Ламбе Арнаудов

Осум години дивеете, пустошите, крадете, ја загушувате демократијата, газете безмилосно по судбината и иднината на својот народ, ја разнебитувате татковината, ги осиромашувате граѓаните и сé заедно, Македонија пред меѓународната заедница ја исфрливте, сега, не со свиткана кичма, туку искршена, неподвижна, закована за инвалидска колица, ослепена без компас и бели стапови, дури и без куче водител, да не пренесува преку опасностите што ни се испречуваат на патот што народот го одбра, а вие, слепи водичи, нé заскитавте во беспаќе од кое со вас дебилни кретени, антинационални и антидржавни бесни кучиња навикнати на вкусот сладок да уживате јадејќи го својот народ, го распарчувате македонското ткиво и ги глодате оголените коски, никаде нема да стигнеме.
Залудно се растрчавте по ниско-рангираните “авторитети“ да ви помогнат, оние кои ни со себе не знаат што да прават. Се прпелкате, горе-долу, лево-десно, напред-назад, сокриено-отворено, и по онаа познатата, да ми простат читателите, сé повеќе и подлабоко се насадувате сé додека не ја изгубите паметта ако воопшто некогаш и сте ја имале.

И тогаш, уште еднаш на дело се појавија вашите “генијалци“ пациенти на специјалистичките установи под постојано надгледување на стручни лица, општо признати доктори експерти, кои за жал се немоќни пред дијагнозата што ви ја утврдиле, дека се неизлечиви.
Наеднаш ви светна сијалицата Европски фронт. Вие неколкумина “европски граѓани“ кои заедно со ваши родители ортодоксни комунисти, од Европа знаевте само за Варна, крстарење по Волга, Закопане, омиленото Титово одморалиште Игало, ем шетавте, ем се одмаравте, најмногу шверцувавте, ништо не научивте, и сé на сметка на народот.

Европа не е слаткарница или игротека за деца. Таму раководат луѓе со интегритет, посветени патриоти, одговорни пред својот народ, паметни луѓе кои веднаш ќе ја препознаат вашата мимикрија и лицемерие и ќе ве отфрлат како стара износена руба.

Нема да дозволат да ги инфицирате со вашето единствено богатство што го поседувате преполно со заразни бацили од лаги, измами, непостојаност, предавства, понижувања и други гадости што ги применувате врз сопствениот народ.

Тоа се луѓе, искусни со длабоко вградена интуиција да препознаат фалш претставување и лицемерно лигавење. Културно ќе ве откачат. Тие луѓе не се наивни како што вие мислите. Добро знаат дека оној кој не ги сака своите никогаш да ги засака туѓинците.
И обратно, туѓинецот никогаш нема да го засака оној кој никогаш не го сакал својот.
За нив важи премисата:
Цел свет да те сака, ако дома не те сакаат ти си најголем олош и бедник. И обратно:
Цел свет да те мрази, ако дома те сакаат ти си најбогат човек и колос од почитување.

Се обидовте. Да ви кажеше некој каква будалаштина правете, нема да верувавте. Вие сте самобендисани накитени контина, безвредна канта за собирање ѓубре. Злото што е наталожено во вас народот многу скоро ќе го избрише, ќе ве направи немоќни.

Но, не се надевајте со запирањето на дејствувањето на злото, ЗЛОСТОРНИЦИТЕ ќе куртулат. Не, вашата реа што ќе ја ширете до крајот на животот што смрди како преслечена змиска кожина е најтешкиот смрдеж што постои на веков и светов, и сите ќе бегаат од вас.

Оваа ваша однапред пропадната авантура ме потсетува на ниско вредниот филм на патот околу светот на Стојанче Мицич од Јагодина.
Дури и сте бледа копија на таа пародија што ги жигосува сите недостатоци на самољубците кои освен себе не почитуваат никого и ништо.

И да знаете, најважното.
Ако сте врзале ѕвонец (вратоврска) околу вратот тоа никако не значи дека сте водачи. Повторно како и секогаш сиот народ ќе тргне по ЛАВОТ, а не по кравата или биволот со ѕвонец околу вратот.

Памет и разум во главата. Тргнете се! Оти колку повеќе претате во живата песок, толку побргу и подлабоко пропаѓате. И, ич не ни е жал за вас, туку се грижиме затоа што со вас го повлекувате народот и татковината.

Законот за акција и реакција во политиката е поважен од колку во физиката. Бегајте што можете порано, народот доаѓа по своето, ударот ќе биде силен и безмилосен.

Слонот кога го спасува своето младенче трча и сé гази. Воопшто не му е гајле колку мрави, влекачи и безкичменици ќе згази.
Народот МАКЕДОНСКИ и сите честољубиви граѓани нема да дозволат да им го земете сонот што илјадници години го сонуваат:
МАКЕДОНИЈА Е ЖИВА!

Надгробниот спомени што ѝ го подготвувате на МАКЕДОНИЈА ќе остане за вас кои ѝ го копавте гробот, секако фигуративно и политички цивилизациски. Сé додека е издржливо, а потоа не знам. Убеден сум дека прогресивните сили собрани околу ВМРО-ДПМНЕ и лидерот Христијан Мицкоски, со љубов и умеење ќе го спречат ова апокалиптично пропаѓање за потоа ја стабилизираат состојбата и брзо ќе ѝ донесат прогрес во сите сфери на живеење.

Најважно е што Европската Унија ќе дознае дека има пријател кој се нуди среќно и доброволно, а не како вас, Европа да ја принудувате да ни биде пријател со вештини, измами, карактеристични за гној политичари.

Ставовите искажани во рубриката Колумни се лични ставови на авторите и не се автоматски и ставови на редакцијата на Republika.mk. Редакцијата на Republika.mk се оградува од ставовите во објавените колумни, а одговорноста за изнесеното во нив е исклучиво на авторот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.