Во првите 100 дена раководење со општината, спроведовме низа мерки, активности и проекти кои значат директен бенефит за жителите на Општина Илинден. Иако наследивме исклучително тешка финансиска состојба како резултат на недомаќинско работење во минатото, со долг од над 4.300.000 милиони евра од страна на Општината и општинските претпријатија, во изминативе три месеци Општина Илинден и новиот тим започнаа енергична и исклучително активна општинска политика, секогаш имајќи ги предвид потребите на граѓаните за подобар и поквалитетен живот, истакна градоначалникот на Општина Илинден, Александар Георгиевски на денешниот регионален отчет „Промени што носат иднина - 100 дена локална власт отчет на ВМРО-ДПМНЕ“

Започнавме со капитален проект за изградба на фекална канализација во локалитет „Јака“ во вредност од речиси 20 милиони денари со кој се опфаќаат околу 300 домаќинства, Продолживме со реконструкцијата на главната улица 532 која ги поврзува населените места Марино и Кадино во должина од 2 километри, посочи Георгиевски.

Тој кажа дека дека следува изградба на ново основно училиште во Илинден каде ќе се воведе и целодневна настава, а ќе има и сензорска соба за децата со попреченост.

Георгиевски кажа дека со цел подобра комуникација со централното градско подрачје во вечерните часови и по барање на жителите е воведена ноќна автобуска линија во Општина Илинден во соработка со ЈСП Скопје. За прв пат се воведува еднократна парична помош од 5.000 ден. за секое новороденче во Општина Илинден.

Тој додаде дека се исчистени над 13,000 метри канали со цел заштита од поплави во сите населени места. Исчистени се и многу диви депонии на територија на општина Илинден во соработка со ЈКП Илинден и со општествено одговорни фирми.

Во рамки на проектот „Светла Општина Илинден” во соработка со јавното претпријатие Илинден сменети се над 300 парчиња ЛЕД светилки како и нови со поставување на нови столбови во сите населени места, рече Георгиевски.

Георгиевски изјави дека силно се вложува во образованието и училиштата преку низа активности кои ќе го подобрат секојдневието на учениците, како опремување на кабинетите со соодветен инвентар, уредување на школските дворови, замена на старата компјутерска инсталација со нова, донирани се нови електронски уреди-таблети за реализација на наставната програма по Новата концепција за четврто одделение.

Изготвена и доставена апликација до МОН за изградба на училишна спортска сала во населба Илинден. Изготвена е и проект за проширување на просторни капацитети на постоечката детска градинка Гоце Делчев во населба Илинден. Изготвена и доставена апликација до Јапонската амбасада во Република Македонија за промена на кровната конструкција на Основното општинско училиште Ристо Крле во Кадино, посочи Георгиевски.

Градоначалникот потенцираше дека е потпишан и меморадум помеѓу Општина Илинден и општествено одговорни компании од бизнис заедницата во Илинден за подобрување на образовниот процес, како една од најзначајните области за развој, подобрување на квалитетот и ефикасноста на стручното образование во СОСУ Илинден.

Општина Илинден и нејзините жители заслушуваат многу повеќе од она што досега го добивале. Затоа Ви ветувам дека заедно со Вас и мојот тим ќе се вложиме максимално за реализација на нашата заедничка програма, која Вие ја верификувавте на последните локални избори.Ова нема да е лесна задача, но Ве уверувам дека со голема посветеност и многу работа истата ќе ја реализираме, кажа Георгиевски пред присутните.

https://youtu.be/XapsFo9YdFc

The post Георгиевски: Се гради ново основно училиште, се инвестира во фекална канализација, се чистата одводни канали и се инвестира во развој на општина Илинден appeared first on Република.

