Потпретседателот на ВМРО-ДПМНЕ Александар Николоски, кој учествува на серија настани во Брисел посветени на состојбата во Европа од Европската Унија побара да финансира изградба на брза пруга од Скопје до Солун.

Во своето обраќање на една сесија во организација на Европската Унија и познатата тинк тенк организација „Пријатели на Европа“ кои го избраа Николоски за дел од т.н. програма „40 под 40“, Николоски предложи да се размислува за повторно поврзување на Париз и Багдад по железнички пат.

Би сакал малку да зборуваме за железницата. Мислам дека тоа е одлична, одлична тема и мислам дека не треба да зборуваме само за ЕУ, туку не треба да ги заборавиме и соседните земји, Западен Балкан. Ориент-експрес сите го знаете од историјата. Барем една од двете големи светски војни беа водени за тој регион. Во овој момент не постои. Теоретски постои затоа што има железница. Но, ако вие, на пример, се обидете да земете воз од Виена или од Будимпешта до Солун, тоа е невозможно. Порано одеа со возови од Париз и одеа директно во Багдад.

За жал, во железницата, сега сме далеку зад она што бевме во 19 век и затоа го покренувам ова прашање, затоа што може да биде спротивно со брза железница, можеш да седнеш во воз во Виена или Будимпешта и за 5 часа да бидеш на море за одмор, тоа е опција А или опција Б, тоа е најдобриот начин да го намалите притисокот на пристаништата во Северна Европа. Мислам, во Антверпен овде или во Хамбург, бидејќи има две големи пристаништа, тоа се Пиреја и Солун кои не се користат добро, бидејќи нема соодветна инфраструктура. Како може да се направи ова? Веќе има проект за брза пруга меѓу Белград и Будимпешта, како и проект за брза пруга меѓу Будимпешта и Виена. Меѓу Атина и Солун има две брзи пруги, а она што во овој момент недостасува е брзата пруга меѓу Белград, Скопје и Солун, рече Николоски.

Според него, изградбата на оваа инфраструктура многу ќе ѝ помогне на Европа, главно стратешки, бидејќи ова беше првиот проект што Кина го објави кога ја објави својата иницијатива „Појас и пат“ пред шест години.

Рекоа дека ќе ги купат пристаништата, што значи Пиреја, каде што успеаја да влезат и потоа ќе изградиме брза железница меѓу Атина, Будимпешта и Виена. Дел од оваа пруга се финансира од кинески пари. Но, мислам дека ова е моментот Европа да преземе иницијатива за овој проект. На пример мојот личен сон, мислам дека Скопје и Солун треба да се поврзат со брза железница и за еден и пол час се оди од Скопје до Солун, од едната до другата страна на географска Македонија или од Скопје до Виена каде што ќе одиш за 3 часа или како што кажав од Виена до море ќе одиш за 5 часа. Тоа ќе го намали загадување значително бидејќи нема потреба да се возите со авиони без разлика дали има поевтини или нормални авиокомпании за да одите на одмор. Но, исто така, трговијата, која ќе помогне да се зајакне економијата на целиот овој регион. Затоа мислам дека ова треба да биде фокус на ЕУ за да дозволи грант за трите земји за Грција, за Македонија и за Србија да ја завршат оваа брза железница, и да ја поврзат Европа со нејзиниот југ и да ја поврзат ЕУ со ЕУ затоа што вие имате ЕУ земја која не е поврзана со останатите земји од ЕУ и треба да помине во земји кандидати како што во овој момент е мојата земја Македонија и Србија, за кои се надевам дека еден ден ќе бидеме членки, рече Николоски.

The post Николоски побара ЕУ да финансира изградба на брза пруга од Скопје до Солун appeared first on Република.

Големиот настан кој што се случува во Брисел, на кој што се говори за иднината на Европа, разговарам со бројни политичари, актуелни и поранешни премиери, заменици премиери, министри, но, исто така и претставници на глобалниот бизнис сектор, новинари и граѓански активисти. Ја имам чест оваа година да сум дел од изборот на 40 највлијателни личности во Европа под 40 години, и со таа привилегија можам во овие три дена да зборувам за состојбите во демократијата во Европа. Но, исто така и за размислувањата за нов пристап кон новата ера во Европа во време на конфликти. Тука со сите соговорници со кои што зборувам нагласувам дека е потребно Македонија без одлагање да почне преговори со ЕУ и без никакви дополнителни услови - вели Александар Николоски, потпретседател на ВМРО-ДПМНЕ.

Исто така мора да се заштити македонскиот национален идентитет, македонската засебност, и македонскиот јазик.

