Факт е дека затекнавме хаос, револтирани граѓани и изгубено достоинство. Со макотрпна и посветена и организирана работа го решивме проблемот со издавање лични документи. Нема веќе гужви со часови. Во насока на доближување на условите на МВР до граѓаните и остварување на нивните права, отворивме канцеларии на управни служби во Општина Јагуновце и Матејче и во идниот период ќе се отворат повеќе такви канцеларии секаде каде што немало за граѓаните полесно о побрзо да ги остваруваат своите права и полесен и побрз пристап до нашите услуги, истакна денеска министерот за внатрешни работи Панче Тошковски на прес-конференција по повод 100 дена од новата Влада.

Во насока на унапредување на условите на условите за работа и градење на задоволна и ефикасна полиција министерот, Тошковски го потенцираше почетокот на целосното реконструирање на Центарот за обука на МВР, планот за изградба на нови полициски станици и преземање на напуштени и неискористени објекти и нивно профункционирање, како и отворањето на новиот Регионален К9 центар за обука и сертификација поддржан од мисијата на ОБСЕ.

Во наредниот период најавувам ново средно полициско училиште. После прва и втора година средно образование, идните млади полицајци трета и четврта година ќе можат да ги поминат во рамки на средното полициско училиште коешто ќе биде лоцирано токму во центарот за обука. Овој тренд е имплементиран и во земји од ЕУ бидејќи нашите анализи покажуваат дека професионалниот капацитет на полициски службеници коишто биле едуцирани во рамки на средно полициско училиште е далеку повисок така што ова ќе биде еден од основните фокуси на МВР во следниот период, потенцираше министерот.

Тој посебно го нагласи проблемот со немањето на соодветни полициски униформи за полициските службеници и истакна дека веќе интензивно се работи за набавка на нови практични и квалитетни полициски униформи.

Се надевам дека веќе следната година сите полициски службеници ќе можеме да ги облечеме, во соодветни, практични и достоинствени полициски униформи какви што тие заслужуваат, а граѓаните очекуваат од својата полиција, дециден беше министерот Тошковски.

Тошковски ги истакна и одлуките за исплаќање на финансиски средства за хранарина за подолга работа од три часа во ноќна смена, што во минатото предизвикувало генерирање огромен број тужби против министерството и промена на колективниот договор за финансиска награда за новороденче и кон полициските службеници од машки пол со тоа надминувајќи ја дискриминацијата која била правена порано со награда само на вработените од женски пол.

Во делот на дигитализација на процесите кој е еден од главните фокуси како на министерството така и на Владата, министерот ги истакна проектите како мобилната апликација „Џастис РБН за родово базирано насилство“ за постапување на полициските службеници по случаи за родово базирано насилство, новиот софтвер за менаџмент на воздухопловни полициски операции и меморандумот за користење на системот „Безбеден град“ со над 220 надзорни камери во Кавадарци.

„Зголемено присуство на полицијата, побезбедни граѓани“ е мотото под кое МВР работи за обезбедување на граѓаните како на Скопје, така и на државата со цел доведување на безбедносната состојба на ниво на кое е задоволителна.

Граѓаните на државата, а посебно на Скопје се сведоци на унапредување на безбедносната состојба во изминатиот период. Имавме голем број на спроведени акции во овие 100 дена, со голема успешност, констатирани прекршоци. Имавме и голем број приведени лица, лица барани со потерници, лица избегани од затвори или сториле одредено кривично дело. Сето тоа беше верификувано со голем број кривични и соодветни пријави и оваа акција даде многу добри резултати и ќе продолжи и во иднина, нагласи министерот.

Во борбата со пожарите, Тошковски нагласи дека и покрај уништениот систем од претходно, сепак хеликоптерската единица на МВР е главниот столб во делот на справувањето со пожарите кои беснееја ова лето.

Хеликоптерите на МВР имаат над 350 летечки часа во текот на летото со исфрлени над 3400 тони вода без пожарите. 10 часа беа остварени во реализирани седум потраги и спасувачки акции и имаме два медицински лета 15 летачки часови, акцентираше Тошковски.

Реферираше и за борбата со криминалот и корупцијата и во полициските редови, бидејќи, како што рече, граѓаните заслужуваат чесна и професионална полиција која ќе се бори со криминалот и ќе ја обезбедува нивната безбедност.

The post Тошковски: Затекнавме хаос, за 100 дена решен проблемот со документите, услугите поблиски до граѓаните appeared first on Република.

