Начинот на којшто народот инстинктивно реагира, тоа е најдобриот начин да се победи власта, ја почнува новинарот Јанко Илковски видеоколумната посветена на жената и женските права.

Илковски зборува и за величината на жената, за жената како капија меѓу два света, како спасител.

Главната тема на која се задржува Илковски во „Слушај ваму“ е протестот на организациите за заштита на правата на жените, поточно на транспарентот „Црквата да одјебе“.

Тој смета дека овој транспарент е одраз на сјајот и бедата на Шарената револуција и е дело на платениците на Сорос.

Тие скотови кои се изродија во тоа време и се почувстуваа дека се моралот, етиката и прогресот на тоа општество, бидејќи веќе немаа за што да се бунат, најдоа дека црквата им е крива, коментира Илковски.

Црквата е крива зошто не ги признава геј браковите, не дозволува абортуси итн., тука нема да навлегуваме, но црквата не ги донесе правилата против кои се буни младата дама. Хало, мадам, каде бевте, ти каде беше кога на родилката ѝ ги извадија органите?! Јас бев кој барав правдина за жената чии органи на породување се извадени и којзнае со нив што е направено. Кај беше ти да се буниш кога се донесуваа платите, кога се донесуваа уредбите колку ќе биде платена една жена во администрација колку маж. Е црквата ги донесе уредбите, црквата ги донесе законите колку жената треба да има породилно отсуство, не. Црквата е најмалку виновна за целово ова. Онтолошко промашување. Тоа е кога немаат ни фокус ни дефокус. Скандал, вели Илковски.

The post Илковски: Онтолошко промашување appeared first on Република.

Со дебатата „УИНТ и 8 Март“, Универзитетот „Св. Апостол Павле“, го одбележа 8 Март. 

Учесниците на дебатата проректорката проф. д-р Устијана Речкоска Шикоска, проф. д-р Јованка Дамоска Секулоска, проф. д-р Анета Велкоска, проф. д-р Дијана Цапеска Богатиноска како и студентките Ана Алексова и Рахела Бушиноска зборуваа за жените кои ги инспирирале, позицијата и улогата на жените во дигиталното општество.

Дебатата беше модерирана од доц. д-р Мерсиха Исмајлоска, а во дебатата активно се вклучија и присутните. Беа истакнати предностите за присуството на жените во информатичките науки и технологии, но беа дискутирани и разликите во стапките на учество на жените и мажите на пазарот на труд

The post Универзитетот за информатички науки и технологии „Св. Апостол Павле“, со дебата го одбележа 8 Март, Интернационалниот ден на жената appeared first on Република.

„Не сакаме тава, сакаме права“, „Денеска марш, утре штрајк“, „Држава што не постапува е држава што убива“ – ова се дел од пораките кои беа испратени на денешниот марш за женските права во центарот на Скопје, кој се одржа на Меѓнародниот ден на жената – 8 Март.

На маршот, кој започна од плоштадот „Филип Втори“ во Скопје, беа побарани заштита, сигурност, социјална и здравствена правда, како и економска сигурност за жените.

Во 2023 година, жените и девојките сѐ уште се дискриминирани во секој поглед и не остваруваат ниту еднакви права, ниту еднакви можности, ниту дома, ниту на работа, ниту во политиката, ниту во социјалниот живот. Во 2023 година жените се соочени со политики кои не ги препознаваат нивните потреби, со институции кои не ги заштитуваат, механизми кои се слепи кон потребите за унапредување на родовата еднаквост и култура на насилство и мизогинија која постојано се шири, истакнаа од Платформата за родова еднаквост.

Оттаму потенцираа дека жените и девојките во земјава се соочуваат со колективна негрижа.

Да се биде жена значи да прифаќаш краткотрајна работа, работа на црно и под маса, без ресурси за стабилна кариера, без социјална заштита и регулација. Да се биде девојка во Македонија значи да се прашуваш дали ќе го преживееш ова возење со такси без таксистот да те вознемирува, дали ќе добиеш секакви коментари, закани на социјалните мрежи дали твои фотографии ќе бидат користени како порнографија, дали ќе имаш пристап до гинеколог и беспалатно пап тестирање, дали ќе ја преживееше следната лекарска рутинска интервенција дали ќе го преживееш пораѓањето. Да се биде жена во Македонија значи да се прашуваш дали ќе го преживееш секојдневното насилство од партнерот кое веќе си го пријавил, но институциите кои требало да те заштитат само направиле записник и не потапиле, не те запштитиле, истакна Надица Банишка, една од учесниците на маршот.

