Јужнокорејската компанија „Hanwha Aerospace“ ќе почне со изградба на воена фабрика во Романија за локализирање на производството на самоодни артилериски системи К9.

Претпријатието ќе биде насочено кон производство, истражување, тестирање, обука и обезбедување услуги за одржување и поправка на јужнокорејските хаубици К9. Се очекува првите хаубици да и бидат испорачани на романската армија на почетокот на 2027 година.

Локализацијата на производството стана предуслов за конкурентност на Корејците со другите големи играчи на европскиот пазар на оружје. „Hanwha Aerospace“ веќе планира да го прошири своето присуство во Саудиска Арабија, главен играч на Блискиот Исток, за да го развие локалното производство.

„Hanwha Aerospace“ има за цел да ги максимизира придобивките за романската одбранбена индустрија преку различни видови програми за локализација, кои вклучуваат локално производство на одбранбена опрема, локално вработување, трансфер на технологија и формирање на Центар за извонредност за одржување и поправка на нови капацитети во Романија.

„Hanwha Aerospace“ е јужнокорејска компанија за производство на воздухопловство и воена опрема, подружница на „Hanwha Group“. Основана е на 1 август 1977 година под името „Samsung Precision“.

Области на активност на компанијата:

- Лансирања во вселената. Во јуни 2022 година се случи успешно лансирање на сопственото вселенско летало Нури (KSLV-II). Јужна Кореја стана седмата земја во светот која лансираше сателит тежок 1,5 тон во орбитата користејќи свои технологии.

- Воена опрема. Hanwha Aerospace“ ги развива „Chunmoo MLRS“, хаубицата K9, тактичките ракети „TAipers“, беспилотниот транспортер „Arion-SMET“, како и оклопни возила.

The post Јужнокорејска компанија ќе произведува артилериски системи во Романија, за да го освојува европскиот пазар appeared first on Република.

Хајнекен ќе ја отвори првата голема фабрика за пиво во ОАЕ, забраната за консумирање алкохол меѓу муслиманите постепено се укинува

Изградбата ќе започне на крајот на 2025 година, а ќе биде завршена во 2027 година. Ова ќе биде првата пиварница во регионот на Заливот.

Изградбата на фабриката беше диктирана од желбата на владата на ОАЕ да ја диверзифицира економијата и да ја намали зависноста од извозот на нафта и гас.

Новата пиварница во Дубаи ќе произведува низа брендови меѓу кои Heineken, Kingfisher, Amstel и Birra Morretti.

The post Хајнекен ќе ја отвори првата голема фабрика за пиво во ОАЕ appeared first on Република.

Новоизбраниот претседател на Соединетите Американски Држави, Доналд Трамп, по победата на претседателските избори на 5 ноември остварил неколку телефонски разговори со премиерот на Унгарија, Виктор Орбан, соопштија извори на унгарскиот сервис на Радио Слободна Европа.

Извори од унгарската влада рекоа дека Трамп побарал мислење од Орбан за завршување на војната во Украина, која трае од февруари 2022 година.

За време на претседателската кампања, Трамп ја критикуваше одлуката на администрацијата на Џо Бајден да и даде милијарди долари на Украина и постојано повторуваше дека може да ја заврши војната во рок од 24 часа по повторното влегување во Белата куќа.

Орбан, исто така, ја критикуваше помошта на Европската унија (ЕУ) за Украина и ги попречуваше европските санкции против Русија, а во декември, наводно, би можел да замине во мировна мисија за ставање крај на војната во Украина.

Извори на унгарскиот сервис на РСЕ сугерираат дека тоа би можело да вклучи пренесување на пораките на Трамп до Володимир Зеленски, Владимир Путин и кинескиот претседател Кси Џинпинг.

И покрај критиките од Брисел, Орбан отпатува во Москва во јули и се сретна со Путин, по разговорите со Зеленски, а потоа отпатува во Кина и на крајот во САД на средба со Трамп.

The post Трамп побарал мислење од Орбан како да заврши војната во Украина appeared first on Република.

Полскиот премиер Доналд Туск денаска ја посети полската граница со руската енклава Калининград, каде го провери напредокот во изградбата на воените утврдувања на источната граница, јавија американските медиуми.

