Претседателот на ВМРО-ДПМНЕ, Христијан Мицкоски на трибината „33 години ВМРО-ДПМНЕ и Македонија“ истакна дека наредните избори нема да бидат само порака од народот за тоа што тој мисли за уставните измени, туку многу повеќе од тоа, порака од народот за оваа власт што тој мисли за реалниот живот кој е тежок, сиромашен и многу несигурен.

Овие избори ќе бидат многу повеќе порака од народот до власта за скапиот живот, инфлацијата која е двоцифрена и највисока во Европа, за немањето на здравствен систем, за корупцијата по судовите, обвинителството, за врските-непотизмот, криминалните тендери. Ова ќе биде и порака на оние добри луѓе кои со месеци молат пред вратите на институциите и се уште го немаат лекот Трикафта. Овие избори ќе бидат и порака на младите на кои им ги одземаа сите шанси, порака на докторите, медицинскиот персонал кој го обезвреднија, на земјоделците чија мака е неплатена, на невработените, но и вработените со ниски плати, на родителите кои треперат за своите деца, на сите оние храбри луѓе кои пред налетот на тешкиот живот им удираат по достоинството, на успешните луѓе кои ги прават со сила да се чувствуваат губитници, на пензионерите со кои си поигруваат, порака на сите нив на кои треба да им кажеме готово е, доаѓа крајот, изјави Мицкоски.

Претседателот на ВМРО-ДПМНЕ посочи дека ова мора да заврши со убедлив триумф на ВМРО-ДПМНЕ и Коалицијата на следните парламентарни избори

Се запрашал ли секој од вас каде одат парите. Зошто тие се толку богати, а народот толку сиромашен. Зошто секој тендер на државата има однапред добиен понудувач. Зошто има пари за службени возила, а нема за нови клупи на училиште. Зошто има пари скапи државни прослави, разни државни форуми, а нема пари за грижа за болните од ретки болести. Зошто тие живеат во хациенди, а народот нема ни за сметки за струја. Одговорот е јасен, затоа што тие се богатат со потта и над несреќата на овој народ. И доаѓа времето за она што се вика одговорност. Време е за одговорност, рече Мицкоски.

Тој нагласи дека дојде времето кога мора да се порамнат сметките со оние кои краделе и се богателе на грбот на овој народ.

Одговорноста не е закана, туку мое ветување и нужен процес за секого, без разлика на вера, нација или било каква припадност или неприпадност, рече Мицкоски.

The post Мицкоски: Изборите нема да бидат порака од народот за уставните измени, туку многу повеќе за тешкиот живот appeared first on Република.

Токму денеска се навршуваат 33 години од создавањето на ВМРО-ДПМНЕ која беше остварување на еден столетен завет на Македонците за борба за слобода, несомнено имајќи континуитет од историското ВМРО и сето она што оваа организација значи за нашиот народ.

 

ВМРО-ДПМНЕ се појави тогаш кога и требаше на Македонија и значеше будење и излез од комунистичкиот режим кој има своја трага и нанесе сериозни лузни во нашето остварување како народ, држава и врз нашето постоење, порача претседателот на ВМРО-ДПМНЕ, Христијан Мицкоски, на трибината „33 години ВМРО-ДПМНЕ и Македонија“.

Во својот говор, Мицкоски истакна дека формирањето на партијата било само еден од чекор од синџирот случувања во стремежите на македонскиот народ за слобода и своја држава.

И како еден непрекинат ланец огнот за слободата и за своја држава се пренесуваше низ вековите. На Илинденците им требаше ВМРО, како што на ВМРО и требаше интелигенцијата и силата на народот за да ја создава Македонија. Тој оган, тој мал зрак на надеж за своја држава не згасна ниту низ големите бури и премрежија. А, искушенијата никогаш не го заобиколиле овој простор, туку народот живеел со предизвиците кои го направиле посилен, а неговата борба поцврста. Тој мал оган за идеја, слобода и кауза Илинденците го пренесоа и на генерациите потоа.

 

И тој пламен не згасна, а ВМРО-ДПМНЕ изникна од најисконските пориви на патриотскиот народ да има организација и партија која ќе биде нивното врзивно ткиво, нивниот застапник и нивниот претставник во борбата која не беше простодушна ни нималку лесна, но искрена и чесна за создавање на своја држава. Луѓето од нејзините почетоци, татковците на оваа партија ја недреа идејата на нивните претходници. А, за таа идеја, за Македонија се даваа животи, се зацрнуваа семејства, луѓето поминуваа голготи, цели поколенија беа стигматизирани, само поради една причина затоа што веруваа во Македонија. Тие го носеа и нашиот камен, тие се бореа и за она во што веруваме денес.

