Министерот за внатрешни работи Оливер Спасовски, одговарајќи на новинарско прашање во врска со наводите за вмешаност на синот на заменик-министерот за внатрешни работи Назим Буши во кражба на масло од канабис од фабриката „5 Леттерс“, рече дека станува збор за шпекулации и дека денеска ќе информираат за случајот, нагласувајќи дека секој кој направил прекршок мора да сноси одговорност, сеедно дали станува збор за министер, директор или обичен граѓанин.

https://republika.mk/vesti/crna-hronika/avtomobilot-na-sinot-na-zamenikot-vo-mvr-nazim-bushi-snimen-i-pred-ograbena-fabrika-za-marihuana/

Ова е прашање коешто не се заснова на ниту еден факт и мислам дека е најдобро да ги чуете, да ги дочекаме сите аргументи и факти коишто се однесуваат на целиот овој процес и тие аргументи и факти да ги пласираме во јавноста. Ние во текот на денот ќе излеземе со конкретна информација за овој случај и ќе ги знаеме сите податоци и факти. Тие факти и податоци не соодветствуваат со вашите факти и шпекулации. Многу работи што ги кажавте се шпекулации, нагласи Спасовски, одговарајќи на прашањето колку синот на Буши е опфатен со истрагата за кражбата на маслото од канабис со оглед на тоа што неговиот автомобил бил фотографиран дента кога се случила кражбата во „5 Леттерс“.

https://republika.mk/vesti/makedonija/sin-na-zamenik-ministerot-vo-mvr-e-vozachot-koj-so-flesheri-begashe-od-policijata-koja-se-obide-da-go-sokrie-sluchajot/

The post Според Спасовски шпекулации се фотографиите од автомобилот на синот на Буши пред ограбената фабрика appeared first on Република.

Министерот за внатрешни работи Оливер Спасовски вели дека уште прибираат информации за кражбата во фабриката за марихуана 5 „Летерс“ . Во крушевското село Алдинци неодамна беа украдени над 100 шишиња масло од канабис во вредност од над два милиони евра.

Спасовски посочува дека ова не било прв случај на вакви кражби и оти надлежноста во однос на обезбедувањето на објектите и чувањето си ја имаат фирмите, додека надзорот од овој аспект го врши Министерството за здравство.

Така што ние сме максимално посветени во делот на контролата и надзорот што е во надлежност на МВР. Овде станува збор за кражба за којашто се прибираат податоци, сè со цел сторителите да бидат пронајдени и казнети. Сите досегашни слични грабежи беа расчистени-вели Спасовски во интервју за „Радио Слободна Европа.

„5 Летерс “ за една година два пати е ограбена. Во време на кражбата била во стечајна постапка и не работела. Во фабриката била складирана марихуаната која е дел од стечајната маса.
Пред кражбата била спроведена и вонредна инспекција и било откриено дека е прекршен законот, односно дека фирмата произведувала канабис кој не бил пријавен.

The post Спасовски уште прибира податоци за кражбата во фабриката за канабис на пријателот на Заев appeared first on Република.

Десет дена од кражбата во фабриката за канабис со крушевското село Алдинци нема осомничени, а камоли приведени.

За полицијата и за обвинителството се уште е непознато кој влезе во фабриката и однесе масло од канабис вредно два милиони евра. Навистина е неразбирливо како може некој да влезе во фабриката која има висока жичана ограда и која е обезбедувана од агенција добро позната на јавноста со добри конекции со актуелната власт.

Конкретно непознатите крадци одзеле од фабриката „5 летрес“ 108 шишиња масло од канабис и шест кеси со цвет.

Првата кражба на во оваа фабрика се случи во декември 2020 година кога беа украдени 60 килограми канабис. Оттогаш на фабриката никако да и тргне и сега се наоѓа во стечај. Во политичките кругови се коментира дека за неа се заинтересирани лица од Бугарија.

Хрватски РТЛ во своја емисија тврдеше дека 93% од сопствеништвото на фирмата е во рацете на американски инвеститор, додека 7% има Зоран Јаневски, пријател на премиерот Зоран Заев и член на неговата партија.

https://republika.mk/vesti/makedonija/makedonija-kako-vo-vremeto-na-eskobar-vo-fabrika-za-marihuana-blizu-krushevo-ukradeno-maslo-od-kanabis-vo-vrednost-od-dva-milioni-dolari/

The post Нема осомничени за кражбата на масло од канабис во фабриката каде што удел има другарот на Заев appeared first on Република.

