ОВЕН
Денеска вашата способност да се ставите во кожата на другите може да ви помогне да го решите секој проблем во комуникацијата и да ја вратите хармонијата таму каде што е нарушена. Денот е одличен за деловни состаноци. Ќе ви биде тешко да се запрете на едно место, но ако сакате разновидност, динамиката нема да ви пречи.

БИК
Денеска тешко дека ќе биде соодветно да верувате само во себеси, ќе покажете склоност да ги преувеличувате работите и да ги толкувате фактите како што сакате. Затоа е подобро да оставите сѐ како што е и да не избрзувате со заклучоците.

БЛИЗНАЦИ
Денеска ќе се чувствувате добро доколку го минувате пополека и посмирено. Најдете време за себеси и за вашите лични активности, тоа ќе ви даде сила и инспирација за нови подвизи. Можно е на некој ваш близок да му треба вашата поддршка.

РАК
Денеска лесно ќе се изместувате од рамнотежата, дури и да се обидете да го сокриете тоа од другите, најблиските тоа ќе го сфатат, а не би можеле да се лажете ниту себеси. Може да се чувствувате збунети или дезориентирани, поради одредена причина или едноставно затоа што сте повеќе расеани од вообичаено.

ЛАВ
Денеска ќе ви биде подобро ако не потхранувате никакви очекувања за ништо, настаните ќе се развиваат непредвидливо и можни се пресврти. Обидете се да гледате филозофски на она што се случува, тоа ќе ви помогне да прифатите дека некои работи се надвор од ваша контрола и нема начин да ги промените.

ДЕВИЦА
Денеска нема да размислувате многу бистро, па подобро не донесувајте важни одлуки, не водете деловни разговори и не потпишувајте договори. Исто така, не верувајте во сѐ што ќе ви кажат, бидејќи веројатно ќе ве доведат во заблуда.

ВАГА
Денеска бидете претпазливи доколку треба да потпишувате договори, прецизно проверете ги информациите и немојте премногу да се доверувате. Доколку постои некоја активност која ве фасцинира и инспирира, сега е време да ѝ се посветите и да постигнете добри резултати.

ШКОРПИЈА
Денеска вашите духовни искуства ќе бидат интензивни и ќе ве поттикнат да погледнете навнатре, кон вашиот внатрешен свет, наместо да зјапате во настаните што се случуваат околу вас. Вашите мисли ќе се вртат околу нешто што многу го посакувате.

СТРЕЛЕЦ
Денеска може да добиете информации за кои ќе треба да размислите и соодветно да одлучите како да постапите. Ако се чувствувате уморни, почестете се на некој начин или забавувајте се со пријателите, тоа ќе се одрази добро на вас.

ЈАРЕЦ
Денеска нема да се чувствувате добро ако нешто не ви оди како што треба. Иако е лесно да се каже но тешко да се направи, обидете се да ги прифатите работите такви какви што се и не се приврзувајте кон ништо, ако губите, не знаете дали всушност сте во добивка.

ВОДОЛИЈА
Денеска ќе ви биде корисно малку да ги забавите темпото, да набљудувате што се случува во вашето опкружување и да ги анализирате вашите ментални искуства. Доколку направите преиспитување на одредена ситуација, можете да извршите и ново преуредување на вашите приоритети.

РИБИ
Денеска ќе оставите нешто во минатото или ќе одлучите да го сторите тоа. Полесно ќе ги надминете предизвиците на денот ако си кажете дека не можете да ги промените луѓето од вашата околина и ќе мора да ги прифатите такви какви што се, тоа нема да ве спречи да повлечете некои граници доколку дотичните луѓе не се однесуваат исправно кон вас.

The post Дневен хороскоп за понеделник, 9-ти септември 2024-та appeared first on Република.

