Околу 8 часот утринава со воздушна пушка во Белград е застрелана девојка (15) кај Калемегдан. Девојчето било застрелано во бутот кога одело на училиште.

Како што пишуваат медиумите во Србија, девојчето тргнало на училиште, а во првиот момент откако било рането помислила дека ја удрила топка во ногата. Неколку секунди подоцна забележала крв.

Девојчето е пренесено во Институтот за мајка и дете и во моментов чека операција.

Инцидентот бил пријавен во полиција нешто по 8 часот, а истрагата е во тек.

The post Застрално 15-годишно девојче во Белград appeared first on Република.

Уште едно лице почина во тешката сообраќајна несреќа која се случи на автопатот Штип-Миладиновци на околу половина километар на патарината кај село Кадрифаково.

Портпаролот на СВР-Штип, Гордана Панајотова во изјава за МИА, информира дека од страна на Клиничка болница-Штип добиле пријава дека на тешките телесни повреди подлегнала и 37-годишна жена.

Претходно, како што јави МИА, две лица, од кои едното девојче на 15-годишна возраст ги загубиле животите во тешка сообраќајна несреќа која денеска околу пладне се случила на автопатот Штип – Свети Николе, во близина на патарината кај село Кадрифаково.

Несреќата во која учествувале две возила се случила во 12:10 часот.

На самото место животите ги загубиле 15-годишно девојче и 62-годишна жена.

The post Три лица загинаа во сообраќајна несреќа на автопатот Штип-Миладиновци, меѓу нив и 15-годишно девојче appeared first on Република.

Истрагата за убиството на 15-годишната Наталија Мелман на 4 февруари 2001 година во Буенос Аирес, резултира со доживотна казна затвор за тројца полицајци обвинети за киднапирање, силување и убиство, додека четвртиот е вратен на ново судење откако претходно беше ослободен.

Исто така, останува да се утврди кому му припаѓа петтиот примерок на ДНК кој е пронајден на местото на злосторството, имајќи предвид дека тој петти „актер“ во ова монструозно дело никогаш не е пронајден, ниту пак идентификуван.

На доживотен затвор се осудени полициските службеници Оскар Ехенике (61), Рикардо Анселми (53) и Рикардо Суарез (58). Тие на кобниот ден во утринските часови присилно ја ставиле малолетничката во комбе, па ја однеле во напуштена куќа во населбата Копакабана, пренесува „Ел Литоријал“.

Таму ја силувале, а потоа и ја задавиле со врвка од кондурите на еден од полицајците. Нејзиното тело е пронајдено четири дена подоцна во шума, под куп лисја.

Четвртиот инволвиран, поранешниот наредник Рикардо Пандера, е ослободен 2018 година бидејќи „неговото соучество не е докажано во претресот“ и поради „погрешна проценка на материјалните докази“, соопштија од обвинителството.

Родителите на жртвата ја обжалија пресудата тврдејќи дека се работи за „пристрасна и произволна анализа на доказите“, повикувајќи се на ДНК-извештајот и срамните влакна кои се компатибилни со влакната на Пандера.

Една година подоцна судот ја поништи ослободителната пресуда и наложи ново судење кое се’ уште трае.

Истрагата за ова злосторство покажа и петти ДНК-профил, откриен од трагите сперма пронајдени на телото на жртвата за време на обдукцијата.

„Ова зло нè уништи сите кои ја сакавме Наталија, но е класичен пример дека постои насилство врз жените, дека постои полициско насилство и дека треба сериозно да се спротиставиме на оваа тортура. Правдата во неколку наврати беше доведена во прашање, чисто да нè потсети какви луѓе сме ние всушност, кога воопшто дозволуваме вакви работи“, изјави во една прилика Густаво Мелман, таткото на жртвата.

The post Наталија била силувана, па задавена со врвка: Пресврт по изгубената надеж на семејството appeared first on Република.

Основното јавно обвинителство Прилеп донесе наредба за спроведување истражна постапка против едно лице, на возраст од 21 година, за кое постои основано сомнение дека сторило кривично дело – Силување од член 186 став 2 во врска со став 1 од Кривичниот законик.

Осомничениот, на 13 септември, во непосредна близина на мостот пред селото Селце, со употреба на сила и сериозна закана присилил на обљуба 15-годишно девојче. Додека оштетената се враќала од училиштето кон нејзиниот дом, осомничениот ја пресретнал и почнал да ја следи, движејќи се зад неа. Во еден момент се приближил и започнал да ја допира, насилно да ја трга и да ја влече по тревата. Ѝ се заканувал да не вика, бидејќи ќе им се случи нешто лошо на нејзините најблиски. Под мостот извршил обљуба врз девојчето, кое постојано се спротивставувало.

Надлежниот јавен обвинител до судијата на претходна постапка од Основниот суд во Прилеп поднесе предлог за определување мерка притвор за осомниченото лице. Судијата го прифати предлогот и со решение на осомничениот му определи притвор во траење до 30 дена.

The post Чекал 15-годишно девојче по училиште и ја силувал под мост: Притвор за силувач од Прилеп appeared first on Република.