Општина Кисела Вода ја продолжува возобновената традиција за положување на Светиот Крст во осветените води, како дел од прославата на Водици. Настанот ќе се одржи во базенот ,,Расадник”, во петок на 19-ти јануари 2024год. И оваа година, манифестацијата започнува од храмот Св. Ѓорѓија во 10:30 часот, од каде градоначалникот Ѓорѓиевски со Богојавленска литија заедно со верниците и свештенството ќе се упатат кон базенот во Расадник. Осветувањето на водата и положувањето на Светиот Крст ќе се случи во 11:00 часот, а за најсреќниот учесник се обезбедени награди од градоначалникот и од повеќе спонзори.

- Со огромно задоволство сакам да ве информирам дека ја продолжуваме возобновената традиција за положување на Светиот Крст во осветените води, како дел од прославата на Водици. Настанот ќе се одржи во базенот ,,Расадник”, во петок на 19-ти јануари. И оваа година, манифестацијата ја започнуваме од храмот Св. Ѓорѓија во 10:30, од каде со Богојавленска литија заедно со верниците и свештенството ќе се упатиме кон базенот во Расадник. Осветувањето на водата и положувањето на Светиот Крст ќе се случи во 11:00 часот.

За најсреќниот учесник што ќе го извади Богојавленскиот Крст од водите e предвидена парична награда од мене како градоначалник, како и награди обезбедени од спонзори.

Ве поканувам сите да земеме масовно учество на овој преубав настан, на Богојавленската литија и да бидеме дел од продолжувањето на нашата возобновена традиција, сплотени и духот на христијанските вредности да си го прославиме овој убав и голем празник. Традицијата која ја започнавме пред две години продолжува и ќе остане аманет за идните генерации-изјави градоначалникот Орце Ѓорѓиевски.

Заинтересираните треба да се пријават најдоцна до четврток, 18.01.2024, 18 часот, на телефонскиот број: +389 78207687 (Далибор). Истите ќе треба да потпишат изјава дека се во добра здравствена состојба.

The post Заинтересираните за положување на крстот во Кисела Вода може да се пријават до четврток, 18 јануари appeared first on Република.

Иако во многу куќи новогодишни украси и новогодишни елки се раскитуваат дури во февруари, според принципите на фенг шуи тоа не е добро, а има и практични причини.

Имено, некои ја украсуваат елката на крајот на ноември или почетокот на декември, а така ја оставаат речиси два месеци, што е сосема доволно време да се акумулира многу прашина на украсите, што не е лесно да се исчисти.

Според непишаното правило 12 дена по Божиќ, односно до 18-ти јануари треба да се отстранат сите новогодишни украси.

Според фенг шуи, сè што ја „завршило“ својата работа треба да се отстрани од куќата. Таков е случајот со новогодишното украсување. Припаѓа на новогодишните празници, кои сега одамна завршија.

Ако не ги отстраните, ментално останувате во минатото. Треба да размислувате за иднината, за времето што доаѓа, а тоа е пролетта.

The post Според фенг шуи, до 18 јануари треба да ги тргнете новогодишните украси од домот appeared first on Република.