Во населеното место Петровец на ул.22 по завршувањето на канализационата мрежа извршивме целосно асфалтирање на истата, во должина од 280 метри. На трите краци на ул.22 поставена е нова канализациона мрежа со вкупна должина од 280 метри и извршивме приклучување на домаќинствата на канализационата мрежа. Во населено место Петровец на крак од ул.1 е направено канализациона мрежа од 300 метри и истата ја поплочивме со бекатон плочки, а извршивме и темелна реконструкција на културниот дом во населеното место Сушица, изјави градоначалникот на општина Петровец Борче Митевски на денешниот отчет „Промени што носат иднина - 100 дена локална власт отчет на ВМРО-ДПМНЕ“.

Митевски додаде дека се исчистени 4 диви депонии во населените места во општината.

Извршивме чистење на четири диви депонии. Ја исчистивме дивата депонија на излезот од населеното место Петровец - на патот кон населеното место Огњанци. Исчистена е дивата депонија кај црквата Св. Илија во населеното место Огњанци. Исчистена е дивата депонија кај местото викано Кисела Вода и депонијата во населеното место Петровец кај православните гробишта. Извршивме расчистување и тампонирање на дворното место на амбулантата од здравствениот дом Скопје, со што обезбедивме паркинг простор за повеќе возила, рече тој.

Тој додаде дека е извршена реконструкција на детскиот забавен парк во Долно Коњари, а изготвена е и документација за нова детска градинка која треба да се изгради во училишниот двор во ООУ „Кочо Рацин‟.

Извршивме докомплетирање на помошните простории на спортската сала во Средно Коњари, како и уредување на дворното место пред спортската сала на ОУ „Братство единство‟ во Средно Коњари. Изработивме проект за нова општинска зграда .Изработивме проект за нова детска градинка која треба да се изгради во училишниот двор во ООУ „Кочо Рацин‟ во Петровец. Го реконструиравме детскиот забавен парк во Долно Коњари. Почитувани мои сограѓани сите овие реализирани проекти финансиските средства во целост се обезбедени од буџетот на општина Петровец, порача Митевски.

Митевски нагласи дека голем број на проекти ќе се реализираат и во следниот период во општина Петровец меѓу кои и нова пешачко-велосипедска патека од центарот на Петровец до центарот на Р′жаничино, доизградба на спортската соблекувална на фудбалскиот клуб од Долно Коњари, изградба на канализационата мрежа во населеното место Огњанци, како и Изградба на пешачка патека во населеното место Горно Коњари од центарот на населеното место до бензинската пумпа.

Нова општинска зграда од 800m². Нова пешачко-велосипедска патека од центарот на Петровец до центарот на Р′жаничино. Продолжуваме со изградба на канализационата мрежа во населеното место Огњанци. Ќе извршиме доизградба на спортската соблекувална на фудбалскиот клуб од Долно Коњари. Изградба на пешачка патека во населеното место Горно Коњари од центарот на населеното место до бензинската пумпа. Во населено место Ржаничино пред културниот дом ќе изградиме нов детски забавен парк. Во населено место Катланово ќе ја до изградиме и опремиме со инвентар просторијата за пензионери. Во училишниот двор на ООУ “Кочо Рацин” Петровец ќе изградиме нова детска градинка. Ќе асфалтираме и поплочиме со бекатон плочки локални улици во населените места, кажа градоначалникот Митевски.

https://youtu.be/XapsFo9YdFc

The post Митевски: Обезбеден е паркинг за амбулантата во Петровец, во изработен е проект за изградба на нова детска градинка appeared first on Република.

Градоначалниците од СДСМ го преспаа целиот свој мандат, се разбудија два месеци пред одржувањето на локалните избори, раскопаа по некоја улица, а со надеж дека ќе добијат глас повеќе. Граѓаните го препознаа неработењето нивно и ги казнија на последните локални избори. За разлика од нив, ние почнавме со работа од првиот ден, рече Спасе Кочовски, градоначалник на општина Вевчани на регионалниот отчет „Промени што носат иднина - 100 дена локална власт отчет на ВМРО-ДПМНЕ“.