Посетата на Туск доаѓа еден месец пред Полска да го преземе ротирачкото претседателство со Европската унија. Полските власти наведуваат дека нивен приоритет е да ги повикаат Европејците да ја зајакнат својата одбрана. Некои европски лидери стравуваат дека идната администрација на новоизбраниот американски претседател Доналд Трамп би можела да биде помалку посветена на одбраната на Европа.

Туск, исто така, предложи Полска, северноевропските земји и балтичките земји да спроведуваат заеднички поморски патроли во стратешкото Балтичко Море.

Полската влада и војска годинава почнаа да го градат системот наречен Источен штит, што ќе опфати околу 800 километри долж полската граница со Русија и Белорусија.

Колку подобро се чува полската граница, толку потешко им е пристапот на оние со лоши намери, рече Туск на прес-конференција во близина на селото Дабровка.

Полска следната година има намера да потроши 4,7 отсто од својот бруто домашен производ за одбрана.

Владата на Туск проценува дека „Источниот штит“ ќе чини најмалку 10 милијарди злоти (2,5 милијарди долари). Границите на Полска со Русија, Белорусија и Украина се најисточните надворешни граници и на Европската унија и на НАТО.

Туск рече дека очекува Источниот штит на крајот да се прошири за да ги заштити и малите балтички држави Естонија, Латвија и Литванија.

The post Полскиот премиер Доналд Туск ги посети воените утврдувања на границата со Русија, кај Калининград appeared first on Република.

Социјалдемократската партија на Германија (СПД) на канцеларот Олаф Шолц денеска ја започна својата изборна кампања, речиси три месеци пред предвремените парламентарни избори, а канцеларот во својот прв голем предизборен говор пред околу 500 членови на партијата во Берлин рече дека претстојните избори ќе претставуваат фундаментална одлука за иднината на Германија, наведувајќи дека безбедноста, напредокот и работните места се загрозени.

Сега е време решително да продолжиме со обновата на Германија, изјави Шолц, кој е кандидат на СПД за канцелар, објави германскиот портал Тагешау.

Тој рече дека СПД е „гласот на вредните и пристојните“.

Шолц предложи четири точки за извлекување на Германија од економската криза, а тоа се обезбедување работни места во индустријата, особено автомобилската индустрија, евтина енергија за економијата, зголемени инвестиции во инфраструктурата и зголемување на бројот на квалификувани работници.

Тој посочи дека Германија се соочува со различни закани, како војна во Европа, економски превирања, растечки екстремизам.

Во такви сериозни времиња, на нашата земја и треба сериозна, одговорна политика, рече Шолц.

Според последните анкети, СПД има поддршка од 14 отсто од гласачите.

СПД се залага за безбедни пензии, поволни кирии, поволно здравство, како и зголемување на минималната плата, потсетува порталот.

Предвремените парламентарни избори во Германија се закажани за 23 февруари, откако владејачката коалиција се распадна овој месец, затоа што не успеа да се договори за политиката за излез од економската криза.

The post Шолц: Претстојните избори ќе претставуваат фундаментална одлука за иднината на Германија appeared first on Република.

Повеќе од сто луѓе синоќа се уапсени во Грузија по судирите помеѓу демонстрантите со полицијата, што уследија по владината одлука да се стопираат преговорите за членство во ЕУ, соопшти денеска грузиското Министерство за внатрешни работи.

Демонстрантите се судрија со полицијата во повеќе грузиски градови, вклучително и Тбилиси и Батуми. Полицијата во главниот град употреби водени топови за да ги спречи демонстрантите да се доближат до зградата на Парламентот.

Протестите почнаа кога премиерот Иракли Кобахиѕе од владејачката партија Грузиски сон ја соопшти одлуката за стопирање на преговорите со ЕУ.

Претседателката на Грузија, Саломе Зурабишвили синоќа изјави дека се солидаризира со „Движењето на отпорот“ во кое илјадници луѓе протестираат против одлуката на Владата да ги одложи пристапните преговори со ЕУ.

- Движењето на отпорот почна … Се солидаризирам со него. Ќе останеме обединети додека Грузија не ги постигне своите цели: враќање на европскиот пат и одржување нови избори, истакна Зурабишвили во телевизиското обраќање.

Повеќе од 100 дипломати и државни службеници во Грузија потпишаа отворено писмо во кое тврдат дека одлуката на Владата не е во согласност со стратешките интереси на земјата.

