Националниот Џез Оркестар вечерва најавува незаборавна вечер. Подгответе се за уникатно музичко доживување кое ќе ги спои најдобрите рок хитови со магијата на џезот.

На 30-ти ноември, во 20:00 часот, во салата на Македонската филхармонија, ќе се одржи концертот “Golden Rock Swings”.

Нашиот оркестар, ќе ви ги претстави легендарните рок песни во сосема ново светло, преку виртуозни џез аранжмани. Оваа вечер ќе биде исполнета со енергија, страст и музичка мајсторија која ќе ве остави без здив.

Ексклузивни гости на концертот ќе бидат:
– Бранислав Николов од Фолтин
– Фантастичниот џез вокал Џон Илија Апелгреен
– Неверојатната Светлана Јовановска.

Не пропуштајте ја оваа можност да бидете дел од музичкиот спектакл кој ќе ги обедини љубителите на рокот и џезот. Дојдете и уживајте во звуците на “Golden Rock Swings” и дозволете музиката да ве понесе на едно незаборавно патување, велат организаторите.

The post Националниот џез оркестар вечерва ќе ги изведе најдобрите рок хитови со магијата на џезот appeared first on Република.

Вечерва во СЦ Јане Сандански, со почеток во 21:00 часот, ќе имате можност да го проследите концертот на легендарниот хрватски состав „Парни Ваљак“.

Фреди Меркјури и нашиот Аки Рахимовски имаат многу заеднички особини, но една е посебно изразена. А, тоа е, дека и двајцата беа суверени владатели како на сцената, така и со публиката. Фреди Меркјури ја отпеа ,,The Show Must go On”, а сите ние знаеме дека секогаш истото го мислеше и до последен здив така и живееше и нашиот Аки. Парни Ваљак продолжи понатаму со нов пејач, гордо и квалитетно, онака како што и изгледа од своите први денови на почетокот на кариерата.

За скопскиот концерт на Парни Ваљак своја изјава даде и лидерот на бендот, Хус, кој заедно со Парни Ваљак оваа година ќе ја добие најпрестижната можна награда за музика во Хрватска – ПОРИН за животно дело:

,,Наша голема желба, а уште поголема одговорност е во Скопје, во градот на Аки, да отсвириме концерт, кој нашата одлука да продолжиме понатаму ќе направи да биде оправдана. Се разбира дека, во приказната за Парни Ваљак, Аки е неизоставен дел и тој секогаш ќе биде во нашите срца.”

The post Концерт на „Парни Ваљак“ вечерва во СЦ Јане Сандански appeared first on Република.

Британско-ирскиот комичар Џими Кар вчеравечер ја забавуваше публиката во Македонската филхармонија. Со два распродадени настапи, еден по друг, тој се покажа пред публиката во токму онакво светло како што се очекуваше – остар, провокативен, промислен и неверојатно забавен.

Тој е на Европска турнеја, претставувајќи го својот последен материјал на шеги и досетки. Познат по морбиден хумор и сатирични вицови, тој не ја разочара македонската публика. Во двочасовното шоу се претстави со актуелни теми од светската политика, домашни настани од лондонското секојдневие и фамилијарниот живот. Ја „чепна“ и Македонија и тукашното живеење покажувајќи дека си ја сработил домашната работа и направил истражување за интересите и културата на нашиот народ. Достоинствено ги прифати шегите дофрлени од македонската публика и знаеше да врати појако.

Секоја чест за организоторите на овој настан „Авалон“, што ѝ овозможија на македонската публика да види еден познат и актуелен комичар од светски калибар.

Џими Кар е меѓу најголемите британски телевизиски ѕвезди присутен на британските екрани во панел-шоуа што ги води. На македонскта публика ѝ е познат од неколкуте „Нетфликс“ изданија, а многу негови комични скечеви може да се најдат и на „Јутјуб“.

Двата настапи на Џими Кар во Скопје беа со месеци распродадени (уште пред летото), што е мошне невообичаено. (К.М.)

