Вечерва во СЦ Јане Сандански, со почеток во 21:00 часот, ќе имате можност да го проследите концертот на легендарниот хрватски состав „Парни Ваљак“.

Фреди Меркјури и нашиот Аки Рахимовски имаат многу заеднички особини, но една е посебно изразена. А, тоа е, дека и двајцата беа суверени владатели како на сцената, така и со публиката. Фреди Меркјури ја отпеа ,,The Show Must go On”, а сите ние знаеме дека секогаш истото го мислеше и до последен здив така и живееше и нашиот Аки. Парни Ваљак продолжи понатаму со нов пејач, гордо и квалитетно, онака како што и изгледа од своите први денови на почетокот на кариерата.

За скопскиот концерт на Парни Ваљак своја изјава даде и лидерот на бендот, Хус, кој заедно со Парни Ваљак оваа година ќе ја добие најпрестижната можна награда за музика во Хрватска – ПОРИН за животно дело:

,,Наша голема желба, а уште поголема одговорност е во Скопје, во градот на Аки, да отсвириме концерт, кој нашата одлука да продолжиме понатаму ќе направи да биде оправдана. Се разбира дека, во приказната за Парни Ваљак, Аки е неизоставен дел и тој секогаш ќе биде во нашите срца.”

The post Концерт на „Парни Ваљак“ вечерва во СЦ Јане Сандански appeared first on Република.

Британско-ирскиот комичар Џими Кар вчеравечер ја забавуваше публиката во Македонската филхармонија. Со два распродадени настапи, еден по друг, тој се покажа пред публиката во токму онакво светло како што се очекуваше – остар, провокативен, промислен и неверојатно забавен.

Тој е на Европска турнеја, претставувајќи го својот последен материјал на шеги и досетки. Познат по морбиден хумор и сатирични вицови, тој не ја разочара македонската публика. Во двочасовното шоу се претстави со актуелни теми од светската политика, домашни настани од лондонското секојдневие и фамилијарниот живот. Ја „чепна“ и Македонија и тукашното живеење покажувајќи дека си ја сработил домашната работа и направил истражување за интересите и културата на нашиот народ. Достоинствено ги прифати шегите дофрлени од македонската публика и знаеше да врати појако.

Секоја чест за организоторите на овој настан „Авалон“, што ѝ овозможија на македонската публика да види еден познат и актуелен комичар од светски калибар.

Џими Кар е меѓу најголемите британски телевизиски ѕвезди присутен на британските екрани во панел-шоуа што ги води. На македонскта публика ѝ е познат од неколкуте „Нетфликс“ изданија, а многу негови комични скечеви може да се најдат и на „Јутјуб“.

Двата настапи на Џими Кар во Скопје беа со месеци распродадени (уште пред летото), што е мошне невообичаено. (К.М.)

The post Остар, провокативен, промислен и неверојатно забавен, Џими Кар ја забавуваше публиката во Скопје appeared first on Република.

Вечерва во Македонската Филхармонија, со почеток во 19:00 и 21:00 часот, ќе имате можност да го проследите настапот на светски познатиот стенд – ап комичар Џими Кар.

Џими кажува шеги, а шегите се како магнет. Оваa епизода на црн хумор ќе ги привлече смелите, а одбие кревките. На некои луѓе им е одбивен црниот хумор на Џими. Овој настан не е за нив…

Џими својата популарност ја здоби со неговите четири Нетфликс специјали, а воедно е и првиот британски комичар кој има потпишано договор со овој стриминг гигант. Џими Кар е редовен гостин на некои од најпрестижните британски и амерички телевизиски емисии, како “The Tonight Show”, “The Late, Late Show with James Corden” и “Late Night with Conan O’Brien”.

“The Guardian” го опишува Џими како ,,комичарскиот херој на нашето време”, а тоа го има препознаено и публиката – на неговата последна турнеја “Terribly Funny”, при која одржа распродадени настапи во Белград и Загреб, присуствуваа повеќе од 1.2 милиони посетители во 45 држави, со што Џими станува комичар со најголемата интернационална турнеја некогаш одржана.

The post Светски познатиот стенд – ап комичар Џими Кар вечерва во Скопје appeared first on Република.

Јелена Карлеуша во интервју за „Република.рс“ раскажа од каде потекнува нетрпеливоста на Цеца кон неа и зошто толку ја мрази.Тоа е повразно со акцијата „Сабља“ по атентатот врз премиерот Ѓинѓиќ.