Денеска на покана на директорот на Фондот за здравствено осигурување сме овде. Можевме да видиме каква е реалната состојба што е она што тие како менаџмент го наследија од претходниот менаџмент на Фондот. Самите слушнавте дека станува збор за долг од отприлика пет милијарди денари. Тоа е некаде околу 80-тина милиони евра и повеќе, изјави претседателот на Владата, Христијан Мицкоски.

Со едно домаќинско работење и со би рекол вешто реструктуирање на овој долг тој ќе се намали многу брзо за две милијарди, слушнавте и од самиот директор. Што значи дека ќе дојде на некое, би рекол подносливо ниво од 3 милијарди, но треба да се спушти уште повеќе и правиме план како Влада да во периодот што следи, можеби ете да речеме во текот на следната фискална година, уште повеќе да го намалиме тој долг. А очекуваме и со домаќинско, вредно, посветено работење на новиот менаџмент во болниците и во здравствените установи низ државата да дел од тие долгови бидат и по тој пат вратени назад. Јас можам да кажам дека како Влада врвен приоритет ни е здравјето на граѓаните. Како Влада ќе останеме посветени на поддршка и на Министерството за здравство и на Фондот за здравствено осигурување. Интересот на граѓаните е пред и над сѐ и јас лично со оваа моја денешна посета сакам само тоа да го потврдам и да честитам на Фондот, на менаџментот на Фондот, на Министерството за здравство што за вака кратко време успеаја да се консолидираат и да ги земат работите, што се вели народски, во свои раце и да вратат околу две милијарди денари, што е нешто коешто досега не се случило, ако се има предвид дека, како што кажа самиот директор, во првата половина од годината, тој долг е зголемен за цела една милијарда. Па сега вие можете да замислите со какви цели биле тие пари и каде биле употребувани, истакна Мицкоски.

Премиерот се надева дека следната година нема има долг и на тој начин ќе се обезбедат тековно сервисирање на обврските.

Со тековно сервисирање на обврските и цените ќе паднат, ќе значи помалку расходи, повеќе приходи и на тој начин ќе можеме да на граѓаните им понудиме дополнителни услуги здравствени коишто тие ќе можат да ги користат, додава Мицкоски.

The post Мицкоски: За 100 дена отплаќаме долг од две милијарди денари на Фондот за здравствено осигурување appeared first on Република.

Kако во многу други општини претпоставувам, така и во Брвеница никој не е изненаден за долговите и начинот на кој се работело, па така Општина Брвеница заклучно со 15.11.2021 година, должи 87.000.000 денари 1.400.000,00 евра, вели градоначалникот на општина Брвеница Јовица Илиевски на денешниот регионален отчет насловен „Промени што носат иднина - 100 дена локална власт отчет на ВМРО-ДПМНЕ.

Илиевски истакна дека во изминатите 100 дена исчистени се голем број на диви депонии во општината, а е започната градежна работа за партерно уредување на центарот на Брвеница со детско игралиште, амфитеатар, фонтана, патеки и зелен појас со садници.

Исчистени депониите во Горни Челопек, Долни Челопек, Милетино, Теново, и во село во Брвеница. Започнавме со градежните работи за партерно уредување на центарот на Брвеница со детско игралиште, амфитеатар, фонтана, патеки и зелен појас со садници.

Се донесе Одлуката за еднократна помош на семејства со новороденче кои се со живеалиште на подрачјето на општина Брвеница. Се донесе Одлуката за еднократна помош за набавка на училишен прибор на семејства со прваче во основните училишта на подрачјето на општината. Започнуваме со изградба на инклузивни детски игралишта во с. Брвеница и с. Челопек, вели Илиевски.

Започнати се работи за подготовка за садење на нова трева, дренажа и наводнување на фудбалскиот стадион. Завршени се молеро фарбарските работи во спортската сала, поправка и реконструкција на водоводот, поправка на сите врати и санација на електричната инсталација а во тек е набавка на нови столчиња и чистење на спортската сала.

Реконструкција на обиколница со асфалт во с.Челопек, изградба на улица 1 со асфалт со краци 1, 2, 3 и 4 во с. Радиовце, поречко маало. Во финална фаза е реконструкција на пат со асфалт на улица Дубрава во с. Брвеница, во финална фаза Реконструкција на пат со асфалт во с. Нов Челопек марски дол, рече Илиевски.

Илиевски посочи дека во 2022 година планира општината да набави школски автобус, изградба на помали улици и проширување на канализационата мрежа.