The post Остар, провокативен, промислен и неверојатно забавен, Џими Кар ја забавуваше публиката во Скопје appeared first on Република.

Вечерва во „Борис Трајковски“, со почеток во 20:00 часот, ќе имате единствена можност да го пролследите настапот на една од најжестоките светски лајв атракции, symphonic metal бендот Apocalyptica.

Ова е нивната досега најатрактивна и најголема светска турнеја со наслов „Apocalyptica Plays Metallica Vol.2 “. Спојувајќи ја класичната музика со хеви метал како никој досега, Apocalyptica за кратко време станаа светска атракција!

Со оваа оригинална идеја и врвна интерпретација на најголемите хитови на Metallica, момците од Apocalyptica докажаа дека универзалниот јазик на одличната музика не познава жанровски ограничувања, а резултат на тоа се и стотиците илјади продадени албуми, бројни турнеи и фанови ширум светот. На нивните албуми гостувале:

Sandra Nasic od Guano Apes, Dave Lombardo (Slayer) , Ville Valo (HIM), Lauri Ylönen ( Rasmus), Till Lindemann (Rammstein), Corey Taylor (Slipknot) Adam Gontier( Three Days Grace) , Gavin Rossdale,( Bush) и многу други.

The post „Апокалиптика“ вечерва во „Борис Трајковски“ appeared first on Република.

Вечерва во Македонската Филхармонија, со почеток во 19:00 и 21:00 часот, ќе имате можност да го проследите настапот на светски познатиот стенд – ап комичар Џими Кар.

Џими кажува шеги, а шегите се како магнет. Оваa епизода на црн хумор ќе ги привлече смелите, а одбие кревките. На некои луѓе им е одбивен црниот хумор на Џими. Овој настан не е за нив…

Џими својата популарност ја здоби со неговите четири Нетфликс специјали, а воедно е и првиот британски комичар кој има потпишано договор со овој стриминг гигант. Џими Кар е редовен гостин на некои од најпрестижните британски и амерички телевизиски емисии, како “The Tonight Show”, “The Late, Late Show with James Corden” и “Late Night with Conan O’Brien”.

“The Guardian” го опишува Џими како ,,комичарскиот херој на нашето време”, а тоа го има препознаено и публиката – на неговата последна турнеја “Terribly Funny”, при која одржа распродадени настапи во Белград и Загреб, присуствуваа повеќе од 1.2 милиони посетители во 45 држави, со што Џими станува комичар со најголемата интернационална турнеја некогаш одржана.

The post Светски познатиот стенд – ап комичар Џими Кар вечерва во Скопје appeared first on Република.

Јелена Карлеуша во интервју за „Република.рс“ раскажа од каде потекнува нетрпеливоста на Цеца кон неа и зошто толку ја мрази.Тоа е повразно со акцијата „Сабља“ по атентатот врз премиерот Ѓинѓиќ.

Татко ми беше еден од основачите на УБПОК и некој што беше во целата организација „Сабја“. Во тој период живеев многу лошо, татко ми тогаш возеше блиндиран автомобил, бидејќи членовите на земунскиот клан секојдневно му се закануваа . Во тоа време, како јавна личност и ќерка на полицаец, и конкурентка на хероината од мрачната, криминогена страна, трпев многу притисоци, закани, заплашувања и целиот тој период го поминав како што знаев. и можеше, најмногу поради сплет на среќни околности - истакнала Карлеуша.

Се сеќава и на денот кога татко и влегол во куќата на Цеца.

Кога започна акцијата,  татко ми влезе во куќата на Светлана Ражнатовиќ, поради основано сомнение дека во таа куќа има скриено оружје и уметнички дела... Според полициските информации, членови на на „земунскиот клан“, тоа беше нивната база. Последната насловна страница на еден мафијашки таблоид бевме јас и татко ми. Пишуваа дека Цеца е уапсена затоа што е моја конкуренција, а не знам кој бил тогаш во министерството за информации, ја извадил таа насловна страница и рекол дека поради такви насловни страници тој таблоид беше затворен. Цело време имав мета на челото.