Татко ми беше еден од основачите на УБПОК и некој што беше во целата организација „Сабја“. Во тој период живеев многу лошо, татко ми тогаш возеше блиндиран автомобил, бидејќи членовите на земунскиот клан секојдневно му се закануваа . Во тоа време, како јавна личност и ќерка на полицаец, и конкурентка на хероината од мрачната, криминогена страна, трпев многу притисоци, закани, заплашувања и целиот тој период го поминав како што знаев. и можеше, најмногу поради сплет на среќни околности - истакнала Карлеуша.

Се сеќава и на денот кога татко и влегол во куќата на Цеца.

Кога започна акцијата,  татко ми влезе во куќата на Светлана Ражнатовиќ, поради основано сомнение дека во таа куќа има скриено оружје и уметнички дела... Според полициските информации, членови на на „земунскиот клан“, тоа беше нивната база. Последната насловна страница на еден мафијашки таблоид бевме јас и татко ми. Пишуваа дека Цеца е уапсена затоа што е моја конкуренција, а не знам кој бил тогаш во министерството за информации, ја извадил таа насловна страница и рекол дека поради такви насловни страници тој таблоид беше затворен. Цело време имав мета на челото.

The post Eве зошто толку се мразат: Taткото на Карлеуша влегол во домот на Цеца за да ја апси appeared first on Република.

Пејачот Аца Лукас се отвори за својата зависност од коцкање, но и за помалку познатите детали од неговиот живот.

Многумина би зажалиле што изгубиле милиони на негово место. Не крие дека користел опијати, посетувал бордели, но и дека изгубил повеќе од 70 милиони долари на коцкање.

. Пишува дека сум потрошил 70 милиони долари на коцкање. Морам да признаам дека за малку ќе го погодат, јас сум малку повеќе с******. Не жалам. Никогаш во животот не жалам. Би зажалил доколку направам некои клучни грешки. Ако се убив, односно ако се убијам, тоа би значело дека се каам, но еве ме жив сум - рече Аца.

The post Aца Лукас: На коцка изгубив 70 милиони долари appeared first on Република.

Новинарот Марко Лопушина изнесе детали за бракот на Цеца и Аркан. Тој тврди дека Цеца заработувала пари за Аркан и оти тој насекаде продавал нејзини касети од албумите.

https://republika.mk/sport/fudbal/arkan-bil-donesen-za-da-gi-sozdade-deliite/

Да, Цеца му правеше пари. Тoj  продаваше касети во Германија  каде што живееја нашите гастарбајтери. Тие касети беа печатени во Бугарија затоа што таму беше најевтино. Во црковните сали и во спортските сали  се продава тие пиратски касети. Доаѓаше Жељко и им прашуваше гипродадовте касетите на Цеца?, тие пари одат кај мене, велел Аркан,се присети Лопушина.

The post Аркан „шиткал“ касети од Цеца печатени во Бугарија appeared first on Република.

Јелена Карлеуша лансираше козметичка линија, Ja JK, унисекс парфем и мирисен спреј за тело и коса со исто име. Парфемот чини 60 евра.

Парфемот привлече поголемо внимание, па многумина изјавија дека веќе го набавиле, а други најавија дека планираат да го купат.

Ja JK е унисекс ориентално-цветен мирис за жени и мажи. Горната нота е цвет од портокал, средната нота е јасмин, додека основните ноти се ванила и килибар. На веб-страницата на продавниците на Лили, таа е опишана како „идеален избор за силни жени и мажи кои бараат елеганција“.

The post „Ja JK“: Mирисајте на Јелена Карлеуша за 60 евра appeared first on Република.

Одбројувањето до големиот славенички концерт 25 години Дрим тим почна, а до петочното патување низ времето, низ кариерата која датира од далечната 1999 година кога тогашната постава тргна да ја раскажува својата музичка приказна, остана уште малку. Во моментов се вршат последните подготовки, односно во тек се последните проби пред славеничкиот концерт закажан в петок, на 29 ноември во Македонскиот народен театар со почеток од 20:00 часот.

