Кинеските брендови зафаќаат околу 70 отсто од пазарот за нови автомобили во Русија, изјави аналитичарот на податоци од компанијата „Авито Авто“, Артјом Соколов.

Руските производители во исто време ги достигнале планираните производствени капацитети, а нивниот удел на пазарот на нови автомобили во Русија достигнал 22 отсто во октомври 2024 година, пренесува ТАСС.

Соколов додаде дека уделот на локалните брендови на рускиот пазар пораснал за 7 проценти во последните 12 месеци. Просечната цена на нов автомобил во Русија минатиот месец изнесувала 3,4 милиони рубљи (околу 30.420 евра), додека просечната цена на половен автомобил била 1,45 милиони рубљи (приближно 12.970 евра).

Според податоците на „Автостат“, во октомври во Русија биле продадени вкупно 171.200 нови автомобили. Најпродаваниот бренд била домашната „Лада“, додека „Тојота“ се најде на деветтото место. Останатите позиции во топ 10 ги заземаат исклучиво кинески брендови.

The post Кинеските брендови доминираат во Русија appeared first on Република.

xnula.mk е новата е-продавница специјализирана за продажба на апарати за домаќинство и фитнес опрема од реномирани и светски познати брендови.

Доколку сакате брзо, безбедно и едноставно онлајн купување, кое ќе ви ги донесе најпосакуваните брендови директно до вашиот дом, и притоа ќе ви заштеди време, новата онлајн дестинација xnula.mk, ги нуди сите предности на онлајн купувањето. Тука ќе ги најдете сите детали за производите, услугите и тековните промоции, за уникатно корисничко искуство.

xnula.mk е официјален увозник на Dyson и ги нуди сите новитети и иновативни решенија за вашиот дом. За прв пат во Македонија, ексклузивно во понудата се достапни и брендовите Ninja и Shark како и новитети од Yesoul и Ovicx – водечки брендови за фитнес опрема кои инспирираат здрав и активен животен стил. Наскоро, ќе се приклучат и брендовите Roborock и Dreame, кои ќе ја заокружат нашата палета со напредни решенија за одржување на хигиената во вашиот дом“ – истакнуваат од xnula.mk.

Од аспект на услугата, од xnula.mk се водат од трите основни вредности:
Комфор и практичност при купувањето, со брза и бесплатна достава до сите дестинации во Македонија.

Сигурност и гаранција, преку безбедни начини на плаќање и поддршка по продажбата, со гаранција за сите производи и достапност на резервни делови.

Премиум брендови и квалитет: пристап до производи кои се одбрани за да ги задоволат највисоките стандарди во современиот животен стил.

Од xnula.mk веруваат дека купувањето треба да биде лесно, безбедно и пријатно – со врвен квалитет, грижа за клиентот и удобност. Нивната мисија е да постават нови стандарди за онлајн шопинг во Македонија и да изградат платформа што ќе се развива и понатаму, следејќи ги најновите трендови.

Откријте го светот на напредната технологија и фитнес опрема, која отсега ви е на дофат, брзо и едноставно на xnula.mk .

Комерцијална објава

The post „Хnula.mk“ – нова онлајн дестинација за врвна технологија и фитнес опрема во Македонија appeared first on Република.

Долгогодишниот професионалец во ИТ индустријата, Суад Сефери, ја објавува првата книга за вештачка интелигенција на Балканот, „The AI Journey“, со цел да едуцира како луѓето ефикасно да ја користат вештачката интелигенција (ВИ). Во време на неверојатен технолошки напредок, ВИ брзо се наметнува како клучна алатка во различни области – од работните места до креативните индустрии.

Во мојата книга го истражувам односот помеѓу човечката креативност и капацитетите на ВИ. Поставувам прашања како: Дали интелигенцијата која сме ја создале може да нè замени како автори, мислители или уметници? И што значи тоа за иднината на човечката креативност?“, вели Сефери.

Како дел од промоцијата на книгата, Сефери најавува серија бесплатни работилници за употребата на вештачката интелигенција во различни професии. Работилниците ќе бидат профилирани за новинари, маркетери, професори и други професионалци. Учесниците ќе научат како да генерираат податоци за истражувачки стории, да создадат успешни кампањи и да развијат клучни слогани.

Целта на овие работилници е да им помогнеме на луѓето да се запознаат со практичните аспекти на ВИ и да ги подобрат своите перформанси во професионалниот живот. Време е да ја отвориме стручната фела во Македонија за она што е модерно и што би било од особено значење, додава Сефери.