The post Eве зошто толку се мразат: Taткото на Карлеуша влегол во домот на Цеца за да ја апси appeared first on Република.

Од 6-8 декември ќе се одржи второт издание на Ревија на современ италијански филм во Cineplexx Skopje City Mall.

Петок 6 декември 19 часот Глорија! / Gloria!
(2024, Margherita Vicario)
Сабота 07/12 19.00ч - сала 5 Бојно поле / Campo di battaglia
(2024, Gianni Amelio)
Сабота 07/12 21.00ч - сала 5 Доверба / Confidenza
(2023, Daniele Luchetti)
Недела 08/12 19.00ч - сала 5 Другиот живот / La vita accanto
(2024, Marco Tullio Giordana)
Недела 08/12 21.00ч - сала 5 Вермиљо / Vermiglio
(2024, Maura Delpero)

The post Ревија на современ италијански филм од 6-8 декември appeared first on Република.

Денес со почeток од 20 часот, во Дом на култура Иван Мазов – Климе“ Кавадарци ќе се оддржи ексклузивен “Концерт на Јордан Костов Квартет“.

Еден од музичарите кои го освојуваат светот со својата музика – Јордан Костов, со својот квартет доаѓа во родното Кавадарци. Ретка прилика во живо да се видат неговите музички мајстории.

Овој пат во состав:
Драган Теодосиев (Македонија) на тапани – најдобар млад македонски џез музичар за 2024 на Скопје Џез фест; Маки Хачија (Јапонија) на пијано – вокален перформер, пијанист, има издадено осум самостојни албуми.

Соработува со врвни професионални играчи, музичари, поети, ликовни уметници низ целиот свет; Јордан Костов (Македонија) на хармоника – музичар кој го освојува светот со својот инструмент и музика со десетина албуми во својот репертоа, што самостојни, што со неговите групи.

Описот на нивната музика оди вака: Публиката во Кавадарци ќе може да слушне испреплетување на повеќе музички свери, балансиран контраст на импро и комплексни и едноставни мелодии со моменти на космички звук , хармонски манипулации итн. Арт од енергична вокална техника, модерен џез и силна ритам секција.

Овој квартет ќе го донесе духот на алтернативата , подземјето и авангардата од Токио но и други свери, во исто време оживувајќи го духот на Никола Бадев.

Влезот на концертот е бесплатен. Се гледаме на светска музика!

The post Ексклузивен концерт на „Јордан Костов Квартет“ вечерва во Кавадарци appeared first on Република.

Зборот легенда во овој регион се користи многу често – без било какви аргументи. Ако некој заслужено го носи зборот ,,легенда”, тоа со сигурност е Драган Б. Костиќ. Авалон Продукција ќе го организира ,,последниот танц” на сцена на Драган Б. Костиќ, по повод 50 години од легендарната ,,Диско селектор”. Настанот ќе се случи вечерва во СЦ Јане Сандански, со почеток во 21:00 часот.

Драган Б. Костиќ е еден од најлегендарните фигури во македонската културна сцена – новинар и водител со преку 14.000 радио емисии и 20.000 часа минати пред микрофон, диџеј со преку 2.000 настани, човек кој има пораснато и музички и културолошки едуцирано повеќе од 5 генерации.

Сосема случајно, но ете, така било пишано, последниот сценски танц на Драган е закажан токму за Денот на бившата голема Република, се вели во објавата од Авалон Продукција.

The post „50 години Диско Селектор“ – последниот сценски танц на Драган Б. Костиќ appeared first on Република.

Вечерва во Кинотека на Македонија, со почеток во 20:00 часот, ќе биде прикажан играниот филм „Сто лаги“. Со оваа проекција се затвора неделата на јапонски филм.