Кочовски додаде дека кога стапил на функција градоначалник на општина Вевчани била нефункционална и приватизирана општина, општина во целосна функција на личните интереси на претходниот градоначалник и партијата. Затекнал демотивирана и деградирана општинска администрација и долг од на 2.5 милиони денари. Според него, ниту еден проект кој го имал започнато минатата градска власт не е целосно завршен иако за тоа имале време.

Ние ја отворивме општината за секој еден граѓанин без разлика на неговата партиска припадност. Ја забрзавме динамиката на проектите кои ги затекнавме. Во изминатиов период ги реализирав следниве активности и проекти:

• Во тек е постапка за доделување на договор за јавна набавка за партерно уредување на просторот околу мултикултурниот центар „Коста Србакоски“ Вевчани.

• Започната е иницијатива за подготовка на документација за реконструкција на кујната во детската градинка „Планински цвет“ Вевчани.

• Во тек е изградба и реконструкција на 5 локални улици во Вевчани кои ќе се реализираат во 2022 година.

• Отпочнавме постапка за изработка на техничка документација за изградба и реконструкција на локални улици.

• Подготовка на техничка документација за реконструкција на локални улици во рамките на проектот за поврзување на локални патишта.

• Го саниравме и решивме проблемот со каналот за наводнување на заобиколницата на потегот од фабрика „Вевчанка“ до Здравствен дом.

• Со изградба на бетонски канал го решивме проблемот со пропустите за вода на пристапниот пат кој води до земјоделско земјиште „Зодишта“.

• Во тек е изградба на 4 канализациски линии во Вевчани, овие канализации се градат од програмата на ТАВ за инфраструктурни проекти.

• Отпочната е постапка за изработка на техничка документација за реконструкција (бетонирање) на главните канали за наводнување во урбаниот опфат на Вевчани.
• Започната е иницијатива за изградба на повеќенаменско спортско игралиште во Вевчани.

• Санирани се мостовите и осветлувањето по кејот на Вевчанска река.

• Поправено е целото осветлување во заштитеното подрачје Споменик на природата „Вевчански извори“.

• Почната постапка за донесување на нов урбанистички план за Вевчани.

• Донесовме програма за финансирање на проекти од локален интерес во културата во општина Вевчани и започна нејзината реализација преку поддршка на Василичасрите друштва, поддршка на културно уметничкото друштво „Дримкол“ Вевчани, поддршка на самостојни уметници.

• Во соработка со МЕД, а преку проект на Швајцарската агенција за развој и соработка (SDC), објавен е јавен повик за финансиска поддршка за развој на одржлив туризам во заштитеното подрачје Споменик на природта (СП) „Вевчански извори“.

Кочовски се осврна и на проекти кои треба да се реализираат до крајот 2022 година. Според него ќе се работи на изработка на техничка документација за реконструкција и изградба на улици, ќе се донесе нов урбанистички план на Вевчани. Се предвидува да се започне и со пробивање и чистење на полски и шумски патишта, ќе се реконструираат мостовите во Споменикот на природата „Вевчански извори“ и партерно ќе се уреди просторот околу мултикултурниот центар „Коста Србакоски“ Вевчани.

На граѓаните на општина Вевчани им ветувам макотрпна и посветена работа со цел реализација на сите проекти, а ќе ја продолжиме и практикава на отчетност, нагласи Кочовски.

The post Кочовски: Вевчани доби мултикултурен центар, започната е иницијатива за изградба на повеќенаменско спортско игралиште appeared first on Република.

Ние не застануваме и нема да ве изневериме, порача претседателот на ВМРО-ДПМНЕ Христијан Мицкоски, споделувајќи дел од регионалниот отчет на градоначалниците на ВМРО-ДПМНЕ „Промени што носат иднина - 100 дена локална власт“.

Ние заедно со народот, со луѓето на Македонија од сите вери и нации се боревме и ќе се бориме за иднината која што ја заслужуваме.
Промени што носат иднина, порача Мицкоски.

The post Мицкоски: Заедно со луѓето на Македонија од сите вери и нации се боревме и ќе се бориме за иднината која што ја заслужуваме appeared first on Република.