На сцената освен Дејан Николовски – Чуле (вокал), Никола Коцев (труба), Димитар Митровски (хармоника), Александар Ангелов (кларинет/сакс), Ангел Ќосев (клавијатура) и Гоце Илиоски (тапани) присутните ќе имаат можност да видат и дел од колегите со кои тие соработувале низ годините, а меѓу нив се: Маријан Коцев, Сузана Гавазова, Влатко Лозановски, Синтезис, Сузана Гавазова и Благоја Грујовски. На репертоарот, пак, ќе се најдат некои од најголемите хитови кои ја одбележаа кариерата на Дрим тим.

Она што е сигурно е дека квалитетна музика нема да недостасува, нема да недостасува ниту добро расположение затоа што таму каде што се Дрим тим не смее нешто да нема. Така е затоа што сите - од прв до последен, се врвни музичари и кога се живите настапи во прашање им нема рамни.

The post Концертен јубилеј на „Дрим тим“ – 25 години музика appeared first on Република.

Српскиот пејач Аца Лукас реагираше на ставовите кои Северина јавно ги споделува за Србите. Тој ја нарече хрватската пејачка „обична будала“.

Северина е една обична будала. Ова е жена која си дозволила себеси да прави работи кои не надвор од паметот. Тоне сè подлабоко и подлабоко… го почитувам тоа што го мисли, но како можеш ти, кукло моја, да оправдуваш вакво плукање за еден народ, а двајцата мажи ти се Срби. Еден од нејзините сопрузи е Србин. Нејзиниот втор сопруг е Србин. Ајде, како ќе им го објасни сето тоа на своите. Што зборуваш, а половина живот си го поминала во Србија. Беше 30 пати попопуларна во Србија отколку во Хрватска. Снимив дует со неа, песната беше завршена, но таа го започна со сето ова…,изјавил Аца Лукас во еден поткаст.

Да потсетиме, пејачката Северина не престанува да зборува негативно за Србите во своите јавни настапи. Таа во интервју за босанскиот портал „Кликс“ даде неколку скандалозни изјави против Србија и Србите додека зборуваше за случајот од август кога беше запрена на српската граница на проверка, што беше редовна процедура, по што и беше дозволено да влезе во Србија, но самоиницијативно се врати во Хрватска.

The post Аца Лукас го откажа дуетот со Северина поради нејзините изјави за Србите appeared first on Република.

Во арената „Борис Трајковски” се одржа прес конференција по повод претстојниот концерт на балканската музичка ѕвезда Аца Лукас, кој ќе се одржи на 25 декември во арената „Борис Трајковски” во Скопје.

На прес конференцијата, Аца Лукас откри дека подготовките за концертот се во полн ек и најави незаборавна вечер полна со емоции, хитови и специјални изненадувања за публиката. Тој истакна дека Скопје за него има посебно место во срцето и дека секој негов настап во македонската престолнина е уникатен, благодарение на топлината и енергијата на македонската публика.

„Македонија е мој втор дом, а публиката во Скопје секогаш ми дава неверојатна енергија. Овој концерт нема да биде исклучок – ветувам дека ќе приредиме шоу за паметење.” изјави Лукас.

Организаторите најавија дека сценографијата, звукот и осветлувањето ќе бидат на највисоко ниво, следејќи го светскиот стандард на продукција, а дополнителни детали за гостите и специјалните моменти ќе бидат откриени во следните денови.

The post Аца Лукас најави незаборавен концерт: Македонија е мој втор дом, а публиката во Скопје секогаш ми дава неверојатна енергија appeared first on Република.

Познатата српска актерката Слобода Миќаловиќ физички била нападната од жена со иницијали С.Д. (47).

Како што пренесуваат медиуми кај С.Д. по пристигнувањето на полицијата било утврдено присуство на алкохол во крвта 0,66 промили. Тепачката се случила на плоштад во Земун.

Актерката наводно го управувала возилото, кога се движела напред, со предниот дел од автомобилот удрила во случајниот минувач С.Д. во пределот на коленото, што довело до вербален, а потоа и физички конфликт. Пријавената ја влечела актерката за коса и ја извлекла од возилото.

Актерката се наоѓа во Ургентниот центар, додека пријавената С.Д. исто така се пожалила на повреди.

The post Познатата српска актерка Слобода Миќаловиќ претепана од пијана жена на паркинг во Белград appeared first on Република.