Маршот заврши во Паркот „Жена Борец“.

The post „Не сакаме тава, сакаме права“: Женски марш за 8 Март во Скопје appeared first on Република.

Родовата еднаквост е повеќе од цел сама по себе, тоа е предуслов за намалување на сиромаштијата, промоција на одржлив развој и градење на добро владеење“ кажа поранешниот генералниот секретар на ОН Кофи Анан. И навистина низ неговите зборови најдобро се опишува борбата за родова еднаквост, затоа што тоа не е цел сама по себе, туку е само дел од поширок спектар на добри практики кои мора да бидат исполнети, ако сакаме здраво општество, базирано на еднаквост, почит и просперитет, истакна во Честитката за 8ми март- Меѓународен ден на жената од претседателот на ВМРО-ДПМНЕ, Христијан Мицкоски.

-Не е доволно само декларативна заложба за родова еднаквост, како што тоа го прави актуелната власт, тоа е потценување на интелигенцијата на жените, потребни се коренити промени, а тие доаѓаат најпрво преку градење на систем на добро владеење кој се темели на закони и правила, а не на криминал и криминални кланови кои го загрозуваат животот на граѓаните.

Не е доволно власта да се залага за еднаквост, а жените, исто како и мажите, да тонат во сиромаштија заради тоа што власта е криминална и краде.

Потребни се големи чекори напред. Потребна е вистинска заложба и искрени намери, не за политички поени, туку за подобра иднина на нашите деца.
Честит 8 Mарт. Промените ќе дојдат, стои во честитката.

The post Мицкоски за 8 Mарт: Потребни се промени, ако сакаме здраво општество базирано на еднаквост, не декларативна заложба за еднаквост appeared first on Република.

Родовата еднаквост е предуслов за слободно, развиено, демократско, праведно и отворено општество. 8-ми Март е Меѓународен ден на жената преку кој се одбележува борбата за политичка, економска и социјална рамноправност помеѓу жените и мажите. За да го испочитуваме овој меѓународен празник треба секојдневно да дејствуваме против родова стереотипизација.

Чест ми е денеска да кажам што во Министерството за економија со кое што јас раководам, поголем дел односно 65 % од вкупниот број на вработени се жени, објави ан својот Фејсбук профил Министерот за економија Крешник Бектеши.

The post Бектеши го честита 8-ми Март-Меѓународниот ден на жената: На вкупно 66% од раководните позиции во Министерството за економија се жени appeared first on Република.

Градоначалникот на општина Куманово Максим Димитриевски упати честитка по повод Меѓународниот ден на жената 8 Март потенцирајќи дека местото на жената е кадешто се носат одлуките и потребно е да се надминат родовите стереотипи.

Почитувани дами, од мое лично име и од името на Општина Куманово Ви го честитам денешниот Ден на жената-8 Март! Жената е столб на семејството во секое општество, која треба да се почитува секој ден. Ви посакувам секојдневно внимание и љубов од најблиските, затоа што Вие тоа го заслужувате. Среќни сме што жените се активно вклучени во сите процеси на креирање на локални политики и носење одлуки со цел развој на Општина Куманово. Во Советот е запазена родовата еднаквост, претседателката на Советот на Општина Куманово е жена, имаме жени раководителки на 4 многу значајни сектори во Општината и секогаш се залагаме за целосна еднаквост помеѓу мажите и жените. Ова е нашето заедничко општество кадешто мораме да бидеме еднакви, затоа што само на овој начин можеме да одиме заеднички напред. Местото на жената е кадешто се носат одлуките!“, се вели во честитката на Димитриевски.

The post Димитриевски: Местото на жената е каде што се носат одлуките, да ги надминеме родовите стереотипи appeared first on Република.

„Ќе преживеат ли жените овде?“ е слоганот под кој денеска ќе се маршира во центарот на Скопје, а по повод Меѓународниот ден за политичка и општествена борба за рамноправност на жените – 8 март.