Филмот раскажува за еден излитен трговец со антиквитети, Норио, кој наоѓа вредна шолја чај од најпознатиот јапонски мајстор за чај Сен но Рикју од 16 век, кога пребарува во складиште на богато семејство. Норио го измамува сопственикот на куќата Сасуке и успева да ја добие шолјата речиси за ништо. Но излегува дека Сасуке е измамник и шолјата за чај ја направил самиот. Потоа Норио дознава дека Сасуке порано бил надежен грнчар, но бил спречен од автентикаторот на антиквитети. И Норио има болни искуства со истиот автентикатор, па двајцата решаваат да направат измама со која ќе се одмаздат на автентикаторот. Но оваа измама, која ги вклучува и нивните сопруги и деца, ќе тргне по сосема неочекуван пат.

СТО ЛАГИ e комедија е во режија она Масахару Таке, современ јапонски режисер, ценет од критиката, кој во исто време е еден од нагледаните современи јапонски режисери. Неговоиот филм ЉУБОВ ОД 100 ЈЕНИ (2014) беше јапонски кандидат за оскар за најдобар интернационален филм. СТО ЛАГИ е првиот дел од неверојатно успешната трилогија режирана од Таке која ги следи авантурите на шармантните Норио и Сасуке.

Возрасна категорија: 12 години

СТО ЛАГИ

(We make antiques!)

Игран филм, Јапонија

2018, 110 мин., колор, ДЦП

Режисер: Масахари Таке (Masaharu Take)

Сценарио: Шин Адачи, Масако Имаи (Shin Adachi, Masako Imai)

Улоги: Киичи Накаи, Кураносуке Сасаки (Kiichi Nakai, Kuranosuke Sasaki)

The post Со проекцијата на филмот „Сто лаги“ вечерва се затвора неделата на јапонски филм во Кинотека appeared first on Република.

Музичкиот бенд „Дрим Тим“ вечерва со почеток во 20 часот во Македонскиот народен театар ќе одржат концерт по повод нивниот јубилеј 25 години постоење.

 

 

Концертот се најавува како вистинско музичко патување низ времето, низ кариерата која почна во далечната 1999 година кога тогашната постава на Дрим Тим во која членуваа Никола Коцев, Маријан Коцев, Александар Ангелов, Сашко Велков, Ангел Ќосев и Гоце Илиоски реши да почне да ја раскажува својата музичка приказна.

 

 

Сегашната постава на Дрим Тим ги вбројува Дејан Николовски – Чуле (вокал), Никола Коцев (труба), Димитар Митровски (хармоника), Александар Ангелов (кларинет/сакс), Ангел Ќосев (клавијатура) и Гоце Илиоски (тапани).

На сцената вечерва се очекува да се придружат дел од колегите со кои соработувале низ годините, како што се Синтезис, Влатко Лозановски, Маријан Коцев и Сузана Гавазова.

The post Дрим Тим со концерт во МНТ одбележуваат 25 години постоење appeared first on Република.

Пејачот Аца Лукас се отвори за својата зависност од коцкање, но и за помалку познатите детали од неговиот живот.

Многумина би зажалиле што изгубиле милиони на негово место. Не крие дека користел опијати, посетувал бордели, но и дека изгубил повеќе од 70 милиони долари на коцкање.

. Пишува дека сум потрошил 70 милиони долари на коцкање. Морам да признаам дека за малку ќе го погодат, јас сум малку повеќе с******. Не жалам. Никогаш во животот не жалам. Би зажалил доколку направам некои клучни грешки. Ако се убив, односно ако се убијам, тоа би значело дека се каам, но еве ме жив сум - рече Аца.

The post Aца Лукас: На коцка изгубив 70 милиони долари appeared first on Република.