Кобахиѕе ја обвини ЕУ за „мамење“ откако европските законодавци побараа повторување на минатомесечните парламентарни избори во Грузија поради „значителни неправилности“.

Во Грузија од 2012 година на власт е партијата Грузиски сон, која според критичарите, се обидува да ја оддалечи земјата од ЕУ и да ја приближи Русија.

Грузиски сон победи на изборите минатиот месец, но пратениците од опозицијата го бојкотираат новиот парламент, тврдејќи дека има изборен фалсификат, додека за претседателката Зурабишвили парламентот е „неуставен“.

The post Во Грузија уапсени над 100 демонстранти appeared first on Република.

Премиерот на Канада, Џастин Трудо вчера се сретна со новоизбраниот американски претседател Доналд Трамп на неговиот имот во Флорида.

Средбата уследи неколку дена откако Трамп најави воведување царини за Канада поради проблеми на границата.

Трамп на 25 ноември се закани дека ќе воведе 25 проценти царина на увозот од Канада и Мексико ако Отава и Мексико Сити не ја засилат борбата против шверцот на дрога, посебно фенталинот и не ги запрат мигрантите кои влегуваат во САД.

Трудо претходно одржа состанок со премиерите на сите десет канадски покраини, со кои разговараше за односите со САД.

Канада е четврти најголем производител на нафта во светот и шести најголем производител на гас во светот. Огромното мнозинство енергетски производи се извезуваат во САД, а Трамп не прави исклучок за нив во својот план за воведување на царини.

The post Трамп се сретна со Трудо во Флорида appeared first on Република.

Џихадистите и терористи со подршка од Турција го презедоа стратешкиот град Саракиб во северозападна Сирија од владините сили, соопшти Сириската опсерваторија за човекови права.

Саракиб е во покраината Идлиб, а со неговото заземање џихадистичките терористички групи ќе можат да го спречат приблужувањето на владините сили кон градот Алепо, кој исто така од вчера е под контрола на џихадистите.

Во борбите во северозападна Сирија во изминатите три дена загинале 27 цивили, меѓу кои осум деца, изјави претставник на ОН.

Бунтовниците блиски до ИСИС и Ал Каеда, предводени од исламистичката милитантна група Хајат Тахрир ал-Шам на 27 ноември извршија упад во десетина градови и села во северозападната провинција Алепо, која е под контрола на Владата на сирискиот претседател Башар ал Асад.

Сириската армија соопшти дека продолжува да се спротивставува на џихадистите, потенцирајќи оти нанела големи загуби на бунтовниците во руралните области на Алепо и Идлиб.

The post Џихадистите зазедоа уште еден град во северозападна Сирија appeared first on Република.

Претседателот на Cеверна Кореја, Ким Џонг-ун, на средба со рускиот министер за одбрана Андреј Белоусов во Пјонгјанг, истакна дека Русија има право на самоодбрана.

Според Ким, Украина поради САД и западните земји ја нападна руската територија со нивно оружје со долг дострел па затоа Русија мора нешто да преземе за непријателските сили да ја платат цената.

Лидерот на Cеверна Кореја најави продлабочување на соработката со Русија во сите сфери, вклучително и воената, во согласност со Договорот за стратешко партнерство.

The post Ким: Русија има право на самоодбрана по нападите со западно оружје appeared first on Република.

Во провинцијата Хунан, Кина откри најголемо наоѓалиште на злато во светот, кое според проценките содржи 1.000 тони злато со вредност од 76 милијарди евра, пренесе „Дејли мејл“ повикувајќи се на кинески државни медиуми.

Геолозите користеле модерни методи на истражување и 3Д моделирање за да идентификуваат структура на 40 златни жили на длабочина од околу 1.600 метри под рудникот Вангу. Според податоците на Геолошкиот институт на Хунан, овие жили содржат околу 300 тони злато, а подлабоките слоеви можат да кријат уште поголеми резерви.

Откритието предизвика зголемување на цената на златото на светските берзи, кое сега е блиску до историскиот максимум. Кина, која веќе учествува со 10 проценти во глобалното производство на злато, дополнително ја зајакнува својата позиција како водечки производител.

Експертите оценуваат дека златото останува сигурна инвестиција во време на економски и политички нестабилности, а трендот на намалување на каматните стапки дополнително ја зголемува неговата атрактивност.

The post Во Кина откриено најголемото наоѓалиште на злато во светот appeared first on Република.