Протестниот марш го организира Платформата за родова еднаквост и тој, велат, е одраз на случувањата во нашата земја и колективната негрижа кон жените и девојките во секој поглед.

„Во 2023 година, жените и девојките сѐ уште се дискриминирани во секој поглед и не остваруваат ниту еднакви права, ниту еднакви можности, ниту дома, ниту на работа, ниту во политиката, ниту во социјалниот живот“, велат од Платформата.

Жените кај нас, сметаат од Платформата, се соочени со политиките кои не ги препознаваат нивните потреби, со институции кои не ги заштитуваат, со механизми кои се слепи кон потребите за унапредување на родовата еднаквост и со култура на насилство и мизогинија, па затоа гласно ќе прашаат „Ќе преживеат ли жените овде“.

Протестниот марш треба да започне во 18 часот од плоштадот „Филип Втори“, а ќе заврши во паркот „Жена Борец“.

The post Под слоганот „Ќе преживеат ли жените овде?“ попладнево во Скопје ќе се маршира за женските права appeared first on Република.

Собранието денеска ќе ја одржи 107. седница, прва пленарна седница исклучиво посветена на унапредување на родовата еднаквост. Истовремено се одбележува и 20-годишнината од формирањето на Клубот на пратенички.

На дневен ред на оваа седница е Информацијата за напредокот за родовите прашања во последните две децении во Република Македонија. Информацијата ќе ја презентира министерката за труд и социјална политика Јована Тренчевска, а збор ќе земат и актуелни пратенички.

Како што информираат од собраниската прес-служба, на крајот од пленарната седница планирано е е да бидат донесени заклучоци. Седницата ќе се одржи во сала „Македонија“, а поради присуството на повеќе гости истата ќе биде следена и од салата „Голема купола“.

Од Собранието најавуваат дека како гости ќе присуствуваат министерките во Владата на Република Македонија, заменик-министерки, претставници на дипломатскиот кор и на домашни и на меѓународни невладини организации, со акцент на НДИ, ОБСЕ и UN Women, кои континуирано соработуваат со Клубот на пратенички во Собранието, од формирањето во 2003 до денес.

Посочуваат дека покани за присуство се испратени и до поранешни министерки во Владата, како и до поранешните пратенички во периодот од 2003 година, односно почнувајќи од четвртиот состав на Собранието (2002 – 2006 година), заклучно со претходниот состав (2016-2020 година).

Во чест на јубилејот на Клуб на пратенички по завршувањето на пленарната седница во Кристална сала е планирана и пригодна свеченост на која ќе бидат доделени благодарници на поранешните претседателки на Клубот на пратенички, на организациите кои дале иницијатива и учествувале во основањето на Клубот и на неколку меѓународни организации.

На свечениот дел, како што потенцираат од собраниската прес-служба, покрај претседателот на Собранието Талат Џафери, ќе се обрати поранешната пратеничка Елеонора Петрова – Митевска, првата претседателка на Клубот на пратенички, а во име на сите добитници на благодарници ќе се обрати Цветанка Иванова, поранешна претседателка на Клубот на пратенички и актуелна генерална секретрака на Собранието. Благодарниците ќе ги додели актуелната претседателката на Клубот на пратенички, Лолита Ристова.

The post Собранието ќе посвети цела една седница на унапредување на родовата еднаквост appeared first on Република.

Унијата на жени на ОК ВМРО-ДПМНЕ од Прилеп денеска се огласи и побара одговор од претседателот на СДСМ и премиер Димитар Ковачевски на прашања порзани за почитувањето и грижата на жените.

Според Билјана Кузманоска, претседателка на Унијата на жени при ОК на ВМРО-ДПМНЕ од Прилеп, Ковачевски не води грижа за правата на жените ниту бара одговор на некои суштински прашања.