Сите учесници се охрабруваат да донесат свои лаптопи за време на работилниците, бидејќи практичната работа ќе биде клучен дел од обуката. За деталите кога и каде ќе се одржуваат овие работилници, авторот ќе ја информира јавноста.

Без разлика дали сакаме или не, ВИ станува невидлив партнер во нашиот живот и професија. Време е подобро да се запознаеме со неа“, заклучува Сефери.

Книгата „The AI Journey“ може да се најде во сите поголеми книжарници низ градот или може да се нарача онлајн.

The post Долгогодишниот професионалец во ИТ индустријата Суад Сефери ја објави првата книга за вештачка интелигенција на Балканот „The AI Journey“ appeared first on Република.

Теоријата дека Марс, некогаш, до една третина од површината бил покриен со океан е предмет на дебата меѓу научниците со десетлетија... Но, кинески ровер „Журонг“ сега пронашол нови показатели што укажуваат дека таа теорија е вистинита.

Водачот на истражувањето, Бо Ву од Политехничкиот универзитет во Хонгконг вели дека голем број геолошки својства на истражуванотото подрачје укажуваат дека тука постоел голем океан.

Во 2021 година, кинескиот ровер слета на рамнина на северната полутопка на соседната „Црвена планета“, во областа Утопија, каде што претходно имаше показатели за присуство на вода. Оттогаш, вселенскиот уред ја пребарува и испитува површината. Новите откритија се претставени во напис во списанието „Сајентифик рипортс“ (Scientific Reports).

https://republika.mk/zivot/kaleidoskop/roverot-na-nasa-pronashol-jasni-dokazi-za-postoene-na-drevni-ezera-na-mars/

До слични показатели дошле и претходните истражувања, особено во областите каде од височина биле забележани конусни возвишенија што личат на кратери. Тие најверојатно потекнуваат од водни и калливи вулкани што се обликуваат каде што имало вода или мраз.

Податоците собрани од роверот, како и сателитски снимки, споредби и анализи направени на Земјата, откриваат дека брегот на тој океан веројатно бил во Утопија.

https://republika.mk/zivot/kaleidoskop/prvi-jasni-fotografii-od-mars-roverot-na-nasa-snimil-dva-neobichni-oblatsi/

Кинеските научници проценуваат дека океанот настанал пред 3,7 милијарди години, а потоа замрзнал и создал вдлабнатини, а исчезнал пред околу 3,4 милијарди години. Сепак, Бо истакнува дека неговиот тим „не тврди оти новите наоди се дефинитивен доказ“ дека на Марс имало океан. Тие би можеле да дадат такво тврдење, само со мисија која ќе ги донесе примероците од карпите на Марс на Земјата за да бидат анализирани.

https://republika.mk/zivot/kaleidoskop/roverot-upornost-na-mars-otkril-organski-soedninenija-na-tsrvenata-planeta/

Бенџамин Карденас од Универзитетот на Пенсилванија во САД, кој анализирал други податоци за океан на Марс, вели дека е скептичен за новиот наод. Истражувачот верува дека кинеските испитувачи не ги земале предвид силните ветрови на Марс коишто можеле да носат седимент и да ги измазнуваат карпите во изминатите неколку милијарди години, и кои сè уште беснеат низ Марс.

Честопати мислиме дека на Марс, како и на Месечината, нема многу активност, но тоа не е така, додаде Карденас.

Претходните студии покажаа дека дури и бавната ерозија на Марс во долги временски периоди може да ги уништи географските одлики на крајбрежјето на океанот. Бо признава дека ветровите можеле да влијаат и „да ги отстранат“ знаците што би укажувале на прастариот океан, а исто така, вели оти и ударите од метеорити можат да ископаат подземни карпи и да подигнат седимент на површината.

The post Најдени нови показатели за постоењето вода на Марс appeared first on Република.

Јапонија: Научниците користат матични клетки за да им го вратат видот на луѓето кои ослепеле

Забележен е неверојатен пробив што го направиле научниците од Универзитетот Осака кои успешно го третирале слепилото предизвикано од недостаток на лимбални матични клетки (LSCD) користејќи репрограмирани матични клетки.

Во нивната студија, тројца пациенти со тешко оштетување на видот доживеале трајно подобрување, додека четвртиот привремено го вратил видот.

Важно е што при истражувањето, ниту еден од пациентите не доживеал сериозни несакани ефекти како што се формирање тумор или отфрлање на имунитетот, дури и две години по третманот.

