Вработените во здравството нема да добијат усогласување на платите со порастот на минималната плата поради непотпишувањето на анексот на колективниот договор. Поради тоа на 8 април најавуваат протест што ќе почне од пред зградата на Сојузот на синдикати на Македонија, а ќе заврши пред Министерството за здравство.

Протестот ќе биде токму во насока на изразување незадоволство од непотпишувањето на анексот на колективниот договор којшто веќе беше завршена работа, но поради политичките игри остана непотпишан и со тоа повеќе од 20 илјади работници во здравството остануваат без усогласувањето на нивните плати со порастот на минималната плата, соопшти денеска претседателот на ССМ Слободан Трендафилов.

Според информациите на ССМ, освен вработените во здравството, усогласување на платите ќе нема и во образованието и во Министерството за внатрешни работи.

Усогласување со порастот на минималната плата ќе нема и во образованието поради непотпишување на колективниот договор. Според моите сознанија, и вработените во Министерството за внатрешни работи нема да добијат усогласување на палтите, меѓутоа управата на локално ниво, правосудството, Правобранителството, јавнообвинителската служба, судската служба и.т.н. ќе добијат усогласување имајќи предвид дека Синдикатот на УПОЗ потпиша низа колективни договори каде ова право е утврдено меѓутоа и законските решенија, кои се обидуваа на мала врата да ги сменат пред објавата на висината на минималната плата, го овозможуваат тоа, истакна Трендафилов.

The post Вработените во здравството најавуваат протест на 8 април, нема да добијат усогласување со минималната плата appeared first on Република.

Претседателот на ВМРО-ДПМНЕ Христијан Мицкоски им го честита Меѓународниот ден на Ромите 8 Април. Во обраќањето тој ќе рече дека води битка за подобра иднина и поголем стандард на Ромите и за сите граѓани во Македонија.

Ромската заедница претставува важен сегмент во градење на соживот и меѓусебно почитување во нашата држава. Обезбедување на квалитетен живот, подигање на животниот стандард за сите граѓани, подобра иднина и развој на економијата се приоритет за кои се залага ВМРО-ДПМНЕ.

The post Мојата битка е за подобра иднина и поголем стандард на Ромите и за сите граѓани во Македонија appeared first on Република.

ВМРО-ДПМНЕ на сите припадници на ромската етничка заедница, им го честита Меѓународниот ден на Ромите, 8. Април.

Ромската заедница претставува важен сегмент во градење на соживот и меѓусебно почитување во нашата држава. Обезбедување на квалитетен живот, подигање на животниот стандард за сите граѓани, подобра иднина и развој на економијата се приоритет за кои се залага ВМРО-ДПМНЕ.

Ромската заедница, култура, традиција и обичаи се дел од нашата заедничка сегашност. До сега сме докажале дека како партија работи во интерес на сите граѓани без разлика на нивната етничка, верска или политичка определба.

Во таа насока ќе продолжиме и во иднина да се залагаме за целосна инклузија на Ромите во општеството, да работиме за унапредување на нивните права, почитување на принципот за еднаквост, солидарност и недискриминација.

Воедно во овие моменти кога државата и граѓаните се соочуваат со девастација на секое поле, потребно е да дејствуваме сплотено, посветено се со цел обезбедување на подобра иднина на сегашните и идните генерации, се вели во честитката на ВМРО ДПМНЕ.

ВМРО-ДПМНЕ на сите припадници на ромската заедница им посакува успех и благосостојба.

The post ВМРО ДПМНЕ: Ромската заедница претставува важен сегмент во градење на соживот и меѓусебно почитување во нашата држава appeared first on Република.