 

И, не може некаква историска комисија, некаква директива или регулатива да го избрише тоа во што народот цврсто верува, да ја избрише таа втемелена трага на нивната жртва. Зарем да молчиме кога треба да гласно да зборуваме. Ние секогаш ќе се поклонуваме пред делата на Панко Брашнаров, Венко Марковски, Петре Пирузе, Ченто, Михајло Апостолски, Благоја Шамбевски, Костадин Динката, како и Драган Богдановски и десетици, стотици имиња и презимиња врз кој ја темелиме оваа наша Македонија. Затоа што кога се бориме за нашата Македонија, ја имаме обврската и кон овие луѓе и генерациите потоа кои дојдоа и оставија трага, порача Мицкоски.

Мицкоски истакна дека ВМРО-ДПМНЕ се појави и беше создадена токму пред изборувањето на независноста и во моментите кога тој оган требаше да се предаде на следната генерација.

А времето е најдобар одговор дека многу издржавме, ги поминавме најсилните потреси, и дека идејата не само што е жива туку и победата е наша!

 

И она што денес, по 33 години од создавањето ќе го кажам во името и за честа на сите наши херои, жртви од минатото, во името на чесниот и работлив народ кој си ја сака државата и Македонија - Среќен роденден ВМРО-ДПМНЕ!!!

 

Доаѓаат подобри времиња!

 

Пред прагот сме на промената која треба да ги оствари надежите поради кои ја водиме оваа битка. Пред прагот сме на промената која сакате сите вие да ја видите и ја чекате шест години. Пред прагот сме да почнеме да ја создаваме иднината поради која вреди секоја наша борба и жртва, изјави Мицкоски.

Претседателот на ВМРО-ДПМНЕ, додаде дека тоа не е само негова обврска туку и чест, да направи нешто повеќе за сите нас.

Не е точна тезата дека Македонија нема херои. Тоа го зборат луѓето кои незнаат да погледнат околу себе, затоа што секоја педа македонска земја е скапо платена со жртвата на многу наши предци, со маката на многу наши современици кои се херои и на сегашното време. Борци чие имиња ги нема по весниците и телевизиите, но нивните дневни победи над тешкиот живот не учат за надежта, енергијата, за непоколебливата волја да се успее тогаш кога е најтешко.

 

Го запознав Александар родум од битолскиот крај. Тој има Даунов синдром. Животот кон него не бил фер, но тоа не е главната пречка, туку она што поразува е негрижата на целиот систем за него. Институциите никогаш и со ништо не му помогнале. Ќе бидам искрен, ваквиот неуспех на власта го чувствувам и за мој, наш, заеднички. Зошто сите сме дел од еден систем. Власта и државата него не му помагаат, но сите ние можеме да му помогнеме ако го кренеме гласот за работите кои се важни.

 

Над Македонија се раѓа ново сонце на слободата! - се првите зборови на нашата химна, но и зборовите на голема надеж, голем сон и иднина каква сакавме да имаме и епизодата по која копнеевме, а сè помалку гледаме дека ја добиваме овие 32 години од независното постоење на нашата татковина, истакна Мицкоски.

Како што истакна лидерот на ВМРО-ДПМНЕ, денес од таа Македонија за која сонуваме сме подалеку од тогаш кога ја создававме. Се изгуби таа енергија, се загуби тој копнеж. Луѓето се отуѓија, им се одзема правото на колективното сонување, правото на заедничка среќа.

Работите никогаш не биле толку драматични како во последните шест години кога немаме само лошо владеење, не само управување кое е навреда на интелигенцијата на народот, туку масовен удар по нашето постоење, рекомпонирање на погрешни и новосоздадени основи кои никогаш не биле дел од нашиот код, нашиот идентитет. Кога крадците не само на државното богатство, туку и на колективната среќа ни велат дека нè спасуваат за да ни донесат иднина, треба да знаете дека тоа се миговите кога најмногу нè предаваат и миговите кога Македонија се уништува повеќе од кога и да било порано.

 

Од власта не уверуваат дека било европски да ги менуваме нашите традиции и нашите верувања. А знаете дека е многу мала вредноста на зачувување на нашата нација, ако нашите традиции не ги сочуваме со неа, ако не го заштитиме нашиот јазик, култура и она што сме и по што се разликуваме.