Поголеми проекти на општина Брвеница кои се планираат за 2022 година се бушотини за вода (бунари) во с. Милетино и с. Брвеница, набавка на школски автобус, изградба на помали улици со бекатон плочки и проширување на канализационата мрежа.

https://youtu.be/E1gfWJO7wwg

The post Илиевски: Реконструкција на бројни улици во Брвеница, се започнува и со изградба на инклузивни детски игралишта appeared first on Република.

Градоначалниците од ВМРО-ДПМНЕ за 100 дена сработија повеќе од нивните претходници од СДСМ за 4 години, велат од ВМРО ДПМНЕ.

1090 проекти, за 100 дена, се доказ дека ВМРО-ДПМНЕ работи за народот, општините и државата. Тоа е разликата помеѓу ВМРО-ДПМНЕ и СДСМ.

Проектите и делата се одлика на ВМРО-ДПМНЕ.

И додека во општините каде градоначалници се од редовите на ВМРО-ДПМНЕ се работи и има отчет за сработеното, во општините каде градоначалниците доаѓаат од СДСМ и ДУИ нема отчет, затоа што ништо не сработија, нема со што да се пофалат.

Градоначалниците од ВМРО-ДПМНЕ во периодот што доаѓа уште повеќе ќе интензивираат со работа и проекти за граѓаните, се вели во соопштението на ВМРО ДПМНЕ.

The post Градоначалниците од ВМРО-ДПМНЕ за 100 дена сработија повеќе од нивните претходници од СДСМ за 4 години appeared first on Република.

Во насока на транспарентноста и отвореноста кон граѓаните ВМРО-ДПМНЕ во недела ќе одржи целодневен настан во објектот на Македонската филхармонија, кој ќе финишира со отчет за првите сто дена од управувањето на општините од страна на градоначалниците на ВМРО-ДПМНЕ, соопштија од партијата. Слоганот под кој ќе се одржи настанот е „ПРОМЕНИ ШТО НОСАТ ИДНИНА" - 100 дена градоначалници на ВМРО-ДПМНЕ.

На настанот ќе биде презентирано она што е сработено во изминатиот период од 100 дена. Свое обраќање во 17:00 часот ќе им претседателот на партијата, Христијан Мицкоски, а ма овој говор ќе претходат три одделни панел дискусии на три различни теми.

Во 11:30 часот во малата сала на Македонска Филхармонија ќе има дискусија на тема: ШТО НАСЛЕДИЈА ОПШТИНИТЕ.

Учесници: Гордана Димитриевска Кочоска, Маја Кадиевска Војновиќ, Гоце Димовски, Миле Лефков.
Модератор: Марија Митева.

 

Во 13:00 часот во малата сала на Македонска Филхармонија ќе има дискусија на тема: ЕВРОПСКИТЕ ПРАКТИКИ ВО ЛОКАЛНИТЕ САМОУПРАВИ.

Учесници: Гордана Сиљановска Давкова, Трајко Славески, Зоран Љутков, Сашо Клековски.
Модератор: Наум Стоилковски.

 

Во 14:30 часот во малата сала на Македонска Филхармонија ќе има дискусија на тема: МЛАДИТЕ И НИВНИТЕ ПЕРСПЕКТИВА ВО ОПШТИНИТЕ.

Учесници: Иванка Василевска, Сергеј Попов, Невена Величковска, Стефан Андоновски.
Модератор: Димче Арсовски.

Во наредниот тринеделен период ќе бидат организирани и 6 регионални отчети низ Македонија каде поединечно ќе бидат презентирани проектите кои се сработени, додаваат од партијата.

The post ВМРО-ДПМНЕ во недела со отчет за сработеното за 100 дена градоначалници appeared first on Република.

Градоначалникот на Бутел, Дарко Костовски објави отчет за првите 100 дена работа во општината за него и неговиот тим.

Почитувани драги сограѓани,

Општината ја гледам како свој дом, од таму јас и мојот тим сме спремни да дадеме надчовечки напори за да ја вратиме довербата кај граѓаните. Со цела сила сакаме да покажеме дека можело поинаку, дека оваа наша општина може да биде многу поубаво и помирно место за живеење.