Почитувани,
Денес во Прилеп доаѓа Димитар Ковачевски, на традиционален осмомартовски марш, по повод меѓународниот ден на жената 8-ми март. Каква иронија!
Човекот, кој пред само некој ден, со крајно дрско и безобразно однесување кон пратеничка од редот на опозициската ВМРО-ДПМНЕ, денес ќе маршира за правата на жените? За каква солидарност, за какво изедначување на жените и мажите ќе зборува Ковачевски, кога лично тој самиот, преку пример, покажа едно крајно непочитување на жената?!
Во време кога државата се распаѓа на сите страни, во сите области без исклучок, Димитар Ковачевски си организира некакви партиски настани, со автобуси од други градови. Кој ли ќе ги плати ваквите политичките екскурзии, или сето тоа ќе оди на грбот на и онака осиромашениот народ? Осиромашениот народ кој благодарение на неспособноста на владата беше оставен без леб! Осиромашениот народ кој благодарение на СДСМ, е оставен веќе подолг период со највисока инфлација во регионот, со најскапи основни продукти за живот, со прескапо платена електрична енергија, додека цветаат бизнисите со струја, на лица блиски од власта?!
Дали Ковачевски можеби ќе побара одговорност од директорката на прилепската болница за хаосот и безредието кои владеат во болницата, ќе се заинтересира за прерано згаснатите животи на пациенти, за интрахоспиталните инфекции за кои експертите излегоа со став дека се недозволиви во 21 век?! Или овие прашање не се во неговата агенда, затоа што ќе го рушат неговиот и онака низок рејтинг?
Како за крај, дали Ковачевски пред присутните ќе собере храброст да каже збор два за историјата и за Участакот пред кој ќе говори, за бугарската полиција и фашистичката окупација во Македонија? Или ќе премолчи за сите битни работи, како и досега, за да не го искараат од соседството?
Почитувани, крајот на владата предводена од СДСМ и Ковачески е неминовен. Само така Републка Македонија ќе може да продолжи по патот на успехот, со вистински реформи и еднаква грижа за сите граѓани.

The post Човекот кој пред само некој ден беше крајно дрзок и безобразен кон пратеничка денеска маршира за права на жените? appeared first on Република.

Огнени знаци: Овен, Лав, Стрелец

Пред да тргнете да купувате подарок за огнените дами, добро слушајте за што зборуваат, што сакаат и планираат да купат, а потоа изненадете ги.

Добра идеја е да им уплатите некое патување или третман во спа центар. Накит нема да одбијат, но нека не биде претенциозен.

Романтична вечера во некој убав удобен ресторан. Исто така, можете сами да им направите вечера, сервирана со свеќи, добро вино и многу бакнежи…

Жените кои припаѓаат на огнените хоропски знаци наизглед се јаки и самостојни, но во суштина се кревки и нежни.

Земјени знаци: Бик, Девица, Јарец

Овие дами обожуваат слатки, но и добра храна. Тие се најголеми гурмани во хороскопот. Затоа, резервирајте вечера во нејзиниот омилен ресторан. Можете да земете и нешто слатко.

Можете и сами нешто да подготвите, но не претерувајте со романтична атмосфера, бидејќи тие не сакаат многу тоа.

Овие жени се деловни и можете да им подарите нешто поврзано со работата како, квалитетно пенкало, интересен календар или торба за компјутер.

Воздушни знаци: Близнаци, Вага, Водолија

Со овие жени морате внимателно, не смеете да претерувате.

Тие најмногу сакаат ситници како добра книга, нешто слатко, миризлива свеќа, марама или шал.

Исто така, можете да ја однесете на театар, во кино, на некоја изложба.

Водени знаци: Рак, Шкорпија, Риби

Овие жени сакаат изненадувања. Затоа не ги прашувајте што сакаат, едноставно изненадете ги!

Добро вино е одличен подарок за нив, а може и парче долна облека.

Можете да ја однесете на романтична вечера.

The post Се ближи 8. Март: Што да ѝ подарите според нејзиниот хороскопски знак? appeared first on Република.

Се ближи 8.Март, а доколку немате идеја што да подарите еве неколку предлози.

Огнени знаци: Овен, Лав, Стрелец

Пред да тргнете да купувате подарок за огнените дами, добро слушајте за што зборуваат, што сакаат и планираат да купат, а потоа изненадете ги.

Добра идеја е да им уплатите некое патување или третман во спа центар. Накит нема да одбијат, но нека не биде претенциозен.

Романтична вечера во некој убав удобен ресторан. Исто така, можете сами да им направите вечера, сервирана со свеќи, добро вино и многу бакнежи…

Жените кои припаѓаат на огнените хоропски знаци наизглед се јаки и самостојни, но во суштина се кревки и нежни.