Трговскиот центар Парк Плаза Мол се евакуира, иако полицијата соопшти дека во моментов нема активно пукање.

Полицијата соопшти дека реагирала на „активен агресор“, кој не е уапсен.

Според првичните информации, две лица кои се познавале пукале меѓу себе во продавница. Во пукотницата имало најмалку тројца ранети, но не се во животна опасност, објави локалната НБЦ.

На терен се голем број полициски и итните служби.

🇺🇸 Police are responding to an 'active aggressor' incident at Park Plaza Mall, 600 W in Little Rock, Arkansas, according to local media.

There are confirmed reports of shots fired. pic.twitter.com/nlsC80r4xF

— The Global Beacon (@globalbeaconn) November 29, 2024

The post Пукотница во преполн трговски во САД на „црн петок“, најмалку тројца повредени appeared first on Република.

Делегација на Хамас утре ќе пристигне во Каиро на разговори со египетските власти за прекин на огнот, изјави високиот функционер на групата Басем Наим.

Соединетите Американски Држави пред неколку дена соопштија дека ќе почнат нови разговори со Катар, Египет и Турција, со цел да ги обноват преговорите за ослободување на заложниците во Газа и договор за прекин на огнот, по примирјето меѓу Израел и либанската милитантна група Хезболах.

„Њујорк тајмс“ вчера објави дека Хамас покажува „зголемена флексибилност во преговорите“ за долго закочениот договор за прекин на огнот и ослободување на заложниците во Појасот Газа.

The post Делегација на Хамас утре во Каиро за договорот за прекин на огнот и заложниците appeared first on Република.

Украинскиот претседател Володимир Зеленски посочи дека е подготвен да ја прекине војната со Русија во замена за членство во НАТО, дури и ако Русија веднаш не ги врати заземените територии.

Во интервју со главниот дописник на Скај Њуз, Стјуарт Ремзи, претседателот на Украина рече дека членството во НАТО ќе мора да им се понуди на неокупираните делови од земјата за да се стави крај на „жешката фаза на војната“, додека самата покана за НАТО ги признава меѓународно признатите граници на Украина.

Ремзи побара од Зеленски да одговори на медиумските извештаи дека еден од плановите на новоизбраниот американски претседател Доналд Трамп да стави крај на војната би можел да биде Киев да ѝ ја отстапи територијата заземена од Москва на Русија во замена за пристапување на Украина во НАТО, по што Зеленски го замислил членството во НАТО на неокупираните делови од земјата.

Зеленски посочи дека може да се постигне договор за прекин на огнот доколку украинската територија што тој ја контролира биде ставена „под чадорот на НАТО“, што ќе му овозможи подоцна да преговара за враќање на остатокот од територијата „на дипломатски начин“.

The post Зеленски е подготвен за да ја прекине војната со Русија во замена за членство во НАТО appeared first on Република.

Портпаролката на новоизбраниот американски претседател Доналд Трамп и идната претставничка за медиуми на Белата куќа, Керолин Ливит, изјави дека сè уште не е донесена одлука за прашањето околу статусот на трансродовите лица во американската војска.

Ваквиот коментар, Ливит го даде одговарајќи на некои наводи дека овие луѓе би можеле да бидат отпуштени од војската.

Овие неименувани извори шпекулираат и немаат поим за што зборуваат. Ниту една политика нема да биде прогласена за официјална, освен ако не доаѓа директно од претседателот Трамп или од неговите овластени претставници на медиумите“, изјави Левит.

Непрофитната организација „Спарта Прајд“, која се залага за правата на трансродовите лица во војската, оваа недела за порталот „Милитари“ соопшти дека околу 15.000 трансродови припадници на војската се распоредени низ светот, вклучувајќи и борбени зони.

The post Портпаролката на Трамп негираше дека има одлука за отпуштање на трансродовите лица од армијата на САД appeared first on Република.

Група вработени во Уставниот суд на Грузија ја повикаа владата да ја преиспита одлуката за прекин на преговорите со Европската Унија.

Во соопштението, потпишано од членови на Уставниот суд, се апелира одговорните лица да покажат посветеност на уставниот поредок на Грузија и да ја променат одлуката за одложување на преговорите за членство во ЕУ до 2028 година.

