Во пресрет на 96. доделување на наградите Оскар, Националната опера и балет ја организира првата Оскаровска гала вечер во среда 28.02.2024 со почеток во 20 часот.

Најубавите филмски песни наградени со Оскар ќе ги изведат врвни поп и оперски пејачи во придружба на оркестарот на Национална опера и балет и Националниот џез оркестар.
Диригент е Бисера Чадловска, а настанот е во режија на Дејан Прошев.

Низ ова незаборавно филмско – музичко патешествие ќе ве води долгогодишниот коментатор на Оскаровскиот пренос, Миланка Рашиќ.

Дел од учесниците кои ќе настапат на сцената на Националната опера и балет се Наде Талевска, Андријана Јаневска, Маја Гроздановска Панчева, Ана Петановска, Ана Мицковска, Игор Дурловски, Горан Наумовски, Даниел Данн, Христијан Тоневски…

Во манир на најблескавата филмска ноќ, настанот ќе започне со Црвен тепих во 19:30 ч.

Бидете дел од гламурозната прослава на филмската магија и уживајте во песни кои низ годините станаа големи светски хитови и се дел од историјата на седмата уметност, велат организаторите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.