Асоцијацијата на архитекти на Македонија (ААМ) традиционално и оваа година го објави повикот за учество за доделување на Големата годишна награда за 2022 година.

Големата годишна награда на ААМ се однесува на најуспешно реализирано арААМхитектонско дело, а учесниците со пријавување на своите авторски дела за тековната година може да го остварат своето право на учество.

Оваа архитектонска награда преставува афирмација на залагањето кон архитектурата во нашата земја. Наградата свечено и со сите почести му се доделува на лауреатот на крајот на годината, а е под покровителство на Претседателот на Република Македонија. Големата годишна награда на ААМ се доделува на државјани на Република Македонија, со завршен VII степен на образование. За учество е потребно по електронски пат да се поднесе пријава за авторско дело – реализиран архитектонски објект на територијата на Република Македонија кој е завршен во истата календарска година, наведува ААМ.

Учесниците кои не се членови на ААМ, а се наведени како автори на проектот кој ќе биде пријавен, за учество во изборот треба да платат котизација во износ од 3 500 денари, по пријавен труд. Доказот за уплата треба да се достави при пријавување за учество, заедно со погоре наведените документи и информации.

Пријавата се доставува по електронски пат на kontakt.aam@gmail.com, а рокот за аплицирање е до 28.11.2022 година.

The post Асоцијацијата на архитекти го објави повикот за Големата годишна награда за 2022 година appeared first on Република.

Асоцијацијата на архитекти на Македонија (ААМ) традиционално и оваа година го отвори повикот за предлагање на можни добитници на наградата “Андреја Дамјанов“ за 2022 година.

Престижната награда „Андреја Дамјанов“ претставува признание за животно дело, особени достигнувања и личен придонес во развојот на архитектурата и градежништвото. Оваа архитектонска награда преставува афирмација на залагањето кон архитектурата во нашата земја и се доделува на државјанин на Република Македонија. Право за поднесување на предлог за можни добитници имаат членовите на ААМ, каде оценувањето на кандидатите за добитници на наградата ја врши комисија, во чии редови е и добитник на наградата “Андреја Дамјанов“. Наградата се состои од плакетата и статуетка со ликот на Андреја Дамјанов, а добитникот станува и член на Архитектонската Академија на ААМ.

The post Асоцијацијата на архитекти отвори повик за предлози за доделување на наградата „Андреја Дамјанов“ за 2022 appeared first on Република.