Новинарот Марко Лопушина изнесе детали за бракот на Цеца и Аркан. Тој тврди дека Цеца заработувала пари за Аркан и оти тој насекаде продавал нејзини касети од албумите.

https://republika.mk/sport/fudbal/arkan-bil-donesen-za-da-gi-sozdade-deliite/

Да, Цеца му правеше пари. Тoj  продаваше касети во Германија  каде што живееја нашите гастарбајтери. Тие касети беа печатени во Бугарија затоа што таму беше најевтино. Во црковните сали и во спортските сали  се продава тие пиратски касети. Доаѓаше Жељко и им прашуваше гипродадовте касетите на Цеца?, тие пари одат кај мене, велел Аркан,се присети Лопушина.

The post Аркан „шиткал“ касети од Цеца печатени во Бугарија appeared first on Република.

Денеска во Скопје започнува 11. издание на ПИН музичка конференција и шоукејс фестивал, најзначајниот ваков настан во регионов, која ќе се одржува од 28 до 30 ноември во МКЦ. Во рамките на тридневниот музички "саем", во Скопје пристигнуваат повеќе од 500 делегати, професионалци од музичката индустрија и експерти од целиот свет, а ќе се одржуваат и 60 концерти, со бесплатен влез за сите посетители. 

Од Бугарскиот министер за култура до менаџерот на The Chemical Brothers
- сите се овие денови во Скопје на ПИН!

ПИН е единствен интернационален настан го претвора Скопје во центар на европската музичка индустрија, ги поврзува сите релеванти двигатели на сцената и ги поместува границите нудејќи разновидна палета на жанрови преку своите панели, работилници и перформанси. ПИН е прослава на трансформативната моќ на музиката, каде што се споделува знаењето, се создаваат мрежи на идна соработка и одекнува ритамот на креативноста.

За време на овие три дена, Скопје ќе биде домаќин на:

-            Повеќе од 500 културни професионалци од целиот свет (менаџери, букери, промотори, организатори и т.н.)

-            60 концерти на 6 бини

-            Промоција на македонската музичка сцена со повеќе од 30% македонски артисти во програмата

-            Бесплатен влез за сите посетители

-            Бројни едукативни содржини.

Програмата започнува денеска, четврток во 13:45 часот со панелот „Најдолгиот пат од права до пари“ каде учествуваат и претставници на македонскиот ЗАМП, и следниот во 15:00 часот, насловен „Креативна Културна Европа“ со бугарскиот министер за култура како специјален гостин.

Вечерта, во 19:00 часот ќе се одржи церемонијата за официјално отворање на ПИН во Младинскиот Културен Центар.

Целосната програма можете да ја видите на овој линк: https://pinconference.mk/ .

Мобилната апликација е достапна на следниов линк: https://tmsqr.link/pin-music .

На конференциската програма на ПИН, како говорници, предавачи и модератори учествуваат најголемите ѕвезди од зад сцената, светски менаџери, организатори на најзначајните фестивали во Европа, музички агенти, експерти за извоз на музика, промоција и развој на музичките кариери, кои ќе дискутираат на топ теми во индустријата, трендови поврзани со музичката сцена, продукцијата, културата и сите влијанија на нејзе.

Музичка програма со 60 бесплатни концерти на изведувачи од целиот свет

Концертната програма ќе се одвива на 6 различни сцени во Младинскиот Културен Центар, а годинава макдеонската публика ќе има неверојатна прилика со бесплатен влез да ужива во настапите на 60 изведувачи! Артистите кои ќе настапат на ПИН доаѓаат од сите страни на светот, од повеќе од 30 земји, од цела Европа, па се' до подалечните како Јапонија, Буркина Фасо, Мали и Конго. Станува збор за значајни интернационални имиња особено од светската музика, но и најдобрите млади уметници кои ја трасираат новата квалитетна музичка сцена во различни алтернативни и популарни жанрови. Само дел од овие атрактивни музички имиња се: Бубакар Траоре, Лука Рајиќ, Аваланш Каито, Берлин Менсон, Ида Престер, Хелем Нејсе, Фулу Мизики, македонските одлични претставници Пичвајз, Хајка, Занаду, Галатеа, Огнен Златанов, и десетици други. 