На сите соговорници им кажувам дека во услови на војна, нема ништо позначајно од тоа да се зачува национален идентитет. Ако во Европа има војна заради напад на суверена држава и на нејзиниот национален суверенитет и идентитет истото но без војна и се случува на Македонија. Затоа што е нападнат македонскиот национален идентитет, засебноста на македонскиот јазик, македонската култура и македонската историја - додаде Николоски.

Само со почитување на заедничките европски вредности можеме да одиме напред.

Исто така на овие средби зборувам за воведувањето на функционален систем на владеење на правото, не само во Македонија, туку во целиот регион на Југоисточна Европа. Затоа што криминалот и корупцијата не познаваат граници. Криминалците соработуваат многу подобро отколку било кои други граѓански или политички активисти. А, исто така зборувам и за високото ниво на корупција во Македонија, на кое што мора да му се стави крај. Тоа стига до врвот на власта. И единствен начин Македонија да оди напред е да има силна битка со криминалот и корупцијата.

Јас сметам дека Македонија се сака со дела и затоа во овие три дена се обидувам да поразговарам со што повеќе луѓе и да им кажам што се случува во Македонија, но исто така да се заложам за подобар животен стандард на македонските граѓани и за напредок на Македонија кон ЕУ.

Секако во овие три дена разговараме и за глобални теми и за европски теми, и мислам дека е тоа она што треба да го прави секој што е политички активен во
Македонија, да помага дома, но и да ја претставува државата добро надвор - рече на крајот Николоски.

The post Николоски: Македонија да почне преговори со ЕУ, без никакви условувања и одолговлекувања, да се заштити идентитетот и засебноста на македонскиот јазик appeared first on Република.

Потпретседателот на ВМРО-ДПМНЕ Александар Николоски во следните 3 дена ќе учествува на серија настани во Брисел посветени на состојбата во Европа со два главни фокуси - „Промени во време на криза Нов социјален договор за нова ера“ и „Европскиот демократски проблем”. Настаните се во организација Европската Унија и познатата тинк тенк организација „Пријатели на Европа“ кои го избраа Николоски за дел од т.н. програма „40 под 40“ каде што Николоски е во друштво со највлијателните 40 личности под 40 години од Европа кои што имаат силно влијание во општествените случувања, политичките процеси во Европа, бизнисот, медиумите и граѓанскиот сектор.

Во Брисел во наредните 3 дена се случува најголемиот годишен настан на кој е предвидена дискусија со голем број политичари, премиери, комесари од ЕУ, европратеници и пратеници во националните парламенти, професори од светски познати универзитети, невладини организации, граѓански активисти, новинари. Учествуваат над 200 учесници. Започнува со гала вечера, продолжува со два дена интензивна работа која ќе се пренесува во живо во преку 40 земји, а чија главна цел е да се дефинираат политики кои ЕУ ќе ги реализира во следните години. На годинешниот настан е предвидено да се разговара за состојбата во Европа и предизвиците со кои се соочува Европа во новата ера како и за транзиција и промени во услови на криза, а предвидено е и да се разменат идеи и погледи помеѓу учесниците и креирање нови политики кои ќе го подобрат животот на граѓаните.

Во рамки на програмата предвидено е Николоски да дискутира и да се сретне со голем број влијателни политичари од Европа како што се заменик премиерот на Белгија Петра Де Сутер, потпретседателот на Европската Комисија Дубравка Шуица, еврокомесарите Елиса Фереира и Марија Габриел, претседателот на комитетот за индустрија на Европскиот парламент Кристиан Бушои, заменик премиерот на Шпанија и министер за Економија и дигитална трансформација Надја Калвињо, поранешниот претседател на Литванија Далиа Грибаускајте, Клаус Веле генерален секретар на Европскиот Парламент, Јулија Свириденко прв потпретседател на Владата на Украина и уште многу врвни политичари и општествени чинители од цела Европа.

Целта на ваквиот настан е подобро вмрежување помеѓу општествените чинители во Европа, размена на идеи и размислувања со цел подобрување на животниот стандард, придвижување кон нови технологии, дигитализација, зајакнување на економијата и подобро справување со предизвиците со кои се соочува Европа.

Николоски во рамки на посетата на Брисел ќе даде свој придонес и видувања каде Македонија и ВМРО-ДПМНЕ ја гледаат Европа во следниот период, ќе ја нагласи потребата од почеток на преговори за членство со ЕУ без одлагање, заштита на македонскиот јазик и македонскиот идентитет, како и борба со корупција и воведување на функционален систем на владеење на правото.

The post Николоски со европски политичари, новинари, стопанственици и граѓански активисти ќе разговара за состојбите во Европа appeared first on Република.