The post Научници во Јапонија успешно искористиле матични клетки за да им го вратат видот на луѓе кои ослепеле appeared first on Република.

Цената на криптовалутата Биткоин денеска за првпат го надмина прагот од 80.000 на платформата Bitstamp.

Најстарата и најпознатата криптовалута се искачи за над четири проценти во споредба со претходниот ден, достигнувајќи до 80.047 долари.

Во изминатите седум дена, водечката криптовалута доби повеќе од 17 проценти во вредност. Другите криптовалути како Етер или Солана се зголемија уште понагло.

Аналитичарите стабилното зголемување го припишуваат на новиот политички пејзаж во САД по победата на Доналд Трамп на претседателските избори, пренесе ДПА. Поранешниот и иден претседател на САД беше поддржан од поголемиот дел од крипто заедницата за време на изборната кампања.

Трамп беше многу негативен за Биткоинот за време на неговиот прв мандат, од 2017-2021 година, но активно се додворуваше на крипто заедницата во овогодишната кампања за реизбор.

На големата конференција за Биткоин во Нешвил, Тенеси, Трамп вети дека ќе го задржи крипто пазарот во голема мера нерегулиран и ќе обезбеди евтина електрична енергија за „копање“ нови биткоини.

The post Вредноста на биткоинот надмина 80.000 долари appeared first on Република.

Русија оваа недела лансираше вкупно 53 мали сателити, од коишто најмногу од домашно производство, но и меѓународни сателити. Руската вселенска агенција Роскосмос истакна дека 51 домашен сателит лансиран со една ракета е нов национален руски рекорд.

Ракетата „Сојуз-2“ со горен дел „Фрегат“ полета од Вселенското пристаниште „Восточни“. Во Земјината Орбита се однесени 49 руски сателити, еден руско-кинески, руско-зимбабвеански, и два мали ирански сателити, потврди Роскосмос.

Сепак, други ракети носеле поголем товар во Орбитата, а рекордер е „Спејс-Икс“ со вкупно 143 сателити лансирани со помош на една „Фалкон 9“ ракета во јануари 2021 година.

Ова беше 13-то руско лансирање годинава. Иако Русија беше најактивната земја во сферата на вселенски лансирање пред 10 години, тоа темпо опадна. Благодарение на ракетата „Фалкон 9“, САД го зголемија своето темпо, а и Кина прави нешто слично со своите вселенски активности. Така, Русија падна на третото место на светско ниво

The post Русија постави 53 сателити во Земјината Орбита appeared first on Република.

Европската комисија денеска со уредба воспостави дополнителни царини за електричните автомобили увезени од Кина, што ги смета за нелојална конкуренција.

И покрај противењето на Германија, Брисел одлучи на данокот од 10 отсто кој веќе е во сила, да додаде до 35 отсто на возилата на батерии од кинеско производство, се вели во текстот на регулативата објавена од Комисијата на Интернет.

Одлуката треба да биде објавена во Службениот весник на ЕУ и да стапи во сила денеска.

Наведената цел е повторно да се воспостават фер услови за конкуренција со производителите обвинети дека имаат корист од големите јавни субвенции од кинеската држава. Ова вклучува одбрана на европската автомобилска индустрија и нејзините околу 14 милиони работни места од кинеските практики кои се сметаат за нефер.

Пекинг ги осуди „неправедните и неразумни протекционистички практики“ откако земјите од ЕУ одобрија дополнителни царини предложени од Европската комисија на почетокот на октомври.

Европскиот комесар за трговија Валдис Домбровскис до последен момент преговараше со кинескиот министер за трговија Ванг Вентао за да се обиде да најде решение, но залудно.

И покрај сè, двете страни се согласија да ги продолжат разговорите и доплатите може да бидат отстранети доколку се постигне договор за други средства за компензација за штетата утврдена со европската истрага

The post EУ од денеска воведува 35 посто царина за автомобили од Kина appeared first on Република.

Автомобилските херои од 1970-тите стануваат се поскапи. Светот на автомобили беше многу „шарен“ и богат во 1970-тите. Многу класици од овој период сега заминаа во вечните ловишта, но останатите примери стануваат сè попопуларни.

Секако, тоа се одразува и на развојот на цените. Експертите од германскиот Classic Data направија листа на автомобили од 1970-тите кои најмногу ја зголемиле вредноста во последните шест години.

1970-тите години се вратија во стил, бидејќи просечната цена на некои модели се зголеми за повеќе од 100 проценти.