Целосната програма и распоредот на концертите се објавени на овој линк: https://pinconference.mk/programme/ .

ПИН конференцијата се одржува како дел од програмата на ТАКСИРАТ Фестивал, а во организација на „Пасворд Продакшн“.

The post Денеска во Скопје почнува 11. издание на ПИН музичка конференција и шоукејс фестивал appeared first on Република.

Mладите пејачи Теа Трајковска и раперот Таско се одлична спојка кога ќе ги вкрстат своите таленти за музика. Нивниот настап на овогодинешниот „Макфест” беше еден од најдобрите, а доказ за тоа е нивната песна „Сатурн”, која е апсолутен хит на сите наши радиостаници.

Испровоцирани од одличниот прием од публиката, Теа и Таско снимија и акустична верзија и „Сатурн” доби една поинаква димензија.

https://youtu.be/buiHwFxwKck?si=9AV_naHHNvuLkSsJ

The post Теа и Таско снимија акутстичната верзија на „Сатурн“ appeared first on Република.

28 НОЕМВРИ (ЧЕТВРТОК) 20:00 ч.

НЕДЕЛА НА ЈАПОНСКИ ФИЛМ

TRAIN BRAIN EXPRESS
(TRAIN BRAIN EXPRESS)
Игран филм, Јапонија
2012, 117 мин., колор, ДЦП
Режисер: Јошимицу Морита (Yoshimitsu Morita)
Сценарио: Јошимицу Савамото (Yoshimitsu Sawamoto)
Улоги: Кеничи Мацујама, Еита, Шихори Канџиа (Kenichi Matsuyama, Eita, Shihori Kanjiya)
Комачи, вработен во компанија за недвижнини и Кодама, наследникот на челичарницата, се страсни љубители на возови. Ова нивно хоби се покажува корисно за работата и напредокот во нивните кариери, но со романтичниот дел од нивните животи работите не одат толку мазно. Дали незгодниот Кодама и неодлучниот Комачи ќе ги најдат љубовите на својот живот?
TRAIN BRAIN EXPRESS е последниот филм на ветеранот Јошимицу Морита, познат по филмовите СЕМЕЈНАТА ИГРА, И ПОТОА, ИЗГУБЕНИОТ РАЈ, БРАЌАТА МАМИЈА. Ова е негов тестаментален и личен филм. Приказната се базира врз идеја на која Морита работел повеќе од 10 години, а која е поврзана со неговиот интерес за возовите и раскажана преку неговиот уникатен комичен стил.

The post Недела на јапонски филм: Проекција на „TRAIN BRAIN EXPRESS“ вечерва во Кинотека appeared first on Република.

Вечерва, со почеток во 20:00 часот во едукативно културниот центар „Лабораториум“ во Скопје, ќе се одржи петтото издание на „Cotton Blues Festival“.

Овогодинешното издание на фестивалот ќе го отвори нашата млада надеж Михајло Митев.

Следуваат In The Mood, дуото основано од Сашо Ѓорѓевски и Никола Џими Петровски, кое овој месец прослави 15 години постоење. Дуото досега брои преку 4.000 настапи низ Македонија, како и на фестивали во Хрватска, Бугарија, Албанија и други клупски настапи низ Европа. На Cotton Blues Festival, во живо ќе го промовираат нивното EP “Breeding ground for blues” На денот на фестивалот, ќе бидат достапни и примероци од EP-то.

После нив, ќе настапи великанот на блузот Alvin Youngblood Hart со акустичен сет. Hart има добиено Греми во 2005 година за албумот Beautiful Dreamer, а беше номиниран и за албумот Down in the Alley во категоријата Best Traditional Blues Album во 2003. Меѓу другите признанија, би ги спомнале и W.C. Handy Award за најдобар музичар во 1997, како и Down Beat magazine award за најдобар блуз албум (Territory,1999).