Во новата епизода од поткастот „Равенка за успех“ кај Маја Поцевска, Антониа Гиговска сподели емотивни моменти од нејзиниот живот и раскажа како се справила со јавниотлинч што го доживеа. Зборуваше за машко женските односи, искуствата со изневерувањата во врските, и за тоа како ги комбинира приватниот и професионалниот живот. Антониа раскажа за љубовта на нејзиниот живот, синчето Киан и дека доколку тој не бил дел од нејзиниот живот сигурно ќе се „изгубела“, а говореше и за минатите врски и искуства и за тоа зошто една жена се одлучува да изневери.

Пејачката сподели дека ослабела 33 килограми за само 55 дена и за чудо, тоа го направила со јадење 5 оброци во денот.

https://youtu.be/Dz9eE1e03t4?si=yS296Hdulii4zkQf

The post Антониа Гиговска: Ослабев 33 кила за 55 дена appeared first on Република.

Музичко брачната двојка на која животната судбина им ја предодреди учеството во „Ѕвездите на Гранд“, Македонката Елена Миленковска и Србинот Гуте Маринковиќ се несомнено иделен спој кога е брачната хармонија во прашање, нешто што  досега многупати и го докажале. Но, кога се работи за онаа другата, музичката хармонија, досега немаа можност својата вокална експесија заеднички да ја стават на авторски тест. За да не биде така или за да биде нов почеток и на нивната професионална сплотеност, тие денес го „скршија мразот“ со првата заедничка авторска дует песна, насловена „Дно“.

Во прашање е една емотивно-драматична поп балада, модерна, а сепак дискретно обоена со  типично балкански шмек, каков што преовладува во песните на големите мајстори од регионот, како што се Бреговиќ, Чолиќ, Дино-Мерлин, Јоксимовиќ... Емоционална во изведбата на двата вокала кои и пејачки совршено се вклопуваат и надополнуваат, како и драматична во ескпресијата со која Елена и Гуте ја донеле песната, со сигурност може да се каже дека брачно-музичката „Гранд“ двојка има свое „прво па машко“... на музички план, се разбира!

Автор на музиката е Ботис Суботиќ, која заедно со Виолета Михајловска ги напишале и преубавите стихови за една несреќна, изгубена љубов која се' уште тлее во  душата, но попусто, зашто гордоста била посилна... Аранжманот го потпишува немања Михајловиќ.

„Дно“ е визуелизирана со едноставен, нискобуџетен, но мошне функционален видеоспот кој совршено кореспондира со приказната, во кој преовладува идејата над технологијата, драматургијата над вештачката интилигенција, режијата над компјутерските ефекти... Како доказ дека вдахнатата душа во едно уметничко дело ништо не може да ја замени. А Гуте и Елена своите улоги одлично си ги одиграле максимално внесувајќи му карактер на видеото, со што истото дополнително добива на уметничка тежина.

https://www.youtube.com/watch?v=tCAXr4rBUiQ&fbclid=IwY2xjawGsGRRleHRuA2FlbQIxMAABHfT7ztD9zmDPUKfiLj-pXpqY3vOab6e_ZL_sVOLWBZjYNCAy51AHsCaiSQ_aem_1WPh74zfn9uJO4yURlL7_Q

The post Елена Миленковска и Гуте Маринковиќ заедно и во добро и во зло и во љубов и во песна, од врв до… – „Дно“ appeared first on Република.

Една од најгледаните претстави во Србија, „Хотел 88“, во режија на Сташа Копривица, а во која настапуваат актерите Тамара Крчуновиќ, Јелисавета Орашанин Теодосиќ, Андрија Кузмановиќ и Владимир Алексиќ, ќе биде прикажана на 30 ноември, со почеток од 19 часот во Националната опера и балет во Скопје.

Премиерата беше во 2017 година, и оттогаш претставата „Хотел 88“ стекна култен статус, не само во Белград и Србија, туку и надвор од границите на државата. Со повеќе од 500 изведби и над 100.000 гледачи, таа и понатаму го привлекува вниманието на публиката и продолжува да воодушевува.

Дејството на претставата се одвива во луксузен хотел, каде што две брачни двојки — Виктор и Ана, и Сандра и Марко — доаѓаат за да поминат романтичен меден месец. Но, компликациите започнуваат кога се открива дека Ана и Марко имаат бурна и романтична историја, што доведува до страсни и комични пресврти во текот на една судбоносна ноќ.