 

Ако некој намерно или не намерно не умее да препознае јасен знак на присутна опасност, тогаш јас можам само да кажам дека опасноста никогаш не била појасна и нејзината присутност никогаш не била по видлива. Потребна е промена во погледите, промена во тактиката како држава, промена во мисиите од страна на владата, на народот, од страна на секој лидер и поединец. Затоа што ние денес се соочуваме со акција за бесчувствително декомпонирање на македонскиот национален идентитет, кој се потпира врз мотивот за ширење на своите лукративни сфери на личното влијание на власта за сметка на колективниот интерес, на инфилтрација на личен интереси , наместо инвазија на знаење, на субверзија и одлоговлекување, наместо на избори на заплашување, наместо на слободен избор, на поклонување и наведнување на глава наместо на кажување на аргументи, на простодушност наместо разум, изјави Мицкоски.

Мицкоски истакна дека има луѓе со кои се сретнал, разни дипломати, претставници на странски земји кои велат „зошто не попуштите пред барањата на Бугарија“.

Дојдете господа во Македонија!

 

Дојдете да видите кои се нашите борби и кои се нашите страдања. Да ја разберете нашата историја и да го чуете народот што мисли и како лелека.

 

Има и такви кои велат дека ниту една земја не се изгубила на патот кон интеграцијата. Дојдете господа во Македонија! Дојдете да видите дека ниту една друга држава не го отстапила својот идентитет, јазик и име како што тоа го направи оваа држава.

 

Има и неколкумина од Европа кои велат интеграцијата е најважното прашање. Се согласувам дека е важно, но дојдете во Македонија да видите дека половина милион живеат во сиромаштија, повеќе од 30 илјади живеат во екстремна сиромаштија, со инфлација каква што нема никаде во Европа, заглавени во чекалницата пред истата таа Европа.

 

Ова е реалниот живот.

 

А, околу темата со уставни измени, изминатите две недели бевте сведоци на жестока хајка од власта, на море од дезинформации, лажни етикети. Тоа беше нервозата со која власта на ДУИ и СДС ни кажа дека е совршено јасно дека немаат план за заштита на Македонија освен да продолжат да го бараат истото она што го бара и Бугарија од нас. Ова нивно однесување го препознав. И точно знаев дека не сакаат договор и дека ќе се вплеткаат во лаги, во недостиг на храброст да се соочат со народот и она што народот го бара. Јас дадов два предлози за излез кои се базирани пред се на заштита на националните интереси, нашиот идентитет и јазик и кој воедно содржат и гаранции за продолжување на нашата европска иднина. После две недели, одбегнување од нивна страна да кажат кој предлог тие го одбираат, јасно е дека ја отфрлија историска шанса за иднината Македонија, одбраа да работат за себе туркајќи бугарски диктат.

 

Оваа тема, порачувам, оваа тема тука ја затворам со јасна порака, уставни измени под бугарски диктат нема да има ниту сега, ниту кога било во иднина и ВМРО-ДПМНЕ нема да оди против својот народ! Тоа го кажав пред година дена, не далеку одовде пред Владата на Република Македонија, тоа го кажувам и овде уставни измени додека јас сум претседател на под бугарски диктат нема да има, порача Мицкоски.

Претседателот на ВМРо-ДПМНЕ истакна дека доколку власта се вразуми, во што не верува, подготвен е да разговара единствено за она што ќе значи исполнување на еден од двата предлози кои ги дал. Мицкоски истакна дека тоа се црвените линии од кои нема повлекување.

А, за најавите дека ќе разговарале со пратеници, ќе им кажам и ќе им порачам ова не е 2018 година, друго време е. Пратениците на ВМРО-ДПМНЕ се последниот браник кој нема да попушти под какви и притисоци тие да прават, зошто и тие знаат, и народот знае дека им се избројани деновите. А изборите стануваат единственото решение за излез од кризата.

 

Тоа е излезот и лекот на оваа криминална и коруптивна гангрена наречена ДУИ со подизведувач СДСМ која ќе биде жестоко поразена од народот.

 

Воедно сакам да посочам дека наредните избори нема да бидат само порака од народот за тоа што тој мисли за уставните измени, туку многу повеќе од тоа, порака од народот за оваа власт што тој мисли за реалниот живот кој е тежок, сиромашен, и многу несигурен.

 

Овие избори ќе бидат многу повеќе порака од народот до власта за скапиот живот, инфлацијата која е двоцифрена и највисока во Европа, за немањето на здравствен систем, за корупцијата по судовите, обвинителството, за врските-непотизмот, криминалните тендери. Ова ќе биде и порака на оние добри луѓе кои со месеци молат пред вратите на институциите и се уште го немаат лекот Трикафта.