Изминаа првите 100 дена од преземањето на функцијата градоначалник на општина Ранковце. Тоа се 100 дена исполнети со одговорност, посветеност, и желба да се направи нешто повеќе за своите сограѓани. Па, во суштина и луѓето се разликуваат токму по тоа, колку се одговорни и колку се работливи, колку се професионални и колку знаат да се носат и да бидат посветени на она што го работат, истакна, Борче Спасовски, градоначалник на општина Ранковце на регионалниот отчет „Промени што носат иднина - 100 дена локална власт отчет на ВМРО-ДПМНЕ“ кој се одржа во Мултикултурниот центар во општина Кочани.

Спасовски додаде дека тој е градоначалник бидејќи сака неговата општина да е развиена и модерна општина која ќе е во функција на граѓаните.

Колку сум јас задоволен лично најмалку е важно, во моментот најважно е колку се задоволни граѓаните од сработеното во изминативе 100 дена. Мислам дека со проектите кои што ги реализиравме со оние проекти кои веќе ги реализираме во овој кус временски период граѓаните треба да се задоволни. Тоа граѓаните треба најдобро да го кажат и да судат за сработеното, рече Спасовски.

Спасовски посочи дека граѓаните веќе го чувствуваат подобрувањето на квалитетот на нивното живеење.

Општината ја затекнав со 15-тина тужби, со долг од приближно 3 милиони денари кон доверители по основ на набавени стоки и извршени услуги. Во изминатите 100 дена она што го променив во функционирањето на општина Ранковце во поглед на приходите и расходите е сведување на непродуктивните расходи на минимум и зголемување на приходите пред се од локални даноци, такси за да со домаќинско работење го забрзаме локалниот економски развој на општината. Досега се започнати и реализирани следниве проекти, изградба на делот на канализација во село Љубинце во должина на 711 метри, изградба на дел од локален пат во село Герман во должина од 900 метри, реконструкција на основно училиште во село Радибуш во вредност од 7 милиони денари, заврши изградбата на асфалтирање на дел од локален пат во село Радибуш во должина од 500 метри. Започна првата фаза од изградба на водоснабдителен систем за населеното место Сача, инвестиција во вкупна вредност од над 30 милиони денари, појасни Спасовски.

Спасовски укажа дека обезбедил финансиски средства за изградба на улица во село Ранковце, крак 1, за кое е во тек спроведување на постапка за доделување на договор за јавна набавка.

Обезбедив средства за урбана опрема и реквизити на детско игралиште во село Ранковце, рече Спасовски.

Спасовски додаде дека има одобрен проект од УНДП за меѓуопштинска соработка со општината Крива Паланка, обезбедена техничка опрема за територијалните противпожарни единици од Крива Паланка – Ранковце.

Во овие 100 дена се одржаа пет седници во Советот на Општина Ранковце. Одлуките на Советот во Општината Ранковце се носат едногласно. Тоа најдобро зборува дека политичка обоеност нема. Она што е во интерес на граѓаните, она што е во интерес на општината, она што е во интерес на подобрување на квалитетот на живеење на граѓаните во општина Ранковце секогаш и секаде ќе биде прифатено, нагласи Спасовски.

https://youtu.be/NNlc1E5tFdk

The post Спасовски: Општината ја затекнав со 15-тина тужби и голем долг, но за 100 дена го променив во функционирањето во Ранковце appeared first on Република.

Овие 100 дена се сублимат на многу мали, но еднакво вредни победи за сите нас. Но и големи проекти за кои треба волја, но и знаење. А, вие самите знаете дека никогаш не ветувавме чуда, но се чувствува дека носиме промени што ја менуваат сегашноста, промени што носат иднина и промени за кои заедно се бориме, рече во својот говор лидерот на ВМРО-ДПМНЕ Христијан Мицкоски пред градоначалниците од Истоочниот плански регион.

Зборувајќи пред градоначалниците и советниците од Кочани, Штип, Виница, Чешиново Облешево, Карбинци, Зрновци, Македонска Каменица, Пехчево и Ранковце Мицкоски потсети дека пред изборите си ветиле едни со други дека никогаш, ама баш никогаш нема да заборават на народот.