Земјени знаци: Бик, Девица, Јарец

Овие дами обожуваат слатки, но и добра храна. Тие се најголеми гурмани во хороскопот. Затоа, резервирајте вечера во нејзиниот омилен ресторан. Можете да земете и нешто слатко.

Можете и сами нешто да подготвите, но не претерувајте со романтична атмосфера, бидејќи тие не сакаат многу тоа.

Овие жени се деловни и можете да им подарите нешто поврзано со работата како, квалитетно пенкало, интересен календар или торба за компјутер.

Воздушни знаци: Близнаци, Вага, Водолија

Со овие жени морате внимателно, не смеете да претерувате.

Тие најмногу сакаат ситници како добра книга, нешто слатко, миризлива свеќа, марама или шал.

Исто така, можете да ја однесете на театар, во кино, на некоја изложба.

Водени знаци: Рак, Шкорпија, Риби

Овие жени сакаат изненадувања. Затоа не ги прашувајте што сакаат, едноставно изненадете ги!

Добро вино е одличен подарок за нив, а може и парче долна облека.

Можете да ја однесете на романтична вечера.

The post Се ближи 8 Март: Што да ѝ подарите според нејзиниот хороскопски знак? appeared first on Република.

По повод 8 март, Меѓународниот ден на жената, НУ Музеј-Куманово ја организира изложбата “Фем (м) Арт“ со дела од македонски авторки од својот Фонд.

Изложбата ќе биде отворена на 3 март/23 во Салонот на Уметничката галерија од 20 ч.

Авторки: Ана Темкова, Вана Урошевиќ, Симонида Филипова Китановска, Жанета Гелевска, Микица Трујкановиќ, Тања Балаќ, Гордана Даутовска, Кристина Божурска, Марина Цветановска-Мартиновска, Лилјана Кекеновска Пауновска, Маријета Сидовски, Мирјана Крстева Масетти, Андријана Мациев, Марија Марковска, Анка Стоилковска, Маргарита Аврамовска, Ивана Тушевска, Валентина Илиjевска, Тања Соларска Темелковски, Ангелина Поповска, Наташа Серафимовска, Мирослава Цветковиќ, Бисера Младеновска, Кристина Хаџиева, Марија Мицова Гацова, Мила Трендафиловска, Ивана Настески, Симона Јакимовска и Марија Трајаноска.

The post За Меѓународниот ден на жената, НУ Музеј-Куманово организира изложба “Фем (м) Арт“ со дела од македонски авторки од својот Фонд appeared first on Република.

Поранешната функционерка на СДСМ, Софија Куновска, се потсетува на свој коментар од пред четири години дека СДСМ само декларативно се залага за подобрување на правата на жените, нешто што владејачката партија го прави и денес.

Откако не ја исполнија ниту сопствената измена на Статутот на СДСМ за 40% учество на жените во политиката, уште еден 8 март со празни и глупи изјави за наводна грижа за жените - стои во пораката на Куновска.

The post Куновска: СДСМ уште еден 8 март со празни и глупи изјави за наводна грижа за жените appeared first on Република.

Раководството на локалната власт во Куманово одржа празничен состанок со дел од раководниот женски тим во Општината.

На состанокот, сите припаднички од понежниот пол во општинската администрација беа изненадени со подарок по повод Денот на жената - 8 Март.

Особено сум горд што женскиот тим како 44% од Општинска администрација е една од главните алки во Општина Куманово за домаќинско и успешно работење во нашата институција, 3 многу значајни сектори во Општината ги водат жени, а и претседател на Советот на Општина Куманово е жена. Жените се значаен дел од тимот и секојдневно заеднички креираме, дебатираме и носиме локални политики кои имаат за цел да го подобрат животот на сите кумановци.

 

Како градоначалник ќе продолжам да се грижам подеднакво за секој еден вработен во општината, да се залагам за родова еднаквост и да создавам подобри услови и можности за работа на секоја жена, затоа што само заеднички можеме да ги менуваме работите на подобро. Честит 8 Март! - порача градоначланикот на Куманово, Максим Димитриевски.