Еве на кои модели можете убаво да заработите

 Opel Manta A

2018. - 9900 eura

2024. - 17.000 eura

Peugeot 504 Coupé

1978-1983, 2.664 cm3, 144 KS

2018. - 13.200 eura

2024. - 23.400 eura

Fiat 132

1972-1974, 1789 cm3, 105 KS

2018. - 7900 eura

2024. - 14.000 eura

The post Проверете во гаражите: Доколку ги имате овие олдајмери може да заработите убава пара appeared first on Република.

Компанијата „Мета“, сопственичка на „Фејсбук“ и „Инстаграм“, одлучи да ја врати технологијата за препознавање лица во своите апликации, откако пред три години „го исклучи“ овој систем поради негативната реакција на јавноста на „Фејсбук“.

Новиот потег е „со цел да борба против измамите“ и „помош за корисниците кои го изгубиле пристапот до нивните профили“, се вели во соопштението. Така, првичниот тест ќе користи препознавање лица за откривање лажни објави и реклами со лице на позната и јавна личност.

Ако нашиот систем открие дека нешто би можело да биде измама со ликот на јавна личност, ќе ја користиме технологијата за препознавање лице заради совпаѓање на лицето во рекламата со профилните фотографии на таа јавна личност на 'Фејсбук' и 'Инстаграм'. Ако се најде потребното совпаѓање, а огласот е измама, ќе ја блокираме објавата, соопшти „Мета“.

Компанијата веќе ја овозможи функцијата за мал број познати и јавни личности, а наредниве недели ќе почне автоматски да додава повеќе лица кон тоа. Сепак, како поединец, корисникот ќе има можност да ја исклучи таа заштита од социјалната мрежа.

Ова е процес во реално време - побрз и попрецизен од рачниот преглед, рече Моника Бикерт, потпретседателка за политика за содржина во „Мета“.

Од „Мета“ соопштуваат и оти „веднаш ќе ги бришат податоците собрани со препознавање на лице“, што ќе се користи само за споредба. Исто така, „скенирањата нема да се користат за други цели“, се вели, а и познатите личности, како и сите корисници, ќе можат да изберат дали сакаат или не заштита од лажни објави и реклами.

The post „Мета“ го враќа препознавањето лице на „Фејсбук“ и „Инстаграм“ appeared first on Република.

Компанијата SpaceX на милијардерoт Илон Маск денеска изврши успешна пробна летачка мисија со системот Starship, петта по ред, со успешно враќање на Земјата на првата етапа од вселенскиот систем.

Пробната мисија имаше за цел да презентира можност првата етапа, ракетата „Супер хеви“ да се врати на Земјата неповредена. Таа слета не на платформа далеку во океанот, како во претходните тестови, туку директно во клештите на лансирната рампа од каде што претходно беше лансирана. Ова предизвика радосни извици и аплаузи во вселенскиот центар на компанијата во јужен Тексас.

Откако се одвои од својот ракетен засилувач, Starship продолжи да лета во вселената, направи обиколка околу половина планета, влезе во атмосферата и контролирано се урна во Индиски Океан.

Ова претставува голем чекор напред кон главната цел на SpaceX, Starship да стане вселенско летало за повеќекратна употреба. На веб-страницата на SpaceX се вели дека тоа е „вселенски брод за целосно повеќекратна употреба“ и втора етапа од системот Starship.

Леталото е достапно во неколку различни конфигурации, нуди интегрирана товарна секција и е кадарно да носи екпипаж и карго во орбитата на Земјата, на Месечината, на Марс и понатаму.

Астронаутот Крис Хедфилд, кој трипати летал во вселената, испрати честитки до SpaceX.

Денеска е направен огромен чекор напред во потенцијалите на човештвото. Ме прави уште повозбуден за нашата заедничка иднина, напиша Хедфилд на Х.

Федералната управа за авијација дозволата на SpaceX за лансирање на петтата мисија на Starship овојпат ја издаде порано отколку што беше планирано од регулаторот, а по жалбите на SpaceX дека тоа е пречка во развојот на вселенската програма на НАСА. SpaceX има договор со НАСА вреден повеќе милијарди долари за испраќање на човекот на Месечината.

На петтиот лет на Starship немаше луѓе во кабината на вселенскиот брод.

The post Ракетата на SpaceX изврши успешна мисија со драматично приклештување на лансирната рампа appeared first on Република.

Истражувачите на Threat Fabric открија нова верзија на малициозен софтвер Octo.