Поминавме низ пеколен период, но без лажни оправдувања, без изговори денес гледаме во очи на народот и даваме пресек за тоа што сработивме. Затоа што позади нас има труд, има работа и почнуваме промени кои ќе донесат иднина. Заедно со сите вас почнавме да работиме уште првиот ден. Не заборавивме од каде почнавме, но и што мораме да направиме. Секое наше ветување е обврска до која стоиме и за која се бориме. Но и да не заборавиме што затекнавме. Хаосот, безредието, затворените општини, корупцијата, енормно повторувам енормно презадолжени општини, неработата, неспособноста и сето тоа започнавме да го менуваме. И затоа денес и пречи на власта затоа што правиме отчет. Затоа што успеавме во 100 дена да направиме повеќе од тие за 4 години, рече Мицкоски.

Во изминатите 100 дена, рече тој, започнати се повеќе од 1090 проекти, од кои 166 капитални низ целата територија на Македонија.

Започнати се со проектирање, градба или реконструкција нови 33 градинки и 68 училишта. Точно 206 улици и патишта се градат или реконструираат со вкупна должина од околу 100 км. Се инвестира во градба на 111 водоводи и канализации, 96 игралишта и паркови. Расчистени се околу 200 диви депонии. Секој си го поставува прашањето дали сето ова е доволно? Секако дека потребно е повеќе и уште подобро. И ние не застануваме. И ние НЕМА ДА ВЕ ИЗНЕВЕРИМЕ! Бевме заедно кога имаше и поплави, и кога имаше пожари, и кога тутунот не се откупуваше и кога Македонија практично беше нападната од сите страни, кога државата затвораше врати за народот преку оваа Влада. Ние заедно со народот, со луѓето на Македонија од сите вери и нации се боревме за иднината која што ја заслужуваме.

Локалната самоуправа, општините се крвотокот на слободата во една држава, и тоа е островот од кој започнуваат промените за иднината за која се бориме за секој човек.

Морам да прокоментирам и збор два за власта. Им благодарам што се заинтересираа да пребројуваат колку точно проекти сме започнале со реализација. Ова да бидам искрен особено ми импонира затоа што доаѓа од политичка структура СДСМ-ДУИ која е се уште локална власт во повеќе од дваесет општини во Македонија, а од каде за жал до ден денешен, поминаа 100 дена не видовме ниту еден отчет за тоа што тие го направија и што тие сработија. И затоа тешко им паѓа кога гледаат дека даваме отчети.

Веројатно мислеле и мислеле како тоа да го дефокусираат па се насочија кон проектите на ВМРО-ДПМНЕ. И не се жалам, тоа е добро, барем ќе научат нешто за работата. А, нели јас сум човек кој сака да е математички прецизен, па еве гласно велам тоа повеќе од 1090 проекти од кои 166 капитални проекти сработени од градоначалниците на ВМРО-ДПМНЕ и Коалицијата. И знам дека им е тешко да ги соберат проектите кои се многу, затоа што заевизмот кој се уште силно владее во СДСМ се разбира само од една математичка операција, а тоа е одземање. За да не се препелкаат ги поканувам од СДСМ на еден од регионалните настани кои ги организираме па градоначалниците прецизно како што тоа го прават пред целиот народ ќе ги запознаат со проектите на кои работат. И овие 1090 проекти ќе беа најмалку двојно повеќе ако СДСМ и ДУИ оставеа општини на здрави нозе, а не упропастени и блокирани во долгови.

Мицкоски додаде дека е особено горд на сработеното, затоа што секој проект е направен во услови на операција на систематско уништување на локалната самоуправа од страна на централната власт.

Вистинско херојство е секој сработен проект на пример во Штип, бидејќи само јавното претпријатие ИСАР го оставија со повеќе од 300 милиони денари долг, тоа се повеќе од 5 милиони евра. Значи само едно претпријатие со 5 милиони евра долгови. Малата општина Пехчево има долг од близу милион евра или поточно 900.000 евра, додека пак половина милион евра долг има и Чешиново – Облешево, и уште многу други работи ќе си го кажат тоа градоначалниците понатаму.