The post Максим Димитриевски: Женскиот дел од општинската администрација е еден од главните алки во општината за домаќинско и успешно работење во институцијата appeared first on Република.

Здравко Чолиќ, кој има огромен број обожаватели и особено обожавателки, одлучи да го честита денешниот празник со нова песна.

Драги пријатели, ви подаруваме нова песна - ‘Сто дуката‘. Среќен 8 Март на сите дами“, се вели во инстаграм-објавата на пејачот.

https://www.youtube.com/watch?v=PdZFg0o7pIk

The post Здравко Чолиќ го честиташе 8 Март со нова песна appeared first on Република.

Овен

Вашиот ум може да биде немирен поради неодамнешни настани. Игнорирајте ги луѓето што бараат заем од вас. Ако чувствувате напнатост, разговарајте со близок роднина или пријател, тоа ќе го олесни товарот на вашето срце. Не кажувајте ништо грубо на вашиот партнер на овој ден. Водете ги луѓето на работното место, бидејќи вашата лојалност ќе се покаже како корисна во непредокот. Скриените непријатели ќе бидат нестрпливи да шират гласини за вас.

Бик

Непотребната грижа за иднината може да ве направи немирни. Мора да разберете дека вистинската среќа доаѓа од уживањето во сегашноста и не потпирањето на иднината. Сè има своја радост, дури и темнината и тишината. Вашите желби ќе се исполнат, а напорната работа од претходниот ден исто така ќе се исплати. Вашата смешна природа ќе ја расположи вашата околината. И покрај притисокот на вашиот ум, вашиот партнер ќе ве израдува.

Близнаци

Недостатокот на волја може да ве доведе до емоционални и ментални проблеми. Размислете за новите инвестициски можности што може да ви се појават денес. Но, инвестирајте пари само кога темелно ќе ги проучите плановите. Денес чукањето на вашето срце ќе изгледа како да е синхронизирано со вашиот партнер. Добар ден е да започнете нов проект во партнерство. Ова ќе им користи на сите.

Рак

Ќе бидете полни со енергија денес и ќе направите нешто необично. Добар ден за инвестиции, но инвестирајте само со соодветен совет. На здравјето на вашите родители му треба повеќе внимание. Треба да поминете време со вашиот партнер, за да можете и двајцата подобро да се запознаете и разберете. Постарите колеги и роднини ќе подадат рака за помош. Треба да запомните дека Бог им помага на оние кои самите си помагаат.

Лав

Надминете ја вашата навика да живеете само со еден ден на ум и не трошете премногу време и пари на забава. Периодот е добар за да учествувате во активности кои вклучуваат млади луѓе. Помогнете да се оствари нечиј сон за успех во љубовта. Здравјето и нивото на енергија нема да ве поддржат на работа. Бидете искрени во разговорите, бидејќи ниту еден вид трик нема да ви помогне.

Девица

За да се отстрани омразата, прифатете ја природата на сочувството, бидејќи огнот на омразата е многу моќен и влијае на телото, како и на умот. Запомнете дека злото може да изгледа попривлечно отколку доброто, но има само лош ефект. Можете да заработите многу пари денес, но не дозволувајте да ви се лизнат од раце. Не откривајте информации што се лични и доверливи. Турбулентното расположение на вашиот сакана може да ве вознемири. Користете ги новите идеи за правење пари што ви паѓаат на ум денес.

Вага

Охрабрете се да прифатите позитивни емоции како љубов, надеж, емпатија, оптимизам и лојалност. Откако овие квалитети се вкоренети во вас, тие автоматски ќе се појават на позитивен начин во секоја ситуација. Можете да заработите добри пари, под услов да инвестирате традиционално. Може да дојде до одредена тензија поради роднините. Контролирајте се за да ја надминете ситуацијата. Денес ќе почувствувате како љубовта доаѓа во вашиот живот.

Скорпија

Вашата силна самодоверба и лесната работа на денешницата заедно ќе ви дадат многу време за одмор. Вашите трошоци може да го расипат буџетот и затоа многу планови може да заглават на пола. Денес треба да ја користите вашата интелигенција и влијание за да ги решите чувствителните домашни прашања. Чувајте се подалеку од сè што е погрешно и непотребно, бидејќи може да влезете во неволја поради тоа.

