Прогресивниот, музички фестивал АНДЕРФЕСТ ќе се одржи на први октомври 2022 година.

Публиката и овој пат ќе има можност да ужива во музиката од претежно алтернативната и рок енд рол сцена од нашата држава која ќе покаже дека е одлична, велат организаторите на Андерфест.

Оваа година фестивалот ќе се одржи во Биртија Паб и на него ќе земат учество пет македонски бендови кои на сцената ќе ги докажат своите музички перформанси и ќе се мотивираат да продолжат да креираат нови музички дела.

На Андерфест ќе настапат: Преку ред, Вселенаутика, Manas, Димиш и Yon Idy

Бидејќи Андерфест фестивалот се одржува четврта година веќе добро се препознава од страна на младите уметници и публиката и ова претставува единствен фестивал кај нас што е целосно посветен на младите актуелни музичари.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.