Вработените во јавните служби во Косово ќе добијат помош од 50 евра, а вработените во јавните претпријатија и пензионерите еднократна помош од 100 евра, најави премиерот Албин Курти.

Наведувајќи дека инфлацијата го „отежна животот на граѓаните“, Курти рече дека новиот пакет поддршка треба да им овозможи на граѓаните полесно да се соочат со поскапувањата.

„Пензионерите ќе добијат еднократна сума од 100 евра, додека за еден месец ќе ја удвоиме помошта за семејствата на социјална помош“, рече Курти.

Тој оцени дека на инфлацијата најмногу влијае врз приватниот сектор, каде според Курти работат 80 отсто од вработените во Косово.

„Секој бизнис ќе го поддржиме со субвенционирање на платите за работниците од 50 проценти, најмногу 100 евра за првите три месеци“, рече Курти и најави дека во ноември и студентите ќе добијат помош во висина од 100 евра.

Тој ги повика граѓаните да штедат струја во услови на енергетска криза и најави дека Владата ќе ги субвенционира оние кои трошат помалку струја во однос на истиот период лани.

The post Косово дава 100 евра за пензионерите и студентите, за полесно да ја минат инфлацијата appeared first on Република.

Денеска во Србија започна исплатата на 100 евра помош за младите. Министерот за финансии Синиша Мали, изјави дека Управата за финансии утрово веќе префрлила средства за 400.000 млади луѓе. Пари ќе добијат вкупно 1.105.196 лица, а исплатите, како што рече, продолжуваат и утре и задутре.

Под слоганот „Да кликнам од среќа“, државата го даде правото за аплицирање за помош од 100 евра, за граѓаните на Србија кои се на возраст од 16 до 29 години.

Аплицирањето за еднократна помош на младите во износ од 100 евра започна на 16 мај, а последен ден за пријавување до Трезорот беше вчера.

The post Од денеска 400 илјади млади Срби ќе добијат по 100 евра помош од државата appeared first on Република.

Косовскиот премиер, Албин Курти ги претстави денеска новите мерки за поддршка на пензионерите, вработените во приватниот и јавниот сектор и студентите со по 100 евра за април, јави дописникот на МИА од Приштина.

Курти на денешната прес-конференција, што ја одржа заедно со министерот за финансии, Хекуран Мурати, информира дека вкупната вредност на овој социјален пакет изнесува 100 милиони евра.

За април двојно ќе ја зголемиме социјалната помош за сите семјства кои се нејзини корисници. На сите слоеви пензионерите ќе им поделиме по сто евра додатоци за април. По 100 евра ќе добијат работниците во приватниот сектор, а исто толу ќе добијат и 80-те илјади јавни службеници. Исто така сите студенти ќе добијат по 100 евра, а за ранливите слоеви издвоивме повеќе од 80 илјади евра, изјави Курти.

Со овој пакет, според косовскитот премиер, ќе бидат опфатени околу 800 илјади граѓани, или „практично секое семејство во Косово“.

Курти најави дека наскоро се очекува да се усвои нацрт-закон за укинување на данокот на платите кои се до 250 евра, како и зголемување на минималната плата.

Министерот Мурати изјави дека додатокот за пензионерите и вработените во јавниот сектор ќе биде исплатен веднаш, додека за работниците во приватниот сектор и за студентите ќе треба да се отвори процес на аплицирање, со оглед дека владата не располага со нивните банкарски сметки

The post Косово ќе им исплати по 100 евра на вработените, пензионерите и студентите appeared first on Република.