Стрелец

Емотивно ќе бидете несигурни и немирни за она што го сакате. Поради финансиско подобрување, ќе можете лесно да ги враќате сметките и заемите што чекаат долго време. Некои луѓе ветуваат дека ќе направат повеќе отколку што можат. Заборавете на луѓето кои знаат само лажат и да не даваат резултат. Ќе се чувствувате целосно празно во отсуство на вашиот партнер. Вашиот шеф нема да покаже интерес за никакво оправдување, затоа сработете ја вашата работа добро.

Јарец

Трошоците ќе се зголемат, но во исто време зголемувањето на приходот ќе го избалансира. Домашните ќе ја критикуваат вашата навика на трошење. Треба да депонирате пари за иднината, во спротивно може да имате неволја во иднина. Денес е можно некој да ви се допадне на прв поглед. Работите изгледаат подобро на работното место. Вашето расположение ќе биде добро во текот на денот. Ќе добивате важни повици од места од каде што никогаш не сте ги замислиле.

Водолија

Искористете ја вашата енергија за да му помогнете на некој што е во неволја. Бидете многу внимателни во трансакциите поврзани со банка. Периодот на тензија ќе остане, но поддршката од семејството ќе помогне. Очекувајте среќна нова врска. Менталната јасност ќе ви даде предност пред вашите конкуренти во бизнисот. Ќе бидете успешни и во елиминирање на сите стари дилеми. Денес, постои потреба да се преземат свесни чекори каде што умот треба повеќе да се користи наместо срцето.

Риби

Соработката на луѓето околу ќе ви даде пријатно чувство. Новите завети може да изгледаат корисни, но тие нема да ги дадат очекуваните придобивки. Не донесувајте избрзани одлуки додека инвестирате. Вашата жед за знаење ќе се покаже како корисна при стекнување нови пријатели. Без разлика каде сте, љубовта ќе ве однесе во нов и единствен свет. Исто така денес можете да одите на романтично патување. Ќе им пружите рака на ветување на оние кои ќе молат за ваша помош.

The post Хороскоп за 8 март: Раковите полни со енергија, Стрелците немирни, нови идеи за Девиците… appeared first on Република.

Професорката Гордана Силјановска-Давкова која е добра познавачка на родовите политики во земјава, низ фејсбук објава, сумира за актуелната положба на жените во македонското општество.

Нејзиниот статус ви го пренесуваме во целост.

-8 -ми март, ден на ЖЕНИТЕ: тони цвеќиња, неброени (не)искрени машки честитки, бесмислени прослави, по некоја дебата за женските права како човекови права, со поздравна реч на некој „ владетел“ кој ќе глаголи за “ginger”/gender balance, малку автентични женски протести.

Македонската политика останува машка, иако е од ЖЕНСКИ род. Кај што е моќта, таму се мажите - во владата, но и и на клучните позиции во судството, економијата, МАНУ, образованието и универзитетите, здравството....

Четирите министерки и двете заменички, наспроти шеснаесетина па и повеќе мажи се повеќе политички декор, одошто демократски баланс. Само две жени градоначалнички се капка во машкото море. Колку да се стори ред, вели народот. Во собранието пак, пристојна бројка од педесет жени: навидум, потенцијална критичка маса на женски ум, женска мисла, женски збор и женско писмо, женско знаење, женска политичка креација. Но, бројката (о)станува маса во отуство на храброст да се премине партискиот Рубикон и да се гласа „против“ доминантно машката понуда дури и кога е очигледно интелектуално, професионално и етички импотентна, што оневозможува да запливаме во стилот на „ пеперутка“ во матните (не)демократските политички води.

Како да се ближи крајот на Ковид- 19 кризата: се бројат жртвите, физички и психички повредените, осиромашените.... И...повторно, најранливите, меѓу кои и жените се најпогодените, како и во секоја друга криза.

Се чини дека, пак, како во “ Декамерон“ на Бокачо, НИЕ- ЖЕНИТЕ ќе доминираме како нараторки на стотина новели, повеќе трагични, одошто еротични. Се надевам дека зад нив барем ќе застане некоја АВТОРКА, на која и се познати и блиски феминистичките бранови, персонифицирани во Мери Волстоункрафт, Бети Фридан, Кејт Милет.....