 

Овие избори ќе бидат и порака на младите на кои им ги одземаа сите шанси, порака на докторите, медицинскиот персонал кој го обезвреднија, на земјоделците чија мака е неплатена, на невработените, но и вработените со ниски плати, на родителите кои треперат за своите деца, на сите оние храбри луѓе кои пред налетот на тешкиот живот им удираат по достоинството, на успешните луѓе кои ги прават со сила да се чувствуваат губитници, на пензионерите со кои си поигруваат, порака на сите нив нив на кои треба да им кажеме готово е, доаѓа крајот. Готово е! Готово е. Ова мора да заврши со убедлив триумф на ВМРО-ДПМНЕ и Коалицијата на следните парламентарни избори, изјави Мицкоски.

Мицкоски постави и отворено прашање до сите граѓани, дали некој се запрашал каде одат парите и зошто тие од власта се толку богати, а народот толку сиромашен.

Зошто секој тендер на државата има однапред добиен понудувач. Зошто има пари за службени возила, а нема за нови клупи на училиште. Зошто има пари скапи државни прослави, разни државни форуми, а нема пари за грижа за болните од ретки болести. Зошто тие живеат во хациенди, а народот нема ни за сметки за струја. Одговорот е јасен, затоа што тие се богатат со потта и над несреќата на овој народ. И доаѓа времето за она што се вика одговорност. Време е за одговорност!

 

Дојде времето кога мора да се порамнат сметките со оние кои краделе и се богателе на грбот на овој народ. Одговорноста не е закана, туку мое ветување и нужен процес за секого, без разлика на вера, нација или било каква припадност или неприпадност.

 

Драги пријатели,

 

Кога го кажував примерот со Александар на почетокот од мојот говор и за неговите маки и борби со системот кој не покажува грижа, тоа го направив за да кажам дека сите ние имаме обврска да го кренеме гласот против неговата неправда. Неговата неправда е и наша, затоа што кога неправдите, неспособноста на системот се толку големи тогаш кревањето на гласот не е само наше право, туку тоа е и обврска.

 

Граѓанинот има свои права, но и свои одговорности. Одговорноста се однесува и на обврската да се учествува во општеството и таа е уште поголема, уште позначајна кога опасноста за ерозија на вредностите во кои веруваме е сеприсутна. Граѓанинот, сите ние имаме обврска да учествуваме во политиката и да го кажеме своето мислење секогаш и секаде, а особено сега. Гласот на тивкото мнозинство е глас кој ги менува работите, кој создава надеж и промена која сакаме да ја видиме. Мислејќи дека од нас не зависи, забораваме дека од сите нас зависат истите работи кои ни тежат како тег.

 

Неспособноста во Македонија се плаќа скапо, некогаш со нефункционирањето на системот, некогаш со многу корупција, а некогаш и со животи, како што беше случајот со изгорената модуларна болница во Тетово. Од нас зависи дали ќе ставиме крај. Меѓу другото обврска сите да учествуваме во политичкиот живот, да не се седи на страна е и патриотска должност. А заедничкиот патриотизам не е апстрактна норма во која веруваме, туку делување против она што ја руши нашата иднина. Е таа неспособност ќе биде поразена, порача Мицкоски.

Лидерот на ВМРо-ДПМНЕ порача дека мора да се разбере дека нема такво моќно оружје во светот како што е борбата за економска обнова, културен развој и технолошки напредок. Сето ова зависи од волјата на слободните мажи и жени, од луѓето на Македонија.

Тоа е нешто што ние како народ и држава го поседуваме, но треба да дојдат одговорни луѓе кои ќе дадат шанса на огромното мнозинство кое го носи тој потенцијал. Јас како индивидуа верувам во американскиот принцип „на еден од сите, на поврзаност како едно". И тој ќе го повторувам постојано.

 

Ако има некое дете на улиците во Скопје, кое не знае да чита, верувам дека тоа ме засега и мене, иако не е мое дете. Човек кој е со Даунов синдром, кој не може да си плати за пристоен живот, тој ме засега и мене иако тој не е мој роднина или родител. Ако има некој млад човек кој има капацитет, сила за наука и мотив, а нема доволно средства за школување, тоа е и моја загуба, иако тој млад човек не е мој познаник или пријател. И мораме да го запазиме тој фундамент дека и да јас сум чувар и јас имам одговорност и за тоа дете кое не знае да чита, и за тој млад човек кој пропушта шанса за образование или за тој човек кој не може да си плати за пристоен живот. Затоа велам сите ние сме како еден. И така мора да се однесуваме за секој предизвик со кој се соочуваме, само така е се помагаме и поддржуваме еден со друг и така ќе постигнеме национално единство за кое веќе подолго време говорам. Така ќе бидеме брана и за сите национални удари врз нашите темели.

 

И нема лева или десна, постои само една Македонија!

