Од штипскиот Затвор денеска се пуштени на отпуст од 30 дена петмина осуденици кои беа осудени за настаните од 27 април 2017 во Собранието на Македонија, потврдија за МИА од Затворот Штип.

Оттаму потврдуваат дека од денеска со прекин на казна од 30 дена, а со потпис на директорот на Управата за извршување на санкции се лицата Јане Ченто, Александар Јаневски-Тошка, Оливер Поповски, Митко Чавков и Митко Пешев, а на 25 јули на слобода ќе излезе Душко Лазаров исто така со прекин на казна од 30 дена, а со потпис на директорот на Управата за извршување на санкции.

В.д. директорот на Управата за извршување на санкции, Александар Пандов, денеска на прес-конференција на новинарско прашање во врска со затворениците од Штип, меѓу кои има и осудени за „27 април“, а кои побарале да бидат пуштени поради здравствен зафат, Пандов одговори дека таквата пракса ќе ја продолжи и во иднина.

Како в.д.директор единствено што можам е ако дојдое барање од затвореник со документација дека има акутен здравствен проблем, дека мора да изврши здравствен зафат, јас немам право да го одбијам. Факт е дека во меѓувреме, од кога ја извршувам функцијата, неколку такви барања се дојдени и потпишани од моја страна, рече тој.

The post На отпуст од 30 дена денеска се пуштени петмина осуденици од штипскиот затвор кои беа осудени за настаните од 27 април appeared first on Република.

Расчистено е двојното убиство во Стајковци, кога маж ги усмрти братот и снаата. Осомничениот Љ.К.(66) од скопско Стајковци беше изведен пред судија на претходна постапка кој му определил мерка притвор во траење од 30 дена.

Полицијата против осомничениот поднесе кривична пријава поради постоење основи на сомнение за сторено кривично дело „убиство“ по член 123 од Кривичниот законик.

-Тој се сомничи дека на 14.05.2024 во домот во с.Стајковци со метален предмет ги нападнал неговиот брат В.К.(64) и неговата снаа С.К.(57), кои од здобиените повреди починале на местото, информира МВР.

Од Обвинителството соопштија дека тој со умисла ги лишил од живот својот брат и снаата.

-Осомничениот прво ја нападнал снаата, удирајќи ја повеќе пати со метална шипка по главата, а потоа го пресретнал и братот на кого исто така со шипката му нанел смртоносни повреди, соопштија од Обвинителството.

По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка.

The post 30 дена притвор за осомничениот за двојното убиство во Стајковци appeared first on Република.

Притвор во траење од 30 дена добија двајцата осомничени за убиството на хрватскиот ракометар Денис Тот, објави Телма.

Судија на претходна постапка, постапувајќи по предлог на ОЈО Скопје, донесе решение да го прифати предлогот на Обвинителството поради постоење опасност од бегство и можност да влијаат и да ја попречат истрагата.

Три лица се осомничени за убиството на 27-годишниот хрватски ракометар, а меѓу нив е и 19-годишна девојка.

Тоа се 28-годишниот А. Ѓ., кој е и првоосомничен за убиството, како и 22-годишниот А.К. и 19-годишната К.Л. Тројцата, според Обвинителството, крвнички го претепале хрватскиот ракометар, Тот, кој ден подоцна им подлегна на повредите на скопските клиники.

https://republika.mk/vesti/makedonija/vo-makedonija-stana-prirodno-da-se-umira-nasilno-nekoj-znae-shto-pravi-kupuva-vreme-zakriva-tragi/

Од снимките од надзорни камери кои ги обезбеди полицијата, утврдено е дека кобната ноќ, околу 3 часот и 30 минути, пред ноќен клуб во Градскиот парк во Скопје, дошло до расправија помеѓу Тот и тројцата осомничени, при што тие го нападнале и му нанеле повеќе удари со боксови и клоци.

https://republika.mk/sport/rakomet/kelnerka-go-pronashla-tot-kako-lezi-vo-treva-pa-povikala-brza-pomosh/

Од ударите тој паднал наназад и со задниот дел од главата удрил на асфалтот, по што изгубил свест. И покрај тоа, осомничените продолжиле да го удираат по главата, а потоа, без да му укажат помош, си заминале.

https://republika.mk/sport/rakomet/rakometarot-tot-bil-napadnat-od-dve-lica-pokazuvaat-snimkite-od-bezbednosnite-kameri/

Двајца од нив, дечко и девојка, се приведени, но првоосомничениот е во бегство и по него е распишана потерница.

https://republika.mk/vesti/karil-gi-osuduvame-shpekulaciite-vo-javnosta-povrzani-so-transparentnosta-za-tragichnata-smrt-na-mladiot-rakometar/

The post 30 дена притвор за осомничените убијци на хрватскиот ракометар Денис Тот appeared first on Република.