Оваа верзија досега е видена во Италија, Полска, Молдавија и Унгарија, но се предвидува дека малициозниот софтвер наскоро ќе почне да се шири на глобално ниво. Истражувачите стравуваат дека оваа најнова верзија на познатиот малициозен софтвер за крадење лозинки на Android може да предизвика големи проблеми во наредната година.

Новата верзија на малициозен софтвер, Octo2, е додаток на семејството на малициозен софтвер познато како Octo (ExobotCompact).

Octo работи како MaaS (malware-as-a-service), а „клиентите“ кои плаќаат за оваа услуга водат кампањи во Европа, САД, Канада, Блискиот Исток, Сингапур и Австралија.

Злонамерниот софтвер се маскира како легитимни апликации како што се Google Chrome, NordVPN и „Enterprise Europe Network“.

Откако ќе се зарази, Octo2 им дозволува на напаѓачите далечински пристап до уредот и да пресретнуваат известувања за притискање, да собираат лозинки преку лажни страници за најавување и да вршат неовластени трансакции.

Способноста на оваа верзија на малициозен софтвер неселективно да краде чувствителни податоци, во комбинација со леснотијата со која напаѓачите можат да ги приспособат, ја зголемува опасноста за корисниците на мобилното банкарство ширум светот, предупредија истражувачите.

Octo2 го користи алгоритмот DGA за често менување на адресите на серверот Command and Control (C2), што им отежнува на безбедносните системи да го откријат и блокираат. Во извештајот објавен на 10 октомври, истражувачите од DomainTools открија голем број домени поврзани со Octo2.

The post Внимавајте, се шири нов вирус: Изгледа како Гугл Хром, краде пари од вашата сметка appeared first on Република.

Професорот Димитрија Ангелков и пет ученици од Кавадарци произведоа 30 прочистувачи за воздух.

Заедно со пет ученици средношколци, под мое менторство, произведени се 30 квалитетни антиполен карбон прочистувачи за воздух, наменети за во училишни училници. Проектот AERO2 е за задоволување со прочистувачи на потребите на училиште, преку проект UPSHIFT од здружение на граѓани ЛЕАД. Даваме пример како да имаме побезбедна училишна средина, исто така, пример за да можат тоа да си го направат учениците и во своите домови. Да бидат безбедни, а притоа да немаат големи трошоци за купување прочистувачи од комерцијална продажба. Филтрите што ги користиме во нашите прочистувачи се германски, антиполен и карбон антибактериски, појасни Ангелков, иноватор кој има добиено бројни признанија и награди за иноваторство.

Ангелков кој е професор доктор по електротехнички науки, подвлече во изјава за МИА, дека загадувањето на воздухот е сериозен глобален проблем и дека токму поради тоа е многу важно, користењето на вакви апарати.

The post Пет ученици и професор од Кавадарци произведоа 30 прочистувачи за воздух appeared first on Република.

„Гугл“ воведува прикажување реклами додека корисниците на „Јутјуб“ го паузираат видеото што го гледаат. Менаџерот за комуникации на видеоплатформата за „Верџ“ (The Verge) потврди дека има „моќен одговор од огласувачите и рецензентите“ по објавувањето на „Пауза-рекламите“.

„Јутјуб“ почна да ја истражува употребата на реклами на паузирани видеа уште во 2023 година, со одредени огласувачи. Одговорниот раководител на бизнисот - Филип Шиндлер, во април минатата година изјави дека новиот концепт им се допаднал на огласувачите, но оти гледачите не се одушевени од оваа замисла, според внатрешните истражувања.

Овој концепт не е нешто ново, бидејќи некои стрим-услуги, како што се „Дирек-ТВ“ и „Хулу“, направија сличен потег, па прикажуваат реклами во случаи со пониски нивоа на претплата.

Производите на „Амазон“, како што е таблет-компјутерот „Фајр“, прикажуваат реклами на заклучениот екран. Компанијата претходно најави и дополнително проширување на својата понуда.

The post Нова опција: „Јутјуб“ воведува реклами на паузирано видео appeared first on Република.

Летачката такси-услуга во Дубаи ќе биде пуштена во промет до првото тримесечје на 2026 година, изјави Калед ал Авади, директор на одделот за транспортна технологија во Управата за патишта и транспорт на најпознатиот град во Обединетите Арапски Емирати.

- Имаме план за до првиот квартал на 2026 година да почнеме со авио-такси услуга. Во мигов работиме на тестирање и сертификација на самото возило со нашите партнери од американската компанија „Џоби авиејшн“ (Jobi Aviation). Ја почнуваме и фазата на дизајнирање станици со „Скајпорт“ (Skyport) - британската компанија којашто ќе развива хелиодроми, појасни Ал Авади.