И за крај, следи голема блуз рок журка со триото од Австралија, Rob Tognoni Band. Триото има нов албум и моментално се на светска турнеја. После Скопје, тие ќе настапат во Германија, Австрија, Италија, Романија, Холандија, Белгија, Англија…Се работи за 38 настапи само во Европа. Новиот албум има наслов Rebel, со промовирани два сингла досега, а на албумот се забележува и преработката на Whiskey in the Jar од Thin Lizzy. Rob има зад себе 27 албуми и соработувал и свирел со легенди како Roy Buchanan, Lonnie Mack (ментор на Stevie Ray Vaughan), Joe Walsh од The Eagles, Peter Green, Johnny Winter, ZZ Top, Sting и Bo Diddley. Влијание има од Cream, Hendrix, BB King, но и од AC/DC, а тоа може да се почуствува на неговите албуми, и посебно на живите настапи.

На овогодинешното издание на Cotton Blues Festival, ќе се организира работилница за изработка на акустични гитари со Јани Павеза, а Ридан Андреев е домаќин на настанот. Ридан е гитарски ентузијаст, вљубеник во блузот и чест посетител на блуз концертите. Ридан се запозна со Павеза минатата година и тие одлучија соработката да ја продолжат и оваа година. Работилницата ќе започне во 14 часот во Лабораториум во т.н. училница.

Најновото музичко издание на Игор Станоевски – Iggy Man насловено како Bad People, ќе биде прв пат претставено на Cotton Blues Festival. Bad People содржи 5 нумери кои претставуваат сублимат од блуз, рок, ритам и блуз. На Cotton Blues Festival, EP-то ќе биде премиерно претставено како слушачка промоција после настапот на In The Mood, а пред легендарниот Alvin Youngblood Hart.

Годинава, за прв пат на Cotton blues festival ќе има вајарска колонија. Специјален гостин е Дејан Спасовиќ, мултимедијален уметник , вајар, ликовен уметник, музичар, режисер кој доби специјална покана од Игор Станоески да биде почесен гостин со што за време на настапите, ликовите на уметниците ќе бидат скулптирани на самата сцена. Сите дела од ликовната и вајарската колонија ќе бидат изложени во галеријата на културниот центар “Лабораториум”. Истите ќе бидат ставени на продажба, од кои поголем дел ќе бидат донирани во хуманитарни цели.

The post Вечерва ќе се одржи петтото издание на Cotton Blues Festival appeared first on Република.

Има една земја сонце што ја грее, оди таму, в' срце земи ја, слушни вечна песна таму што се пее: Нека живеј Македонија!... дел од стиховите на една од трите најавени нови преработки со наслов „Има една земја“, а која ќе биде отпеана на концертот „Македонијо во срце те носиме“ закажан на 7 декември во Филхармонија.

Песната е со потписот на Григор Копров, а е отпеана во далечната 1986 година од страна на легендарниот Гоце Николовски и се нашла на албумот што го носел неговото име. Песната носи моќни стихови, а во себе крие и интересна приказна за тоа како станала дел од опусот на Николовски, кој во тоа време живеел во Ниш, пеел шлагери и бил дел од една од легендарните нишки групи, познатите Далтони. Набрзо влегол во етно водите и светот на народната музика, а токму со Копров работел на споменатиот албум кој бил издаден за РТВ Словенија. Всушност тоа бил неговиот прв фолк албум.

Кога го побаравме Копров беше изненаден што некој воопшто се сетил на оваа композиција која одлично се вклопува во целата наша приказна што ја раскажуваме во изминатите две години. На сцената на Филхармонија сега ќе биде отпеана во дует и тоа од Сузана Спасовска и Александар Тарабунов, велат од Скендеровски продукција, инаку задолжени за целата ова убава приказна која се раскажа во сите поголеми градови ширум земјата.

Освен „Има една земја“, веќе добро познатите 12 нумери кои публиката имаше можност да ги чуе, на сцената ќе ја чуеме и „Молитва“ на авторот Миле Барбаровски, а што ќе ја отпее Бојана Скендеровски. За преработките, но и оркестрациите ќе се погрижи маестро Николче Мицевски, додека симфонискиот оркестар ќе музицира под диригентската палка на Сашо Татарчевски.