 

Не постои СДСМОВСКА-ВМРОВСКА МАКЕДОНИЈА, туку само една МАКЕДОНИЈА!

 

Ова е Македонија за сите! Македонија која е нашиот единствен дом. Остануваме верни на народот на Македонија. И заедно со него. Тоа го покажавме и со финиширање на акцијата „Ова е Македонија за сите“. 200 луѓе од партијата во 19 тимови посетија 709 населени места. Организиравме 12 трибини насекаде низ цела Македонија, се нотираа повеќе од над 18 илјади проблеми, лично кажани од народот. Го посетивме и најмалото населено место, се ракувавме со илјадници луѓе желни за промена. И тоа само говори дека ВМРО-ДПМНЕ и Коалицијата се меѓу народот и го слушаме неговиот збор. И така ќе продолжиме, и секој проблем ќе биде анализиран и ќе нудиме решенија. И знам дека од оваа власт нема да биде решено ништо, и нив ќе ги решаваме кога ќе ја превземеме одговорноста да управуваме со Македонија. Секој проблем ќе има решение. Затоа што, драги браќа сестри и пријатели, ова е Македонија, Македонија за сите!

 

Ова е Македонија на надеж, сон, копнеж и иднина.

 

Ова е Македонија на заеднички патриотизам.

 

Заедничка радост и среќа.

 

Македонија на заеднички победи, реформи. Македонија на големи чекори напред и големи промени. Македонија која дава сигурност, дава перспективна шанса за секого. Македонија во која одлучувате вие. Македонија која ја победува апатијата, која ја менува грдата реалност. Која дава рака на секој еден кого системот го оттурнал и го ставил на страна.

 

Македонија на Македонците, Албанците, Турците, Ромите, Србите, Власите, на Бошњаците. Македонија на христијаните, на муслиманите, на атеистите.

 

Од сите вас зависи каква ќе биде иднината. Овој пат треба да се приклучите, овој пат е важно да учествувате за заедно да ги менуваме работите. Со истата енергија каква овој народ и земја ги имале при сите големи победи, при сите свои Илиндени, славни епопеи и победи.

 

Шанса не само за една, туку за сите генерации заедно оставени на страна овие 30 години.

 

Шанса за заедничкиот патриотизам во кој веруваме.

 

Ова е Македонија на заедништво и нов заеднички патриотизам на рамноправни. Нашата борба е за европски вредности кои се темелат врз меѓусебно почитување и самопочит.

 

Нашата борба е вредности, идеал и кауза. Нашата борба е да ја обновиме Македонија. Промените да победат, за заедничка иднина!

 

Ова е незапирливата сила на народот.

 

Ова е Македонија! Македонија за сите!

 

Да сте живи и здрави!

 

Да живее ВМРО-ДПМНЕ!

 

Да живее Македонија!, заврши Мицкоски во својот говор.

https://republika.mk/vesti/makedonija/vo-zhivo-33-godini-vmro-dpmne-i-makedonija/

The post Мицкоски: ВМРО-ДПМНЕ се појави тогаш кога и требаше на Македонија, многу издржавме, сега сме пред прагот да почнеме да ја создаваме иднината appeared first on Република.

На трибината на ВМРО-ДПМНЕ на тема „33 години ВМРО-ДПМНЕ и Македонија“, свое обраќање имаше потпретседателот на ВМРО-ДПМНЕ, Александар Николоски, кој истакна дека и покрај сите опструкции кои се случија во изминативе неколку години, ВМРО-ДПМНЕ успеа да помине низ внатрешна катарза и да определи нови правци кои ќе дадат одговор на корупцијата и сите негативни појави кои во моментов се случуваат во Македонија.

Претседателот Мицкоски беше избран за претседател на ВМРО-ДПМНЕ во, според мене и според она што сум го видел во партијата, јас сум член на партијата од 2003 година, а за ВМРО знам откако знам за себе, мислам дека ја презеде партијата во најтешкиот период од постоењето на партијата. Да потсетам, во декември 2017 година ВМРО-ДПМНЕ беше политичка партија која што беше надвор од Собранието, беше политичка партија чиј што дел пратеници беа под прогон, беше политичка и делумно и сега е со замрзната банкарска сметка и беше и сѐ уште е политичка партија со замрзнат имот и беше политичка партија која што беше изолирана како од домашната така и од меѓународната јавност.