Според најавата, во Дубаи се планира изградба на четири вертикални хелиодроми за такси-летала, од коишто два ќе бидат пуштени во употреба на почетокот на 2026 година.

- Со нашите партнери работиме оваа услуга да биде што попристапна и веруваме дека ќе биде многу поевтина од користењето конвенционални хеликоптери, додаде директорот на Управата.

Цената на оваа услуга, според првичните информации, ќе биде пониска или приближно исто како и онаа за изнајмување лимузина. Електричното летачко такси, исто така, ќе биде и „сто пати потивко“ од обичниот хеликоптер, се вели. И копнено-сообраќајната такси-услуга се електрифицира.

- Би требало, до 2035 година сите такси-возила во Дубаи да бидат електрични, а до 2050 година целиот возен парк да се состои само од електрични автобуси, заклучува Ал Авади.

Што се однесува до такси-автомобилите без возачи, коишто се развиваат заедно со „Џенерал моторс“, во Дубаи ќе бидат пуштени веќе во 2025 година. Тестирањето е во тек.

The post Во Дубаи за две години ќе се лета со летачко такси appeared first on Република.

Инфлуенсерот Валерио објави еден експеримент на Инстаграм и ТикТок. Имено, тој истражувал дали „Google“ ги слуша корисниците преку микрофонот на мобилните телефони, лаптопите и компјутерите. На почетокот на видеото тој најавува дека ќе зборува за играчки за кучиња, но не го изговорува тоа на глас. Додека ја истражувал темата на интернет, тој не пронашол ниту една реклама или линк поврзан со играчки за кучиња.

Откако ги затворил сите пребарувачи, Валерио почнал да зборува сам со себе за играчки за кучиња, вклучително и каде да ги купи и каква храна би зел за своето куче кое всушност го нема. Кога повторно го отворил пребарувачот и по случаен избор отишол на страницата на „Daily Mail“, бил изненаден кога забележал дека на десната страна од екранот се појавуваат реклами за играчки и храна за кучиња.

https://www.tiktok.com/@learnwithvalerio/video/7331894113530301729?is_from_webapp=1&sender_device=pc&web_id=7410829752921998853

На ТикТок видеото има речиси 6 милиони прегледи и над 400 илјади лајкови.

Софтверот за маркетинг на американската компанија за дигитален маркетинг, наводно користен од Google, Meta и Amazon, незаконски собира и анализира снимени гласови од паметните телефони, телевизори и други уреди на потрошувачите.

Cox Media Group, голема американска компанија за дигитален маркетинг, неодамна беше во центарот на вниманието поради својата контроверзна практика „Активно слушање“. Услугата, за која Cox тврди дека ја користат Google, Meta и Amazon, користи вештачка интелигенција за собирање и анализа на гласовните податоци од паметните телефони, телевизори и други уреди на потрошувачите.

Можно прекршување на законот

Несомнено, можни се прекршувања на законите за прислушување доколку разговорите се снимаат без изречна согласност. Повеќето американски држави имаат некаква форма на закон за прислушување што ја ограничува можноста за снимање на лице без нивно експлицитно знаење. На пример, законот во Калифорнија бара согласност од двете страни за снимање разговори.

Маркетиншките материјали на CMG, кои беа откриени од 404 Media и оттогаш беа отстранети од нивната веб-страница, тврдеа дека технологијата може да открие релевантни разговори и да им обезбеди на огласувачите податоци за поефективно таргетирање на потрошувачите. На пример, дискусиите за потребата од нов автомобил или незадоволството од услугата може да предизвикаат прикажување на поврзани реклами.

Корисниците наводно „се согласуваат“ преку TOS

Реакциите во јавноста се секако негативни. Компанијата појасни дека не ги слуша директно разговорите, туку се потпира на збирни, анонимизирани и шифрирани податоци од трети страни за да сервира реклами. Овие податоци наводно се собираат според условите за користење на различни апликации и уреди, со кои корисниците наводно се согласуваат кога ги преземаат или ажурираат тие апликации. CMG се брани дека согласноста обично се добива преку кориснички договори, иако јасноста и транспарентноста на таквата согласност се сомнителни. Terms of service (TOS) се правни договори помеѓу давателот на услугата и лицето кое сака да ја користи таа услуга, но тие секогаш се недоволно јасни за правата на корисникот. Покрај тоа, во многу случаи, корисниците не ги читаат кога ќе почнат да ја користат апликацијата.