„Хотел 88“ е комедија која со леснотија ги обработува темите за љубовта, неверството и предизвиците на брачните односи. Преку смешни и неочекувани ситуации, претставата ги истражува тенките граници помеѓу страсната љубов и вистинските животни проблеми.

Режирана со прецизност и чувство за темпо, „Хотел 88“ успева да го задржи вниманието од почеток до крај, нудејќи моменти на гласен смеа, но и емотивни интроспекции. Ликовите се прикажани со уникатен шарм и животни приказни, овозможувајќи им на гледачите да се поврзат со нив на различни нивоа.

The post „Хотел 88“ пред македонската публика во Националната опера и балет appeared first on Република.

К-15 составено од триото Бранко Огњановски, Љупчо Бубо Каров и Васко Тодоров се враќа на екраните наскоро.

По повод 30 години од нивното емитување, оваа информација денес на Инстаграм ја сподели Бранко Огњановски попознат како Миле Паника, а повеќе детали најави наскоро.

Оваа хумористиична постава имаше долга пауза, а Бубо Каров за време на СДСМ беше вработен во владата на Заев.

The post СДСМ се врати во опозиција, К-15 се враќа на екраните appeared first on Република.

The post Дует што ќе ги разбранува емоциите: Дадо Топиќ и Ана Петановска appeared first on Република.

25 години убава македонска музика, 25 години хитови, 25 години кариера – ете толку полни Дрим тим, бендот кој може да се пофали со милионски прегледи на Јутјуб, свирки буквално на сите континети, бројни соработки со низа домашни имиња... И тоа не е сѐ, но сето дефинитивно е убав повод за голем славенички концерт закажан на 29 ноември во Македонскиот народен театар.

Концертот се најавува како вистинско музичко патување низ времето, низ кариерата која почна во далечната 1999 година кога тогашната постава на Дрим тим во која членуваа Никола Коцев, Маријан Коцев, Александар Ангелов, Сашко Велков, Ангел Ќосев и Гоце Илиоски реши да почне да ја раскажува својата музичка приказна.

Речено-сторено, сите од прв до последен врвни музичари речиси не постои парче земја на планетата каде немаат музицирано, нема домашен фестивал на кој немаат настапено, дури и самите не знаат колку песни имаат снимено и колку настапи имаат запишано во својата музичка биографија. Кога се живите настапи во прашање, е тука се неприкосновени – се свири и пее сѐ, имаат репертоар за респектирање.

Сегашната постава на Дрим тим ги вбројува Дејан Николовски – Чуле (вокал), Никола Коцев (труба), Димитар Митровски (хармоника), Александар Ангелов (кларинет/сакс), Ангел Ќосев (клавијатура) и Гоце Илиоски (тапани) и токму тие ќе бидат задолжени за музицирањето на 29 ноември, кога на сцената ќе видиме и дел од колегите со кои соработувале низ годините. Извесно е дека на сцената друштво ќе им прават Синтезис, Влатко Лозановски, Маријан Коцев, Сузана Гавазова...

„Почитувани колеги, роднини и пријатели, со огромно задоволство Ви го најавуваме нашиот долгоочекуван концерт, 25 години постоење на Дрим тим. Ве покануваме да бидете дел од нашиот концерт кој ќе се одржи на 29. ноември во Македонски народен театар“, велат членовите на Дрим тим и ветуваат дека публиката може да очекува одлично спакувана приказна во која ќе уживаат и најпребирливите, а оние кои сакаат да уживаат во убавата македонска песна на 29 ноември со себе треба да понесат само добро расположение.

„Долго размислувавме и сонувавме за ваков концерт, со оглед на приликите на домашната сцена можеби малку и се колебавме, но време е музиката да излезе од летаргијата во која е западната и конечно работите да почнаат да се придвижуваат. Можеби чекавме предолго, но ете се охрабривме и решивме дека едноставно мораме да ѝ се оддолжиме на нашата публика заради која и постоиме“, едногласни се сите членови на Дрим тим, кои деновиве интензивно се подготвуваат за претстојниот концерт.

Не заборавајте – 29 ноември е вечер кога дланките ќе треба да го следат ритамот на срцата, кои ќе чукаат македонска музика.  

The post „Дрим тим“ со голем концерт слават јубилеј – 25 години музика appeared first on Република.