Операцијата за систематско уништување на локалната власт опфаќа континуирано намалување од дотациите што владата треба да ги дава на општините, а тоа се пари на граѓаните, тоа не се пари ниту на Заев, ниту на Ковачевски, ниту на Бујар Османи, ниту пак на Артан Груби. Тоа се пари на граѓаните кои преку дотациите владата треба да ги дава на општините. А, бидејќи тие се скратени, тоа значи дека има помалку пари за плати, за проекти, за развој. Зошто? Затоа што ВМРО-ДПМНЕ го декласираше СДСМ заедно со народот, а сега веќе завршените локални избори.

Вториот удар од ваквата акција на власта на СДСМ – ДУИ е токму енергетската криза. Владата ја донесе кризата, а општините ја плаќаат. Имено сметките за струја вртоглаво растат, а снабдувачите со струја ги откажуваат договорите за снабдување со струја. За 4 до 5 пати повисоки сметки треба да се платат со парите на граѓаните.

Ваквиот удар за систематско уништување на општините е удар на централната власт врз народот. Но, тоа нема да не поколеба да отстапиме, и затоа ќе работиме уште посилно. И на крај ќе ги смениме. А, после смената ќе има одговорност. Од промените нема да избегаат. Кога влада удира по народ, на таа влада и се случува – народ!

 

Сосема на крај Мицкоски се осврна и на неколку политички поенти.

Пред два дена подадов рака за единство за националните прашања. И тоа го направив затоа што предолго буквално предолго политичките партии и ние како општество се гледаме низ нишани, додека народот страда. А, воедно тоа го направив и токму затоа што ВМРО-ДПМНЕ е еден од најсилните стожери врз кој се потпира нашиот дом, во најсилните бури и искушенија. И не дека ќе нема нови, можеби и посилни, но не е сеедно кога гледате како на една страна сме ние заедно со народот, а на другата страна надвор од домот владата со нејзините министри. За сите има место во домот со заеднички покрив и за тоа треба да си подадеме рака во ситуација кога имаме бури и искушенија и тоа само за прашањата кои се од државна и национална важност.

Она што ме загрижува е што во континуитет токму СДСМ и овој слепиот следбеник на заевизмот, Ковачевски се повеќе се одалечуваат од потребата за национален консензус за прашања кои се суштински важни за народот и заедничката иднина. Спорот со Бугарија останува отворен и се попродлабочен. Најпрво мислев дека се работи за незнаење, на немање на чувство за моментумот, но се повеќе станува јасно дека станува за тенденција на Ковачевски и владата да не сакаат да постигнат национално единство. Отсуството на единство за вака важни прашања значи само нов пораз за Македонија и македонскиот народ. А, ако ова се лекциите на Заев кои ги следи Ковачевски, јас би му порачал да се тргне од таа прегратка затоа што лош е учителот, а нема поголем учител од волјата и гласот на народот затоа што тој никогаш не греши.

Вчера го слушам како вели дека местото за национално единство било во Собранието, а демек ВМРО-ДПМНЕ таму блокирало. Во основа и во суштина ова е неточна теза. Ќе ви кажам зошто, ако веќе така размислуваат тогаш токму таму, во Собранието се наоѓа Декларацијата за македонскиот титан, Ѓорѓи Делчев, нека ја прифатат, а не да ја одбиваат како што тоа го направија. И доколку не им е прифатлива тогаш јавно нека кажат во кој дел не се согласуваат со содржината на Декларацијата. Ако под единство во Собранието подразбираат да го поминат законот за марихуана, тогаш ниту за 100 години од сега нема да се согласиме, затоа што ВМРО-ДПМНЕ, додека јас сум претседател на ВМРО-ДПМНЕ, бизниси на грбот на народот ниту ќе води, ниту ќе толерира.

