Потпретседателката на ВМРО-ДПМНЕ, Гордана Димитриеска-Кочоска, во интервју за „360 степени“ на МРТ 1, одговара на прашања за нејзиното учество на претстојните избори, исходот од нив и евентуалната функција ако ВМРО-ДПМНЕ е дел од идната влада

Претседателот на ВМРО-ДПМНЕ, Христијан Мицкоски, добро ги познава моите квалитети и стручност и најдобро знае каде можам да одговорам со мојот ангажман, вели потпретседателката на опозициската партија Гордана Димитриеска-Кочоска како одговор на прашањето – зошто, иако е потпретседателка, нема да биде носителка на пратеничка листа на претстојните парламентарни избори.

Јас, покрај тоа што сум потпретседател на партијата и, на некој начин, одговорна за финансискиот дел, да не заборавиме дека уште од назначувањето за претседател на партијата на проф. д-р Христијан Мицкоски, бев претседател на комисијата за надзор на материјалното и финансиското работење и тоа, впрочем, е договорот што го постигнавме ние двајца уште во 2017 година кога беше неговиот избор. Како резултат на тоа, мојата приоритетна цел и задача тука е надзор на материјалното и финансиското работење на партијата“, рече Димитриеска-Кочоска, дополнувајќи дека за неа е логично да биде повеќе присутна во седиштето на ВМРО-ДПМНЕ и да ги следи финансиите во текот на изборите.

The post Димитриеска-Кочоска: Ќе победиме со 61 пратеник appeared first on Република.

Потребни ни е 61 пратеник во македонското Собрание за достојна просперитетна напредна Македонија која ќе биде мајка на сите граѓани без разлика на етничката припадност, рече вечерва претседателот на ВМРО - ДПМНЕ Христијан Мицкоски, на отворањето на Централниот изборен штаб во Куманово. Тој изрази убедување дека победник на претседателските избори ќе биде Гордана Силјановска Давкова, единствена која доставила кандидатура за претседател на јавниот оглас на партијата.

Според Мицкоски, периодот е значаен за државата, за граѓаните и важно е да се искористи, овој како што кажа, историски момент кој е одлучувачки за следните децении и векови. Борбата, како што рече, ќе се води се до 8 мај кога ќе има двојна победа.

Претседателот на ВМРО - ДПМНЕ кажа дека нема трет пат и ги повика граѓаните да не веруваат на популисти.

Нема трет пат којшто ќе ве погледа, кој ќе застане пред вас и ќе ви кажува дека се третата опција, знаете дека ве лажат. Тие имаат единствена цел и задача да ги поделат антивладините гласови да се претстават пред вас како луѓе кои не сакаат да се обединети околу единствената антивладина опција а тоа е ВМРО - ДПМНЕ и коалицијата. Тие луѓе свесно или несвесно работат за оние кои 6, 5 години ја клекнаа Македонија на колена и ја понижија, рече Мицкоски.

Зборувајќи за 2021 кажа дека ВМРО-ДПМНЕ оствариле победа на локалните избори, првпат во историјата на државата од опозиција. Тој кажа дека и 44 пратеници не потклекнале и не дозволиле промена на устав под бугарски диктат. Дел од нив кажа ќе бидат „старо-нови титани“ кои ќе кажат „не“ за промената на Уставот под бугарски диктат. За претседателскиот кандидат Гордана Силјановска - Давкова рече дека е идниот претседател на државата и ги повика сите да се обединат, за 61 пратеник за ВМРО - ДПМНЕ и Коалицијата.

За помалку од 45 дена почнува кампањата. Денеска заврши јавниот повик со којшто ВМРО - ДПМНЕ излезе транспарентно со јасни услови за идниот претседател на Македонија. Зошто велам идниот затоа што вие ВМРО - ДПМНЕ и Коалицијата коишто ќе застанат на следните претседателски избори, сигурно е новиот претседател на Македонија, пристигна една кандидатура која ги исполнува условите, тоа е на кандидатурата на професорот Гордана Силјановска Давкова, идниот претседател на Македонија, рече Мицкоски.

Пред присутните кажа дека е убеден во победата, дека граѓаните сакаат достојна и просперитетна Македонија за сите нејзини граѓани и додаде дека во Куманово очекува победа на претстојните избори и на следните локални избори.

На собирот зборуваа и потпретседателот на ВМРО - ДПМНЕ Владо Мисајловски и претседатеот на ОК на ВМРО - ДПМНЕ Куманово, Бобан Николовски кои кажаа дека ова е одлучувачки период и ги повикаа кумановци да се заложат за победа на претстојните двојни избори.

The post Мицкоски: Потребен ни е 61 пратеник, новиот претседател ќе биде Силјановска – Давкова appeared first on Република.

Претседателот на ВМРО-ДПМНЕ, Христијан Мицкоски по повод празникот, заштитник на лозарите, Свети Трифун денеска беше во посета на Општина Кавадарци и Неготино каде што учествуваше на симболичното закројување на лозовите насади.

После настанот претседателот Мицкоски даде изјава за медиумите каде што, меѓу другото, од новинарите беше запрашан за неговите очекувања по денешното распишување на изборите кое се очекува да се случи некаде околу 17 часот.

Мицкоски изјави дека на парламентарните избори очекува историска победа на коалицијата предводена од ВМРО-ДПМНЕ со освојување на повеќе од 61 пратеник, додека на претседателските, исто така, да победи кандидатот кој што биде поддржан од ВМРО-ДПМНЕ и коалицијата.

Очекувам историска победа на коалицијата предводена од ВМРО-ДПМНЕ, од повеќе од 61 пратеник и очекувам идниот претседател да биде кандидатот кој што ќе поддржи ВМРО-ДПМНЕ и коалицијата, рече Мицкоски.

The post Мицкоски: Очекувам победа на коалицијата предводена од ВМРО-ДПМНЕ со повеќе од 61 пратеник appeared first on Република.