Ги повикуваме властите да преземат соодветни чекори со цел да се запре изолацијата на Грузија од европската заедница и да се спречат негативните ефекти што произлегуваат од тоа, се вели во соопштението.

Како што изјави вчера премиерот Иракли Кобахидзе, Грузија ги прекина преговорите за нејзиниот прием во Европската Унија на четири години поради „уцени и манипулации од одредени европски политичари и бирократи“.

Тој го објави ова неколку часа откако членовите на неговата партија Грузиски сон го реизбраа за претседател на владата.

Кобахидзе порача дека неговата земја сака да биде примена во Европската Унија, но дека „нема да се занимава со отворање на пристапните преговори до крајот на 2028 година“ поради тоа што Брисел кон земјата се однесува со уценувачки и потценувачки однос. Според одлукатана Кобахидзе, до 2028 година земјата ќе одбива и средства од буџетот на ЕУ.

The post Вработени во Уставниот суд на Грузија бараат од владата да го преиспита прекинот на преговорите со ЕУ appeared first on Република.

Процесот на проширување на ЕУ со Западниот Балкан и земјите од источното соседство претставува моќна алатка за безбедност, просперитет и мир и е геополитички императив, изјави новиот претседател на Европскиот совет, Антони Кошта на денешната церемонија на примопредавање на должноста со досегашниот вршител на оваа функција Шарл Мишел.

Европската Унија и земјите кандидатки треба да работат понапорно и побрзо без вештачки временски рокови, но исто така и без бесконечни пречки, нагласи Кошта.

Според Кошта, Европа ја претставуваат вредностите за мир и просперитет, кои се впишани во договорите за формирање на ЕУ и тие се стандарди за сите институции насочени кон заштитата на човечкото достоинство, слободата, демократијата, квалитетното владеење на правото и почитувањето на човековите права и заштита на малцинствата.

Овие вредности во принцип се самата суштина на Европа и нашиот начин на живот и тие мора да бидат почитувани, рече Кошта.

Тој се осврна и на војната во Украина, посочувајќи дека иако сите копнееме за мир, мирот не може да значи капитулација и не смее да ја награди агресијата, туку тој мора да биде траен и да се базира на меѓународното право и на универзалните принципи на Повелбата на Обединетите нации за правото на луѓето на самоопределување, право на нациите самостојно да ја избираат сопствена иднина и на почитување на територијалниот интегритет и границите на државите.

Новиот претседател на Советот на ЕУ изјави дека верува во мултилатерален свет со седум различни континенти и 193 земји, кои треба да бидат поврзани во глобална мрежа и со напуштање на досегашните концепти на поделби на глобален југ или глобален север.

Европската Унија мора да биде партнер за изградба на глобална одржлива и мирна иднина и глобална финансиска архитектура што се бори против сиромаштијата, климатските промени и зачувувањето на нашите океани, рече Кошта.

Тој порача дека како градоначалник на Лисабон, бил и горд што му служи на својот град, како премиер на Португалија бил горд што и служи на својата земја и сега кога ја презема функцијата претседател на Европскиот совет и горд сум што ќе и служи на Европската Унија.

Лисабон е мојот град, Португалија е мојата земја, а Европа е наш заеднички дом. Нема противречност меѓу овие три работи. Во денешно време, во овој глобализиран свет, единствениот начин да се биде вистински патриот е да се обезбеди суверенитет и да се изгради заедничка Европа, бидејќи ние само заедно може да се залагаме за безбедност, стабилност и мир на нашиот континент. Само заедно можеме да постигнеме заеднички просперитет, економски раст и климатска транзиција и само заедно можеме да направиме гласот на Европа да се слушне на меѓународната сцена. Единството е крвотокот на Европската унија, рече Кошта.

Сепак, според него, во таа заложба за единство не треба се игнорираат разликите во мислењата меѓу земјите членки и тие не треба се сметаат за проблем, туку треба да се искористат за зајакнување на Европа.

Единството на Европа во различностите е извонредно и вкоренето во силата на нашата заедничка непоколеблива волја, нагласи Кошта.

Тој порача дека европските лидери мора да дејствуваат инспирирани од креативноста и водени од прагматизам со цел заеднички да ги бранат вредности на ЕУ за изградба на мир, обезбедување просперитет и обнова на врските со граѓаните, регионите, градовите и претставниците на граѓанското општество, во правец кон изнаоѓање подобри начини за справување со миграцијата, климатските промени, трошоците за енергија, обезбедувањето работни места и зајакнување на Европската Унија.