Во Македонија не ограбил фабрика за марихуана само оној што не се обидел. Зачестија грабежите во многубројните погони за прозводство, посебно во источниот дел. Полициски службеници од Полициското одделение Ново Село синоќа во 23 часот затекнале тројца крадци како се обидуваат да извршат тешка кражба во фабрика за производство на марихуана во местото „Добрава” во близина на село Сушица, Струмичко.

Од слобода се лишени Р. К. (23) од село Дрвош, Струмичко, С. Р. (21) и Б. А. (21) од Радовиш. Тие се задржани во Полициска станица Струмица, а за настанот бил запознат Јавен обвинител од Основно јавно обвинителство.

Според информациите од полицијата во текот на денешниот ден против нив се очекува да биде поднесена соодветна пријава.

Минатата недела во фабриката „5 летерс“ во селото Алдинци, крушевско беше украдено масло од канабис вредно два милиони евра.Сторителите се уште не се откриени а фабриката е во стечај.

93% од сопствеништвото на фирмата е во рацете на американски инвеститор, додека 7% има Зоран Јаневски, пријател на премиерот Зоран Заев.

Пред неколку месеци пак слична кражба имаше и во селото Јосифово, струмичко.

https://republika.mk/vesti/makedonija/makedonija-kako-vo-vremeto-na-eskobar-vo-fabrika-za-marihuana-blizu-krushevo-ukradeno-maslo-od-kanabis-vo-vrednost-od-dva-milioni-dolari/

The post Нов обид за грабеж во струмичко: Во Македонија не ограбил фабрика за марихуана само оној што не се обидел appeared first on Република.

Во Македонија стана најлесната работа да се ограби фирма за одгледување марихуана. По кражбите во Крушево  и Јосифово вчера  повторно е ограбена фабриката за марихуана во селото Алданци.

Оваа вест ја објави Драган Ковачки од ВМРО-ДПМНЕ. Според Ковачки,украдено е масло во вредност од два милиони евра.

МВР потврди за кражбата. Оттаму објаснуваат дека на 19.04.2022 во 11.31 часот во СВР Битола, раководител на агенција за обезбедување пријавил дека во периодот од 18.30 часот на 18.04.2022 до 06.30 часот на 19.04.2022 во фабрика за производство на марихуана во стечај во близина на с.Алданци, крушевско, било влезено со употреба на сила и подесен алат и биле одземени 108 шишиња масло од канабис и 6 најлонски ќеси со иглички од цветот од растението канабис.

Увид на местото извршиле увидни екипи од Надворешните канцеларии за криминалистички работи Крушево и Прилеп и се преземаат мерки за расчистување на случајот.

Се поставува прашање зошто се кражбата се пријавува дури шест часа подоцна и зошто толку се чекало. Овој објект има висока жичана ограда и аларм па речиси е невозможно некој да влезе без обезбедувањето тоа да го забележи. Маслото исто така е добро обезбедено и тешко се доаѓа до него.

Како што дознаваме, вредноста на украдената „роба“ е многу поголема од два милиони долари и достигнува и до пет милиони.

Која е „5 летерс“

Фабриката „5 летерс“ во селото Алдинци близу Крушево не е непозната во јавноста. Во неа веќе се случи еден грабеж во февруари.Тогаш беа одземени 60 килограми марихуана а при увид беше пронајдена и непријавена колични канабис.

Во 2019 година хрватски РТЛ објави емисија за како што го нарекоа „бумот со медицински канабис во Македонија“.

РТЛ тврдеше дека 93% од сопствеништвото на фирмата е во рацете на американски инвеститор, додека 7% има Зоран Јаневски, пријател на премиерот Зоран Заев и член на неговата партија.

Јаневски тврдеше дека инвестицијата би можеле да ја вратат за две до три години.

Не знаеме дали пријателот на Заев си ја вратил инвестицијата но сега „5 летерс“ е во стечај а како идни сопственици се најавуваат лица од една соседна земја.

The post Македонија како во времето на Ескобар: Во фабрика за марихуана близу Крушево украдено масло од канабис во вредност од два милиони долари appeared first on Република.