во Суботица appeared first on Република.

Македонскиот кошаркарски претставник во регионалната АБА, МЗТ Скоје не успеа да избори опстанок и наредната сезона повторно ќе се натпреварува во АБА 2 лигата.

Сепак, иако сезоната на македонскиот претставник заврши со враќање во втората по квалитет регионална лига, мала утеха за „штрковоите“ може да биде тоа што навивачите на МЗТ беа помеѓу најдобрите и најверните во лигата. Бројките покажуваат дека МЗТ е трет најгледан тим во АБА лигата,а пред него се само големите кошаркарски гиганти и евролигаши Партизан и Црвена Звезда.

На трибините во „Јане Сандански“ вкупно имало 35.510 навивачи во 13 натпревари, што во просек е по 2.731 навивач по натпревар.

The post МЗТ Скопје Аеродром е трет најгледан тим во АБА лигата, по евролигашите Партизан и Црвена звезда appeared first on Република.

Кошаркарите на МЗТ Скопје Аеродром ги задржаа минималните шанси за опстанок во АБА лигата, откако вечерва пред своите навивачи во рамки на 24. коло го совладаа Задар со 84-80 (52-39).

Македонскиот шампион до петтиот триумф сезонава во регионалната лига го предводеше Американецот Мајкл Кефи со 21 поени, додека Страхиња Мицовиќ уфрли шест помалку.

На две кола до крајот на регуларниот дел од сезоната последнопласираниот МЗТ Скопје сега е на една победа помалку од директниот конкурент во битката за опстанок Борац, кој претходно вечерва загуби на гостувањето од Сплит со 113-99.

За да го избегне последното место на табелата и да обезбеди плејоф за опстанок во АБА лигата на МЗТ Скопје ќе му биде потребно да триумфира во преостанатите два натпревари против Сплит на гостински терен и против Цибона во Скопје, додека чачански Борац да загуби од Црвена ѕвезда и Будуќност.

The post Важен триумф на МЗТ Скопје Аеродром над Задар во битката за опстанок во АБА лигата appeared first on Република.

Македонскиот кошаркарски првак, МЗТ Скопје Аеродром, го претрпе петтиот пораз во шестиот натпревар од новата сезона во регионалната АБА лига, откако на домашен терен загуби од црногорски Морнар со 94-77.

Кошаркарите на МЗТ Скопје добро го отворија натпреварот и по првата четвртина стекнаа предност од 27-22 која ја зачуваа до полувремето (47-44).

Меѓутоа, продолжението донесе поинаква слика на паркетот во салата „Јане Сандански“. Гостите од Бар со серија од 9-0 на почетокот на третата четвртина направија резултатски пресврт за водство сигурно водство (53-47) кое не го испуштија до крајот на натпреварот.

МЗТ Скопје во второто полувреме прикажа бледо издание и за 20 минути постигна скромни 30 кошеви.

Најефикасен во составот од Аеродром беше Бојан Крстевски со 22 поени.

Во седмото коло во АБА лигата, МЗТ Скопје Аеродром на 18 ноември ќе му гостува на ФМП.

The post МЗТ Скопје Аеродром загуби од Морнар во АБА лигата appeared first on Република.

Oдлучувачкиот меч од финалето во АБА-лигата меѓу Црвена Звезда и Партизан ќе може да продолжи дури откако ќе биде испразнета целата сала „Пионир“, одлучиле официјалната лица.

Судиите во текот на мечот неколку пати ги предупредија навивачите, а на стартот од третиот период трчајќи се упатија кон соблекувалните откако фановите почнаа да фрлаат со тврди предмети кон нив по еден очигледен прекршок на Калиниќ над Лесор.

Одлуката е јасна – нема да има кошарка додека има навивачи на трибините, а арената почна да се праазни за што побрзо да бидат создадени услови за мајсторката да продолжи.

Во моментов мечот заврши со победа на Звезда со 80-77 

https://www.youtube.com/watch?v=x4WjNrp6gzo

The post Финалето на АБА лигата заврши без навивачи откако Делиите и Гробарите фрлаа по судиите со што им дојде appeared first on Република.

Најдобриот играч на кошаркарскиот клуб Задар, Американецот Џастин КАртер најави заминување од клубот.

Картер одигра одлична сезона за Задар во АБА лигата. Американецот беше убедливо најдобар играч на хрватскиот претставник. Сезонава имаше просек од 11,9 поени, со околу две асистенции.

Сепак, плејмејкерот преку Твитер им се пожали на навивачите, порачувајќи дека ги сака, но дека не може да игра бесплатно, со што индиректно најави заминување.

https://twitter.com/_smooth_J/status/1513499105460469760?ref_src=twsrc%5Etfw%7Ctwcamp%5Etweetembed%7Ctwterm%5E1513499105460469760%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fsport%2Fkosarka%2F618171%2Fproblemi-za-hrvatskog-velikana-amerikanac-se-javno-pozalio-navijacima%2Fvest

The post Проблеми за хрватскиот великан: Американецот Картер јавно им се пожали на навивачите appeared first on Република.