За 100 дена успеавме да:

✅Исчистиме 23 големи депонии на територија на Општина Бутел, на исчистените локации поставивме табли на кои се алармира дека е забрането фрлање на отпад, исто така истакавме телефонски броеви за пријавување.
✅Целосно го исчистивме коритото на реката Серава во Радишани со должина нешто повеќе од еден километар.
✅Изградивме две модерни игралишта за баскет со ултра модерна и лиценцирана подлога за играње и контрукции за кошеви. ( Заради временските услови истите ќе бидат за многу скоро финализирани и свечено отворени ).
- Првото игралиште во Бутел 1 (ООУ св. Климент Охридски)
- Второто игралиште во Радишани (ООУ Ацо Шопов)
✅Изградивме две нови игралишта за деца
-Првото во ООУ Живко Брајковски
-Второто во Градинката во Бутел 1
✅Купивме 33 нови интерактивни табли за модерна настава во основните училишта, истите беа рамномерно поделени во основните училишта.
✅Опремивме три нови кабинети по информатика со нови и конфигурациски силни персонални компјутери
-ОУ Ацо Шопов
-ОУ Гоце Делчев
-ОУ Линан Каба (После 20 години ова ООУ добива кабинет по информатика)
✅Започна со градба новото општинско основно училиште во Визбегово
✅Во градинките опремивме:
- Десет училници со нови масички и столчиња
- Нови дидактички играчки за дечињата
- Нови меки подлоги
- Нови шкафчиња
- Две нови смарт табли специјализирани за дечиња од предучилишна возраст
✅Го решивме големиот проблем со улица АФЖ во Радишани
✅Целосно го реконструиравме пензионерскиот клуб на Љуботенски Пат
✅Во крајна фаза е санацијата на спортската сала на ООУ Живко Брајковски
✅Целосно беше истампониран патот во Љубанци од Пештер до манасттирот св. Јован
✅Уличното осветлување се подигна на многу повисоко ниво со брзи и ефикасни интервенции
✅Неколкуте наноси на снег беа експресно брзо расчистени, машините за чистење снег интервенираа и на споредните улички.
✅Ја отворивме Оптшина Бутел за народот, сега буквално секој граѓанин може да закаже средба со градоначалникот преку телефонски повик.
✅Ја забрзавме работата на општинската администрација
✅Фронтално се спротиставивме на можноста за корупција во општината
✅Со драстично намалување на привремени вработувања само за 2022 година ќе заштедиме 10 милиони денари, наша проценка е дека за четири години ќе заштедиме над 50 милиони денари за разлика од преходно, и тоа само со решавање на фантомските непотребни вработувања. Секако дека заштедените пари ќе бидат вложени во проекти за општо добро на граѓаните на нашата општина.
✅Лично јас како градоначалник се откажав од сите репрезентативни трошоци
ДЕЛ ОД ПРОЕКТИТЕ ШТО СЛЕДАТ НАСКОРО:
➡️Започнување со градба на нова градина во Бутел 1 веднаш до училиштето св. Климент Охридски
➡️Целосна реконструкција на улица Бутелска
➡️Целосна реконструкција на улица Радишанска
➡️Целосна реконструкција на улица Скоевска
➡️Целосна реконструкција на улица Бел Камен
➡️Целосна реконструкција на улица Мостарска и Пребоднова со решавање на проблемот со атмосферската канализација
➡️Промена на оградата во ООУ св. Климент Охридски
➡️Проектирање и изградба на корито на река Серава во Радишани
➡️Изградба на трим патеки на неколку локации покрај реката Серава
➡️Целосно чистење на коритото на реката серава долж цела Оптшина Бутел
➡️Асфалтирање на неколку улички во Љубанци
➡️Асфалтирање на повеќе кратки улички во скоро сите населени места
➡️Реконструкција на сите спортски игралишта
➡️Реконструкција на сите детски игралишта
➡️Изградба на неколку паркови на територија на Општина Бутел
➡️Изградба на неколку спортски игралишта во неколку населени места
➡️Реконструкција на мостот (кај Морски) Радишани горна зона
➡️Поставување на бекатон плочки на влезовите пред зградите во Скопје Север
➡️Решавање на проблемот со атмосферската канализација на неколку позиции во Бутел 2
➡️Стипендии за најдобрите спортисти до 18 години и над 18 години
➡️Стипендии за најдобрите ученици во основните училишта
➡️Помош за школски прибор на учениците кои што се наоѓаат во социјален ризик
➡️Финанскиска помош на спортски клубови
➡️Организирање на неколку културни манифестации
➡️Голем број хуманитарни активности
➡️➡️➡️Уште многу проекти за кои тековно ќе бидете запознаени. Следи и изненадување ! 😁

Со цело ❤️ за Општина Бутел✅
Идеата е поставена, по секоја цена одиме до крај.

The post Општината ја гледам како свој дом – Костовски со отчет за првите 100 дена како градоначалник на Бутел appeared first on Република.