Музичарот Владимир Блажев Панчо од дуото ДНК го откажа своето учество во изборот за Маж на годината. Тој се најде помеѓу номинираните јавни личности на официјалната страница на изборот, заедно со Никола Ристановски, Боби Милевски, Стојанче Ангелов, Стефан Лазаров, Сашко Кедев, Петар Георгиевски – Камиказа и други.

Како што појаснува на својот официјален профил, Панчо не ни знаел дека бил номиниран за наградата, а се откажувал од номинацијата и учеството поради три причини.

– Од една моја блиска и почитувана пријателка само што дознав дека сум номиниран за маж на годината на ,,Cеверна Македонија” .

Прво и најбитно, сакам јавно да истакнам дека јас не живеам во ,,северна” туку во МАКЕДОНИЈА и со самото тоа би сакал своеволно да си ја откажам номинацијата и учеството

The post Панчо од ДНК не сака да биде номиниран за Маж на годината оти не доаѓа од „Северна“ appeared first on Република.

Обвинителите во Њујорк ја обвинија музичката ѕвезда Шон Диди Комбс дека се обидува да манипулира со потенцијалните сведоци и јавното мислење од затворот за да влијае на поротниците во претстојното судење за трговија со луѓе.

Тврдењата беа изнесени во поднесување до федералниот суд во Менхетен, со кое се бара да се отфрли неговото последно барање за кауција од 50 милиони долари, пишува ABC News.

Според обвинителите, Комбс телефонирал од затвор барајќи од членовите на семејството да контактираат со потенцијалните жртви и сведоци и да изработат приказни што ќе го поколебаат јавното мислење и потенцијалните поротници.

„Обвинетиот повеќепати покажа, дури и додека е во притвор, дека не ги почитува правилата и се обидува незаконски да влијае на исходот на неговиот случај. Затоа, тој не може да се смета за лице на кое може да му се верува дека ќе ги исполни какви било услови за кауција“, стои во поднесокот на обвинителството.

Судиите веќе утврдија дека тој е опасност за заедницата и постои ризик од бегство, поради што неговите претходни барања за кауција беа одбиени.

Неговиот правен тим сега поднесе барање за кауција по трет пат, тврдејќи дека се појавиле нови докази кои го оправдуваат неговото ослободување како подготовка за судењето закажано за 5 мај.

Сепак, обвинителите тврдат дека овие наводни „нови докази“ се веќе познати.

Според обвинителите, Комбс ги следел анализите на социјалните мрежи од затвор и давал инструкции како дополнително да се влијае на јавноста.

„Обвинетиот континуирано се обидуваше да го наруши интегритетот на овој процес, вклучително и контактирање со потенцијални сведоци и жртви кои би можеле да дадат клучни изјави против него“, се заклучува во извештајот на обвинителството.

Адвокатите на Комбс не одговорија веднаш на барањата за коментар.

Комбс е во притвор од септември, откако беше обвинет дека со години со помош на соработници злоставувал жени, употребил насилство, уцени, па дури и киднапирања и палење за да ги замолчи.

Тој ги отфрли сите обвинувања.

The post Пи Диди од затвор се јавувал на потенцијални жртви и сведоци appeared first on Република.

Српскиот пејач на народна музика, Драган Којиќ - Кеба, откри дека првите чекори во светот на музиката ги направил уште како дете, но дека страста кон пеењето првично ја криел од родителите.

Кеба открива дека на многу млада возраст првпат стапнал во кафеана, каде што воден од страста кон музиката почнал и да пее.

Мојот прв инструмент кратко време беше хармоника, па тапаните, па сакав да бидам трубач, па свирев на гитара, но секогаш пеев. Секако, почнав тоа да го правам како многу мал. Бев во културно-уметничкото друштво „Вук Караџиќ“ во Лозница. Ги поминав сите секции. Единствено не играв и тоа не го знам до ден-денес“, вели Кеба.

Тој додава дека неговите родители не знаеле за неговата пасија и раскажува за моментот кога татко му дознал дека веќе некое време настапува во кафани.

Криев од родителите, моите се разведоа кога имав пет години, но тоа нема врска. Не знаеја дека пеам. Еден ден пеев во кафеана и го гледам татко ми како влегува. Тој седна и почнав да ја пеам „Има денови кога не знам што да правам“, тој ја сака таа песна и поминав лесно тогаш, така некако се почна“, раскажува Кеба.

The post Кеба долго време криел од родителите дека пее по кафани: Искористил лукав трик за да се извади кога татко му дознал appeared first on Република.