Промоции на книги, трибина, ликовна изложба, музички настапи беа дел од содржините што се реализираа од 4 до 7 септември 2024 година во Шибеник и Зларин во рамки на Деновите на македонската култура и Меѓународната средба на писатели, публицисти и новинари, со што беше одбележан Денот на независноста на Македонија – 8 септември.

Со синоќешната изложба „Звучни слики“ во Градската библиотека „Јурај Шижгориќ“ затворени се овогодинешните Денови на македонска култура во Шибеник (4 – 7 септември 2024 г.). Авторот Владимир Мартиновски, декан на Филолошкиот факултет во Скопје го претстави Зденка Билушиќ, раководителка на Одделението за визуелна уметност во градската библиотека, која говореше за неговиот ликовен, книжевен и музички опус.

Мартиновски читаше и своја поезија, а присутните ги изненади и со настап на стар македонски инструмент кавал. Предходно, исто така, во градската библиотека беше промовиран романот „Заборав“ на реномираниот македонски книжевник, драмски писател и новинар, Томислав Османли. Ова е прва промоција на неговиот роман, а книгата ја претстави проф. д-р. Лидија Капушевска Дракулевска од Филолошкиот факултет во Скопје.

Инаку, промоциите на новиот македонскиот роман на Османли и на ликовно поетското претставување на Мартиновски, се одржаа во присуство на бројни членови на Хрватско македонска тангента, организатор на настаните, меѓу кои беа и третиот хрватски претседател, проф. д-р Иво Јосиповиќ и македонскиот амбасадор проф. д-р Милаим Фетаи. Фрагменти од романот во превод на хрватски јазик читаше поетот, новинар и водител Никола Урукало, кој беше и модератор на настаните.

Предходните три дена поминаа во светло на одбележување на два јубиулеја: 10 години од првата Меѓународна книжевна средба на Зларин „Од остров на копно, кон остров на море“ и пет години од Деновите на македонската култура во Шибеник.

Како и претходните години и овогодинешните настани на едно место собраа угледни учесници. Од Македонија допатуваа проф. д-р. Лидија Капушевска Дракулевска, Владимир Мартиновски и Томислав Османли, од Словенија учествуваше проф. д-р. Намита Субиото од Филозоскиот факултет во Љубљана, а од Хрватска беа присутни поети од Задар и Шибеник. На Зларин, исто така, за прв пат беше претставена и книгата „Градоначалникот на Хипнополис“ од универзитетските професори Лидија Капушевска Дракулевска и Владимир Мартиновски.

Годинашната средба на писатели, публицисти и новинари беше посветена на големите зларински имиња: поетесата Весна Парун и на новинарот и писател Младен Бјажиќ, а за нив зборуваше новинарот во ХРТ, Звонко Варошанец.

Средбата се одржа во Трутини двори, кај Марина и Младен Трута, кој настојува да го сочува стариот зларински чакавски говор, барем во пишан облик. Резултат на тоа се и две објавени книги со кратки приказни на зларинска чакавица.

За десетгодишно почесно членство во невладината организација Хрватско-македонска тангента, на третиот хрватски претседател му беше врачено и посебно признание. Свеченото отварање се одржа во Музејот на Град Шибеник, каде настапија професори и среднишколци од Музичкото училиште „Иван Лукашиќ“, а поздравна порака преку видео упати македонскиот заменик министер за надворешни работи, Зоран Димитровски. Беше одржана и трибина за современите трендови во книжевноста и уметноста како дел од манифестацијата „По трагата на пишаниот збор“.

Деновите на македонската култура во Шибеник и Меѓународната книжевна средба на Зларин се одржаа под покровителство на Советот за национални малцинства на Република Хрватска и градоначалниот на Шибеник, д-р Жељко Буриќ и со подршка на туристичките заедници на Град Шибеник, Шибенско-книнската жупанија и Зларин. Бројните настани во склоп на културните манифестации се одржаа по повод Денот на македонската независност – 8 септември.

The post Со Денови на македонската култура одбележан 8 Септември во Шибеник и во Зларин appeared first on Република.