 

Низ овие години успеавме да поминеме низ внатрешна катарза, низ прочистување на партијата, низ определување на нови правци коишто сега треба да дадат одговор на три напади коишто ги доживува Македонија а чија што крајна цел е уништување на Македонија ваква каква што ја знаеме. Прво економски колапс којшто е преточен низ една сериозна корупција која што мора да ја удриме во чело. Второ, национални предавства коишто ги гледаме во моментов кон она што се случува и со односите со Бугарија но и внатрешниот политички систем и начинот на кој што се владее Македонија и третиот предизвик којшто во моментов го гледам е еродирањето на сите институции коишто значат државност. Доколку се удрат овие три столба, нема држава. И затоа ова е порака за идните генерации, да ни се приклучат, битката допрва почнува и ова е последна шанса да направиме модерна и просперитетна, независна Македонија“, истакна Николоски.

Тој исто така ги повика младите да се приклучат на ВМРО-ДПМНЕ и да преземат одговорност после формирањето на новата влада на ВМРО-ДПМНЕ, за Македонија да биде извадена на прав пат како модерна и независна.

Клучно е да ни се приклучат во месеците коишто се пред нас. На месеци сме пред клучна промена во Македонија и пред формирање на влада предводена од ВМРО-ДПМНЕ. На сите тоа им изгледа како најтешката работа, а тоа според мене е полесниот дел од работата, потешкиот ќе се деновите и годините после тоа. Мораме да ја извадиме Македонија на прав пат. Ова е последна шанса да направиме модерна и независна Македонија, а за тоа ни требате, не иселени надвор, ни требате во партијата и ни требате да преземете одговорност“, заклучи Николоски.

The post Николоски: Реформираното ВМРО-ДПМНЕ е гарант дека со новата Влада ќе ја удри корупцијата и ќе ја крене економијата appeared first on Република.

Вториот ден по конституирањето на првиот парламентарен состав, ја имав честа да ја поднесам Декларацијата за независност на Република Македонија, тоа беше шок во Собранието и почнаа игрите и интригите како да се спречи тоа. Се трудеа на секој начин да не сопрат, но тоа што ние пред народот го ветивме дека ќе се бориме за независна и самостојна држава, не попуштавме пред притисоците кои се редеа кон ВМРО-ДПМНЕ и кон мене, немаа избор ја ставија на дневен ред и се изгласа, изјави Ламбе Арнаудов, поранешен пратеник од ВМРО-ДПМНЕ во Парламентот на трибината „33 години ВМРО-ДПМНЕ и Македонија“.

Арнаудов истакна дека тоа било првото исполнување на ветувањата од ВМРО-ДПМНЕ и можеби најзначајно.

Ја поставивме ВМРО-ДПМНЕ во симбиоза со македонскиот народ, нераскинлива врска која ќе трае додека македонската држава е биде направена под терк на народот, рече тој.

Како што посочи Арнаудов, во однос на основањето на партијата, се почнало од дијаспората каде што патриоти како Драган Богдановски, Гојко и Мане Јаковлевски, Владо Транталовски, а тука заедно со Борис Змејковски, Дијана Транталовска, почнале да организраат подготвителна база како ќе изгледа ВМРО-ДПМНЕ.

По овој ден еруптивно тргнаа националните чувства и беа поставени идеалите и целите на ВМРО-ДПМНЕ за создавање на суверена и независна Македонија. Почнавме да ги организираме сите тела онака како што беше предвидено во уставот на историското ВМРО-ДПМНЕ, потоа се формираа тела и на следните парламентарни избори убедливо победивме и направивме држава која со сите нишани и атрибути беше подобра од сега, изјави Арнаудов.

The post Арнаудов: Декларацијата за независност беше првото исполнето ветување кон македонскиот народ од страна на ВМРО-ДПМНЕ appeared first on Република.

Кога зборуваме за ВМРО-ДПМНЕ ние зборуваме за историја, традиција, посебност и ние го оцртуваме континуитетот на нашата борба и нашиот континуитет кој потекнува од 1893 година кога се прокламираше идејата за посебност, автономија и наша суверена македонска држава. За тоа се бореа илинденците, луѓето од АСНОМ, за тоа имаше многу жртви и за тоа во 1991 година по предлог на ВМРО-ДПМНЕ станавме независна, суверена Република Македонија“, истакна Генералниот секретар на ВМРО-ДПМНЕ Ѓорѓија Сајкоски на трибината на ВМРО-ДПМНЕ насловена „33 години ВМРО-ДПМНЕ и Македонија“.

Сајкоски додаде дека периодов што следеше беше со предизвици, но се беше во она што е нашиот континуитет.

ВМРО-ДПМНЕ во изминатите 33 години е разумот на државата. ВМРО-ДПМНЕ е заштитникот на македонските национални интереси на македонските државни интереси. ВМРО-ДПМНЕ во изминатите 33 години е градителот на нашата Македонија затоа треба да продолжиме онаму каде што застанавме“, кажа Сајкоски.