Google ја отстрани, Meta преиспитува, Amazon демантираше

Контроверзноста влијаеше и на односите на CMG со големите технолошки компании. Откако 404 Media го контактираше Google за партнерството со CMG, Google ја отстрани CMG од својата програма за партнери за рекламирање. Meta, матичната компанија на Facebook, исто така, рече дека ја ревидира својата врска со CMG за да обезбеди усогласеност со нејзините услови за користење. Amazon, од друга страна, негираше каква било вмешаност во програмата на CMG.

The post Дали „Google“ нè слуша? Зборувате за нешто, па ви се појавува реклама за истото на вашиот мобилен телефон appeared first on Република.

Компанијата „МагниЕкс“ изврши тестирање на прототип на хибриден авион што ќе се користи во програмата на НАСА за развој на авијација со хибриден или целосен електричен погон, обавија од Американската вселенска агенција.

Презентацијата на авионот се одржала на аеродромската писта на „Боинг“ во сојузната држава Вашингтон со авионот со турбо мотор „Даш 7“ (познат и како канадски DHC-7). Оваа верзија на „Даш 7“ е дел од програмата Демонстрација на лет на електрифициран погонски систем (Electrified Powertrain Flight Demonstration – EPFD) на НАСА.

Станува збор за проект во кој учествуваат и претставници на индустријата, а со цел создавање на авиони со електричен погон и воведување на хибридни транспортни средства во комерцијалната авијација до средината на 2030-тите години. Авторите на иницијативата се надеваат дека развојот на авијацијата што не користи традиционални видови авионско гориво, ќе помогне да се намалат издувните стакленички гасови што влијаат на климата.

„МагниЕкс“, чие седиште е во сојузната држава Вашингтон, планира да го модифицира авионот „Даш 7“ со инсталирање на хибриден енергетски систем. Додека компанијата спроведува копнени и воздушни тестирања, НАСА планира да ги искористи податоците од овие тестови за да разбере кои проблеми можат да се појават кај електричните авиони и како тие можат да се минимизираат.

Резултатите од овие тестови може да бидат користени за развој на понатамошни правила и услови за сертификација врз кои ќе треба да се придржуваат производителите на електрични авиони при влез на пазарот на авиопревозници.

The post Компанијата „МагниЕкс“ претстави електричен авион за истражувачката програма на НАСА appeared first on Република.

Многумина имаат напишано нешто за себе во описот на својот профил, цитат, емотикон… Сега корисниците можат да додадат песна во описот на својот профил на Инстаграм – слично на MySpace во 2000-тите. Корисниците можат да изберат 30 секунди песна за да ја додадат на својот профил.

Песната ќе биде означена на профилот додека корисникот не ја отстрани или замени. За разлика од MySpace, песните не се репродуцираат автоматски, но луѓето кои гледаат нечиј профил со песна можат сами да ја репродуцираат и паузираат песната.

Инстаграм неодамна додаде нешто ново во изгледот на апликацијата, како и некои нови опции за корисниците.

Изгледот на симболите за лајкови, коментари и споделувања под објавите е променет. Иконите за допаѓање, коментари и споделување изгледаат минималистички и благо се раздвоени. Исто така, текстот под објавите е малку задебелен.

Покрај промените во интерфејсот, корисниците можат (или наскоро ќе можат, во зависност од нивната локација) да уредуваат пораки во рок од 15 минути од нивното испраќање, да ги вклучат или исклучат сметките за читање и да ги означуваат разговорите за да помогнат во организирањето на нивните пораки. Исто така, воведена е нова опција за прикачување до три разговори на врвот на сандачето за полесен пристап.

Додадени се и „белешки“, односно Notes под објавите (малиот плус со минијатурната верзија на објавата која понекогаш се појавува под туѓи објави). Notes претходно се појавуваа на врвот на ДМ (порака) или над фотографијата на профилот. Покрај тоа, корисниците неодамна можат да објават до 20 фотографии во една објава или двојно повеќе од претходно.

The post Инстаграм воведе нова функцијa appeared first on Република.

Системите за миење се неопходен дел од модерната електротехничка индустрија, каде чистотата и прецизноста играат клучна улога. Правилниот избор на машина за миење може значително да влијае на квалитетот на производството и одржувањето на електронските компоненти. Во овој напис ќе ги разгледаме трите популарни типови на машини за миење: InJet®, AirJet® и Sonix®, и ќе истражиме како овие уреди се погодни за специфични задачи во електротехничката индустрија.