Токму затоа уште еднаш апелирам на национално единство за најважните прашања. Нека ја сфатат многу сериозно важноста на историските мигови кои ние како генерација ја носиме. И не знам зошто му е туѓо на Ковачевски да постигнеме национално единство? Ако барем се договорени шверцерски со Бугарија тогаш тоа треба јасно да го кажат уште сега. Затоа што идната Влада предводена од ВМРО-ДПМНЕ таков шверцерски договор нема намера да почитува. Ако него му е туѓо македонското, тогаш уште сега да си кажам дека тоа нам не ни е.

Спремен сум да ја премостам секоја разлика само Владата да ги заштити националните интереси ако веќе не ги распродала, и таа врата за ова прашање е секогаш широко отворена. Треба да знае во состојба на силни удари, предизвици ВМРО останува да биде тој стожер на нашиот дом.

Затоа драги пријатели, нашиот дом мораме да го градиме и негуваме. Овие промени кои ги направија за само 100 дена градоначалниците се искра надеж за тоа што можеме да направиме за нашата Македонија. Секое исправување, секој проект е една наша заедничка победа. А, таа победа е промената која треба да се случи за иднината на нашата Македонија. Тие мали победи се кимвалот на промените кои доаѓаат и кои мора да бидат организација, движење, организирана волја на сите слободни индивидуи, паметни млади и стари, десни, центар и леви, христијани, муслимани, атеисти. Затоа што тоа е Македонија, една, наша заедничка, засекогаш. Борбата продолжува и победата е тука. За промени што носат иднина.

The post Мицкоски: Нашиот дом е Македонија, го повикувам СДСМ да застане на страната на народот appeared first on Република.

Во насока на транспарентноста и отвореноста кон граѓаните ВМРО-ДПМНЕ во Недела ќе одржи целодневен настан во објектот на Македонската Филхармонија кој ќе финишира со отчет за првите сто дена од управувањето на општините од страна на градоначалниците на ВМРО-ДПМНЕ, се вели во соопштението на ВМРО-ДПМНЕ.

-Слоганот под кој ќе се одржи настанот е “ПРОМЕНИ ШТО НОСАТ ИДНИНА”-100 дена градоначалници на ВМРО-ДПМНЕ. На настанот ќе биде презентирано она што е сработено во изминатиот период од 100 дена. Ќе има свое обраќање во 17:00 часот во Недела Претседателот на ВМРО-ДПМНЕ проф. д-р Христијан Мицкоски. На овој говор ќе претходат три одделни панел дискусии на три различни теми. Во 11:30 часот во малата сала на Македонска Филхармонија ќе има дискусија на тема: ШТО НАСЛЕДИЈА ОПШТИНИТЕ. Учесници: Гордана Димитриевска Кочоска, Маја Кадиевска Војновиќ, Гоце Димовски, Миле Лефков. Модератор: Марија Митева. Во 13:00 часот во малата сала на Македонска Филхармонија ќе има дискусија на тема: ЕВРОПСКИТЕ ПРАКТИКИ ВО ЛОКАЛНИТЕ САМОУПРАВИ. Учесници: Гордана Сиљановска Давкова, Трајко Славески, Зоран Љутков, Сашо Клековски. Модератор: Наум Стоилковски. Во 14:30 часот во малата сала на Македонска Филхармонија ќе има дискусија на тема: МЛАДИТЕ И НИВНИТЕ ПЕРСПЕКТИВА ВО ОПШТИНИТЕ. Учесници: Иванка Василевска, Сергеј Попов, Невена Величковска, Стефан Андоновски. Модератор: Димче Арсовски, истакнуваат од ВМРО-ДПМНЕ.

Освен овој настан во наредниот три неделен период ќе бидат организирани и 6 регионални отчети на територијата на Република Македонија каде поединечно ќе бидат презентирани проектите кои се сработени, додаваат од таму.

The post ВМРО-ДПМНЕ утре со отчет за сработеното за 100 дена градоначалници appeared first on Република.