Ќе се залагам за нашите вредности, за зајакнување на нашите европски проекти за мир и просперитет. Ајде да се фатиме за работа, додаде Кошта.

Тој му се заблагодари на Мишел за неговата досегашна работа како претседател со Европскиот совет во справувањето со предизвиците со кои се соочи ЕУ, нагласувајќи дека Европа треба да му е благодарна и дека многу му должи.

Мишел, пак, од своја страна нагласи дека желбата, енергијата и страста што ги видел при средбите што имал со граѓаните и бизнисмените во изминатиов период го прават оптимист за иднината на ЕУ.

Европската Унија веројатно е најубавата идеја, најубавиот сон во историјата на човештвото и моќна енергија во служба на мирот и просперитетот, со која треба да се гордееме. Сите ние имаме одговорност да се грижиме за остварување на сонот за овој проект и оваа идеја, рече Мишел.

Тој потенцира дека во изминативе пет години ЕУ беше соочена со многу предизвици, но сепак презема мерки за обезбедување на климатска неутралност, за справување со последиците од ковид пандемијата и за справување со енергетската криза предизвикана од руската агресија врз Украина. Мишел посочи дека веднаш по стартот на руската инвазија, ЕУ презема решителни мерки за поддршка Украина со „историски чекор“ за испраќање оружје и воена опрема, како и за санкционирање и изолирање на Русија.

Сите овие предизвици ни ги отворија очите затоа што ги покажаа нашите слабости, но и нашата сила. Пред Европскиот совет ја претставив нашата Стратешка агенда, чиј апсолутен приоритет е да ја направиме Европа помалку зависна и господарка на својата судбина, додаде Мишел.

Тој нагласи дека од искуството од неговата досегашна работа сфатил дека Европскиот совет мора да биде чувар на европското единство и да помага за заедничко справување со предизвиците.

Ниту вие, ниту јас, за жал, немаме кристална топка за да ги идентификуваме предизвиците што стојат пред нас, но од се срце се надевам дека следните неколку години ќе бидат помалку турбулентни од претходните и се надевам дека единството ќе опстои. Ви посакувам се најдобро и голем успех, додаде Мишел обраќајќи му се кон Кошта.

По обраќањата, Мишел формално му ја предаде должноста Кошта, вградувајќи му го ѕвончето, кое вообичаено го користеше за означување на почетоците на заседанијата на Советот на ЕУ.

The post Кошта: Треба да работиме на проширувањето на ЕУ без вештачки временски рокови и бесконечни пречки appeared first on Република.

Францускиот претседател Емануел Макрон денеска ја посети новообновената катедрала Нотр Дам во Париз и изјави: „Се врати!

Пет години по разорниот пожар кој се закани да го уништи ова античко место за богослужба, катедралата ќе биде повторно отворена за јавноста следната недела.

Обновена катедралата Нотр Дам пет години по катастрофалниот пожар

Поздравувајќи го реновирањето, кое чинеше најмалку 600 милиони фунти, Макрон шеташе низ Нотр Дам со неговата сопруга Брижит Макрон денеска и рече: „Кошмарот заврши“.

Тој им оддаде почит на оние кои го вратија „големиот симбол на Франција“ кој е сакан и почитуван ширум светот.

Обновена катедралата Нотр Дам пет години по катастрофалниот пожар

На 15 април 2019 година, милиони луѓе ширум светот ужасно гледаа како пламенот ја зафатил зградата.

Античките артефакти беа уништени, заедно со поголемиот дел од дрвениот и металниот покрив, како и карактеристичната кула.

Точната причина за пожарот никогаш не е утврдена, но истражителите веруваат дека било несреќа, предизвикан или од цигара или од краток спој во електричниот систем.

Веднаш по пожарот, Макрон вети дека црквата ќе биде повторно изградена „поубава од кога било“ во рок од пет години.

Обновена катедралата Нотр Дам пет години по катастрофалниот пожар

Ова ветување е исполнето благодарение на милиони донации и стотици специјализирани занаетчии кои користат вековни вештини.

Конечната цена на реновирањето се очекува да биде повеќе од 600 милиони евра, од кои голем дел се донирани од француски милијардери.

The post Макрон прв ја виде обновена катедралата Нотр Дам пет години по катастрофалниот пожар appeared first on Република.