InJet® – Прецизно и ефикасно чистење

Системот за миење InJet® е дизајниран да обезбеди високо ефикасно чистење на електронски компоненти и делови. Оваа машина користи напредна технологија на инјектирање на миечка течност под висок притисок, што овозможува темелно отстранување на нечистотиите и остатоците од флуксот од површината на компонентите. Овој уред е идеален за чистење на сложени и деликатни делови, каде што е потребно високо ниво на прецизност.
Клучни карактеристики на InJet®:

• Висок притисок и ефикасно распрскување: Машината користи притисочни млазници кои обезбедуваат рамномерно и ефикасно покривање на површината што се чисти.
• Можност за користење на различни миечки течности: Компатибилна е со широка палета на миечки течности, што овозможува прилагодување на различни потреби.
• Флексибилни поставки: Овозможува прилагодување на притисокот и температурата на течноста за оптимални резултати на чистење.

InJet® е идеално решение за производни линии каде е потребно брзо и темелно чистење, без да се оштетат деликатните компоненти. Неговата ефикасна технологија го прави InJet® неопходен алат во модерните електротехнички производни процеси.

AirJet® – Брзо и бесконтактно сушење

Кога станува збор за сушење на електронските компоненти по чистењето, AirJet® е одличен избор. Овој систем користи високоперформансни воздушни струи за брзо отстранување на остатоците од вода и миечки течности од површината на компонентите. Дизајниран е да ја минимизира времето за сушење и истовремено да обезбеди дека компонентите се подготвени за понатамошна обработка без никакви остатоци од влага.

Клучни карактеристики на AirJet®:

• Високоперформансни вентилатори: Обезбедуваат брзо и ефикасно сушење без потреба од директен контакт со површината.
• Регулација на температурата на воздухот: Овозможува прилагодување на температурата на воздухот за специфични потреби за сушење.
• Енергетска ефикасност: Дизајниран е да ја минимизира потрошувачката на енергија, што придонесува за еколошко работење.

AirJet® е непроценлив помошник во случаите кога е потребно брзо и ефикасно сушење на компонентите по процесот на чистење, што е клучно за обезбедување на квалитетот на производите и нивната навремена испорака во производниот процес.

Sonix® – Ултразвучно чистење за прецизни резултати

Sonix® е врвен ултразвучен систем за миење кој користи ултразвучни бранови за постигнување на високо ефикасно и темелно чистење. Оваа машина е особено корисна за отстранување на нечистотиите од тешко достапни места и деликатни компоненти, кои инаку би било тешко да се исчистат со конвенционални методи.

Клучни карактеристики на Sonix®:

Ултразвучни бранови: Создаваат микроскопски меурчиња кои ефикасно ги отстрануваат нечистотиите дури и од најтешките места.

Висока чистота: Обезбедува висок стандард на чистење без ризик од механичко оштетување на компонентите.

Широк спектар на примена: 

Погоден за чистење на различни типови материјали и компоненти во електротехниката. Sonix® е идеален избор за производство на електронски компоненти каде што е потребно високо ниво на чистота и каде стандардните методи на чистење не се доволни. Неговата способност да постигне детално чистење го прави Sonix® вреден алат во секој модерен производствен процес.

Заклучок

Изборот на правилната машина за миење е клучен за обезбедување на ефикасен и квалитетен производствен процес во електротехничката индустрија.

Системи за чистење InJet®, AirJet® и Sonix® секој носат уникатни карактеристики и предности кои можат значително да влијаат на квалитетот и брзината на производството. InJet® е идеален за детално чистење, AirJet® за брзо сушење, а Sonix® за прецизно ултразвучно чистење.

Изборот на правилниот систем според специфичните потреби на вашето производство ќе ви помогне да ги оптимизирате процесите и да обезбедите високо ниво на чистота и квалитет на вашите производи.

Комерцијална објава

The post Видови на машини за миење и нивната употреба во електротеничката индустрија appeared first on Република.

Германскиот производител на автомобили Бе-ем-ве (BMW) повлече 720.796 свои возила во САД поради проблем со пумпата за вода, што може да предизвика краток спој, објави денеска американската Национална управа за безбедност на сообраќајот на патиштата (НХТСА).

Неправилно затворениот електричен конектор на пумпата за вода може да доведе до постепено навлегување на вода и потенцијално краток спој, соопшти НХТСА.

Повлечени се некои кросовери, како што се моделите X1 и X5, како и некои лимузини од серијата 5, како и други модели.

The post БМВ повлече повеќе од 720.000 возила поради ризик од краток спој appeared first on Република.