Посакувам феминистички бранови да прераснат во ЖЕНСКА БУРА, оти за мене, ПОЛИТИЧКОТО НЕ Е ЛИЧНО!

Сепак, ЧЕСТИТ 8-ми МАРТ, празник на ХРАБРИТЕ ЖЕНИ во се уште машкиот свет!

The post Проф. Силјановска-Давкова: Честит 8-ми Март, празник на храбрите жени во се уште машкиот свет! appeared first on Република.

Претседателката на Европската комисија, Урсула фон дер Лајен, се огласи на Твитер на 8 Mарт, Меѓународниот ден на жената.

The post Фон дер Лајен: На ​​овој Меѓународен ден на жената моето срце е со сите Украинки appeared first on Република.

По повод одбележувањето на Меѓународниот ден на жените, претседателот Стево Пендаровски ја упати следнава порака:

Денеска кога ја одбележуваме борбата на жените за економска, политичка и социјална рамноправност, како и достигнувањата во повеќе сфери, да се потсетиме дека борбата за женските права е секојдневна и сѐ уште е борба за еднаквост и достоинствен живот.

Покрај зголемената свест за правата на жените, донесените законски решенија и програми, на патот кон еднаквоста ни остануваат многу предизвици во однос на доследната имплементација на политиките, како и во поглед на образованието и промената на родовите стереотипи и норми. Жените сѐ уште не се доволно застапени на политичките и економските позиции каде се носат клучните одлуки, а економската нееднаквост е јасно видлива и во бројни сектори каде жените се соочуваат со дискриминација и во поглед на платата и во поглед на пристапот и работните услови. Потребата од системско и доследно законско постапување на релевантните институции е клучно кон спречување и заштита од насилство врз жените.

Конфликтите и мировните операции ни покажуваат дека жените можат еднакво да бидат во првите редови, одлучно да се борат за правда, да придонесуваат во разрешувањето на конфликти, а честопати токму жените се жртви на воени злосторства. Не само денеска, секој ден е потребно да оддадеме почит за храброста на жените во воените конфликти и нивната улога во помирувањето.

Пандемијата нè соочи со растечка нееднаквост во многу сфери. Соочени со предизвиците, жените повторно го понесоа поголемиот товар, преземајќи на себе многукратни улоги и неплатен труд во одржувањето на домовите, образованието на децата, грижата за повозрасните.

Имаме заедничка одговорност да правиме проценка како одлуките што ги носиме и јавните политики што ги креираме влијаат на жените. Сите имаме одговорност, но пред сè релевантните институции и политичките чинители, за промените кои ќе овозможат поголемо учество на жените во политиката, донесувањето на одлуките, креирање на политиките, управување со процесите, економскиот развој, науката и иновациите.

Родовата еднаквост е предуслов за слободно, развиено, демократско, праведно и отворено општество. Ги поздравувам заложбите на сите чинители кои работат на унапредување на родовата еднаквост и создавање на општество во кое жените сами ќе ги носат своите животни одлуки, ослободени од родово базирано насилство и сексизам, општество во кое на девојчињата нема да им биде спречен развојот поради предрасуди и стереотипи.

Честит 8 Март.

The post Пендаровски: Родовата еднаквост е предуслов за слободно, развиено, демократско, праведно и отворено општество appeared first on Република.

Францускиот институт во Скопје по повод 8 Март ја организира проекцијата на филмот „Старателство" во Кинотека на Македонија (утре во 20 часот).

Филмот е со ангажирана тематика и се прикажува по повод 8 Март, Меѓународниот ден на женските права, а воедно е и прв настан од серијата активности во знак на одбележување на месецот на Франкофонијата.

„Старателство“ е филм на Гзавие Легран, од 2017, со Леа Дрикер, Дени Миноше и Тома Жорија во главните улоги.

Филмот ја обработува темата за децата како жртви при бракоразводна постапка на родителите, но и за насилството во рамките на семејството.

Филмот е добитник е на бројни награди, меѓу кои и 4 награди Цезар: најдобар филм, најдобра женска улога, најдобро сценарио и најдобра филмска монтажа.

The post По повод 8 Март Францускиот институт ќе го прикаже филмот „Старателство“ во Кинотека appeared first on Република.