Тој потенцираше дека на изминатите локални избори ВМРО-ДПМНЕ го направи првиот чекор и сега ни следи уште еден завршен чекор. Првиот чекор беше делегитимирање на оваа ненародна власт, а вториот чекор треба да биде преземање на власта под раководство и работа на ВМРО-ДПМНЕ.

Сајкоски упати порака и порача на сите добронамерници да се приклучат на ВМРО-ДПМНЕ.

Следниот период е специфичен да го поддржат визионерството на ова раководство и Македонија како држава онака како што заслужуваме сите. Ние како раководство ги оставаме вратите отворени за секој член и поединец кој размислува како нас да влезе со нас и заеднички да ја градиме државата“, дециден е Сајкоски.

The post Сајкоски: ВМРО-ДПМНЕ во изминатите 33 години е разумот на државата бидејќи е заштитникот на македонските национални и државни интереси appeared first on Република.

По поминатиот терен мојот впечаток е дека Република Македонија во ВМРО-ДПМНЕ ја гледа единствената и можеби за жал последна можност за спас на Република Македонија од ова сивило и од овие предавства“, истакна пратеничката и член на ИК на ВМРО-ДПМНЕ, Дафина Стојаноска на  трибината на ВМРО-ДПМНЕ на тема „33 години ВМРО-ДПМНЕ и Македонија“.

Стојаноска посочи дека граѓаните гледаат во ВМРО-ДПМНЕ единствена и последна можност за спас на државата.

Сите граѓани изминативе шест години видоа што значат криминалните политики на актуелната власт. Во нас последна можност за спас гледаат и уставобранителите кои што шест години гнијат во затворите. Во нас последна можност за спас гледаат сите кои што изминативе шест години беа обесправени, а само заради тоа што не се откажаа од ВМРО-ДПМНЕ и што не ја предадоа Република Македонија. ете таков е мојот впечаток како нашиот народ нѐ доживува и јас таа верба на народот во нас ја сфаќам како исклучително огромна обврска која што ние ја носиме периодов и сигурна сум дека ќе ја износиме со една огромна победа на над сите овие неправди“, нагласи Стојаноска.

Таа додаде дека ВМРО-ДПМНЕ дава шанса на жените, а доказ за тоа е што е што во ВМРО-ДПМНЕ во Извршниот Комитет има девет членки.

ВМРО-ДПМНЕ има потпретседателка на партија. ВМРО-ДПМНЕ има 18 пратенички. Има и 16 претседавачки на општинските Совети. Едноставно ВМРО-ДПМНЕ е отворено за сите жени, не затоа што се жени туку затоа што квалитетни“, истакна Стојаноска.

The post Стојаноска: Граѓаните во ВМРО-ДПМНЕ ја гледаат единствената можност за спас на Македонија од ова сивило и од овие предавства appeared first on Република.

Потпретседател на ВМРО-ДПМНЕ, Владо Мисајловски, на дебата по повод 33 години од формирањето на партијата порача дека се додека постојат луѓе кои сакаат да ја видат Македонија напред и да прават добро за државата тоа е најдоброто нешто за државата.

Со многу луѓе сме имале заеднички битки, сме биле во општинските комитети, потоа ни се дале шанса. Сум бил министер, сум имал и други функции. Каде и да сум бил сум размислувал како да направам што е можно повеќе проекти, како со многу малку буџет да има нов пат и слично, сум гледал како да не го посрамотам семејството, како да не го посрамотам ВМРО-ДПМНЕ, се разбира со тоа и Македонија. Секој еден од вас направил да биде партија која е бренд за проекти, секаде каде што ќе се свртите гледате дека ВМРО-ДПМНЕ оставило печат“, изјави Мисајловски.

Тој посочи дека сето тоа е направено со многу пот од сите во партијата, како и бројните поддржувачи.

Сега како пратеник е многу тешко да се водат некои процеси, но кога имате добар лидер, добар тим, кога имате добро раководство, кога имате одлични луѓе во Центарот за комуникации, во општинските комитети, во месните комитети, едноставно имате сила за се“, кажа Мисајловски.

The post Мисајловски: Сме имале заеднички битки и насекаде кога ќе се сврти било кој од нас гледа проект на ВМРО-ДПМНЕ, проектите се бренд на партијата appeared first on Република.

ВМРО-ДПМНЕ е државотворна партија чии темели се засноваат токму на постоењето и на работењето за подобра Република Македонија. Ние сме вистински показател како се работи со душа и со срце, и како се сака Република Македонија“, истакна Орце Ѓорѓиевски, градоначалник на општина Кисела Вода на трибината на ВМРО-ДПМНЕ на тема „33 години ВМРО-ДПМНЕ и Македонија“.