Реставрираната катедрала Нотр Дам во Париз беше отворена денеска, пет години по катастрофалниот пожар што ја опустоши историската зграда.

The post Макрон прошета низ обновената катедрала Нотр Дам во Париз во присуство на ТВ-камерите appeared first on Република.

Ниту по осмиот обид, 51. состав на Народно собрание на Бугарија не избра свој претседател, јави БТА.

Во вториот круг гласање се соочија Наталија Киселова од „БСП-Обединета левица“ и Силви Кирилов од „Има таков народ“, но ниту еден од нив не доби потребен број гласови.

Киселова доби 87 гласа „за“, 61 „против“, а 88 се воздржаа. При повторното гласање, побарано од Божидар Божанов од „Продолжуваме со промената-Демократска Бугарија“, 87 пратеници гласаа „за“, 60 беа „против“, а 90 се воздржаа. Божанов изјави дека поддршката за претседател зависи од спроведување на санитарниот кордон за Делјан Пеевски.

Киселова беше поддржана од ГЕРБ-СДС и „БСП-Обединета левица“, додека „ДПС-Нов почеток“, „Има таков народ“ (ИТН), „Морал, единство, чест“ (МЕЧ) и еден пратеник од ГЕРБ-СДС гласаа против. Пратениците од „Продолжуваме со промената-Демократска Бугарија“, „Преродба“ и „Алијанса за права и слободи“ (АПС) се воздржаа.

Силви Кирилов освои 99 гласа „за“, 112 „против“ и 26 воздржани. Повторното гласање покажа исти резултати.

Претседавачот Кирилов по консултациите објави дека следната седница ќе се одржи в среда, 4 декември, во 11:00 часот.

The post И осмиот обид за избор на претседател на бугарското Собрание е неуспешен appeared first on Република.

Киев редовно извршува напади врз руските нафтени центри и складишта за оружје во обид да ја намали борбената моќ на Русија во војната против Украина. Во текот на ноќта на 29 ноември, голем пожар зафатил складиште за нафта во руската област Ростов, јавија локалните медиуми.

Очевидци известија дека виделе големи облаци чад над складиштето за нафта ФДКУ Атлас во областа Каменск-Шахтински во регионот Ростов. На видеата од пожарот објавени на различни канали на Телеграм се гледа како голем оган го осветлува ноќното небо.

🔥🔥🔥 In Rostov, Russia the Atlas Oil Depot has been attacked by Ukrainian drones.

👉 You know what the best type of oil is?

Russian oil, burning on Russian territory, as the Russian economy - which lives on oil - begins to collapse. pic.twitter.com/QMEMIC5Bzl

— Jason Jay Smart (@officejjsmart) November 28, 2024

Украинската војска се уште не го коментираше нападот, а пред пожарот вршителот на должноста гувернер на Ростовската област Јуриј Сљусар изјави дека руската воздушна одбрана пресретнала 30 украински беспилотни летала во северозападниот дел на регионот.

Гувернерот додаде дека службите за итни случаи „гасат голем пожар на индустриска локација“, без да ја прецизира локацијата. Сљусар тврди и дека две куќи биле оштетени во населбите Масаловка и Ѓакино во напад со дрон.

Украинските напади беа насочени кон складишта за оружје, воени бази и нафтени постројки во Ростовската област, во обид да се забави напредувањето на Русија во источна Украина и да се притисне Москва да повика на прекин на војната.

Украинските беспилотни летала претходно го нападнаа нафтениот капацитет ФДКУ Атлас во август, потврди извор од воената разузнавачка служба (ХУР) за Киев Индипендент.

Во последните месеци, Украина се обиде да ги потисне руските сили од својата територија, гаѓајќи цели подлабоко во Русија.

На 31 октомври, украинско беспилотно летало погоди нафтена рафинерија во градот Уфа во Руската Република Башкортостан, која се наоѓа на околу 1.500 километри од границата меѓу Русија и Украина.

Фосилните горива се главните двигатели на руската економија и главниот извор на приход за руската војска.

И покрај санкциите на Западот, Русија продолжува да испорачува нафта и гас за други земји ширум светот, првенствено Индија и Кина.

The post Русија е нападната, Украинците удрија за време на ноќта: Погодено е големо складиште на нафта во Ростовската област, се е зафатено со чад appeared first on Република.