Влезниците се продаваат преку мрежата на www.kupikarta.com по цени од 1000 и 1400 денари, а организаторите откриваат дека сите средства од продажбата ќе бидат насочени во хуманитарни цели. Низ целиот музичко-драмски перформанс, пак, публиката ќе ја води актерот Дејан Лилиќ.

7 декември со почеток од 20:00 часот бидете во Филхармонија, бидете дел од завршниот концерт во рамки на приказната „Македонијо во срце те носиме“ за уште еднаш да ја обоиме Македонија со најубавите звуци и да се потсетиме на аманетот што ни го оставиле генерациите пред нас. И, секако, сите заедно да уживаме во дел од најубавите македонски патриотски песни, и изведбите на Бојана Скендеровски, Миле Кузмановски, Сузана Спасовска, ДНК, Наум Петрески, Зуица Лазова, Александар Тарабунов, Мина Блажев, Андријана Јаневска, Марија Спасовска, Огнен Здравковски и Ламбе Алабаковски, велат организаторите.

The post „Има една земја“- една од трите најавени нови преработки која ќе биде отпеана на концертот „Македонијо во срце те носиме“ appeared first on Република.

На 28 ноември во Музеј на град Скопје, со почеток во 20 часот, ќе биде отворена изложба на музички плакати, своевидна ретроспектива на музичкиот живот на главниот град. На изложбата ќе бидат прикажани повеќе од 80 плакати, кои сведочат за најзначајните концерти, фестивали, музички групи и артисти што ја креирале урбаната музичка сцена на Скопје во последните четириесет години.

Изложбата е во организација на Баги Комуникации и е уникатна можност да се потсетиме на важни моменти од музичката историја на нашиот град, преку визуелни спомени.

Музиката е прозорец во душата на еден град. Оваа изложба е можност да се навратиме на најубавите моменти што ги носи музиката, за да ги оживееме спомените на луѓето, местата и времињата кои ја обликуваа музичката сцена на Скопје.

Отворањето на изложбата ќе биде збогатено со настап на пијанистот Бобан Мирковски и гитаристот Мухамед Ибрахими. Исто така, во соработка со неколку средни училишта во Скопје, ќе бидат организирани посети на учениците, со цел младите да се запознаат со музичката историја на својот град и да го почувствуваат влијанието на музиката како важен дел од урбаната култура.

Изложбата е помогната од Град Скопје, ќе биде поставена до 7 декември и е бесплатна за сите посетители.

The post Урбаната музичка сцена низ изложба на музички плакати во Музеј на град Скопје appeared first on Република.

Вечерва почнува Фестивалот на музика од светот, а за ова разговаравме со директорката на Центарот за култура, Маја Андоновска-Илијевски.

Првиот настан од овој фестивал е „Волкот на љубовта“, поетска вртешка со Бранислав Николов и Тихомир Јанчовски.

Поетско-музички интерпретации на најубавите љубовни песни во современата македонска поезија: стихови од Блаже Конески, Ацо Шопов, Гане Тодоровски, Петре М. Андреевски, Радован Павловски… Во вториот дел, изведувачите ќе презентираат свои песни, а ќе бидат отсвирени и најслушаните љубовни песни од македонските фестивали на 20-от век. Настанот е на новата сцена со почеток во 20:00 часот.

В петок од 20:00 часот на големата сцена на Центарот за култура за свеченото отвоирање на годинашниот фестивал „Етно симфонија“ со Кармерниот оркестар и специјалните гости, Сузана Спасовска – вокал, Благојче Трајковски – кларинет и Петар Горко – актер.

The post Со поетска вртешка со Бранислав Николов и Тихомир Јанчовски вечерва во Битола почнува Фестивалот на музика од светот appeared first on Република.