Ѓорѓиевски посочи дека владата нема компас подолг временски период и затоа се потребни на Република Македонија итни и неодложни промени односно избори час поскоро и нов премиер, а тоа е Христијан Мицкоски. Тој додаде дека токму Христијан Мицкоски ќе покаже како државата се сака со дела, а не со празни зборови и криминал како што тоа го прави Социјалдемократскиот сојуз години наназад.

Јас наследив општина којашто не четири туку повеќе години беше во еден зимски сон практично во хибернација. Општина којашто имаше огромни проблеми поврзани најмногу со подземната инфраструктура и надземната инфраструктура. Општина којашто јас ја затекнав со над три ипол милиони евра долг, морам да потенцирам над три ипол милиони евра долг“, нагласи градоначалникот на Кисела Вода.

Тој додаде дека од денешна перспектива, Општината денес нема долг. А, патем има реализација на проекти како никогаш досега во општината.

Кога сме кај подземната инфраструктура морам да истакнам дека за година и половина колку што јас и мојот тим ја администратираме општината Кисела Вода имаме изградено канализациони системи и мрежа на над шест километри. Водоводна мрежа над четири ипол километри, и една бројка импозантна којашто Владата ја нема сработено за години наназад, а тоа е во однос на средување на патната инфраструктура и асфалтирање за година и шест месеци имаме асфалтирано над 40 километри улици во Кисела Вода. Нешто што не се случило во општината 30 години наназад и нешто што Владата не успеа за седум години“, нагласи Ѓорѓиевски.

Тој рече дека над 400 дечиња чекале да бидат запишани во градинки, а сега во моментов, по отворање на две нови градинки за година и половина, списокот е намален на само 110 деца.

Во тек е нова реконструкција на еден објект, а за два месеци од денес започнуваме со изградба на уште една градинка, соопшти Ѓорѓиевски.

The post Ѓорѓиевски: За година и шест месеци имаме асфалтирано над 40 километри улици во Кисела Вода, нешто што Владата не успеа за седум години appeared first on Република.

ВМРО-ДПМНЕ низ сите генерации докажала дека со проекти, со работа може да многу да се направи за Македонија. Во таа смисла сметам дека победата на локалните избори пред година и половина и влегувањето во локалната власт на енергична нова генерација на нашата политичка партија е главниот мотор за онаа клучна победа која доаѓа, а тоа е победата на следните парламентарни избори, изјави потпретседателот на ВМРО-ДПМНЕ и градоначалник на Аеродром, Тимчо Муцунски на трибината „33 години ВМРО-ДПМНЕ и Македонија“.

Муцунски истакна дека граѓаните знаат дека и покрај сите предизвици со кои се соочува не само државата и светот, влијаат и на локална власт од гледна точка на енергетска криза, финансиска и економска криза, сепак општините предводени од ВМРО-ДПМНЕ продуцираат огромен број на проекти.

Нема градоначалник кој во текот на една недела не промовира најмалку еден, а почесто два до три нови проекти во општините кои ги предводи ВМРО-ДПМНЕ. Доволно е да ги следите градоначалниците на другите политички партии, ќе видите дека немаат проекти. Ние работиме фокусирано, решаваме проблеми кои не ги решава централната власт. Давам пример дека учениците оваа година не добија учебници, а некои ги добија последните 10 дена, очекувањето дека и следната нема да има, но ние во Аеродром на сите четвртоодделенци кои влегуваат во фазата на дигитализација им обезбедуваме бесплатни таблети кои потоа остануваат во нивна сопственост, изјави Муцунски.

Тој додаде дека се инвестира во младите, во училиштата, Аеродром е прва општина која обезбеди бесплатно пливање за сите првачиња и за сите дечиња со попреченост и низа други проекти.

Нови спортски објекти, терени, инвестиции во спортски клубови. Дополнителен приоритет се зелени површини, нови детски игралишта, паркови, отпочнавме капитален парк од 6000 метри квадратни наречен Радост, а СДС претходно на таа локација имаа предвидено згради. Реализираме улици, отворивме нова градинка со простор за 200 дечиња, планираме дополнителни инвестиции, реализација на проект „Смарт Аеродром“, нудиме решенија во повеќе области и тоа граѓаните го гледаат. Граѓаните гледаат дека и покрај сите предизвици работиме мотивирано промените се чувствуваат на терен. Кога ВМРО-ДПМНЕ е на власт на централно или на локално ниво, проектите се реализираат, нагласи Муцунски.

The post Муцунски: Градоначалниците на ВМРО-ДПМНЕ решаваат проблеми кои не ги решава централната власт appeared first on Република.